Բաժիններ

Լրացուցիչ

Ընտրել լեզուն

10 փաստ եվրոգավաթների 2-րդ փուլի հանդիպումներից

Աբրահամ Խաշմանյան

«Ալաշկերտին» ու «Շիրակին» այդպես էլ չհաջողվեց 2-րդ փուլում գեթ մեկ հաղթանակ տոնել: Հետաքրքիր զուգադիպությամբ սեփական հարկի տակ կայացած հանդիպումներում գրանցվեց ոչ-ոքի՝ 1:1, իսկ հյուրընկալվելիս մեր թիմերը մրցակիցներին զիջեցին միևնույն 0:2 հաշվով:

Եվրոգավաթների ընթացիկ խաղարկությունում հայկական 4 ակումբներն ընդհանուր առմամբ 12 խաղ անցկացրին, որից 3-ում հաղթեցին, նույնքան խաղ ավարտեցին ոչ-ոքի, 6-ում պարտվեցին: Մեր ֆուտբոլիստները խփեցին 9 գնդակ, սեփականը բաց թողեցին 15-ը: Բոլորից անհաջող հանդես եկավ «Բանանցը»՝ պարտվելով 2 հանդիպումներում էլ:

Եվրոգավաթների մրցաշարերում սեփական հարկի տակ հանդիպումներում «Ալաշկերտի» 3 անընդմեջ հաղթանակների շարքն ընդհատվեց:

«Ալաշկերտին» էլ չհաջողվեց հաղթահարել Թբիլիսիի «Դինամոյի» արգելապատնեշը: Նախկինում հայկական թիմերից դինամոյականների հետ մրցավեճում անհաջողության էր մատնվել «Կիլիկիան»՝ 2006/07թթ. Ինտերտոտոյի գավաթի խաղարկությունում երկու խաղերում էլ պարտվելով խոշոր հաշվով՝ 1:5, 0:3:

Հայ-վրացական 8-րդ դիմակայությունն ավարտվեց մրցակցի օգտին: Հայկական ակումբներից միայն «Արարատին», «Բանանցին» և «Շիրակին» է հաջողվել մեկական անգամ հաղթահարել վրացական ակումբների արգելքը: Վրացական թիմերի հետ անցկացրած 16 հանդիպումներից միայն 3-ում են հաղթել հայկական թիմերը, 3-ում գրանցվել է ոչ-ոքի, 10-ում հաղթել են վրացական ակումբները: Խփած և բաց թողած գնդակների տարբերությունը ևս մրցակցի օգտին է՝ 13-32:

Սլովակիայի ներկայացուցչի հետ «Շիրակի» առաջին ծանոթությունն անհաջող էր գյումրեցիների համար: Մեր ակումբները 3-րդ անգամ մրցավեճի բռնվեցին սլովակների հետ և կրկին դուրս մնացին հետագա պայքարից: Մինչ այդ անհաջողության էին մատնվել «Զվարթնոցը» (2002/03թթ. ՈՒԳ, «Պրիմորիե»՝  1:6, 2:0) և «Միկան» (2007/08թթ. ՈՒԳ, «Արտմեդիա»՝ 2:1, 0:2): Սլովակների հետ մեր թիմերի անցկացրած հանդիպումների հաշվեկշիռն այսպիսին է՝ 6 խաղ, +2=1-3, 6-12:

Սամվել Մելքոնյանն ու Իրակլի Կվեկվեսկիրին նորամուտը նշեցին «Ալաշկերտում»: Չեմպիոնների լիգայի մրցաշարի 4 հանդիպումներում Աբրահամ Խաշմանյանն ասպարեզ դուրս բերեց 20 ֆուտբոլիստի:

Գևորգ Կասպարովը եվրոգավաթների մրցաշարերում 20-րդ հանդիպումն անցկացրեց և ընդգրկվեց ամենափորձառու ֆուտբոլիստների տասնյակում՝ ցանկից դուրս թողնելով 19-ական խաղի մասնակցած Հարություն Աբրահամյանին և Արթուր Մկրտչյանին: Ռեկորդակիրն Աղվան Մկրտչյանն է, ով եվրոգավաթներում 32 խաղ է անցկացրել:

Նորայր Գյոզալյանը 2 գնդակով դարձավ եվրոգավաթների ընթացիկ խաղարկությունում հայկական ակումբների ֆուտբոլիստներից լավագույն ռմբարկուն: Եվրոգավաթների մեկ խաղարկությունում առավել արդյունավետ է գործել «Բանանցի» նախկին հարձակվող Արամ Հալոբյանը՝ 2005/06թթ. ՈՒԵՖԱ-ի գավաթի մրցաշարում խփելով 4 գոլ:

Ղուկաս Պողոսյանը Տրնավայի «Սպարտակի» հետ հանդիպումներում նորամուտը նշեց «Շիրակում»: Եվրոպա լիգայի մրցաշարում Վարդան Բիչախչյանը խաղադաշտ դուրս բերեց 18 ֆուտբոլիստի:


«Ալաշկերտ» – Փյունիկ»՝ 3-3. Գոլառատ ոչ-ոքի, որը կտրուկ սրեց չեմպիոնական պայքարը

«Ալաշկերտ» – «Փյունիկ». Ուղիղ հեռարձակում (տեսանյութ)

Դանիել Ստոյկովիչը՝ «Ալաշկերտում» իր նպատակների, հայերի և սերբերի նմանությունների ու «Դոկտոր» մականվան մասին

Փոխվել է «Ալաշկերտ» – «Փյունիկ» հանդիպման անցկացման օրը

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն

Ալբերտ Սաֆարյան. «Պետք է «Ալաշկերտի» մակարդակի թիմերի դեմ ավելի խելացի ֆուտբոլ ցուցադրել»

Աբրահամ Խաշմանյան. «Հուսով եմ՝ մեր ռիսկն արդարացրեց իրեն»

«Ալաշկերտ» – «Արարատ»՝ 3-1. Արտակ Եդիգարյանի դուբլն ու առաջատարի հերթական հաղթանակը

«Ալաշկերտ» – «Արարատ». Առաջին խաղակեսից հետո

«Ալաշկերտ» – «Արարատ». Թիմերի մեկնարկային կազմերը

Ուրոշ Նենադովիչ. «Նպատակս «Ալաշկերտի» կազմում չեմպիոն դառնալն ու Չեմպիոնների լիգայի ուղեգիր նվաճելն է»

Մ-19 հավաքականը կմեկնի Կիպրոս, իսկ Թուրքիայում հիշել են Բիչախչյանի մասին. Օրվա գլխավոր լուրերի քրոնիկոնը

«Ալաշկերտը» նոր պայմանագրեր է ստորագրել 12 ֆուտբոլիստների հետ

ՀՖՖ-ն որոշել է Անդրանիկ Ոսկանյանի և Էմիլ Եղիազարյանի որակազրկման ժամկետը

Վարդան Բիչախչյան. «Գիտեինք, որ ստանդարտ իրավիճակներն «Ալաշկերտի» ուժեղ կողմերից են»