Լրացուցիչ

Ընտրել լեզուն

«Հայկական ազգանունով իրանյան քամին հարավամերիկյան շուկայում». Կիա Ջուրաբչյանի թոփ 10 աղմկահարույց տրանսֆերները

Ֆիլիպե Կոուտինյոյի տրանսֆերն, անխոս, դարձավ տրանսֆերային այս պատուհանի ամենայուրահատուկն ու հետաքրքիրը: Բնականաբար, Անգլիայում այս տրանսֆերն առաջացրել է մեծ աղմուկ: Հարի Լինեկերը, մասնավորապես, նրա այս քայլը որակել է որպես ստորություն:

Մի պահ ինքս ինձ հարցրի. «իսկ դրա ի՞նչն էր ստորություն»: Բայց հետո, երբ իմացա թե ում մատն է խառն այս տրանսֆերում, ամեն ինչ ընկավ իր տեղը: Գործակալ Կիա Ջուրաբչյանն առաջին անգամ չէ հայտնվում նման սկանդալային տրանսֆերի կիզակետում:

46-ամյա Ջուրաբչյանը գրեթե բոլոր որակներով զիջում է հաստլիկ ու հիստերիկ Մինո Ռայոլային և օֆշորների սիրահար, սառնասիրտ Ժորժե Մենդեշին: Սակայն տրանսֆերներ իրականացնելու տեսանկյունից Ջուրաբչյանը կարող է մաստեր կլաս տալ այս երկուսին:

Ու գլխավոր հարցը՝ ոչ, նա հայ չէ:

1. Կառլոս Տևես

Իրանական ծագում ունեցող Ջուրաբչյանն առաջին գործարքը կատարել է դեռևս 2004 թվականին: Համագործակցելով բրազիլական «Կորինտիանսի» հետ, այն ժամանակ ընդամենը 34-ամյա նոունեյմերը մի շարք հայտնի ֆուտբոլիստների համար ճանապարհ հարթեց դեպի աշխարհի ամենաֆուտբոլային երկիր: Առաջինն այդ ցուցակում հարևան Արգենտինայում մեծ աղմուկ հանած Կառլոս Տևեսն էր:

Արգենտինացի «հրեշը» մտավ Բրազիլիայի առաջնություն ցունամիի նման, հաղթեց ամեն ինչ ու տեղափոխվեց Եվրոպա: Այս անգամ Ջուրաբչյանը ջանք ու եռանդ չխնայեց, որ տրանսֆերային սագան ունենա ատոմային ռումբի ազդեցություն:

Տևեսն ու իր հայրենակից Խավիեր Մասկերանոն, ունենալով լավ առաջարկներ մեծ ակումբներից, չգիտես ինչու, նախընտրեցին «Վեստ Հեմը»: Պատճառները շատ են, որոնց մասին առանձին հոդված կլինի, բայց այն, որ այդ տրանսֆերի մեջ ամեն ինչ չէ, որ մաքուր է, առավել քան ակնհայտ է: Հավելենք միայն, որ Ջուրաբչյանը շարունակում է Տևեսի ծառայությունները սրան-նրան վաճառել: Հիմա, օրինակ, «ապաչին» վերադարձել է հարազատ «Բոկա Խունիորս»:

2. Ռոբինյո

Բրազիլացի այս ֆուտբոլիստի մասին շատ էր խոսվում մինչև «Ռեալ» տեղափովելը: «Նոր Պելե», «Նոր արքա» ու նման աղմկահարույց որակումները հավանաբար հենց գրավեցին նախ արքայական ակումբին, ապա նաև «Մանչեսթեր Սիթիին»:

2008 թվականի տրանսֆերային պատուհանի փակման օրը «քաղաքաբնակների» թիմը գնեցին Աբու Դաբիի հարուստ շեյխերը: Ջուրաբչյանն անմիջապես օգտվեց այս ամենից ու իր Ռոբինյոյին «հարմար գներով» «նվիրեց» «Սիթիին»: 32,5 միլիոն եվրո «Ռեալին» պետք չեկող ու արդեն ֆուտբոլից իր «հավեսը» հանած Ռոբինյոյի համար իդեալական տարբերակ էր բոլոր կողմերի համար:

1 2 3 4 5