Լրացուցիչ

Ընտրել լեզուն

«Արսենալի» մեծ ախորժակը կարծես փոխում է Ալեքսիս Սանչեսի ճակատագիրը

«Մանչեսթեր Սիթին» կարող է հրաժարվել «Արսենալի» հարձակվող Ալեքսիս Սանչեսին հրավիրելու մտքից:

Ինչպես հաղորդում է The Telegraph-ը, «քաղաքայինների» ճամբարում վստահ են, որ չիլիացին ցանկանում է միանալ թիմին և խաղալ Պեպ Գվարդիոլայի գլխավորությամբ, սակայն ակումբը չի կարող բավարարել «Արսենալի» պահանջը, այն է՝ Սանչեսի տրանսֆերի դիմաց վճարել 35 մլն ֆունտ:

Մանչեսթերյան ակումբի ղեկավարությունը պատրաստ է առաջարկել 20 մլն ֆունտ, բայց նույնիսկ փոխզիջումային տարբերակը՝ 25-30 մլն, կարող է չգոհացնել «Սիթիին»: Բացի այդ, ակումբում դժգոհ են Սանչեսի գործակալի ֆինանսական պահանջներից: Խաղացողի պայմանագրի ժամկետն «Արսենալի» հետ լրանում է այս մրցաշրջանի ավարտից հետո:

Ավելի վաղ հայտնվել էր տեղեկատվություն, որ «Մանչեսթեր Սիթիի» հարձակվող Գաբրիել Ժեզուշը կարող է շարք վերադառնալ ավելի վաղ, քան նախատեսված էր: Դա նույնպես միգուցե ազդի ակումբի՝ Ալեքսիսին հրավիրելու ցանկության վրա:

Այդպիսով, Չիլիի հավաքականի ֆուտբոլիստի տրանսֆերի համար պայքարում գերադասելի կդառնան «Մանչեսթեր Յունայթեդի» հնարավորությունները:

Ալեքսիս Սանչեսը համաձայնեցրել է անձնական պայմանագիրը