Լրացուցիչ

Ընտրել լեզուն

Աբրահամ Խաշմանյան. «Ոչ թե 1-2 ֆուտբոլիստ է վատ վիճակում, այլ ամբողջ թիմը»

«Ալաշկերտի» գլխավոր մարզիչ Աբրահամ Խաշմանյանը «Գանձասար-Կապանից» կրած պարտությունից հետո (1-2) հետևյալ կարծիքն է հայտնել խաղի վերաբերյալ.

-Լավ չխաղացինք: «Գանձասար-Կապանը» գերազանցեց մեզ թե՛ ֆիզիկապես, թե՛ արագությամբ, ինչի շնորհիվ էլ հասան հաղթանակի: Մենք ունենք թերություններ, խնդիրներ: Թիմը ֆիզիկապես պետք է ավելի լավ վիճակում լինի: Այսօր մրցակցին զիջեցինք ֆիզիկապես: Ոչ մի նշանակություն չուներ, որ հաղթել էինք նախորդ երեք խաղերում, հաղթել ենք «կանգնած» թիմերի, իսկ «Գանձասար-Կապանը» տարբերվում է, ինչի մասին ես գիտեի: Դրա համար էլ պարտվեցինք: Ոչ թե 1-2 ֆուտբոլիստ է վատ վիճակում, այլ ամբողջ թիմը:

Որո՞նք են այդ խնդիրները: 

-Խնդիրներ ունենք ֆիզիկական առումով: Նախորդ խաղերում հաղթել ենք «Արարատին», «Բանանցին», նաև «Շիրակին», որը վատ վիճակում էր: Ոչ ոքի չենք մեղադրում, բայց փաստ է, որ պետք է աշխատենք այդ առումով: Պարզ երևաց, որ մրցակցին այսօր զիջեցինք ֆիզիկապես և արագությամբ:

Առաջնությունում հայտարարված ընդմիջումը միգուցե ազդել էր թիմի վրա…

-Ես նայել եմ մեր նախորդ հանդիպումները, և մենք խնդիրներ ունեինք նաև այն ժամանակ, ուստի պետք է ավելացնենք: Ես այստեղ եմ եղել, այնպես չէ՝ նոր եմ եկել և ոչնչից տեղյակ չեմ: Մեր նշաձողը պետք է ավելի բարձր լինի: Ես շատ լավ գիտեմ, որ «Գանձասար-Կապանը» լավ մակարդակի վրա է գտնվում:

Ընդմիջմանն Իրակլի Կվեկվեսկիրիի փոխարեն խաղադաշտ դուրս բերեցիք հարձակվող Ացամազ Բուրաևին: Դա ռիսկային քայլ չէ՞ր:

-Ռիսկային էր, բայց պետք է փրկեինք խաղը, դրա համար էլ հարձակվող մտցրինք: Իրակլին ավելի պաշտպանողական ոճի ֆուտբոլիստ է: Ուրիշ տարբերակ չունեինք, պետք է ինչ-որ բան փոխեինք:

Դարպասապահների հարցում նախկինի պե՞ս եք առաջնորդվելու, այսինքն՝ Արսեն Բեգլարյանն ու Գևորգ Կասպարովը փոխատեղումներո՞վ են խաղալու:

-Ես չունեմ սիրած և չսիրած ֆուտբոլիստներ, ինձ համար բոլորը հավասար են: Միգուցե մյուս խաղում դարպասում լինի Կասպարովը: 8 օր ունենք մինչ հաջորդ հանդիպումը, կնայենք, որոշում կկայացնենք:

Մինչ հաջորդ խաղն առաջնահերթ ո՞ր խնդրի վրա եք աշխատելու:

-Առաջին հերթին, ֆունկցիոնալ վիճակի: Կաշխատենք այդ 8 օրում բարելավել վիճակը: Կարծում եմ՝ անզեն աչքով էլ տեսանելի էր, որ այդ առումով զիջում էինք մրցակցին:


Տիգրան Ղարաբաղցյան. «Արարատն» այսօր ոչնչով չէր զիջում «Գանձասար-Կապանին»

Աշոտ Բարսեղյան. «Շատ ենք տեսել, որ թիմերն ամենավերջին պահին բաց են թողել չեմպիոնությունը»

«Արարատ» – «Գանձասար-Կապան»՝ 1-2. Կապանյան թիմն «Ալաշկերտին» արդեն զիջում է 3 միավորով

«Ալաշկերտ» – Փյունիկ»՝ 3-3. Գոլառատ ոչ-ոքի, որը կտրուկ սրեց չեմպիոնական պայքարը

«Արարատ» – «Գանձասար-Կապան». Առաջին խաղակեսից հետո

«Ալաշկերտ» – «Փյունիկ». Ուղիղ հեռարձակում (տեսանյութ)

«Արարատ» – «Գանձասար-Կապան». Հայտնի են թիմերի մեկնարկային կազմերը

Դանիել Ստոյկովիչը՝ «Ալաշկերտում» իր նպատակների, հայերի և սերբերի նմանությունների ու «Դոկտոր» մականվան մասին

Փոխվել է «Ալաշկերտ» – «Փյունիկ» հանդիպման անցկացման օրը

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն

Վարդան Բիչախչյան. «Սա «Շիրակի» լավագույն խաղն էր 2017 թվականին»

Աշոտ Բարսեղյան. «Այսօր մեր բախտը բերեց. ֆուտբոլում դա շատ բան է նշանակում»

Ալբերտ Սաֆարյան. «Պետք է «Ալաշկերտի» մակարդակի թիմերի դեմ ավելի խելացի ֆուտբոլ ցուցադրել»

«Գանձասար-Կապան» – «Շիրակ»՝ 3-2. Այվազովի կոպիտ սխալը հաղթանակ պարգևեց կապանցիներին (տեսանյութ)

«Գանձասար-Կապան» – «Շիրակ». Թեժ պայքար՝ երկրորդ խաղակեսում (տեսանյութ)