Լրացուցիչ

Ընտրել լեզուն

Արամ Ոսկանյան. «Բարդ է բաժանվել «Ալաշկերտից», բայց գտնում եմ՝ այս պահի համար ճիշտ քայլ եմ կատարել»

«Բանանցի» գլխավոր մարզչի պաշտոնում է նշանակվել 41-ամյա մասնագետ Արամ Ոսկանյանը: Արամ Ոսկանյանի մարզչական շտաբում կընդգրկվեն իր օգնական Մանուկ Սարգսյանն ու դարպասապահների մարզիչ Տիգրան Ասլանյանը, ինչպես նաև ևս երկու մարզիչ «Բանանցի» համակարգից, հաղորդում է ակումբի պաշտոնական կայքը:

Մինչ այդ փոխադարձ համաձայնությամբ խզվել է «Բանանցի» արդեն նախկին գլխավոր մարզիչ Արթուր Ոսկանյանի հետ պայմանագիրը: «Բանանց» ֆուտբոլային ակումբը շնորհակալություն է հայտնում Արթուր Ոսկանյանին համատեղ աշխատանքի համար և հաջողություններ է մաղթում հետագա կարիերայի ընթացքում:

Արամ Ոսկանյանը 2015 թվականին մի քանի ամսով գլխավորել է «Բանանցը», ապա եղել է Տիտո Ռամալյոյի օգնականը: Մինչև «Բանանց» վերադառնալն Արամ Ոսկանյանն «Ալաշկերտի» գլխավոր մարզիչն էր: Մարտի 27-ին «Բանանցն» մարզվել է արդեն Արամ Ոսկանյանի գլխավորությամբ:

«Բանանցի» նորանշանակ գլխավոր մարզիչ Արամ Ոսկանյանը պատասխանել է ակումբի պաշտոնական կայքի հարցերին:

– Բարի վերադարձ «Բանանց»: Ինչպե՞ս ստացվեց, որ կրկին գլխավորեցիք «Բանանցը»:
– Ես լավ հարաբերություններ էի պահպանել ակումբի ղեկավարության հետ: Միշտ կապի մեջ էինք և շփվում էինք: Ստացվեց առաջարկ «Բանանցից» և հաշվի առնելով այն, որ աշխատել եմ «Բանանցում», մեծ փորձ եմ ձեռք բերել՝ նաև աշխատելով իսպանացի մասնագետների հետ, որոշում կայացրեցի տեղափոխվել «Բանանց»: Պետք է նշեմ, որ շատ դժվար որոշում էր, քանի որ «Ալաշկերտում» ինձ շատ լավ են վերաբերվել թե՛ ղեկավարությունը, թե՛ ֆուտբոլիստները: Շատ լավ կոլեկտիվ էինք ստեղծել: Կոնկրետ այս փուլի համար առաջին տեղ դուրս գալու խնդիր էր դրված և դա կատարել էինք: Գիտեմ, որ ֆուտբոլում մարզիչները հեռանում են հիմնականում վատ արդյունքների պատճառով, բայց լինում են նաև տեղափոխություններ այն ժամանակ, երբ ամեն ինչ լավ է ընթանում: Խոսեցի «Ալաշկերտի» նախագահ Բագրատ Նավոյանի հետ: Բնականաբար մեծ դժվարությամբ, բայց նա ընդառաջեց ինձ՝ հասկանալով, որ «Բանանցն» ինձ համար շատ հոգեհարազատ թիմ է եղել:

– Մրցաշարային աղյուսակում «Բանանցի» գործերը հաջող չեն ընթանում: Այդ գործոնը չխանգարե՞ց որոշում կայացնելուց:
– Իհարկե, բայց ամեն ինչ կախված է նրանից, թե ինչ խնդիր ես լուծելու: Եթե ակումբից առաջարկ ես ստանում, հասկանում ես, թե արդյոք այդ խնդիրները իրատեսական են, նպատակային, թե հեռանկարային: Այդ մի քանի գործոնները հաշվի առնելով որոշում ես կայացնում: Բնականաբար, բարդ է բաժանվել առաջին տեղում գտնվող թիմից, առավել ևս որ շատ լավ մերվել էինք կոլեկտիվի հետ: Որոշում կայացնելը դժվարացնում էր նաև այն, որ երեք հաղթանակներից հետո չեմպիոնությունն ավելի իրատեսական էր դարձել: Չնայած նրան, որ որոշումը դժվար էր գտնում եմ, որ այս պահի համար ճիշտ քայլ եմ կատարել:

– Այսօր առաջին մարզումն անցկացրեցիք «Բանանց» վերադառնալուց հետո: Որքանո՞վ էր փոխվել թիմը ձեր հեռանալուց հետո:
– Ֆուտբոլիստները քանակով քիչ էին, քանի որ մի քանի հոգի վնասվածք ունի: Որքան շուտ ապաքինվեն, այնքան լավ: Կան ֆուտբոլիստներ, ովքեր չեն եղել մեր օրոք, բայց ես նրանց հեռակա ճանաչել եմ, քանի որ Հայաստանի առաջնության խաղացողներ են: Միայն սերբ հարձակվող Նենադ Ինայցն է, որ նոր է մեր առաջնությունում: Մոտակա երկու ամիսների ընթացքում կփորձենք առավելագույնս լավ արդյունք ապահովել և բարելավենք մեր դիրքը թե՛ առաջնությունում և թե՛ լավ հանդես գանք գավաթի խաղարկությունում:

– Արդյո՞ք կարող ենք նշել, որ առաջնայինը հենց գավաթի խաղարկությունում հանդես գալն է դառնալու:
– Իհարկե, եթե իրատեսական գնահատենք իրավիճակը, Եվրոպա դուրս գալու ամենաիրական ճանապարհը գավաթի խաղարկության միջոցով է, քանի որ չորրորդ տեղի հետ միավորների տարբերությունը բավական մեծ է: Բայց մինչև գավաթային խաղը կա առաջնության երկու հանդիպում: Պետք է փորձենք հաջող անցկացնել այդ խաղերը՝ դրանով իսկ նախապատրաստվելով գավաթային խաղին:


Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»

Արամ Ոսկանյան. «Թիմում պետք է լինեն միջին տարիքի հայ ֆուտբոլիստներ, ովքեր թիմին կտանեն իրենց հետևից, կլինեն առաջատարներ»

Արամ Ոսկանյան. «Չեմ թաքցնում՝ «Բանանցում» լինելու են լեգեոներ և տեղացի նոր ֆուտբոլիստներ»

Արամ Ոսկանյան. «Մրցակիցը պայքարում է չեմպիոնության, մենք՝ մեր պատվի համար»

Արամ Ոսկանյան. «Արդյունքը երկար սպասեցնել չի տա. եթե ֆուտբոլին նվիրվում ես ամբողջությամբ, այն փոխհատուցում է քեզ»

Արամ Ոսկանյան. «Կուրիոզ» գոլ բաց թողեցինք, բայց ֆուտբոլը նաև դրանով է հետաքրքիր, որ անկանխատեսելի է»

Արամ Հակոբյանն ու Արա Նիգոյանը միացել են «Բանանցի» մարզչական շտաբին

Արամ Ոսկանյան. «Կարիերայիս համար ավելի հարմար կլիներ մնալ «Ալաշկերտում», բայց…»

Լավագույնների պարգևատրումը և «Ալաշկերտի» մարզչական «քաոսը». Հայկական ֆուտբոլի գլխավոր լուրերի քրոնիկոնը

Ամպրոպ՝ անամպ երկնքում. Արամ Ոսկանյանը հեռացվել է «Ալաշկերտից», նրան փոխարինել է Աբրահամ Խաշմանյանը

Արամ Ոսկանյան. «Արարատը» դեռ շատ միավորներ կփախցնի մեր առաջնության մյուս թիմերից»

Արամ Ոսկանյան. «Շա՞տ էի հուշում իմ սաներին. չեմ կարծում՝ ֆուտբոլում կա թիմ, որի մարզիչը հուշումներ անելու կարիք չունի»

Արամ Ոսկանյան. «Շատ հաջող էր առաջին խաղակեսը. դժգոհ եմ միայն խաղավերջի 15 րոպեներից»

Արամ Ոսկանյան. «Առաջնահերթ խնդիրը չեմպիոնի տիտղոսը պահպանելն է»

«Ալաշկերտի» հերթական մարզչական փոփոխությունը. Արամ Ոսկանյանը՝ թիմի գլխավոր մարզիչ