Լրացուցիչ

Ընտրել լեզուն

Արամ Ոսկանյան. «Չեմ թաքցնում՝ «Բանանցում» լինելու են լեգեոներ և տեղացի նոր ֆուտբոլիստներ»

«Բանանցի» գլխավոր մարզիչ Արամ Ոսկանյանը Հայաստանի գավաթի խաղարկության կիսաեզրափակիչ՝ «Փյունիկի» հետ պատասխան հանդիպումից հետո (0-1) կայացած մամուլի ասուլիսում նշել է հետևյալը.

-Շնորհավորում եմ «Փյունիկին» եզրափակիչ դուրս գալու կապակցությամբ: Տիպիկ գավաթային խաղ էր: Վերջում ռիսկային ֆուտբոլ էինք խաղում, մնացել էինք 10 հոգով: Կողքից տպավորություն էր, որ թիմը 10 հոգով շատ ավելի աշխույժ էր գործում, քան ամբողջական կազմով: Տղաներին երևի ինչ-որ չափով խանգարեց մեծ ցանկությունը և լարվածությունը: Դժգոհ ենք, որ Եվրոպա դուրս չեկանք: Բայց, կյանքում պահ է լինում, երբ մեկ քայլ հետ ես կատարում, որպեսզի հետո երեք քայլ առաջ կատարես: Հասկանում եմ՝ ակումբի ղեկավարությունը ջանք չէր խնայել, որպեսզի դուրս գանք Եվրոպա, բայց հետագայի համար այսպես կարող է ավելի լավ լինել: Ժամանակը ցույց կտա:

«Բանանցն» առաջնության մնացած հատվածում մրցաշարային խնդիր լուծելու հնարավորություն չունի: Ինչպե՞ս եք անցկացնելու մնացած հատվածը: 

-Շատ կարևոր շրջան է այն ֆուտբոլիստների համար, ովքեր հիմա թիմում են: Չեմ թաքցնում՝ լինելու են նոր ֆուտբոլիստներ, այդ թվում՝ լեգեոներներ, նաև տեղացի խաղացողներ: Սա թիմի ֆուտբոլիստների համար իրենց ցույց տալու լավ հնարավորություն է: Մենք պետք է հասկանանք, թե ում հետ կարող ենք շարունակել աշխատել: Բոլորին էլ արդեն շանս տվել եմ, բայց էլի տալու ենք մնացած խաղերում ու անելու հետևություններ:

Նախորդ գլխավոր մարզիչ Արթուր Ոսկանյանը նշում էր, որ Նենադ Ինյացին ժամանակ է պետք՝ թիմակիցներին խաղադաշտում լավ հասկանալու համար: Արդեն բավական ժամանակ է անցել: Այդ շրջանն արդեն ավարտվա՞ծ եք համարում, թե՞ դեռ ոչ: 

-Նա գոլեր խփեց թե՛ «Արարատի» հետ, և թե՛ գավաթային խաղում: Բայց երեք օր առաջ խաղ էինք ունեցել, և դա ամենաշատն ազդեց հենց նրա վրա: Արդեն երիտասարդ չէ, 31 տարեկան է և վերականգնվելու հետ խնդիրներ եղան, դրա համար էլ նրա մոտ խոտանը մեծ էր: Ինչ վերաբերում է համագործակցությանը, ապա այդ կարգի ֆուտբոլիստներին պետք է շատ փոխանցումներ կատարել եզրերից, բայց մենք այժմ այդտեղ կրեատիվ չենք գործում:

Իսկ նա այն ֆուտբոլիստներից չէ, որ շրջանցի 4-5 ֆուտբոլիստի. Ինյացն ընդամենը եզրափակող է տուգանային հրապարակում: Եթե նրան լավ փոխանցումներ կատարեն, իսկ Նենադն էլ գոլ չխփի, այդ ժամանակ արդեն մտածելու տեղիք կունենանք: Համենայն դեպս, նա լեգեոներ է և պետք է տարբերվի տեղացիներից, արդյունավետ գործի: Նախորդ խաղերից երկուսում դա հաջողվեց, իսկ այսօր մրցակիցը մեծ ճնշում էր գործադրում անձամբ նրա վրա:

Արամ Բարեղամյանը վնասվածքի պատճառով հայտավորված չէր խաղին: Նա ինչպիսի՞ վիճակում է: 

-Դեռ թարմ է վնասվածքը: Կարծում եմ՝ մոտ 2-3 շաբաթ է հարկավոր խաղադաշտ վերադառնալու համար:

Այսօր մի քանի դրվագ եղավ, երբ դարպասապահ Արամ Հայրապետյանը ստանում էր գնդակը և մի քանի վայրկյան չէր կողմնորոշվում, թե ում փոխանցեր գնդակը: Դա մրցակցի պրեսինգը չհաղթահարելու պատճառո՞վ էր: 

-Այդքան էլ կապված չէր մրցակցի պրեսինգի հետ: Դա առաջին կեսում էր, քամուն հակառակ էինք խաղում, 1-2 փոխանցում սխալ կատարեց և փորձում էր ավելի ապահով գործել: «Փյունիկի» համար ավելի հեշտ էր, որովհետև նախաձեռնողի դերում մենք պետք է լինեինք, նրանք ավելի շատ սպասում էին, ինչը հաշիվն էր թելադրում:

Խոսեցիք եղանակի մասին: Երկրորդ կեսում արևը «խփում» էր անմիջապես մրցակցի դարպասապահի աչքերին, նա մի քանի դրվագում երկրորդ փորձից էր որսում գնդակը: Ինչո՞ւ թիմը չէր փորձում ավելի շատ հեռահար հարվածներ կատարել: 

-Որովհետև մեր թիմի ֆուտբոլիստներն ավելի «միամիտ» են, քան «Փյունիկի» խաղացողները: Նրանք ավելի շուտ են կողմնորոշվում: Ճիշտ եք նկատել, մեր ֆուտբոլիստները պետք է ավելի հնարամիտ լինեն, կարդան խաղը: Խորամանկությունը պակասում է: Մեզ մոտ այս պահին գլխավոր խնդիրը գնդակ խլելու որակն է:

Հակոբ Հակոբյանն արդեն երկրորդ խաղն է, ինչ փոխարինման է մտնում: Նա դեռ պատրաստ չէ՞ հայտնվելու մեկնարկային կազմում: 

-Ես գիտեմ, որ նրա մոտ նույն վնասվածքը կրկնվել է երեք անգամ, և դրա համար էլ ռիսկի չեմ դիմում: Նա շատ հեռանկարային ֆուտբոլիստ է, ես մեծ հույսեր եմ կապում նրա հետ, և եթե վնասվածքը կրկնվի, ապա մեծ խնդիրներ կունենա: Այսօր ավելի շատ խաղաց, քան նախորդ մրցավեճում, ապագայում ավելի շատ խաղաժամանակ կհատկացնենք: Որակական առումով էլ տարբերությունն ակնհայտ էր:


Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»

Արամ Ոսկանյան. «Թիմում պետք է լինեն միջին տարիքի հայ ֆուտբոլիստներ, ովքեր թիմին կտանեն իրենց հետևից, կլինեն առաջատարներ»

Արամ Ոսկանյան. «Մրցակիցը պայքարում է չեմպիոնության, մենք՝ մեր պատվի համար»

Արամ Ոսկանյան. «Արդյունքը երկար սպասեցնել չի տա. եթե ֆուտբոլին նվիրվում ես ամբողջությամբ, այն փոխհատուցում է քեզ»

Արամ Ոսկանյան. «Կուրիոզ» գոլ բաց թողեցինք, բայց ֆուտբոլը նաև դրանով է հետաքրքիր, որ անկանխատեսելի է»

Արամ Հակոբյանն ու Արա Նիգոյանը միացել են «Բանանցի» մարզչական շտաբին

Արամ Ոսկանյան. «Կարիերայիս համար ավելի հարմար կլիներ մնալ «Ալաշկերտում», բայց…»

Արամ Ոսկանյան. «Բարդ է բաժանվել «Ալաշկերտից», բայց գտնում եմ՝ այս պահի համար ճիշտ քայլ եմ կատարել»

Լավագույնների պարգևատրումը և «Ալաշկերտի» մարզչական «քաոսը». Հայկական ֆուտբոլի գլխավոր լուրերի քրոնիկոնը

Ամպրոպ՝ անամպ երկնքում. Արամ Ոսկանյանը հեռացվել է «Ալաշկերտից», նրան փոխարինել է Աբրահամ Խաշմանյանը

Արամ Ոսկանյան. «Արարատը» դեռ շատ միավորներ կփախցնի մեր առաջնության մյուս թիմերից»

Արամ Ոսկանյան. «Շա՞տ էի հուշում իմ սաներին. չեմ կարծում՝ ֆուտբոլում կա թիմ, որի մարզիչը հուշումներ անելու կարիք չունի»

Արամ Ոսկանյան. «Շատ հաջող էր առաջին խաղակեսը. դժգոհ եմ միայն խաղավերջի 15 րոպեներից»

Արամ Ոսկանյան. «Առաջնահերթ խնդիրը չեմպիոնի տիտղոսը պահպանելն է»

«Ալաշկերտի» հերթական մարզչական փոփոխությունը. Արամ Ոսկանյանը՝ թիմի գլխավոր մարզիչ