Լրացուցիչ

Ընտրել լեզուն

Հայ-վրացական գոլերով հարուստ խաղը և «Արարատի» համալրումը բրազիլացիներով. Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ներկայացնում հուլիսի 15-ի իրադարձությունների քրոնիկոնը:

Ըստ VivaroNews.am-ի տեղեկությունների՝ «Շիրակի» նախագահ Արման Սահակյանը երեկ մեկնել է Մոսկվա՝ համաձայնեցնելու թիմի 18-ամյա հարձակվողական ոճի կիսապաշտպան Վահան Բիչախչյանի՝ «Լոկոմոտիվ» տեղափոխության վերջին պայմանները և ստորագրելու պայմանագիր: Անձամբ Վահանը ներկա է գտնվել Ռուսաստանի Սուպերգավաթի՝ «Սպարտակ» – «Լոկոմոտիվ» խաղին (2-1, լր. ժ.):

Երևանի «Արարատն» ընկերական հանդիպում է անցկացրել Իրանի փոխչեմպիոն «Էսթեղլալի» հետ, որն ուսումնամարզական հավաք է անցկացնում Ավանի ֆուտբոլի ակադեմիայում: Իրանական ակումբը հաղթանակ է տոնել 2-1 հաշվով: Հայկական ակումբից հաշվի տարբերությունը կրճատել է Արգիշտի Պետրոսյանը: «Էսթեղլալի» պաշտպան Հրայր Մկոյանը չի մասնակցել հանդիպմանը:

«Արարատն» այս հանդիպումից հետո պայմանագրեր է կնքել բրազիլացի 2 ֆուտբոլիստների հետ, ովքեր թիմում փորձաշրջան էին անցնում: Խոսքը Սիլաս Սատուրնինո դե Սոուզայի և Լուկաս Ամարանտե Ստրաուբի մասին է:

«Բանանցն» ընկերական խաղում 4-3 հաշվով առավելության է հասել Թբիլիսիի «Լոկոմոտիվի» նկատմամբ: Երևանյան թիմն առաջին խաղակեսից հետո առջևում էր 3-0 հաշվով, սակայն այնուհետև հաղթել է միայն նվազագույն առավելությամբ: «Բանանցից» գոլի հեղինակ են դարձել Նենադ Ինյացը և Վահագն Այվազյանը, ինչպես նաև նորեկներից երկուսը՝ Ղուկաս Պողոսյանն ու Մատվեյ Գույգանովը:

Ռուսաստանի Պրեմիեր լիգայի նոր՝ 2017/18թթ. առաջնության 1-ին տուրում «Ուրալը» սեփական հարկի տակ մրցել է «Ռոստովի» հետ և գրանցել ոչ-ոքի՝ 1-1: Վարազդատ Հարոյանը մնացել է պահեստայինների նստարանին, իսկ Էդգար Մանուչարյանը հայտավորված չի եղել խաղին, քանի որ դեռ ապաքինվում է վնասվածքից: «Ռոստովից» ամբողջական հանդիպում է անցկացրել Խորեն Բայրամյանը:

Նույն մրցաշարում «Անժին» սեփական հարկի տակ 1-3 հաշվով պարտություն է կրել Մոսկվայի «ԲԿՄԱ»-ից: Մախաչկալայի ակումբի գլխավոր մարզիչն Ալեքսանդր Գրիգորյանն է:

«Ալաշկերտը» սկսել է նախապատրաստվել Չեմպիոնների լիգայի որակավորման 2-րդ փուլի՝ «ԲԱՏԷ»-ի հետ պատասխան խաղին, որը կայանալու է հուլիսի 18-ին, «Հանրապետական» մարզադաշտում: Առաջին մրցավեճում գրանցվել է ոչ-ոքի՝ 1-1:

Չեմպիոնների լիգայի որակավորման 2-րդ փուլի՝ «Ալաշկերտ»«ԲԱՏԷ» հանդիպումը սպասարկելու է Սլովակիայի մրցավարական անձնակազմը՝ Պետեր Կրալովսկիի գլխավորությամբ: Նրա օգնականներն են Միրոսլավ Բենոկը և Էրիկ Վայսը: 4-րդ մրցավարն է Պավել Սունյարը:

Ռուսաստանի ՖԼ-ի (1-ին դիվիզիոն) 2-րդ տուրում «Ֆակելը» սեփական հարկի տակ 2-2 հաշվով է ավարտել «Շիննիկի» հետ հանդիպումը: «Ֆակելի» նորեկ Արմեն Համբարձումյանը մասնակցել է ամբողջ հանդիպմանը, իսկ Արթուր Առուստամյանը չի հայտնվել հայտացուցակում:

Նույն մրցաշարում «Ենիսեյը» սեփական հարկի տակ 3-1 հաշվով հաղթանակ է տոնել «Տյումենի» նկատմամբ: Արթուր Սարկիսովը չի հայտնվել հայտացուցակում, իսկ Արթուր Մալոյանը եղել է հիմնական կազմում և փոխարինվել ընդմիջումից անմիջապես հետո:

Մոսկվայի «Արարատի» սեփականատեր Վալերի Հովհաննիսյան. «Մեր նպատակն այն չէ, որ միայն հայերն աջակցեն ակումբին: Ցանկանում ենք՝ մեզ համակրեն բոլորը, ովքեր սիրում են ֆուտբոլ, որպեսզի մեր խաղերին մարզադաշտ հաճախեն ընտանիքներով: Հաճելի է, որ այսքան բարձրակարգ ֆուտբոլիստներ են եկել թիմ: Հավատացե՛ք՝ նրանք չեն եկել փողերի պատճառով: Չենք թաքցնում՝ մեր նպատակն 1-ին դիվիզիոնի ուղեգիր նվաճելն է»:

Ամերիկյան «Չիկագո Ֆայրի» հարձակվող Դավիթ Արշակյանը վնասվածք է ստացել և շարքից դուրս մնացել անորոշ ժամանակով: Նա առանց այդ էլ հազվադեպ էր հայտնվում իր թիմի հանդիպումների նույնիսկ հայտացուցակում:

Մոլդովայի Բարձրագույն խմբի առաջնության 2-րդ տուրում «Զիմբրուն» հյուրընկալել է «Սֆինտուլին» և հաղթել 4-0 հաշվով: Արտյոմ Խաչատուրովը մասնակցել է ամբողջ մրցավեճին:

Ղազախստանի Պրեմիեր լիգայի 20-րդ տուրում Կարագանդայի «Շախտյորը» սեփական հարկի տակ նվազագույն հաշվով հաղթել է «Օկժետպեսին»: Գևորգ Նաջարյանը եղել է պահեստայինների թվում և փոխարինման մտել 82-րդ րոպեին:


Արմեն Համբարձումյան. «Իմ առջև նպատակ եմ դրել ամրապնդվելու Հայաստանի հավաքականում»

Ուղիղ 35 տարի առաջ Խորեն Հովհաննիսյանի դուբլը օգնեց ջախջախել Բաքվի «Նեֆչիին»

Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

Վարդան Բիչախչյան. «Արդեն աբսուրդի է վերածվում՝ գոլային պահերի գոնե 30%-ը չենք իրացնում»

«Շիրակ» – «Բանանց»՝ 1-0. «Ավանդույթի» պես՝ գյումրեցիները «Բանանցից» հաղթանակ կորզեցին խաղավերջում (տեսանյութ)

«Շիրակ» – «Բանանց». Առաջին խաղակեսից հետո (տեսանյութ)

«Շիրակ» – «Բանանց». Մեկնարկային կազմեր, ուղիղ հեռարձակում (տեսանյութ)

«Ալաշկերտ» – Փյունիկ»՝ 3-3. Գոլառատ ոչ-ոքի, որը կտրուկ սրեց չեմպիոնական պայքարը

«Ալաշկերտ» – «Փյունիկ». Ուղիղ հեռարձակում (տեսանյութ)

ՊԱՇՏՈՆԱԿԱՆ. Մանուչարյանը որակազրկվեց 6 խաղով

Դանիել Ստոյկովիչը՝ «Ալաշկերտում» իր նպատակների, հայերի և սերբերի նմանությունների ու «Դոկտոր» մականվան մասին

Փոխվել է «Ալաշկերտ» – «Փյունիկ» հանդիպման անցկացման օրը

«Արարատը» դուրս է եկել Մոսկվայի գավաթի խաղարկության 1/8 եզրափակիչ

ՀՖՖ-ն «Շիրակին» ժամանակ է տվել՝ Գյումրիի ակադեմիայի բնական և արհեստական խոտածածկով խաղադաշտերի վիճակը բարելավելու համար

Արկադի Անդրեասյան. «Արարատն» արդեն պատրաստ է պայքարելու բոլոր մրցակիցների հետ»

Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»