Լրացուցիչ

Ընտրել լեզուն

«Ալաշկերտը» 3 նոր ֆուտբոլիստների է հայտավորել ՉԼ-ում

Թբիլիսիի «Դինամոյի» հետ կայանալիք Չեմպիոնների լիգայի որակավորման 2-րդ փուլի հանդիպումներին «Ալաշկերտը» 3 նոր ֆուտբոլիստների է հայտավորել: Այդ հանդիպումներին կարող են մասնակցել դարպասապահ Արսեն Բեգլարյանը, կիսապաշտպաններ Սամվել Մելքոնյանն ու Իրակլի Կվեկվեսկիրին: Երեք ֆուտբոլիստներն էլ անցած մրցաշրջանում հանդես էին գալիս «Միկայի» կազմում: Ընդ որում վրացի ֆուտբոլիստը ձմռանը հեռացել էր թիմից և հանդես էր գալիս Լանչխութիի «Գուրիայի» կազմում:

Նշված ֆուտբոլիստներից եվրոգավաթների մասնակցության զգալի փորձ ունի 32-ամյա Սամվել Մելքոնյանը, ով «Սպարտակի», «Բանանցի» և «Գանձասարի» կազմում ընդհանուր առմամբ 15 խաղի է մասնակցել: Հարկ է նշել, որ Սամվել Մելքոնյանն իր նախկին թիմակից Արարատ Առաքելյանի հետ եվրոգավաթների մրցաշարերում անցկացրած 12 խաղով հանդիսանում է «Բանանցի» ռեկորդակիրը:

Արսեն Բեգլարյանը եվրոգավաթների մրցաշարերում պաշտպանել է «Գանձասարի», «Շիրակի» և «Ուլիսի» դարպասները՝ ընդհանուր առմամբ անցկացնելով 8 խաղ:

Քանի որ «Ալաշկերտի» կազմում ներկայումս չկան ակումբում աճեցրած կադրեր, ուստի գործող կարգի համաձայն Հայաստանի չեմպիոնն իրավունք ունի Չեմպիոնների լիգայի մրցաշարին հայտավորելու 21 ֆուտբոլիստի: Այդ պատճառով Թբիլիսիի «Դինամոյի» հետ կայանալիք հանդիպումների հայտացուցակից դուրս են մնացել դարպասապահ Էդվարդ Հովհաննիսյանը, վնասվածք ունեցող պաշտպաններ Դմիտրի Խովբոշան ու Արարատ Առաքելյանը, ինչպես նաև կիսապաշտպաններ Արթուր Ավագյանն ու Արսեն Բալաբեկյանը: Որակազրկման պատճառով առաջիկա խաղին չի կարող մասնակցել նաև ռմբարկու Միհրան Մանասյանը:

Հիշեցնենք, որ Չեմպիոնների լիգայի որակավորման 2-րդ փուլի առաջին հանդիպումն «Ալաշկերտը» կանցկացնի հուլիսի 12-ին Թբիլիսիի Բորիս Պայչաձեի անվան մարզադաշտում: Խաղը կսկսվի Երևանի ժամանակով ժամը 21:00-ին և ուղիղ եթերով կհեռարձակվի Հանրային հեռուստատեսությամբ:

«Ալաշկերտն» այսօր ավտոբուսով ուղևորվել է Թբիլիսի, որտեղ կնախապատրաստվի առաջիկա հանդիպմանը: Ակումբի ղեկավարությունը ֆուտբոլասերների համար հուլիսի 12-ին ավտոբուսներով անվճար ուղևորություն է կազմակերպել դեպի Թբիլիսի՝ ապահովելով նաև հանդիպման տոմսերը: Այնպես որ Թբիլիսիում ևս «Ալաշկերտը» կզգա իր երկրպագուների աջակցությունը, որոնց թվում կլինեն նաև տեղի հայերը:

Պատասխան հանդիպումը կկայանա հուլիսի 19-ին Երևանի «Հանրապետական» մարզադաշտում:


«Ալաշկերտ» – Փյունիկ»՝ 3-3. Գոլառատ ոչ-ոքի, որը կտրուկ սրեց չեմպիոնական պայքարը

«Ալաշկերտ» – «Փյունիկ». Ուղիղ հեռարձակում (տեսանյութ)

Դանիել Ստոյկովիչը՝ «Ալաշկերտում» իր նպատակների, հայերի և սերբերի նմանությունների ու «Դոկտոր» մականվան մասին

Փոխվել է «Ալաշկերտ» – «Փյունիկ» հանդիպման անցկացման օրը

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն

Ալբերտ Սաֆարյան. «Պետք է «Ալաշկերտի» մակարդակի թիմերի դեմ ավելի խելացի ֆուտբոլ ցուցադրել»

Աբրահամ Խաշմանյան. «Հուսով եմ՝ մեր ռիսկն արդարացրեց իրեն»

«Ալաշկերտ» – «Արարատ»՝ 3-1. Արտակ Եդիգարյանի դուբլն ու առաջատարի հերթական հաղթանակը

«Ալաշկերտ» – «Արարատ». Առաջին խաղակեսից հետո

«Ալաշկերտ» – «Արարատ». Թիմերի մեկնարկային կազմերը

Ուրոշ Նենադովիչ. «Նպատակս «Ալաշկերտի» կազմում չեմպիոն դառնալն ու Չեմպիոնների լիգայի ուղեգիր նվաճելն է»

Մ-19 հավաքականը կմեկնի Կիպրոս, իսկ Թուրքիայում հիշել են Բիչախչյանի մասին. Օրվա գլխավոր լուրերի քրոնիկոնը

«Ալաշկերտը» նոր պայմանագրեր է ստորագրել 12 ֆուտբոլիստների հետ

ՀՖՖ-ն որոշել է Անդրանիկ Ոսկանյանի և Էմիլ Եղիազարյանի որակազրկման ժամկետը

Վարդան Բիչախչյան. «Գիտեինք, որ ստանդարտ իրավիճակներն «Ալաշկերտի» ուժեղ կողմերից են»