Լրացուցիչ

Ընտրել լեզուն

Արամ Ոսկանյան. «Չկարողացանք արագ գոլ խփել, ու մեր ծրագիրը ձախողվեց»

Արամ Ոսկանյան

Մ19 Եվրոպայի առաջնության ընտրական փուլում Շվեյցարիայից կրած պարտությունից հետո Հայաստանի հավաքականի մարզիչ Արամ Ոսկանյանը խոսեց խաղի մասին.

– Լավ ուսումնասիրել էինք Շվեյցարիայի հավաքականին ու հասկանում էինք, որ այս մակարդակի թիմի դեմ շատ գոլային պահեր չէինք կարող ստեղծել: Մեր ծրագիրն էր արագ գոլ խփել ու սպասել, որ մրցակիցը առաջ շարժվի և բաց տարածություններ թողնի խաղադաշտում: Ունեցանք պահեր, բայց գոլ չխփեցինք, ինչից որ վախենում էինք, եղավ` նրանք գոլ խփեցին ստանդարտ իրավիճակից: Ցավոք, մեր հիվանդություններից մեկն է կենտրոնացման պակասը, ու երկու գոլ բաց թողեցինք: Ունեցանք հաշիվը կրճատելու հնարավորություն խաղակեսի վերջում, բայց կրկին չիրացրեցինք: Այսպիսի մակարդակի թիմերի դեմ բոլոր պահերը պետք է օգտագործել:

– Ինչու մեկնարկային կազմում չէին ընդգրկվել Վահան Բիչախչյանն ու Էդգար Մովսեսյանը, ովքեր շատ ակտիվ էին երկրորդ կեսում:

– Հենց դրա համար էինք պահել նրանց: Մի քանի ստուգողական խաղերում փորձարկել էինք, ու նրանք խաղասկզբում դաշտ մտնելիս այն օգուտը չէին տալիս, ինչ փոխարինման դուրս գալիս: Առաջին կեսում 3 կենտրոնական պաշտպանով էինք խաղում, երկրորդ կեսում փոխվեցինք 4 պաշտպանի և նրանց խաղալու հնարավորություն տվեցինք: Բայց չէի ասի, որ նրանք իրենց հնարավորությունների չափով խաղացին, ավելի թույլ խաղացին:

– Ինչ եք ակնկալում առաջիկա երկու հանդիպումներից:

– Իտալիայի հավաքականը խաղում է կլասիկ իտալական ֆուտբոլ, ու նրանց համար հատուկ մարտավարություն ենք մշակելու: Անհատական որակներով մենք զիջում ենք, դրա համար պետք է կոլեկտիվ խաղ խաղանք: Կարծում եմ` պետք է հակագրոհներով խաղանք, քանի որ այս պահին մենք չենք կարող առաջին համարով հանդես գալ: Իսկ Հունգարիայի հավաքականը մակարդակով շատ քիչ է տարբերվում մյուս մրցակիցներից: Ընդհանրապես, մեր ազգի մոտ միշտ թյուր կարծիք կա, որ եվրոպացիներն ինչ-որ այլմոլորակայիններ են: Իհարկե, այլ դպրոց են անցել, բայց նրանք շատ չեն տարբերվում մեզնից:

– Դարպասապահը անվստահ էր գործում, արդյոք պլանավորում եք փոփոխություն կատարել:

– Ոչ: Ճիշտ եք, անվստահություն կար Նիկոլաո Մելիքյանի գործողություններում, բայց նա շատ մեծ պոտենցիալ ունեցող դարպասապահ է ու նրան մեծ ապագա է սպասվում: Հաշվի առնենք, որ նա ընդամենը 17 տարեկան է: Մենք պետք է վստահենք նրան, խրախուսենք, որպեսզի վստահություն ձեռք բերի: Նա սխալվեց միայն 3-րդ գնդակի դրվագում, իսկ մնացած դեպքերում նա մեղք չուներ: Բացի այդ, շատ լավ խաղում է գնդակով: Հաջորդ խաղում նա է խաղալու:


Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»

Արամ Ոսկանյան. «Թիմում պետք է լինեն միջին տարիքի հայ ֆուտբոլիստներ, ովքեր թիմին կտանեն իրենց հետևից, կլինեն առաջատարներ»

Արամ Ոսկանյան. «Չեմ թաքցնում՝ «Բանանցում» լինելու են լեգեոներ և տեղացի նոր ֆուտբոլիստներ»

Արամ Ոսկանյան. «Մրցակիցը պայքարում է չեմպիոնության, մենք՝ մեր պատվի համար»

Արամ Ոսկանյան. «Արդյունքը երկար սպասեցնել չի տա. եթե ֆուտբոլին նվիրվում ես ամբողջությամբ, այն փոխհատուցում է քեզ»

Արամ Ոսկանյան. «Կուրիոզ» գոլ բաց թողեցինք, բայց ֆուտբոլը նաև դրանով է հետաքրքիր, որ անկանխատեսելի է»

Արամ Հակոբյանն ու Արա Նիգոյանը միացել են «Բանանցի» մարզչական շտաբին

Արամ Ոսկանյան. «Կարիերայիս համար ավելի հարմար կլիներ մնալ «Ալաշկերտում», բայց…»

Արամ Ոսկանյան. «Բարդ է բաժանվել «Ալաշկերտից», բայց գտնում եմ՝ այս պահի համար ճիշտ քայլ եմ կատարել»

Լավագույնների պարգևատրումը և «Ալաշկերտի» մարզչական «քաոսը». Հայկական ֆուտբոլի գլխավոր լուրերի քրոնիկոնը

Ամպրոպ՝ անամպ երկնքում. Արամ Ոսկանյանը հեռացվել է «Ալաշկերտից», նրան փոխարինել է Աբրահամ Խաշմանյանը

Արամ Ոսկանյան. «Արարատը» դեռ շատ միավորներ կփախցնի մեր առաջնության մյուս թիմերից»

Արամ Ոսկանյան. «Շա՞տ էի հուշում իմ սաներին. չեմ կարծում՝ ֆուտբոլում կա թիմ, որի մարզիչը հուշումներ անելու կարիք չունի»

Արամ Ոսկանյան. «Շատ հաջող էր առաջին խաղակեսը. դժգոհ եմ միայն խաղավերջի 15 րոպեներից»

Արամ Ոսկանյան. «Առաջնահերթ խնդիրը չեմպիոնի տիտղոսը պահպանելն է»