Լրացուցիչ

Ընտրել լեզուն

Արամ Ոսկանյան. «Մրցակիցը պայքարում է չեմպիոնության, մենք՝ մեր պատվի համար»

«Բանանցի» գլխավոր մարզիչ Արամ Ոսկանյանը «Գանձասար-Կապանի» հետ ոչ-ոքիից հետո (0-0) կայացած մամուլի ասուլիսում խոսել է հանդիպման մասին.

-Շատ ծանր հանդիպում էր: Արժանի մրցակից էր: Պատահական չէ, որ 7 անընդմեջ հաղթանակ էին տոնել: Առաջին խաղակեսում ստիպված փոփոխություն կատարեցինք՝ դաշտից հանելով Արամ Բարեղամյանին: Դա միշտ դժվար է մարզչի համար, բայց նա նաև պետք է ճկուն լինի, կարողանա արագորեն որոշումներ կայացնել: Թիմի ավագին կորցնելն ունեցավ իր ազդեցությունը, սակայն նրան փոխարինած Կարեն Հարությունյանն էլ ակտիվ էր, հատկապես երկրորդ խաղակեսում:

Երկու թիմերն էլ ունեցան վտանգավոր պահեր: Մենք տարբեր նպատակներ ենք հետապնդում այս մրցաշրջանում: Մրցակիցը պայքարում է չեմպիոնության, մենք՝ մեր պատվի համար: Հասկանում էինք, որ պետք է լիներ այդ ճնշումը, և տղաները դիմադրեցին շատ հավասարակշռված: Խաղավերջում լավ պահ ունեցանք, կարող էինք գոլ խփել և հաղթանակ տանել:

Մրցակիցը մի պահ մեծ ճնշում էր գործադրում և մի քանի իրական պահեր ստեղծեց Ձեր թիմի դարպասի մոտ: Այդ պահին ինչպե՞ս էիք փորձում վերադասավորել թիմի պաշտպանությունը:

-Ասել եմ տղաներին, որ ֆուտբոլում երեք կարևոր գործոն կա՝ գնդակ, մրցակից և խաղընկեր: Այդ ժամանակ հասկանում էին, որ պետք է ճիշտ դասավորվել, դիմադրել և տեսնել գնդակի, մրցակցի ու խաղընկերների դիրքը: Դա նրանք լավ կատարեցին: Մի դրվագ եղավ, երբ մի քանի վայրկյանի ընթացքում միանգամից երեք հարված եղավ մեր դարպասին, և տղաները բոլորն էլ ընդունեցին իրենց վրա: Դա նախորդ խաղերում պակասել էր մեզ, նույն «Ալաշկերտի» հետ խաղում կամ «Փյունիկի» դեմ մրցավեճում Պետրոս Ավետիսյանի հարվածի ժամանակ:

Առջևում «Փյունիկի» դեմ գավաթային պատասխան խաղն է: Տղաներն այսօր շատ աշխատեցին, կհասցնե՞ն վերականգնվել մինչ այդ խաղը:

-Արդեն սկսել ենք վերականգնողական գործընթացը: Փառք Աստծո, շատ լավ պայմաններ ունենք: Մենք սկսում ենք այժմ և մեր գործը 12 ժամ առաջ ենք գցում: Եթե դա սկսեինք վաղն առավոտյան, ապա կուշանայինք: Այսօր նախատեսել էի որոշ ֆուտբոլիստների միայն մեկ խաղակես դաշտում թողնել, բայց խաղն այնպես դասավորվեց, որ դա չստացվեց անել: Ֆուտբոլն անկանխատեսելի է: Նույն Արամ Բարեղամյանը, ով փոխարինվեց, ֆիզիկապես հիանալի է պատրաստված, դա նրան բնությունից է տրված:

Այս ոչ-ոքին շատ կարևոր էր: Ռուսը լավ խոսք ունի՝ ամեն ինչ կորցրել ենք, բացի պատվից: Այսինքն, ոչ մի նպատակ չենք հետապնդում այս առաջնությունում, բայց տղաները պատվով են խաղում:

Կարելի՞ է համարել, որ «Փյունիկի» հետ առաջիկա խաղը լինելու է մրցաշրջանի գլխավոր հանդիպումը «Բանանցի» համար:

-Այո, որովհետև հասկանում ենք՝ «Փյունիկին» ընդամենը մեկ խաղ է պետք եվրոգավաթների ուղեգիր ձեռք բերելու համար, իսկ մեզ՝ երկու: Բայց տղաները լավ են տրամադրված, ունենք երեք օր և այս ընթացքում կորոշենք թե՛ կազմը, թե՛ մարտավարությունը:

«Բանանցը» հերթականությամբ մրցեց չեմպիոնության երեք հավակնորդների հետ: Որպես մասնագետ՝ ո՞ր թիմի խաղը Ձեզ վրա ավելի չեմպիոնական թիմի տպավորություն թողեց:

-Շատ բարդ է: Ինքներդ էլ տեսնում եք՝ ինչպիսի մրցավազք է: Շատ անկանխատեսելի է: Երեկ «Արարատը» հաղթեց «Փյունիկին», չնայած ես բազմիցս ասել եմ, որ «Արարատը» «նվեր» թիմ չէ: «Շիրակն» անկայուն սկսեց, բայց հիմա կարծես կայունացել է: «Ալաշկերտն» ինչ-որ չափով առավելություն ունի, քանի որ գավաթային խաղերին չի մասնակցում: Դա կարող է վճռորոշ դառնալ:


Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»

Արամ Ոսկանյան. «Թիմում պետք է լինեն միջին տարիքի հայ ֆուտբոլիստներ, ովքեր թիմին կտանեն իրենց հետևից, կլինեն առաջատարներ»

Արամ Ոսկանյան. «Չեմ թաքցնում՝ «Բանանցում» լինելու են լեգեոներ և տեղացի նոր ֆուտբոլիստներ»

Արամ Ոսկանյան. «Արդյունքը երկար սպասեցնել չի տա. եթե ֆուտբոլին նվիրվում ես ամբողջությամբ, այն փոխհատուցում է քեզ»

Արամ Ոսկանյան. «Կուրիոզ» գոլ բաց թողեցինք, բայց ֆուտբոլը նաև դրանով է հետաքրքիր, որ անկանխատեսելի է»

Արամ Հակոբյանն ու Արա Նիգոյանը միացել են «Բանանցի» մարզչական շտաբին

Արամ Ոսկանյան. «Կարիերայիս համար ավելի հարմար կլիներ մնալ «Ալաշկերտում», բայց…»

Արամ Ոսկանյան. «Բարդ է բաժանվել «Ալաշկերտից», բայց գտնում եմ՝ այս պահի համար ճիշտ քայլ եմ կատարել»

Լավագույնների պարգևատրումը և «Ալաշկերտի» մարզչական «քաոսը». Հայկական ֆուտբոլի գլխավոր լուրերի քրոնիկոնը

Ամպրոպ՝ անամպ երկնքում. Արամ Ոսկանյանը հեռացվել է «Ալաշկերտից», նրան փոխարինել է Աբրահամ Խաշմանյանը

Արամ Ոսկանյան. «Արարատը» դեռ շատ միավորներ կփախցնի մեր առաջնության մյուս թիմերից»

Արամ Ոսկանյան. «Շա՞տ էի հուշում իմ սաներին. չեմ կարծում՝ ֆուտբոլում կա թիմ, որի մարզիչը հուշումներ անելու կարիք չունի»

Արամ Ոսկանյան. «Շատ հաջող էր առաջին խաղակեսը. դժգոհ եմ միայն խաղավերջի 15 րոպեներից»

Արամ Ոսկանյան. «Առաջնահերթ խնդիրը չեմպիոնի տիտղոսը պահպանելն է»

«Ալաշկերտի» հերթական մարզչական փոփոխությունը. Արամ Ոսկանյանը՝ թիմի գլխավոր մարզիչ