Լրացուցիչ

Ընտրել լեզուն

Արամ Ոսկանյան. «Շատ հաջող էր առաջին խաղակեսը. դժգոհ եմ միայն խաղավերջի 15 րոպեներից»

«Ալաշկերտի» գլխավոր մարզիչ Արամ Ոսկանյանը Բարձրագույն խմբի առաջնության 18-րդ տուրի՝ «Բանանցի» հետ հանդիպումից հետո (2-1) կայացած մամուլի ասուլիսում նշել է հետևյալը.

-Շատ հաջող առաջին խաղակես անցկացրինք՝ հաշվի առնելով թե՛ հաշիվը, թե՛ խաղի որակը, արագությունները: Երկրորդ խաղակեսի սկզբնամասում նույնպես հաջող գործեցինք, դիմում էինք պրեսինգի, որն իր արդյունքները տվեց: Ավելի դժգոհ եմ խաղավերջի 15 րոպեներից, երևի կապված էր փոփոխությունների հետ:

Նորեկների խաղն ինչպե՞ս կգնահատեք:

-Լավ եմ գնահատում, քանի որ Նենադովիչը գոլ հեղինակեց, իսկ Լեստերն էլ դարձավ գոլային փոխանցման հեղինակ: Բայց սա դեռ նրանց առավելագույնը չէ: Նրանք ունեն որակներ և արդեն մոտ ժամանակներս լիովին պատրաստ կլինեն:

Թիմում ներկայումս հարձակման գծի մեծ թվով ֆուտբոլիստներ են հավաքվել: Դա լրացուցիչ խնդիրներ չի՞ ստեղծի: 

-Մեզ համար յուրաքանչյուր ֆուտբոլիստ կարևոր է: Նրանցից բոլորն էլ խաղաժամանակ կստանան: Բոլոր խաղերում հանդես չենք գալու միևնույն մարտավարությամբ: Ունենք տարբեր ոճի ֆուտբոլիստներ, որոնց կփորձենք օգտագործել: Ինչ վերաբերում է խաղաժամանակին, ապա ամեն ինչ իրենցից է կախված: Պետք է ապացուցեն մարզումներով: Ով լավ մարզավիճակում եղավ, նա էլ կխաղա:

Առաջնության մեկնարկից առաջ նշել էիք, որ թիմում պետք է լինի հիմնական և պահեստային դարպասապահ: Այսօրվա խաղից կարո՞ղ ենք եզրակացնել, որ հիմնական դարպասապահը լինելու է Արսեն Բեգլարյանը: 

-Ոչ: Մեր թիմում մրցակցություն կա նաև այդ դիրքում: Պարզապես այսօր որոշեցինք վստահել Բեգլարյանին:

Խաղն ընթացավ արհեստական խոտածածկով խաղադաշտում: Դա խանգարե՞ց Ձեր թիմին հանդես գալ լավագույն կերպով: 

-Երկու թիմերի համար էլ խաղադաշտը նույնն էր: Ճիշտ է, «Բանանցն» ավելի շատ է մարզվել այստեղ, բայց դա մեծ ազդեցություն չունեցավ: Հնարավոր է՝ բնական խոտածածկի վրա ավելի լավ հանդես գանք, սակայն դա վճռորոշ գործոն չէ: Մենք էլ էինք սովոր դրան: Եթե համեմատենք ԱՄՆ-ի արհեստական խոտածածկով դաշտերի հետ, որտեղ մարզվում էինք, ապա մեր խաղադաշտերը շատ բարձր որակի են:

«Ալաշկերտը» հայկական թիմերի շրջանում վերջինն էր վերադարձել արտասահմանյան հավաքից, բայց այսօր թարմ տեսք ուներ: Ինչպե՞ս կբացատրեք դա: 

-Տղաները պրոֆեսիոնալ են: Ճիշտ է, երկար ճանապարհ անցանք, բայց մարզումների շնորհիվ լրացրինք այդ բացը: Ուրախ եմ, որ մինչ հաջորդ խաղը 8 օր ժամանակ ունենք: Պետք է լիովին համախմբենք թիմը, նորեկներն էլ հարմարվեն:

 


Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

Վարդան Բիչախչյան. «Արդեն աբսուրդի է վերածվում՝ գոլային պահերի գոնե 30%-ը չենք իրացնում»

«Շիրակ» – «Բանանց»՝ 1-0. «Ավանդույթի» պես՝ գյումրեցիները «Բանանցից» հաղթանակ կորզեցին խաղավերջում (տեսանյութ)

«Շիրակ» – «Բանանց». Առաջին խաղակեսից հետո (տեսանյութ)

«Շիրակ» – «Բանանց». Մեկնարկային կազմեր, ուղիղ հեռարձակում (տեսանյութ)

«Ալաշկերտ» – Փյունիկ»՝ 3-3. Գոլառատ ոչ-ոքի, որը կտրուկ սրեց չեմպիոնական պայքարը

«Ալաշկերտ» – «Փյունիկ». Ուղիղ հեռարձակում (տեսանյութ)

Դանիել Ստոյկովիչը՝ «Ալաշկերտում» իր նպատակների, հայերի և սերբերի նմանությունների ու «Դոկտոր» մականվան մասին

Փոխվել է «Ալաշկերտ» – «Փյունիկ» հանդիպման անցկացման օրը

Արկադի Անդրեասյան. «Արարատն» արդեն պատրաստ է պայքարելու բոլոր մրցակիցների հետ»

Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն

«Արարատը» 2-րդ անընդմեջ տնային հաղթանակն է տոնում

Արամ Ոսկանյան. «Թիմում պետք է լինեն միջին տարիքի հայ ֆուտբոլիստներ, ովքեր թիմին կտանեն իրենց հետևից, կլինեն առաջատարներ»

Արտակ Օսեյան. «Ափսոսանքի զգացում կա, որ չկարողացանք հաղթել»