Լրացուցիչ

Ընտրել լեզուն

Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

«Բանանցի» գլխավոր մարզիչ Արամ Ոսկանյանը «Շիրակից» կրած պարտությունից հետո (0-1) հետևյալ կարծիքն է հայտնել խաղի վերաբերյալ.

-Շնորհավորում եմ «Շիրակին»: Գիտակցում էինք, որ Գյումրիում բարդ հանդիպում է լինելու: Մեկ ամսում երկրորդ անգամ խաղացինք այստեղ: Առաջին խաղակեսում ճնշումը մեծ էր մրցակցի կողմից, նրանք ունեցան գոլային պահեր, իսկ մենք եթե գրոհներին ճիշտ ուղղություն տայինք, նույնպես ավելի սուր կլինեինք: Ամեն դեպքում, Հովհաննես Իլանգյոզյանն ունեցավ իր պահը, երբ լավ չկասեցրեց գնդակը, այլապես մեն-մենակ կմնար դարպասապահի դիմաց:

«Շիրակն» ակտիվ սկսեց երկրորդ կեսը, ինչը հաշիվն էր թելադրում: Մենք երկու գոլային պահ ունեցանք, որոնք ստեղծեցին Վահագն Այվազյանն ու Նորայր Գյոզալյանը: Եթե դրանք օգտագործեինք, խաղը լրիվ այլ ընթացք կունենար: Գոլի դրվագում հիանալի խաղաց Արամ Հայրապետյանը, պարզապես նրա՝ գնդակը հետ մղելուց հետո ճիշտ չարձագանքեցինք: Տղաներն այսօր խաղացին մեծ նվիրումով:

«Արարատի» հետ խաղի համեմատ մեկնարկային կազմում 6 փոփոխություն էիք կատարել: Դա ինչո՞վ էր պայմանավորված:

-Դա լավ կյանից չէ: Բազմաթիվ վնասվածքներ ունենք, կան խաղացողներ, ովքեր արդեն պետք է ապաքինվեն: Որպես մարզչի՝ ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն: Նրանցից 4-5-ը փորձառու տղաներ են, ովքեր շատ մեծ օգուտ կտային: Բայց մենք չենք ընկճվում: Այսօր մեկնարկային կազմում էին 19-20 տարեկան 4-5 ֆուտբոլիստներ: Հաշվի առնելով նրանց խաղային փորձը՝ նրանք այսօր բավական լավ հանդես եկան:

Իսկ վնասվածք ունեցող խաղացողները շարք կվերադառնա՞ն մինչ այս մրցաշրջանի ավարտը: 

-Կան ֆուտբոլիստներ, որ թե դժվար թե վերադառնան, բայց կան նաև խաղացողներ, ովքեր գուցե կարողանան օգտակար լինել վերջին խաղերում: Օրինակ՝ Նենադ Ինյացը փոքր վնասվածք ուներ, որոշեցինք ռիսկի չդիմել, որպեսզի չխորանա վնասվածքը:

Այսօր ամբողջ խաղի ընթացքում հաջողությամբ պաշտպանվեցիք, բայց խաղավերջում գոլ բաց թողեցիք: Դրա վերաբերյալ ի՞նչ կասեք:

-Եթե նայենք «Շիրակի» ելույթներին այս առաջնությունում, ապա այդ թիմը շատ թիմերի է հաղթել 1-0 հաշվով: Կրկնում եմ՝ մենք նոր թիմ ենք, ամեն ինչ պետք է կառուցենք պաշտպանությունից: Վերջին խաղերում թիմային պաշտպանությունից գոհ եմ: 4 խաղերից 2-ում անառիկ ենք պահել սեփական դարպասը: Այդ առումով առաջընթաց կա, բայց միայն պաշտպանությունով շատ բարդ է: Մյուս բաների համար էլ ժամանակ է պետք, մեկ ամիսը շատ քիչ է: Մանավանդ, որ անընդհատ ստիպված ենք փոփոխել կազմը:


Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»

Արամ Ոսկանյան. «Թիմում պետք է լինեն միջին տարիքի հայ ֆուտբոլիստներ, ովքեր թիմին կտանեն իրենց հետևից, կլինեն առաջատարներ»

Արամ Ոսկանյան. «Չեմ թաքցնում՝ «Բանանցում» լինելու են լեգեոներ և տեղացի նոր ֆուտբոլիստներ»

Արամ Ոսկանյան. «Մրցակիցը պայքարում է չեմպիոնության, մենք՝ մեր պատվի համար»

Արամ Ոսկանյան. «Արդյունքը երկար սպասեցնել չի տա. եթե ֆուտբոլին նվիրվում ես ամբողջությամբ, այն փոխհատուցում է քեզ»

Արամ Ոսկանյան. «Կուրիոզ» գոլ բաց թողեցինք, բայց ֆուտբոլը նաև դրանով է հետաքրքիր, որ անկանխատեսելի է»

Արամ Հակոբյանն ու Արա Նիգոյանը միացել են «Բանանցի» մարզչական շտաբին

Արամ Ոսկանյան. «Կարիերայիս համար ավելի հարմար կլիներ մնալ «Ալաշկերտում», բայց…»

Արամ Ոսկանյան. «Բարդ է բաժանվել «Ալաշկերտից», բայց գտնում եմ՝ այս պահի համար ճիշտ քայլ եմ կատարել»

Լավագույնների պարգևատրումը և «Ալաշկերտի» մարզչական «քաոսը». Հայկական ֆուտբոլի գլխավոր լուրերի քրոնիկոնը

Ամպրոպ՝ անամպ երկնքում. Արամ Ոսկանյանը հեռացվել է «Ալաշկերտից», նրան փոխարինել է Աբրահամ Խաշմանյանը

Արամ Ոսկանյան. «Արարատը» դեռ շատ միավորներ կփախցնի մեր առաջնության մյուս թիմերից»

Արամ Ոսկանյան. «Շա՞տ էի հուշում իմ սաներին. չեմ կարծում՝ ֆուտբոլում կա թիմ, որի մարզիչը հուշումներ անելու կարիք չունի»

Արամ Ոսկանյան. «Շատ հաջող էր առաջին խաղակեսը. դժգոհ եմ միայն խաղավերջի 15 րոպեներից»

Արամ Ոսկանյան. «Առաջնահերթ խնդիրը չեմպիոնի տիտղոսը պահպանելն է»

«Ալաշկերտի» հերթական մարզչական փոփոխությունը. Արամ Ոսկանյանը՝ թիմի գլխավոր մարզիչ