Լրացուցիչ

Ընտրել լեզուն

«Արարատ» – «Շիրակ». Տեղեկություններ,  որոնք մարզադաշտ այցելելու առիթ կդառնան

 «ԱՐԱՐԱՏ»  – «ՇԻՐԱԿ»

77 խաղ,  +20=22-35, 83:110
13 հոկտեմբերի, ժ.15:00, Երևան,  «Ալաշկերտ» մարզադաշտ
1-ին շրջան.  26.08.2017  «Շիրակ» – «Արարատ»՝  2-1 (1-0)
Սոլոմոն Իմե Ուդո (45), Ալեքսանդր Իլիչ (87) – Ռևիկ Եղիազարյան (51):

Թեև նախորդ առաջնության համեմատ «Արարատի» խաղում զգալի առաջընթաց է նկատվում, սակայն թիմը կրկին հանգրվանել է մրցաշարային աղյուսակի վերջին հորիզոնականում: Ճիշտ է, արարատցիները վատ չէին մեկնարկել և «Շիրակի» հետ առաջին շրջանի խաղից առաջ 3 հանդիպումներում վաստակած 4 միավորով 4-րդ հորիզոնականում էին: Մինչդեռ նախորդ առաջնության մեկնարկային 3 հանդիպումներում էլ արարատցիները պարտվել էին, իսկ գոլերի հաշիվը բացել էին միայն 5-րդ տուրում:

«Շիրակի»  հետ խաղում էլ արարատցիներն իրենց լավագույն կողմերով դրսևորեցին, սակայն չկարողացան լիովին օգտագործել իրենց հնարավորությունները և 1-2 հաշվով ցավալի պարտություն կրեցին:

Այդ անհաջողությանը հետևեցին 3 անընդմեջ պարտությունները «Բանանցից», «Գանձասար-Կապանից» և «Ալաշկերտից», որոնք արարատցիներին վերջնականապես մրցաշարային աղյուսակի անդունդը «գլորեցին»:

Նախորդ առաջնության բրոնզե մրցանակակիր Գյումրիի «Շիրակը» գերազանց անցկացրեց մրցաշարի առաջին շրջանը՝ տոնելով 5 անընդմեջ հաղթանակ, որոնց շնորհիվ զգալիորեն առաջ պոկվեց մոտակա մրցակիցներից: Իսկ ահա երկրորդ շրջանում շիրակցիներն առայժմ հաղթանակ չեն տարել ու դա կփորձեն անել «Արարատի» հետ մրցախաղում:

«Շիրակը» երկրորդ շրջանը սկսեց «Ալաշկերտից» և «Բանանցից» կրած ծանր պարտություններով՝ չգտնելով մրցակիցների դարպասի բանալին: «Գանձասար-Կապանի» հետ մրցավեճում էլ շիրակցիները հրաշքով փրկվեցին պարտությունից՝ ավելացված ժամանակի վերջին վայրկյաններին նշանակված 11մ հարվածի շնորհիվ հավասարեցնելով հաշիվը:

8-րդ տուրից հետո «Շիրակը» կորցրեց առաջատարի իր դիրքը և այժմ պետք է փորձի վերականգնել սասանված հեղինակությունը: Ընթացիկ մրցաշրջանում «Շիրակի»  գլխավոր խնդիրը պահեստայինների կարճ նստարանն է, որի հետևանքով Վարդան Բիչախչյանն առաջնությունում անցկացրած 8 հանդիպումներում խաղադաշտ է դուրս բերել ընդամենը 16 ֆուտբոլիստի: Նրանցից 4-ը՝ Մարտուն Մխիթարյանը, Առլեն Ծատուրյանը, Մհեր Սաֆարյանն ու Ռուդիկ Մկրտչյանը երիտասարդներ են և առայժմ մրցակցային բավարար փորձ չունեն, որպեսզի փոխարինման մտնելով, կարողանան բեկել մրցակցության ընթացքը:

 «Շիրակը» նախորդ առաջնությունում բացահայտ առավելության էր հասել «Արարատի» նկատմամբ՝ հաղթելով բոլոր 6 խաղերում էլ: Ընդ որում արարատցիներին միայն մայիսի 20-ին Երևանում կայացած 6-րդ շրջանի  հանդիպման ժամանակ էր հաջողվել գրավել գյումրեցիների դարպասը: Իսկ մինչ այդ վերջին գոլն արարատցիները «Շիրակին» խփել էին գրեթե մեկ տարի առաջ՝ անցյալ տարվա մայիսի 22-ին: Աչքի էր ընկել Բենիկ Հովհաննիսյանը:

Արդեն 9 խաղ է, ինչ արարատցիներին չի հաջողվում առաջնությունում հաղթել «Շիրակին»՝ կրելով 8 անընդմեջ պարտություն: Վերջին հաղթանակը «Շիրակի» նկատմամբ արարատցիները տոնել են 2015թ. նոյեմբերի 8-ին Գյումրիում՝ 1-0: Այդ հաղթանակն ինչ-որ չափով կարելի է պատմական համարել, քանի որ մինչ այդ ՀՀ առաջնություններում մրցակիցների միջև անցկացված նախորդ 17 հանդիպումներից 15-ում հաղթել էին գյումրեցիները, 2 խաղ ավարտվել էր ոչ-ոքի: Ընդ որում վերջին 6 հանդիպումներն էլ ավարտվել էին շիրակցիների հաղթանակով:

Մրցակիցների միջև կայացած հանդիպումներում յուրօրինակ ռեկորդի հեղինակ է դարձել շիրակցի Անդրանիկ Բարիկյանը, ով 19 անգամ գրավել է արարատցիների դարպասը: «Արարատի» լավագույն ռմբարկուն Նշան Էրզրումյանն է, ով 10 գոլի հեղինակ է դարձել:

Աշոտ Հայրապետյան


Մադրիդի «Ռեալի» սանը կխաղա «Ալաշկերտում»

Հայկական «Միլանը». «Ալաշկերտը» հայտարարեց Մոնտենեգրոյի պատանեկան հավաքականների նախկին դարպասապահի ձեռբերման մասին

«Ալաշկերտը» մեկ օրում հասցրել է և՛ հաղթել, և՛ պարտվել

Հայկական առաջին գոլն այս տարի Մակեդոնիայում և հայ-վրացական խաղ Թուրքիայում (տեսանյութ)

Մինչ օրս անգերազանցելի ռեկորդներ Հայաստանի առաջնության ֆուտբոլիստներից (ՄԱՍ 2)

Հայ ֆուտբոլիստները գոլեր խփեցին Հոլանդիայում, իսկ Միշել Տեր-Զաքարյանը որակազրկվեց (տեսանյութ)

Տրանսֆերային ձմեռ-2018. Հայկական ակումբների ձեռքբերումները և կորուստները (թարմացվում է)

«Փյունիկը» «տրորեց» համեստ մրցակցին, իսկ հայազգի մարզիչը «կծեց» Ունայ Էմերիին (տեսանյութ)

Մինչ օրս անգերազանցելի ռեկորդներ Հայաստանի առաջնության ֆուտբոլիստներից (ՄԱՍ 1)

«Ալաշկերտն» արդեն երկնիշ թվով նորեկներ ունի, իսկ «Շիրակը» 8 գոլ է բաց թողել 2 խաղում (տեսանյութ)

Ազգային հավաքականի 10 ֆուտբոլիստ, ովքեր ձմռանը նոր ակումբներ են տեղափոխվել

Non-Stop. «Ալաշկերտը» հայտարարեց հերթական ֆուտբոլիստի ձեռքբրեման մասին

«Ալաշկերտը» կանգ չի առնում. Նոր փորձառու դարպասապահ թիմում

Շոկային 11 հանդիպում, որ այս մրցաշրջանում կայացել են Հայաստանում

ՊԱՇՏՈՆԱԿԱՆ․ Հայաստանի հավաքականի պաշտպանը կխաղա «Ալաշկերտում»

ՊԱՇՏՈՆԱԿԱՆ. «Ալաշկերտը» կրկին նոր ֆուտբոլիստով համալրվեց