Լրացուցիչ

Ընտրել լեզուն

Արամ Ոսկանյան. «Կարիերայիս համար ավելի հարմար կլիներ մնալ «Ալաշկերտում», բայց…»

«Բանանցի» գլխավոր մարզիչ Արամ Ոսկանյանն «Արարատի» նկատմամբ տոնած հաղթանակից հետո (2-1) հետևյալ կարծիքն է հայտնել խաղի մասին.

-Շնորհավորում եմ բոլորիս: Սա երկար սպասված հաղթանակ էր: Գիտեինք, որ դժվար է լինելու: Եթե թիմը երկար ժամանակ չի ունենում հաղթանակներ, առաջինը հոգեբանական առումով խնդիրներ են լինում: Կարծում եմ՝ այս հաղթանակից հետո ավելի հեշտ կլինի: Առաջին խաղակեսում մեծ ճնշում էինք գործադրում, կարողացանք գոլ խփել: Փորձում էինք կոմպակտ գործել, քանի որ գիտեինք՝ եթե «Արարատին» տարածություններ տանք, խնդիրներ կլինեն: Նրանց մի փոքր խորքից էինք դիմավորում:

Երկրորդ խաղակեսում լավ մեկնարկեցինք, գոլ խփեցինք, իսկ գոլ բաց թողեցինք մեր ֆուտբոլիստի փորձի պակասի պատճառով: Ինքներս ունեինք լավ պահեր, որոնք կարող էինք օգտագործել: Վերջնամասն ավելի լարված անցավ: Գոհ եմ տղաների աշխատանքից, նվիրվածությունից, բավական ագրեսիվ էին խաղում, ինչն ինձ համար առաջնային է: Ինքս ասել էի՝ պետք է ագրեսիվ խաղան:

Ակումբի ղեկավարությունն ի՞նչ խնդիրներ է դրել Ձեր առջև:

-Ընդամենը 5 օր է՝ այստեղ եմ: Հանդիպել եմ ղեկավարների հետ: Առաջին հերթին, հաղթանակ էր հարկավոր, կարևոր չէ՝ կլիներ գավաթում, թե առաջնությունում: Ճիշտ է, բոլոր շանսերը կորցրել ենք 4-րդ տեղում հայտնվելու համար, բայց այս հաղթանակը հոգեբանական առումով շատ կարևոր էր: Մի քանի օրից գավաթային հանդիպում ունենք, իսկ սա կնպաստի, որ այն անցկացնենք դրական հույզերով:

Ո՞րն էր «Ալաշկերտից» հեռանալու և այս ակումբին միանալու գլխավոր շարժառիթը: 

-Նախ շատ շնորհակալ եմ «Ալաշկերտի» ղեկավարությանը, նրանք ինձ ընդառաջեցին: Ինձ համար էլ հեշտ չէր այդ որոշումը կայացնելը, քանի որ լավ կոլեկտիվ էինք ստեղծել իրար հետ: Տղաներն այնտեղ ավելի փորձառու են, քան այստեղ: «Բանանցի» ղեկավարների հետ միշտ ջերմ հարաբերություններ եմ ունեցել, նույնիսկ այն ժամանակ, երբ հեռանում էի ակումբից: Եղավ առաջարկ՝ ավելի երկարատև ծրագրով: Այստեղ ես ոչ միայն թիմի գլխավոր մարզիչն եմ, այլև ամբողջ ակումբի թիմերի աշխատանքն եմ համակարգում: Այստեղ ինձ ամեն ինչ քաջ ծանոթ է: Իմ կարիերայի համար շատ ավելի հարմար կլիներ մնալ «Ալաշկերտում», տիտղոս նվաճել, բայց կոնկրետ այս պահին, կարծում եմ, ճիշտ որոշում եմ կայացրել:

«Ալաշկերտի» ներկայիս գլխավոր մարզիչ Աբրահամ Խաշմանյանը երեկվա խաղից հետո նշել էր, որ թիմը Ձեր գլխավորությամբ 3 խաղերում «կանգնած» թիմերի էր հաղթել, և ֆուտբոլիստները ֆունկցիոնալ վատ վիճակում են: Այդ հայտարարությունն անակնկալ չէ՞ր Ձեզ համար:

-Չեմ ցանկանա քննարկել այդ հարցը: Իհարկե, ցավալի է, որ երեկ պարտվել են, շատ կուզեի, որ հաղթեին: Բայց ամեն մեկն իր կարծիքն ունի, չէի ցանկանա անդրադառնալ:

Ակումբը շարունակելո՞ւ է վստահել սեփական կադրերին, թե՞ կարող ենք շուտով լեգեոներներ տեսնել թիմում: 

-Առաջին օրն էլ բոլոր ֆուտբոլիստներին ասել եմ, որ չեմ եկել որևէ մեկին հեռացնելու կամ կտրուկ փոփոխություններ կատարելու: Դեռ ժամանակ կա մինչ առաջնության ավարտը, և կմտածենք, թե ինչ կանենք հաջորդ մրցաշրջանից առաջ: Ակումբի ղեկավարությունն արդեն խնդիր դրել է կազմել նախապատրաստական ծրագիր, բայց եկեք չշտապենք: Առջևում գավաթի խաղարկությունն է. եթե հաղթենք, ապա ծրագիրը կփոխվի: Թիմում կլինեն մի քանի լեգեոներներ, բայց հիմնվելու ենք տեղի կադրերի վրա: Եթե նրանց կողքին լինեն որակյալ լեգեոներներ, երիտասարդները ավելի կարճ ժամկետում կառաջադիմեն:


Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»

Արամ Ոսկանյան. «Թիմում պետք է լինեն միջին տարիքի հայ ֆուտբոլիստներ, ովքեր թիմին կտանեն իրենց հետևից, կլինեն առաջատարներ»

Արամ Ոսկանյան. «Չեմ թաքցնում՝ «Բանանցում» լինելու են լեգեոներ և տեղացի նոր ֆուտբոլիստներ»

Արամ Ոսկանյան. «Մրցակիցը պայքարում է չեմպիոնության, մենք՝ մեր պատվի համար»

Արամ Ոսկանյան. «Արդյունքը երկար սպասեցնել չի տա. եթե ֆուտբոլին նվիրվում ես ամբողջությամբ, այն փոխհատուցում է քեզ»

Արամ Ոսկանյան. «Կուրիոզ» գոլ բաց թողեցինք, բայց ֆուտբոլը նաև դրանով է հետաքրքիր, որ անկանխատեսելի է»

Արամ Հակոբյանն ու Արա Նիգոյանը միացել են «Բանանցի» մարզչական շտաբին

Արամ Ոսկանյան. «Բարդ է բաժանվել «Ալաշկերտից», բայց գտնում եմ՝ այս պահի համար ճիշտ քայլ եմ կատարել»

Լավագույնների պարգևատրումը և «Ալաշկերտի» մարզչական «քաոսը». Հայկական ֆուտբոլի գլխավոր լուրերի քրոնիկոնը

Ամպրոպ՝ անամպ երկնքում. Արամ Ոսկանյանը հեռացվել է «Ալաշկերտից», նրան փոխարինել է Աբրահամ Խաշմանյանը

Արամ Ոսկանյան. «Արարատը» դեռ շատ միավորներ կփախցնի մեր առաջնության մյուս թիմերից»

Արամ Ոսկանյան. «Շա՞տ էի հուշում իմ սաներին. չեմ կարծում՝ ֆուտբոլում կա թիմ, որի մարզիչը հուշումներ անելու կարիք չունի»

Արամ Ոսկանյան. «Շատ հաջող էր առաջին խաղակեսը. դժգոհ եմ միայն խաղավերջի 15 րոպեներից»

Արամ Ոսկանյան. «Առաջնահերթ խնդիրը չեմպիոնի տիտղոսը պահպանելն է»

«Ալաշկերտի» հերթական մարզչական փոփոխությունը. Արամ Ոսկանյանը՝ թիմի գլխավոր մարզիչ