Բաժիններ

Լրացուցիչ

Ընտրել լեզուն

Արամ Ոսկանյան. «Խաղից խաղ համագործակցությունը կբարելավվի»

Aram Voskanyan

Մարտի 15-ին և 17-ին Հայաստանի մինչև 19 տարեկանների հավաքականը երկու ընկերական հանդիպում անցկացրեց Սերբիայի մինչև 19 տարեկանների հավաքականի հետ: Այսօր կայացած հանդիպումից հետքո ՀՖՖ պաշտոնական կայքը հարցազրույց է ունեցել թիմի գլխավոր մարզիչ Արամ Ոսկանյանի հետ:

-Պարոն Ոսկանյան, Ձեր գլխավորությամբ հավաքականն անցկացրել է ընկերական 4 հանդիպում: Ընդհանուր առմամբ, ինչպե՞ս կգնահատեք այն ժամանակաշրջանը, ինչ դուք գլխավորում եք Հայաստանի մինչև 19 տարեկանների հավաքականը:
-Նախ ասեմ, որ ես ընդամենը 20 օր է, ինչ գլխավորում եմ հավաքականը: Առայժմ փորձարկումներ ենք անում, ուզում ենք հասկանալ, թե ֆուտբոլիստներից ով որ դիրքում ավելի լավ կարող է հանդես գալ: Սա այն տարիքն է, երբ ամեն ամիս կարող է աճ գրանցվել, և հենց այդ պատճառով ես միշտ ասում եմ խաղացողներին, որ փորձեն ավելի կատարելագործվեն: Ցանկալի է նաև, որ նրանք հանդես գան իրենց ակումբների առաջին թիմերում:

-Եթե խոսելու լինենք կոնկրետ խաղերի մասին, Ձեր կարծիքով ի՞նչն էր Վրաստանի հավաքականի կրած պարտությունների պատճառը:
-Խաղացողներից շատերի հնարավորություններին ծանոթ չէի, ընտելանալ էր պետք: Խաղերի երկրորդ խաղակեսերում մեծ թվով փոփոխություններ էինք անում, որպեսզի խաղալու հնարավորություն տանք բոլորին: Այնպես չէ, որ մեր թիմի կազմում բոլորը 19 տարեկան ֆուտբոլիստներ են, նույնիսկ 18 տարեկան ֆուտբոլիստներ չունեինք, բայց մենք գիտակցաբար ենք գնացել այդ քայլին՝ ընտրելով այնպիսի ֆուտբոլիստների, որոնք մասնակցելու են նոյեմբերին կայանալիք ընտրական մրցաշարին: Վրաստանը բավականին խաղակցված հավաքական ուներ, նրանք արդեն գրեթե կես տարի է, ինչ խաղում են նույն կազմով, դուրս են եկել էլիտ ռաունդ, իսկ մեր հավաքակականն այս կազմով ոչ մի րոպե չէր անցկացրել խաղադաշտում: Բնականաբար, եղան նաև սխալներ, որոնց վրա կաշխատենք և կձգտենք հնարավորինս լավ ներկայանալ պաշտոնական մրցաշարին:

– Ի՞նչ կասեք Սերբիայի հավաքականի հետ 2 հանդիպումների մասին:
Առաջին խաղում կրկին լավ ստացվեց առաջին խաղակեսը, կարողացանք արագորեն հավասարեցնել հաշիվը բաց թողած գոլից հետո, բայց երկրորդ խաղակեսում փոփոխություններից հետո թիմը չկարողացավ խաղալ նույն տեմպով և զիջեցինք առավելությունը: Իսկ այսօր, չնայած գոլ ընդունեցինք և մնացինք 10 հոգով, բայց թիմը հատկապես երկրորդ խաղակեսում շատ լավ ֆուտբոլ խաղաց: Դրվագներով ես տեսա այն, ինչ ուզում եմ և պահանջում եմ տեսնել: Ճիշտ է, հարձակման գծում դեռևս կա որոշակի անհամաձայնություն, բայց համագործակցությունը կբարելավվի խաղից խաղ: Իմ գլխավոր խնդիրը ամուր պաշտպանություն ունենալն է, որովհետև ժամանակակից ֆուտբոլում առանց լավ պաշտպանության հեռու չես գնա: Բացի դրանից, մենք ընդգրկվել ենք այնպիսի մրցակիցների հետ, որ մեզ համար դժվար կլինի նախաձեռնությամբ խաղալը: Կարող է լինեն այնպիսի իրավիճակներ, երբ մենք ստիպված լինենք խաղալ նաև հակագրոհների մարտավարությամբ: Ամեն դեպքում մեզ համար շատ կարևոր էին Սերբիայի հավաքականի դեմ խաղերը, քանի որ նրանց բոլոր ֆուտբոլիստները խաղում են իրենց ուժեղագույն լիգայում, որտեղ թե արագություններն են ուրիշ և թե մարտավարական պահանջները:


Հայաստանի Մ-19 հավաքականը երկրորդ խաղում ևս պարտության մատնեց Կիպրոսի ընտրանուն

Հայաստանի Մ-19 հավաքականն ավելացրած ժամանակի վերջին րոպեին հաղթել է Կիպրոսի ընտրանուն

Մ-19 հավաքականը կմեկնի Կիպրոս, իսկ Թուրքիայում հիշել են Բիչախչյանի մասին. Օրվա գլխավոր լուրերի քրոնիկոնը

Արտակ Օսեյանը «Փյունիկի» 9 և «Բանանցի» 10 ֆուտբոլիստների հրավիրել է Մ-19 հավաքական

Հայաստան Մ-19 3-4 Սլովակիա Մ-19. Հանդիպման բոլոր գոլերը և վտանգավոր դրվագները (տեսանյութ)

Հայաստանի Մ-19 հավաքականը չկարողացավ պահպանել հաղթական հաշիվը

Հայաստանի Մ-19 հավաքականը պարտություն կրեց Սլովակիայի ընտրանուց (տեսանյութ)

Արտակ Օսեյանը Մ-19 հավաքական է հրավիրել 28 ֆուտբոլիստների

Հայաստանի Մ-19 -Իտալիայի Մ-19. Մերոնք վերջին պահին բաց են թողնում միավորը

Արամ Ոսկանյան. «Չկարողացանք արագ գոլ խփել, ու մեր ծրագիրը ձախողվեց»

0-4. Հայաստանի Մ19 հավաքականը պարտությամբ սկսեց մրցաշարը

«Արսենալի» սկաուտը ներկա էր Հայաստան Մ19 – Շվեյցարիա Մ19 խաղին

Մ19. Հայաստանը պարտվում է առաջին կեսից հետո, թեև կարող էր հաղթողի դերում լինել

Հայտնի է Հայաստանի Մ-19 հավաքականի հայտացուցակը` Եվրոպայի առաջնության ընտրական մրցաշարի համար

Այսօր Հայաստանի Մ-19 հավաքականը սկսել է մարզական հավաքը

Հայաստանի Մ-19 հավաքականի մարզական հավաքին է հրավիրել 24 ֆուտբոլիստ