Լրացուցիչ

Ընտրել լեզուն

«Արարատ» – «Փյունիկ». Ամենաուշագրավ փաստերը՝ հանդիպմանն ընդառաջ

29136699 1619625768144325 6265858407232700416 o - «Արարատ» - «Փյունիկ». Ամենաուշագրավ փաստերը՝ հանդիպմանն ընդառաջ

«ԱՐԱՐԱՏ» – «ՓՅՈՒՆԻԿ»

73 խաղ, +15=18-40, 57-128

15 ապրիլի, ժ.17:00, Երևան, «Նաիրի»  մարզադաշտ

1-ին շրջան.  20.08.2017 «Արարատ» – «Փյունիկ»՝  0-0

3-րդ շրջան. 19.11.2017  «Արարատ» – «Փյունիկ»՝  0-1 (0-0)
Արթուր Միրանյան 76՛

2-րդ շրջան.  29.11.2017  «Փյունիկ» – «Արարատ»՝  4-0 (3-0)
Ռոբերտ Մինասյան 8՛, Կառլեն Մկրտչյան 27՛, Ռևիկ Եղիազարյան 42՛, ինքնագոլ, Պետրոս Ավետիսյան 90+1՛

4-րդ շրջան.  11.03.2018  «Փյունիկ» – «Արարատ»՝  3-3 (2-0)
Դրիսա Դիարասուբա 17՛, 57՛, Ռոբերտ Հակոբյան 25՛ – Գևորգ Օհանյան 52՛,  Օրբելի Համբարձումյան 77՛, 90՛

Առաջնության գարնանային հատվածը հաղթանակով սկսած «Արարատին» չհաջողվեց զարգացնել հաջողությունը: «Գանձասար-Կապանի» նկատմամբ տոնած այդ հաղթանակն առայժմ միակն է գարնանային հանդիպումներում: Հաջորդ 6 խաղերում արարատցիները շատ անհաջող հանդես եկան՝ վաստակելով ընդամենը մեկ միավոր, վերջին 4 տուրերում խաղադաշտից հեռանալով պարտված:

29103900 1619627094810859 2815260752250667008 o - «Արարատ» - «Փյունիկ». Ամենաուշագրավ փաստերը՝ հանդիպմանն ընդառաջ

Հետաքրքիր է, որ այդ միակ միավորն արարատցիները վաստակել են հենց «Փյունիկի» հետ մրցավեճում, որի ընթացքում մրցակցին զիջելով 0-2 հաշվով, մեծ ջանքերի գնով կարողացան խուսափել պարտությունից:

Ընդհանրապես արարատցիները շատ անհաջող են սկսում հանդիպումները և որպես կանոն ընդմիջման են գնում հաշվի մեջ մրցակցին զիջելով: Իսկ երկրորդ խաղակեսում զգալիորեն ակտիվանում են ու բարդ խնդիրներ են առաջադրում մրցակցին, սակայն հազվադեպ են այդ ջանքերը ցանկալի արդյունքի հասցնում:

«Փյունիկն» ամեն կերպ ջանում է հետ չմնալ առաջատար քառյակում գտնվող թիմերից՝ շարունակելով պայքարը Եվրոպա լիգայի ուղեգրի համար: Նախորդ տուրում փյունիկցիներն անչափ կարևոր 3 միավոր վաստակեցին՝ «Գանձասար-Կապանի» հետ մրցավեճում խաղավերջում կորզելով հաղթանակը: Առաջիկա խաղում էլ հաջողության հասնելու դեպքում «Փյունիկը» միավորների տարբերությունը գանձասարցիներից կհասցնի 5-ի:

29178619 1619626951477540 1614554296207015936 o - «Արարատ» - «Փյունիկ». Ամենաուշագրավ փաստերը՝ հանդիպմանն ընդառաջ

Նախորդ հանդիպումներում «Փյունիկը» կազմի լուրջ կորուստներ ուներ: Վնասվածքի պատճառով բացակայում էին դարպասապահ Գոռ Մանուկյանն ու թիմի առաջատար Պետրոս Ավետիսյանը, իսկ կենտրոնական պաշտպան Արթուր Քարտաշյանը որակազրկման պատճառով չմասնակցեց վերջին երկու խաղերին: «Արարատի»  հետ մրցախաղում Քարտաշյանը կվերադառնա խաղադաշտ: Չի բացառվում, որ մյուս երկու ֆուտբոլիստներն էլ մասնակցեն խաղին:

Բարձրագույն խմբի առաջնություններում «Փյունիկը» զգալի առավելության է հասել «Արարատի» նկատմամբ: Առայժմ բացառություն չէ նաև ընթացիկ մրցաշրջանը, որում փյունիկցիները տոնել են 2 հաղթանակ, նույնքան խաղ ավարտվել է ոչ-ոքի: Ընդ որում արարատցիներին միայն 4-րդ շրջանի խաղում հաջողվեց գրավել «Փյունիկի» դարպասը:

ՀՀ առաջնություններում արդեն 5 խաղ է, ինչ արարատցիներին չի հաջողվել հաղթել «Փյունիկին»՝ կրելով 3 պարտություն: Վերջին հաղթանակը «Փյունիկի» նկատմամբ «Արարատը» տոնել է անցյալ տարվա ապրիլի 21-ին Գեղամ Թումբարյանի խփած միակ գոլի շնորհիվ:

29063120 1619625754810993 5884369997433667584 o - «Արարատ» - «Փյունիկ». Ամենաուշագրավ փաստերը՝ հանդիպմանն ընդառաջ

Իսկ 2017թ. մարտի 10-ին «Արարատի» հետ կայացած հանդիպումը հիշարժան էր փյունիկցիների համար: Առավելության հասնելով 3-0 հաշվով, «Փյունիկը» բարձրագույն խմբում 400-րդ հաղթանակը տոնեց: Այդ խաղում փյունիկցիները նաև ՀՀ առաջնություններում հոբելյանական՝ 1500-րդ գոլը խփեցին, որի հեղինակը Ռազմիկ Հակոբյանն էր:

Փյունիկցիներից արարատցիներին առավել մեծ տհաճություն են պատճառել Արսեն Ավետիսյանն (9 գոլ) ու Լևոն Պաչաջյանը (7): Արարատցիներից առավել արդյունավետ է գործել Կարեն Բարսեղյանը` խփելով 5 գնդակ:

Աշոտ Հայրապետյան


Գավաթի խաղարկություն. «Շիրակ» – «Գանձասար-Կապան». Ամենաուշագրավ տեղեկությունները՝ հանդիպմանն ընդառաջ

Ովքեր էին լավագույն 3 ֆուտբոլիստները Բարձրագույն խմբի 23-րդ տուրում ըստ VivaroNews-ի

«Բանանցը» վերացրեց 2 տարվա «թուղթ ու գիրը» և Այվազովի «չարաբաստիկ» 4 րոպեն

Պաշտոնական. Էդգար Թորոսյանը՝ «Արարատի» գլխավոր մարզչի պաշտոնակատար (տեսանյութ)

Արմեն Գյուլբուդաղյանց. «Էրիկ Վարդանյանն օրեցօր ուժեղանում է» (տեսանյութ)

Եվրատեսիլն ազդում է նաև ֆուտբոլի վրա. «քամին» հաղթեց թե՛ «Փյունիկին», թե՛ «Արարատին» (տեսանյութ)

«Արարատ» – «Փյունիկ». VivaroNews-ի ուղիղ հեռարձակումը (տեսանյութ)

Երբ վնասվածք ես ստացել, բայց խաղը քեզ համար բացառիկ է և ունես հպարտանալու առիթ

«Գանձասար-Կապան» – «Շիրակ». Ամենաուշագրավ տեղեկությունները՝ հանդիպմանն ընդառաջ

Ովքեր են լավագույն 3 ֆուտբոլիստները Բարձրագույն խմբի 22-րդ տուրում ըստ VivaroNews-ի

443 րոպե. Որ դարպասապահն է գերազանցել Գևորգ Կասպարովի ռեկորդային ցուցանիշը

Մեծ ֆուտբոլին կարոտ մնացած Արաս Օզբիլիսի ոտքը «խերով» էր նոր թիմ

Գագիկ Դաղբաշյան. «Վարուժան Սուքիասյանը ներքուստ հանգիստ անձնավորություն է և լավ է պատրաստում թիմին» (տեսանյութ)

Վարուժան Սուքիասյան. «Երևում է, որ ֆուտբոլիստները «կանգնում» են 2-րդ կեսի ընթացքում» (տեսանյութ)

Էդգար Թորոսյան. «Չենք կարողանում հասկանալ՝ ինչու է թիմը հավաքվում միայն 2-րդ կեսում» (տեսանյութ)

Գևորգ Օհանյանի գեղեցիկ գոլն «Արարատին» չփրկեց պարտությունից չեմպիոնի դեմ խաղում (տեսանյութ)