Լրացուցիչ

Ընտրել լեզուն

Առաջնության մրցանակակիրներին կանվանի ավարտական տուրը

Շախմատի Հայաստանի առաջին խմբի առաջնության նախավերջին՝ 12-րդ տուրը կարող էր անվանել ոչ միայն բարձրագույն խմբի 3 ուղեգրերի տերերին, այլև մրցաշարի հաղթողին: Սակայն իրադարձություններն այնպես ընթացան, որ ինտրիգը պահպանվեց և հիմնական հարցերի պատասխանը կտրվի ավարտական տուրում:

Ուղեգրերի համար պայքարում կարևոր նշանակություն ուներ Տիգրան Հարությունյանի և Մանուել Պետրոսյանի մրցախաղը: Սակայն մրցակիցները որոշեցին ռիսկի չդիմել և կատարելով ընդամենը 9 քայլ, հաշտություն կնքեցին: Տիգրան Հարությունյանը վաստակեց 8,5 միավոր, Մանուել Պետրոսյանի օգտին գրանցվեց 7,5 միավոր:

Նման իրավիճակում դեռևս նախորդ տուրում բարձրագույն խմբի ուղեգիրն իր համար ապահոված Հայկ Մարտիրոսյանը կարող էր ժամկետից շուտ դառնալ նաև առաջնության հաղթող: Դրա համար նրան անհրաժեշտ էր հաղթել գրոսմայստեր Հովիկ Հայրապետյանին: Սակայն պատանի շախմատիստը զիջեց մրցակցին՝ կրելով մրցաշարում 2-րդ պարտությունը: Հայկը 9 միավորով շարունակում է միանձնյա գլխավորել մրցաշարային աղյուսակը: Իսկ Հայրապետյանը 7 միավորով հնարավորություն է պահպանում տիրելու ուղեգրերից մեկին:

Այսպիսով, 13-րդ տուրից առաջ չեմպիոնի տիտղոսին հավակնում են Հայկ Մարտիրոսյանը և Տիգրան Հարությունյանը: Հայկը սպիտակներով կմրցի Դավիթ Քալաշյանի հետ, իսկ Տիգրանը սևերով կխաղա Նորայր Թորոսյանի հետ:

Ուղեգրերին հավակնող շախմատիստներին միացավ նաև Արման Միքայելյանը, ով հաղթելով Արամ Հակոբյանին, վաստակեց 7,5 միավոր: Իսկ ահա 6 միավոր ունեցող Հակոբյանը զրկվեց ուղեգրի համար պայքարելու հնարավորությունից:

Մյուս պարտիաներում գրանցված արդյունքներն արդեն էական նշանակություն չունեին ուղեգրերի համար մղվող պայքարում: Լևոն Բաբուջյանը հաղթեց Արմենակ Եղիազարյանին, Դավիթ Շահինյանը պարտության մատնեց Նորայր Թորոսյանին, Դավիթ Քալաշյանն էլ առավելության հասավ Շանթ Սարգսյանի նկատմամբ:

Կարեն Հովհաննիսյանը հերթական պարտությունը կրելով Ռաֆայել Բակունցի հետ մրցախաղում, անկախ ավարտական տուրից, առաջնությունը կավարտի վերջին՝  14-րդ տեղում: Նա ընդամենը 1,5 միավոր ունի:


Սամվել Տեր-Սահակյանն արժանացավ գլխավոր մրցանակին

Միջազգային վարպետները գերազանցեցին գրոսմայստերներին

Ուժեղագույնների մրցաշարում առավել հաջողը Սերգեյ Մովսիսյանի ելույթն էր

Տուրը հաղթական էր միայն Տիգրան Հարությունյանի համար

Հայաստանցի շախմատիստներից հաղթեց միայն Մանուել Պետրոսյանը

Տիգրան Հարությունյանն առաջին հաղթանակը տոնեց

Սերգեյ Մովսիսյանը մոտեցավ առաջատարների խմբին

Հայկ Մարտիրոսյանն անդրանիկ հաղթանակը տոնեց

Սերգեյ Մովսիսյանը շարունակում է առաջատարների հետապնդումը

Մեկնարկում միայն Սերգեյ Մովսիսյանը հաղթանակ տոնեց

Զավեն Անդրիասյանը կրկին նվաճեց շախմատի ակադեմիայի գավաթը

Տիգրան Հարությունյանը մեկ միավորով զիջեց հաղթողին

Երեք հայ շախմատիստներ կմասնակցեն Լիսաբոնի մրցաշարին

Հայաստանի նոր չեմպիոնը Հովհաննես Գաբուզյանն է

Տղամարդկանց մրցաշարում մթնոլորտը շիկացած է, կանանց մրցավեճում իրադրությունը պարզվեց

Տղամարդկանց մրցաշարում քառիշխանություն է, կանանց մրցավեճում միանձնյա առաջատարը Սիրանուշ Ղուկասյանն է