Բաժիններ

Լրացուցիչ

Ընտրել լեզուն

10 փաստ Լեհաստան-Հայաստան հանդիպումից

Լեհաստանի հավաքականի հետ անցկացրած 6-րդ խաղում մեր ընտրանին 4-րդ պարտությունը կրեց: Վարշավայում կայացած հանդիպումը մրցակիցների միջև ընտրական մրցաշարերում անցկացված 5-րդ խաղն էր, որում լեհերը 3-րդ հաղթանակը տոնեցին:

Հայաստանի հավաքականը Վարուժան Սուքիասյանի գլխավորությամբ 3-րդ անգամ մրցեց լեհերի հետ: 2002թ. աշխարհի առաջնության ընտրական մրցաշարում նրա օրոք մեր հավաքականը հյուրընկալվելիս պարտվել էր 0:4 խոշոր հաշվով, իսկ Երևանում խաղն ավարտվել էր ոչ-ոքի՝ 1:1:

Վարուժան Սուքիասյանի գլխավորությամբ Հայաստանի հավաքականն աշխարհի առաջնությունների ընտրական մրցաշարերում 13-րդ հանդիպումն անցկացրեց և 8–րդ պարտությունը կրեց (մնացած 5 խաղերն ավարտվել են ոչ-ոքի): Լեհերից կրած պարտությունը Սուքիասյանի օրոք 5-րդ անընդմեջն էր աշխարհի առաջնությունների ընտրական մրցաշարերում: Հիշեցնենք, որ նրա գլխավորությամբ մեր հավաքականը 2001թ. պարտվել էր ընտրական մրցաշարի ավարտական երկու հանդիպումներում՝ խոշոր հաշիվներով զիջելով ուկրաինացիներին (0:3) և նորվեգացիներին (1:4):

Ռոբերտ Լևանդովսկու գոլը Հայաստանի հավաքականի դարպասը
Ռոբերտ Լևանդովսկու հաղթանակ գոլը Հայաստանի հավաքականի դարպասը

ՀՀ հավաքականը 4-րդ անընդմեջ պարտությունը կրեց: Ընտրական մրցախաղերում ևս մեր ֆուտբոլիստները 4-րդ անընդմեջ խաղում դաշտից պարտված հեռացան: Ավելի վատ արդյունք մեր ընտրանին գրանցել է 1995-1996 (Բելգիա՝ 0:2, Դանիա՝ 1:3, Մարոկկո՝ 0:6, Ֆրանսիա՝ 0:2, Պերու՝ 0:4) և 2014-2015թթ. (Ֆրանսիա՝ 0:3, Պորտուգալիա՝ 0:1, Ալբանիա՝ 1:2, Պորտուգալիա՝ 2:3, Սերբիա՝ 0:2) ժամանակահատվածում՝ կրելով 5 անընդմեջ պարտություն:

Միայն 4-րդ խաղում մեր ֆուտբոլիստներին վերջապես հաջողվեց ընդհատել 332 րոպե տևած գոլային երաշտը՝ բացելով նաև ընտրական մրցաշարում գոլերի հաշիվը: Մինչ այդ վերջին գոլը ՀՀ հավաքականը խփել էր Սալվադորի ընտրանու դարպասը. 77-րդ րոպեին աչքի էր ընկել Գեղամ Կադիմյանը:

Ընդհատվեց նաև ընտրական մրցախաղերում 517 րոպե տևած գոլային երաշտը: Մինչ այդ վերջին գոլը մեր ֆուտբոլիստները խփել էին անցյալ տարվա հունիսի 13-ին Երևանում պորտուգալացիների հետ կայացած Եվրոպայի առաջնության ընտրական մրցախաղի 72-րդ րոպեին: Գոլի հեղինակ էր դարձել Հրայր Մկոյանը: Ընտրական մրցաշարերում ամենաերկար գոլային երաշտը գրանցվել է 2000թ. Եվրոպայի առաջնության ընտրական մրցաշարում Սուրեն Բարսեղյանի օրոք՝ 636 րոպե:

2-րդ անընդմեջ խաղում Հայաստանի հավաքականը խաղադաշտում մնաց 10 հոգով: Գաել Անդոնյանն ընդամենը 3 րոպեում երկու անգամ զգուշացվեց ու լքեց խաղադաշտը: Լեհաստանի հավաքականի հետ հանդիպումներում դա մեր ֆուտբոլիստների ստացած 4-րդ կարմիր քարտն էր: 2001թ. հունիսի 6-ին Երևանում կայացած աշխարհի առաջնության ընտրական մրցախաղում դաշտից հեռացվել էին մեր հավաքականի 3 ֆուտբոլիստներ: 54-րդ րոպեին 2-րդ դեղին քարտը ստանալով, խաղադաշտը լքել էր Ալբերտ Սարգսյանը, իսկ խաղավերջում ծագած ծեծկռտուքի հետևանքով հեռացվել էին Ֆելիքս Խոջոյանն ու Հայկ Գևորգյանը:

2. Gael Andonian red card

6-ամյա ընդմիջումից հետո Վահագն Մինասյանը կրկին հագավ ազգային հավաքականի մարզաշապիկը՝ անցկացնելով 13-րդ հանդիպումը: Վերջին անգամ նա հավաքականում հանդես էր եկել 2010թ. մայիսի 25-ին Երևանում Ուզբեկստանի ընտրանու հետ կայացած ընկերական խաղում: Այդ հանդիպման 76-րդ րոպեին 2-րդ դեղին քարտը ստանալով, նա խաղադաշտը լքել էր:

Վահագն Մինասյանն ու Յակուբ Բլաշչիկովսկին Հայաստանի և Լեհաստանի հավաքականների ֆուտբոլիստներից միակն էին, որ մասնակցել էին 2007թ. մրցակիցների միջև կայացած Եվրոպայի առաջնության ընտրական մրցախաղերին: Մինասյանը հանդես էր եկել միայն հունիսի 6-ին Երևանում կայացած հանդիպմանը, որում մեր հավաքականը Իան Պորտերֆիլդի գլխավորությամբ Համլետ Մխիթարյանի խփած միակ գոլի շնորհիվ հաղթել էր: Այդ հանդիպման 76-րդ րոպեին Մինասյանն իր տեղը զիջել էր Լևոն Փաչաջյանին: Իսկ Բլաշչիկովսկին բացի երևանյան խաղից, մասնակցել էր նաև մարտի 28-ին Կելցեում կայացած հանդիպմանը:

Հրայր Մկոյանն ազգային հավաքականում ինքնագոլի հեղինակ դարձած 7-րդ ֆուտբոլիստն է: Մեր ֆուտբոլիստները 3-րդ անգամ սեփական դարպասը գրավեցին հոկտեմբերի 11-ին կայացած խաղում: 2011թ. այդ օրը Իռլանդիայի հավաքականի հետ Եվրոպայի առաջնության ընտրական մրցաշարի վճռորոշ խաղում ինքնագոլի հեղինակ էր դարձել Վալերի Ալեքսանյանը՝ բացելով հաշիվը: Անցյալ տարի էլ Կամո Հովհաննիսյանն էր «աչքի» ընկել ալբանացիների հետ Եվրոպայի առաջնության ընտրական մրցախաղում: Բացի նրանցից, սեփական դարպասը մեկական անգամ գրավել են նաև Երվանդ Կրբաշյանը, Արարատ Առաքելյանը, Ռոբերտ Արզումանյանն ու Լևոն Հայրապետյանը:


Գաել Անդոնյան. «Անցյալի սխալների փոխարեն մտածում եմ հաջողակ ապագայի մասին» (տեսանյութ)

«Բանանցի» հաղթանակը, Մխիթարյանի և Համբարձումյանի գոլային փոխանցումները. Հայկական ֆուտբոլի գլխավոր լուրերի քրոնիկոնը

Քայլ առա՞ջ, թե՞ հետ. Հայաստանի ընտրանու 6 ֆուտբոլիստներ, ովքեր ձմռանը հայտնվեցին նոր ակումբներում

Անդոնյանն ու Պիզելին հայտավորվել են իրենց թիմերի առաջիկա խաղերին

Պաշտոնական. Գաել Անդոնյանը հանդես կգա Հունաստանում

Հունական ակումբը համաձայնության է եկել Գաել Անդոնյանի տեղափոխության վերաբերյալ

Մերոնք դրսում. Ի՞նչ հանդիպումներ են սպասվում հայ ֆուտբոլիստներին այս շաբաթ

Հայաստանի հավաքականի պաշտպանը մոտ է Հունաստան տեղափոխվելուն

Գաել Անդոնյանի թիմը նոր մարզիչ ունի

Անդոնյան. «Հայաստանն ակնհայտ ընտրություն էր»

Մերոնք դրսում. Ինչ հանդիպումներ են սպասվում հայ ֆուտբոլիստներին

Գաել Անդոնյան.«Հպարտ եմ Հայաստանի հավաքականում խաղալու համար»

Գաել Անդոնյանը բացակայում է «Դիժոնի» հայտացուցակից

Մերոնք դրսում. Ի՞նչ հանդիպումներ են սպասվում հայ ֆուտբոլիստներին

Գաել Անդոնյան. «Այսօր մեր բախտը մի փոքր չբերեց»

Գաել Անդոնյան. «Միգուցե Արզումանյանը մի օր նորից վերադառնա հավաքական»