Լրացուցիչ

Ընտրել լեզուն

ՖԲԼ-ի հավաքականը հաղթել է Գերմանիայի ընտրանուն Մինի ֆուտբոլի սիրողական աշխարհի առաջնությունում

cvbcbvcvc - ՖԲԼ-ի հավաքականը հաղթել է Գերմանիայի ընտրանուն Մինի ֆուտբոլի սիրողական աշխարհի առաջնությունում

ՖԲԼ (Ֆուտզալի Բիզնես Լիգա) հավաքականը Մինի ֆուտբոլի սիրողական աշխարհի առաջնության մեկնարկային խաղում 4-1 հաշվով առավելության է հասել Գերմանիայի ընտրանու նկատմամբ:

ՖԲԼ հավաքականից գոլերի հեղինակ են դարձել Արտավազդ Գրիգորյանը, Աշոտ Նազարեթյանը, Էդգար Ստեփանյանը և Տիգրան Հախնազարյանը (7 մետրանոց հարվածով):

Մրցաշարն անցկացվում է Իրանի Իսլամական Հանրապետությունում: Հայաստանն այս ստուգատեսին մասնակցում է երկրորդ անգամ: Թիմը նախորդ տարի զբաղեցրել էր պատվավոր՝ 5-րդ հորիզոնականը:

ՖԲԼ հավաքականն ընդգրկված է A խմբում, որտեղ պետք է մրցի նաև Հոլանդիայի և նույն առաջնության բրոնզե մեդալակիր Հունգարիայի հետ:

Այսօրվա հանդիպման մասին ռեպորտաժը կներկայացնենք շուտով:

ՖԲԼ հավաքականի գլխավոր հովանավորն է Բեթ Կոնստրակտ ընկերությունը: