Լրացուցիչ

Ընտրել լեզուն

«Ալաշկերտ» – «Բանանց». Այն ամենը, ինչ պետք է իմանալ հանդիպումից առաջ

«Ալաշկերտ» – «Բանանց»

16 խաղ, +7=4-5, 26:24

14 ապրիլի,  ժ.16:00, Երևան, «Ալաշկերտ»  մարզադաշտ

21.08.2016  «Ալաշկերտ» – «Բանանց»՝  3:0 (0:0)

Արտակ Դաշյան (47), Արթուր Եդիգարյան (76), Յուրի Ֆոմենկո (83):

02.10.2016  «Բանանց» – «Ալաշկերտ»՝  0:3 (0:2)

Արթուր Եդիգարյան (17, 37), Միհրան Մանասյան (69):

05.11.2016  «Ալաշկերտ» – «Բանանց»՝  4:1 (1:1)

Արտակ Եդիգարյան (6, 79), Խորեն Վերանյան (71), Արտակ Գրիգորյան (90+2) – Վահագն Այվազյան (37):

04.03.2017  «Բանանց» – «Ալաշկերտ»՝  1:2 (0:2)

Կարեն Մելքոնյան (89) – Վահագն Մինասյան (27), Ուրոշ Նենադովիչ (32):

Հանդիպումը սկզբունքային նշանակություն ունի թիմերը գլխավորող մարզիչների առումով: Ինչպես հայտնի է, ներկայումս «Բանանցի» ղեկը ստանձնած Արամ Ոսկանյանի գլխավորությամբ «Ալաշկերտը» գերազանց սկսեց առաջնության գարնանային հատվածը և տարած 3 անընդմեջ հաղթանակների շնորհիվ ընթացիկ առաջնությունում առաջին անգամ գլխավորեց մրցաշարային աղյուսակը:

Իսկ ահա կրկին հարազատ կոլեկտիվ վերադարձած Աբրահամ Խաշմանյանին չհաջողվեց զարգացնել հաջողությունը: Նրա գլխավորությամբ առաջին խաղում գործող չեմպիոնը պարտվեց «Գանձասար Կապանին»՝ մրցակցին զիջելով նաև առաջատարի դիրքը: Ճիշտ է, փորձառու մասնագետին հաջողվեց իր թիմին լավ նախապատրաստել հաջորդ հանդիպմանը, որում ալաշկերտցիները հյուրընկալվելիս խոշոր հաշվով հաղթեցին «Փյունիկին»:

Արամ Ոսկանյանին կարճ ժամանակահատվածում արդեն հաջողվել է որոշակիորեն կարգավորել «Բանանցի» խաղը: Նա իր վերադարձը նշեց «Արարատի» նկատմամբ տոնած հաղթանակով, իսկ հաջորդ տուրում Ոսկանյանի սաները հավասար պայքարում ցավալի պարտություն կրեցին «Շիրակից» խաղավերջում բաց թողած միակ գոլի պատճառով:

Առաջիկա խաղին նախապատրաստվելու համար «Բանանցն» ընդամենը 3 օր է ունեցել, քանի որ այդ ընթացքում գավաթի կիսաեզրափակիչ առաջին հանդիպումն անցկացրեց «Փյունիկի» հետ:

17038968_1244576892262001_5096907904436120400_o

Ընթացիկ մրցաշրջանում երկրի չեմպիոնն ու գավաթակիրը 6-րդ անգամ են հանդիպելու: «Ալաշկերտը» բացահայտ առավելության է հասել՝  հաղթելով առաջնության 4 հանդիպումներում էլ և Սուպերգավաթի համար մրցավեճում: Ընդ որում առաջնության առաջին 3 խաղերում չեմպիոնը խոշոր հաշվով է հաղթել:

Հիշեցնենք, որ հենց «Ալաշկերտից» 2-րդ շրջանում կրած խոշոր հաշվով պարտությունից հետո իսպանացի Տիտո Ռամալյոն պաշտոնանկ արվեց: Նրա հետ իր կամքով թիմից հեռացավ նաև Արամ Ոսկանյանը:

Մրցակիցների մրցավեճում առավել արդյունավետ է գործել «Ալաշկերտի» հարձակվող Միհրան Մանասյանը՝ իր օգտին գրանցելով 6 գոլ: «Բանանցից» աչքի են ընկել Վահագն Այվազյանն ու Գևորգ Կարապետյանը՝ խփելով 3-ական գնդակ:

Ընթացիկ առաջնությունում «Բանանցին» հատկապես մեծ տհաճություն են պատճառել Եդիգարյան եղբայրները, որոնք միասին 5 անգամ գրավել են մրցակցի դարպասը:

4-րդ զգուշացման պատճառով հանդիպումը բաց կթողնեն «Ալաշկերտի» պաշտպան Դմիտրի Խովբոշան և «Բանանցի» կիսապաշտպան Վահագն Այվազյանը: Իսկ ահա «Բանանցի» պաշտպան Լայոնել Ադամսը բացի այս խաղից, չի մասնակցի նաև հաջորդ տուրի հանդիպմանը, քանի որ 7 դեղին քարտի է արժանացել:

Աշոտ Հայրապետյան


Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

Վարդան Բիչախչյան. «Արդեն աբսուրդի է վերածվում՝ գոլային պահերի գոնե 30%-ը չենք իրացնում»

«Շիրակ» – «Բանանց»՝ 1-0. «Ավանդույթի» պես՝ գյումրեցիները «Բանանցից» հաղթանակ կորզեցին խաղավերջում (տեսանյութ)

«Շիրակ» – «Բանանց». Առաջին խաղակեսից հետո (տեսանյութ)

«Շիրակ» – «Բանանց». Մեկնարկային կազմեր, ուղիղ հեռարձակում (տեսանյութ)

«Ալաշկերտ» – Փյունիկ»՝ 3-3. Գոլառատ ոչ-ոքի, որը կտրուկ սրեց չեմպիոնական պայքարը

«Ալաշկերտ» – «Փյունիկ». Ուղիղ հեռարձակում (տեսանյութ)

Դանիել Ստոյկովիչը՝ «Ալաշկերտում» իր նպատակների, հայերի և սերբերի նմանությունների ու «Դոկտոր» մականվան մասին

Փոխվել է «Ալաշկերտ» – «Փյունիկ» հանդիպման անցկացման օրը

Արկադի Անդրեասյան. «Արարատն» արդեն պատրաստ է պայքարելու բոլոր մրցակիցների հետ»

Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն

«Արարատը» 2-րդ անընդմեջ տնային հաղթանակն է տոնում

Արամ Ոսկանյան. «Թիմում պետք է լինեն միջին տարիքի հայ ֆուտբոլիստներ, ովքեր թիմին կտանեն իրենց հետևից, կլինեն առաջատարներ»

Արտակ Օսեյան. «Ափսոսանքի զգացում կա, որ չկարողացանք հաղթել»