Ըմբշամարտ

21.02.2017

Կիևի մրցաշարին Հայաստանը կներկայանա 10 ըմբիշով

Ինչպես արդեն տեղեկացրել էինք, հունահռոմեական ոճի հավաքականը փետրվարի երկրորդ կեսից ուսումնամարզական հավաք է անցկացնում  Երևանում՝ նախապատրաստվելով Ուկրաինայի մայրաքաղաքում կայանալիք մրցաշարին: Կիևի ստուգատեսին Հայաստանը կներկայանա հետևյալ կազմով. Գևորգ Ղարիբյանը (59 կգ), Կարեն Ասլանյանը (66 կգ), Վարշամ Բորանյանն և Ռաֆայել Ալեքսանյանը (75 կգ), Սարգիս Քոչարյանն ու Ռաֆիկ Մանուկյանը (80 կգ), Մաքսիմ Մանուկյանն ու Արթուր Շահինյանը (85 կգ), Արթուր Ալեքսանյանը (98 կգ) եւ Վաչիկ Եղիազարյանը (130 կգ): Նշենք, որ մրցաշարը կմերկարկի մարտի 2-ից և կավարտվի մարտի 4-ին: Առաջին օրը տեղի կունենան առաջնության կշռման արարողությունը և վիճակահանությունը: Կիևի մրցաշարին մասնակցության նախնական հայտ է ներկայացվել 42 երկրից:
21.02.2017

Հունահռոմեական ըմբշամարտի Աշտարակի թիմի փայլուն ելույթը Կալինինգրադում (տեսանյութ, ֆոտոշարք)

Կալինինգրադում անցկացվել է հունահռոմեական ըմբշամարտի ամենամյա մրցաշար, որին այս տարի մասնակցել է Աշտարակի պատանեկան թիմը՝ մարզիչ Արթուր Ծատուրյանի գլխավորությամբ: Մրցաշարին ներկայացված են եղել 15 երկրներից: Աշտարակի թիմին հաջողվել է հաղթող ճանաչվել 6 քաշային կարգերում: Պատվո հարթակի 1-ին տեղում են կանգնել 21կգ քաշային Արտյոմ Դանիելյանը, 26կգ քաշային Վանիկ Վարդանյանը, 35կգ քաշային Արթուր Մելքոնյանը, 42կգ քաշային Արման Մելքոնյանը, 53կգ քաշային Վոլոդյա Կուջոյանը և 76կգ քաշային Հովհաննես Հարությունյանը: 2-րդ հորիզոնականն են զբաղեցրել Թաթուլ Հովհաննիսյանն ու Արմեն Ալմազյանը, 3-րդ տեղն են գրավել Վարդան Գրիգորյանը, Հայկ Համբարձումյանն ու Լյուդվիգ Հովհաննիսյանը: Թիմի ժամանումը Զվարթնոց օդանավակայան
14.02.2017

Արթուր Ալեքսանյանի անվան մարզադպրոցն այս տարի նոր շենք կունենա

ՀՀ Սպորտի և Երիտասարդության նախարարությունը ներկայացրել է 2017թ. նախատեսված ներդրումները սպորտի մասսայականացման ուղղությամբ: Գերատեսչության հաղորդմամբ՝ Հայաստանի Հանրապետության տարբեր մարզերում և Երևան քաղաքում ներդրումների ծավալը կգերազանցի 7 մլն դոլարը: Մասնավոր միջոցներով 2017 թ. հիմնանորոգվելու են ՀՀ Տավուշի մարզի Իջևան քաղաքում գտնվող լողավազանը և հարակից շինությունները: Աշխատանքների իրականացման համար ներդրվելու է 163,934.00 ԱՄՆ դոլարը: Լողավազանը կնպաստի Իջևան քաղաքում ջրային մարզաձևերի զարգացմանը և մասսայականացմանը: ՀՀ Սյունիքի մարզի Սիսիան քաղաքում կառուցվելու է մարզադահլիճ, որի համար 2017 թվականին մասնավորի կողմից ներդրվելու է 35,000.00 ԱՄՆ դոլար: Նշենք, որ Սիսիանի մարզադահլիճի կառուցումը սկսվել է անցած տարի, որի ընթացքում արդեն կատարվել է 65,000.00 ԱՄՆ դոլարի ներդրում: Մարզադահլիճի կառուցումը նպաստելու է խաղային և մենապայքարային մարզաձևերի զարգացմանը և մասսայականացմանը: Ընթացիկ տարում սկսվելու են ՀՀ Շիրակի մարզի Գյումրի քաղաքի «Արթուր Ալեքսանյանի անվան հունա-հռոմեական ըմբշամարտի մանկապատանեկան մարզադպրոց» ՀՈԱԿ-ի կառուցման աշխատանքները: Մեկնարկային 2017 թվականին մարզադպրոցի կառուցման համար կներդրվի 412,371.12 ԱՄՆ դոլար, հաջորդ տարիներին՝ 824,742.27 ԱՄՆ դոլար: Մասնավոր ներդրողի միջոցներով 2017 թվականին Երևանի Քանաքեռ-Զեյթուն վարչական շրջանում կառուցվելու է 4800 քմ ընդհանուր մակերեսով մարզա-առողջարարական համալիր: Այդ նպատակով կներդրվի 2,400,000.00 ԱՄՆ դոլար: 4,123,711.34 ԱՄՆ դոլարի ներդրում կատարվելու է Օլիմպավանի լողավազանի և խաղային մարզաձևերի դահլիճի կառուցման նպատակով, որտեղ իրենց ուսումնամարզական հավաքն են անցնելու խաղային և ջրային մարզաձևերի ՀՀ հավաքական թիմերը:
11.02.2017

Հունահռոմեական ոճի ըմբիշները առաջադիմել են վարկանշային աղյուսակում

Ըմբշամարտի համաշխարհային միությունը (UWW) հրապարակել է հունահռոմեական ըմբշամարտի վարկանիշային թարմացված աղյուսակը, հայտնում է ՀԱՕԿ-ի պաշտոնական կայքը: Օլիմպիական խաղերի չեմպիոն Արթուր Ալեքսանյանն շարունակում է գլխավորել 98 կգ քաշայինների վարկանշային աղյուսակը: 66 կգ քաշային կարգում երկրորդը Օլիմպիական խաղերում արծաթե մեդալ ստացած Միհրան Հարությունյանն է: Վերջինս զիջում է միայն Օլիմիպիական խաղերի եզրափակչում իր մրցակից սերբ Դավոր Ստեֆանենկին: Նույն քաշային կարգում Կարեն Ասլանյանը 15-րդն է: 71 կգ քաշային կարգում Վարշամ Բորանյանը 8-րդ հորիզոնականում է: Եվրոպայի գործող չեմպիոնը անցած տարվա համեմատ բարելավել է դիրքը 8 հորիզոնականով: 75 կգ քաշային կարգում Արսեն Ջուլֆալակյանը 13-րդն է: Ջուլֆալակյանը Օլիմիպիական խաղերում ոչ հաջող ելույթների պատճառով մի քանի հորիզոնականով նահանջել է: Իսկ Կարապետ Չալյանը` 14-րդն է: Ավելի վաղ Չալյանը Ֆրանիսայիում կայացած հունահռոմեական ոճի ըմբշամարտի մրցաշարում ոսկե մեդալ էր նվաճել: 80 կգ քաշային կարգում 17-րդ տեղում Էդուարդ Սարգսյանն է: 85 կգ քաշային կարգում Մաքսիմ Մանուկյանը 14-րդն է, որը ևս լավագույն էր իր քաշային կարգում Փարիզի մրցաշարի շրջանակներում: Նշենք, որ Ըմբշամարտի համաշխարհային միությունը յուրաքանչյուր խոշոր մրցաշարից հետո թարմացնում է վարկանշային աղյուսակը:
01.02.2017

Լևոն Ջուլֆալակյանը ամփոփել է Փարիզի մրցաշարը

Հայաստանի հունահռոմեական ոճի ըմբշամարտի հավաքականի գլխավոր մարզիչ Լևոն Ջուլֆալակյանը Vivaronews.am-ի թղթակցի հետ զրույցում ամփոփել է հայ ըմբիշների ելույթները Փարիզի մրցաշարում: Հիշեցնենք, որ  Մաքսիմ Մանուկյանը (85 կգ), Կարապետ Չալյանը (75 կգ) և Կարեն Ասլայանը (66կգ) ոսկե մեդալներ էին նվաճել Ֆրանսիայի մայրաքաղաքում կայացած ըմբշամարտի առաջնությունում, իսկ Ռաֆայել Ալեքսանյանը դարձել էր մրցաշարի բրոնզե մեդալակիր: Հայաստանի ներկայացնող մարզիկներից միայն Գևորգ Ղարիբյանին (59կգ) չհաջողվեց մրցանակային տեղ զբաղեցնել: «Ընդհանուր առմամբ գոհ եմ մրցաշարի կազմակերպվածությունից, իսկ մեր մարզիկները շատ լավ հանդես եկան, միայն Գևորգ Ղարիբյանից եմ դժգոհ: Առջևում Եվրոպայի առաջնությունն է, մեր ըմբիշները պարտավոր են բարձր մակարդակով հանդես գալ ցանկացած առաջնությունում և լինել լավ մարզավիճակում»: 52-ամյա մասնագետը պարզաբանել է, թե ինչու Փարիզի մրցաշարին նախապես հայտավորված Օլիմիպիական խաղերի չեմպիոն Արթուր Ալեքսանյանը հրաժարվել է մասնակցությունից: «Արթուր Ալեքսանյանը մի փոքր մրսածություն ուներ, այդ պատճառով նա չի կարողացել մասնակցել մրցմանը»: Լևոն Ջուլֆալակյանը պատմեց նաև, որ հունահռոմեական ոճի հավաքականը 15 օրից ուսումնամարզական հավաքի է մեկնելու, որպեսզի նախապատրաստվի մարտին Կիևում կայանալիք միջազգային մրցաշարին:
29.01.2017

Կարեն Ասլանյանը՝ Փարիզի մրցաշարի հաղթող

Փարիզում տեղի ունեցող հունահռոմեական ոճի ըմբշամարտի մրցաշարում Հայաստանը ներկայացնող ըմբիշները ավարտեցին իրենց ելույթները: 66 քաշային կարգում հանդես եկող Կարեն Ասլանյանը եզրափակչում հաղթողի կոչման համար գոտեմարտեց լեհ Մատեուս Բերնատեկի հետ: Առաջին մրցափուլը ավարտվեց լեհ ըմբիշի նվազագույն առավելությամբ, սակայն 2-րդ մրցափուլում Աշխարհի երիտասարդական առաջնության չեմպիոնի հնարքը օգնեց 4 միավոր վաստակել և նվաճել ոսկե մեդալը: Գոտեմարտի տեսանյութը՝ քիչ անց Հիշեցնենք, որ հայ ըմբիշներից ոսկե մեդալ էին նվաճել նաև Մաքսիմ Մանուկյանը և Կարապետ Չալյանը, իսկ Ռաֆայել Ալեքսանյանը դարձել էր առաջնության բրոնզե մեդալակիր: http://www.vivaronews.am/makhsim-manukyaneh%D5%9D-pharizi-mrcashari-oske-medalakir http://www.vivaronews.am/karapet-chalyaneh%D5%9D-pharizi-mrcashari-haghthogh-tesanyuth
29.01.2017

Փարիզի մրցաշար. Ասլանյանը շարունակում է հաղթարշավը և նվաճում եզրափակչի ուղեգիր (տեսանյութ)

Ֆրանսիայի մայրաքաղաք Փարիզում ավարտի է մոտենում հունահռոմեական ոճի ըմբշամարտի մրցաշարը: 66 կգ քաշային կարգում հանդես եկող Կարեն Ասլանյանը ետևում թողնելով 2 մրցակից՝ կիսաեզրափակչում գոտեմարտեց Լեհաստանը ներկայացնող Ռոման Պաչուրկովսկիի հետ: Հայ ըմբիշը առաջին իսկ վարկյաններից տիրեց նախաձեռնությանը և վաղաժամ հաղթանակ տոնեց (9-0): Եզրափակիչ գոտեմարտում Աշխարհի երիտասարդական առաջնության չեմպիոնը ոսկե մեդալի համար կպայքարի լեհ Մատեուս Բերնատեկի հետ:
29.01.2017

Փարիզի մրցաշար. Կարեն Ասլանյանը հաղթում է հայ ըմբիշին և դուրս գալիս կիսաեզրափակիչ (տեսանյութ)

Փարիզում ընթացող հունահռոմեական ոճի ըմբշամարտի մրցաշարի քառորդ եզրափակչում 66 կգ քաշայիններ պայքարում Հայաստանը ներկայացնող Կարեն Ասլանյանը գոտեմարտեց Ֆրանսիայի դրոշի ներքո հանդես եկող Հրաչյա Մալխասյանի հետ: Աշխարհի երիտասարդական առաջնության չեմպիոնը կարողացավ 10-2 հաղթանակ տանել և նվաճել կիսաեզրափակչի ուղեգիր, որտեղ կհանդիպի լեհ Ռոման Պաչուրկովսկիի հետ: Կարեն Ասլանյանն ընդդեմ Հրաչյա Մալխասյանի from Vivaro News on Vimeo. Հիշեցնենք, որ 1/8 եզրափակչում Ասլանյանը հաղթել էր Նուրտայ Նուրգալիևին (7-4):
29.01.2017

Փարիզի մրցաշար. Կարեն Ասլանյանը հաղթում է մեկնարկային գոտեմարտում, Ղարիբյանը պարտվում է 1/8 եզրափակչում

Փարիզում ընթացող հունահռոմեական ոճի ըմբշամարտի մրցաշարի վերջին մրցումային օրն է: Հայաստանի դրոշի ներքո հանդես եկող ըմբիշներից այսօր պայքարի մեջ են մտել Գևորգ Ղարիբյանը(59կգ) և Կարեն Ասլանյանը (66կգ): Գևորգը Ղարիբյանը, որը որակարվորման փուլում  հաղթել էր իտալացի Ջակոբո Սանդրոնին, 1/8 եզրափակչում գոտեմարտեց  ղազախ Բագիլան Ժականշայի հետ, սակայն զիջեց մրցակցին 6-4 հաշվով: Իսկ 66կգ քաշայինների պայքարում Կարեն Ասլանյանը մրցագորգ դուրս եկավ Ղազախստանը ներկայացնող Նուրտայ Նուրգալիևի հետ: Աշխարհի երիտասարդական առաջնության չեմպիոնը վստահ հաղթանակ տարավ (7-4) և 1/4 եզրափակչում ուժերը կփորձի Ֆրանիսան ներկայացնող հայ ըմբիշ Հրաչյա Մալխասյանի հետ:
29.01.2017

Փարիզի մրցաշար. Գևորգ Ղարիբյանը առաջին հաղթանակն է տանում (տեսանյութ)

Ֆրանսիայի մայրաքաղաքում շարունակում է ընթանալ հունահռոմեական ոճի ըմբշամարտի մրցաշարը: Այս առաջնությունում Հայաստանից նախապես հայտավորվել էր 6 հայ ըմբիշ, սակայն երեկ Արթուր Ալեքսանյանը հրաժարվել է մասնակցել: Իսկ Մաքսիմ Մանուկյանը և Կարապետ Չալյանը ոսկե մեդալ են նվաճել , Ռաֆայել Ալեքսանյանն էլ սփոփիչ գոտեմարտը հաղթել է և դարձել առաջնության բրոնզե մեդալակիր: Այսօր հայ ըմբիշներից մրցագորգում պայքարելու են Գևորգ Ղարիբյանը (59կգ) և Կարեն Ասլանյանը (66կգ): Գևորգ Ղարիբյանը պայքարը սկսեց որակավորման փուլից՝ գոտեմարտելով իտալացի Ջակոբո Սանդրոնի հետ: Եվրոպայի երիտասարդական առաջնության չեմպիոնը կարողացավ 10-0 հաղթանակ տանել և 1/8 եզրափակչում կմրցի Ղազախստանը նեկայացնող Բագիլան Ժականշայի: Գևորգ Ղարիբյանն ընդդեմ Ջակոբո Սանդրոնի from Vivaro News on Vimeo.
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: