Բաժիններ

Լրացուցիչ

Ընտրել լեզուն

Արկադի Անդրեասյան. «Մեր ջանքերն արժանի գնահատականի արժանացան։ Դա ամենակարևորն է»

1973 թվականի հոկտեմբերի 10-ին Երևանի «Արարատը» կարողացավ նվաճել ԽՍՀՄ գավաթը՝ կերտելով հայկական ֆուտբոլի տարեգրության ոսկետառ էջերից մեկը։ Այդ օրվանից 43 տարի անց լեգենդար այդ թիմի մի շարք անդամներ «Հրազդան» մարզադաշտի հարևանությամբ բացեցին իրենց նվիրված արձանախումբը, որը դեռ շատ սերունդների կհիշեցնի փառապանծ թիմի հոյակապ հաղթանակների մասին։

«Ոսկե Արարատի» խաղացող Արկադի Անդրիասյանը, որը այսօր էլ է աշխատում հանուն ակումբի բարօրության՝ հանդիսանալով «Արարատի» ներկայիս գլխավոր մարզիչը, միջոցառման ժամանակ պատասխանեց «Վիվառո Նյուզի» լրագրողի հարցերին։

– Այսօր բացվեց լեգենդար «Արարատ-73»-ին նվիրված արձանախումբը՝ Ձեր թիմակիցներից շատերի ներկայությամբ։ Ի՞նչ նշանակություն ունի այս օրը Ձեզ համար։

– Այդ թիմն իրավամբ լեգենդար էր։ Այսօրվա օրը մեզ համար շատ մեծ նշանակություն ունի, քանի որ արդեն կա մի վայր, որը գնահատականն է մեր աշխատանքի, մեր ֆուտբոլի, որը մարդկանց էր երջանկացնում, ու շատ հաճելի է, որ մեր ջանքերը արժանի գնահատականի արժանացան։ Դա ամենակարևորն է։

– Այսօր այստեղ էին ձեր լեգենդար թիմի մի շարք ֆուտբոլիստներ, որոնք ժամանակին մի ամբողջ ազգի կուռքն էին հանդիսանում։ Մարդիկ այսօր էլ հաճախ են համեմատում Հայաստանի հավաքականը այն օրերի «Արարատի» հետ։ Ըստ Ձեզ, ի՞նչն է պակասում այսօր հայկական ֆուտբոլին, որ կրկնվեն այն հաջողությունները, որոնք գրանցվել են խորհրդային տարիներին։

– Այս հարցին դժվար է կարճ պատասխան տալ, բայց, այնուամենայնիվ, կարծում եմ, որ ամեն մի մարդ պետք է ձգտում ունենա, որ իր հետևից բարի անուն թողնի, ու երբ բոլորի մոտ կլինի այդ ձգտումը, հնարավոր կլինի կրկնել այն հաջողությունները, որոնք մենք ենք ժամանակին հասել։ Կարծում եմ՝ ժամանակի ընթացքում բոլորը սա կհասկանան, ու մեր երկրպագուները նորից կկարողանան ուրախանալ հաջողություններով։

– Դուք վերադարձաք «Արարատ»՝ թիմին «վերակենդանացնելու» ու նորից Հայաստանի ուժեղագույն ակումբներից մեկը դարձնելու։ Ըստ Ձեզ, ինչքանով է իրատեսական «Արարատին» լավագույնների թվում տեսնելը, և ինքա՞ն ժամանակ կպահանջվի, մինչև ակումբը կվերականգնի իր նախկին կարգավիճակը։

– Կարծում եմ՝ պրոցեսն արդեն սկսվել է, ու մեր գործը շարունակություն կստանա։ Ակումբի ներկայիս սեփականատերերը արդեն հասկացել են, որ այստեղ պետք է ճիշտ մոտեցում ցուցաբերել, պրոֆեսիոնալիզմ ու խստապահանջություն դրսևորել։ Կարծում եմ՝ երկու-երեք տարի անց մենք կկարողանանք ուժեղ թիմ ունենալ։

– Այս տարի «Արարատը» իր խաղերն անցկացնում է «Հանրապետական» մարզադաշտում, այլ ոչ թե «Հրազդանում», որը տասնամյակներ շարունակ եղել է թիմի տունը։ Արդյո՞ք հնարավորություն կա, որ մոտ ապագայում թիմը նորից կվերադառնա «Հրազդան»։

– Սա մի քիչ բարդ հարց է, որին դժվար է պատասխանել։ Մեզ համար հիմա ամենակարևորը լավ թիմ ստեղծելն է։ Ունենք լավ մարզաբազա, մարզումային պրոցեսը լավ է ընթանում, ու մենք պետք է որակյալ ու երիտասարդ թիմ հավաքենք, որ մեծ նպատակների համար պայքարենք։

Հարցազրույցը՝ Գևորգ Լոռեցյանի


«Արարատը» պատասխանել է Նորայր Գրիգորյանի հայտարարությանը, թե ակումբը նրա աշխատավարձը չի վճարել

Տիգրան Ղարաբաղցյան. «Արարատն» այսօր ոչնչով չէր զիջում «Գանձասար-Կապանին»

Աշոտ Բարսեղյան. «Շատ ենք տեսել, որ թիմերն ամենավերջին պահին բաց են թողել չեմպիոնությունը»

«Արարատ» – «Գանձասար-Կապան»՝ 1-2. Կապանյան թիմն «Ալաշկերտին» արդեն զիջում է 3 միավորով

«Արարատ» – «Գանձասար-Կապան». Առաջին խաղակեսից հետո

«Արարատ» – «Գանձասար-Կապան». Հայտնի են թիմերի մեկնարկային կազմերը

Փոխվել է «Ալաշկերտ» – «Փյունիկ» հանդիպման անցկացման օրը

«Матч ТВ»-ի պատրաստած վավերագրական ֆիլմն «Արարատի» մասին (տեսանյութ)

Արկադի Անդրեասյան. «Արարատն» արդեն պատրաստ է պայքարելու բոլոր մրցակիցների հետ»

Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»

«Արարատը» 2-րդ անընդմեջ տնային հաղթանակն է տոնում

Ալբերտ Սաֆարյան. «Պետք է «Ալաշկերտի» մակարդակի թիմերի դեմ ավելի խելացի ֆուտբոլ ցուցադրել»

Աբրահամ Խաշմանյան. «Հուսով եմ՝ մեր ռիսկն արդարացրեց իրեն»

«Ալաշկերտ» – «Արարատ»՝ 3-1. Արտակ Եդիգարյանի դուբլն ու առաջատարի հերթական հաղթանակը

«Ալաշկերտ» – «Արարատ». Առաջին խաղակեսից հետո

«Ալաշկերտ» – «Արարատ». Թիմերի մեկնարկային կազմերը