Լրացուցիչ

Ընտրել լեզուն

Ժոզե Մոուրինյոն մեկնաբանել է Ալեքսիս Սանչեսի մասին տարածված լուրերը

«Մանչեսթեր Յունայթեդի» գլխավոր մարզիչ Ժոզե Մոուրինյոն մեկնաբանել է տարածված այն լուրերը, թե «Արսենալի» հարձակվող Ալեքսիս Սանչեսը մոտ է այս ամսին «Կարմիր սատանաների» ճամբար տեղափոխվելուն:

«Սանչեսն «Արսենալի» ֆուտբոլիստ է: Ես իսկապես չգիտեմ՝ ինչ կլինի, բայց նա այս հանստյան օրերին հաստատ կրելու է «Արսենալի» մարզաշապիկը: Չեմ կարծում՝ իմ կողմից կոռեկտ է խոսել Սանչեսի մասին:

Միայն կարող եմ ասել, որ ես և «Մանչեսթեր Յունայթեդի» ղեկավարությունը շատ բանի չենք հավատում այս տրանսֆերային պատուհանի հետ կապված: Մենք չենք ցանկանում հրավիրել խաղացողի՝ պարզապես տրանսֆեր կատարելու համար:

Մենք գիտենք, որ ֆուտբոլային աշխարհում կան խաղացողներ՝ եթե նրանց հրավիրելու հնարավորություն է հայտնվում, ապա դու պետք է փորձես:

Ալեքսիսի հետ կապված միայն կարող եմ ասել, որ նա ֆենոմենալ ֆուտբոլիստ է, բայց նա ներկայացնում է «Արսենալը», և նրա մասին երկար խոսել չեմ պատրաստվում»,- ասել է պորտուգալացի մասնագետը:

«Արսենալի» մեծ ախորժակը կարծես փոխում է Ալեքսիս Սանչեսի ճակատագիրը