Լրացուցիչ

Ընտրել լեզուն

Մեսին նոր պայմանագրով գումար է «շնչում և արտաշնչում» «Բարսելոնայում»

Football Leaks-ը հրապարապակել է Լիոնել Մեսիի՝ «Բարսելոնայի» հետ կնքած նոր պայմանագրի մանրամասները:

Հաղորդվում է, որ արգենտինացու աշխատավարձը մինչ հարկային վճարումները կազմում է տարեկան 104 մլն եվրո: Սա ֆուտբոլի պատմության մեջ առաջին դեպքն է, երբ ֆուտբոլիստը նման չափի տարեկան երաշխավորված աշխատավարձ է ստանում:

Միաժամանակ, հարկային վճարումներից հետո, այդ թիվը նվազում է մինչև 50 մլն եվրո:

Մեսիի համեմատությամբ՝ ՊՍԺ-ի հարձակվող Նեյմարի տարեկան «մաքուր» աշխատավարձը ՊՍԺ-ում կազմում է 36,8 մլն եվրո, իսկ Կառլոս Տևեսը չինական «Շանհայ Շենհուայում» 365 օրվա ընթացքում վաստակում էր 38 մլն:

Մեսիի ֆիքսված տարեկան աշխատավարձը «Բարսելոնայում», հաշվի առնելով նաև 15% կերպարային իրավունքների եկամուտը, կազմում է 71 մլն եվրո:

Պայմանագրում ներառված են նաև հավելավճարներ, որոնք, ընդհանուր առմամբ, կազմում են 63,5 մլն եվրո: Առանձին հավելավճար է սահմանված նաև հավատարմության համար՝ 70 մլն, եթե Լեոն մնա «Բարսելոնայում» մինչև քառամյա պայմանագրի ժամկետի ավարտը:

Այդպիսով, եթե հաշվի առնենք պայմանագրի բոլոր կետերը, ստացվում է՝ Մեսիի տարեկան միջին աշխատավարձը կազմում է 104 մլն եվրո:

Spiegel. «Ռեալը» 2013թ.-ին պատրաստ է եղել 250 մլն եվրո վճարելու Լիոնել Մեսիի տրանսֆերի համար