Ըմբշամարտ

08.05.2017

Միհրան Հարությունյանը հանդիպել է նաև Պոլ Պոգբայի հետ (լուսանկար, տեսանյութ)

«Արսենալ» - «Մանչեսթեր Յունայթեդ» խաղին ներկա գտնվելու համար Լոնդոնում գտնվող Միհրան Հարությունյանը երեկ բացի Հենրիխ Մխիթարյանից հանդիպել էր նաև Պոլ Պոգբայի հետ։ Ըմբիշի ընտրյալը լուսանկար էր հրապարակել իր ինստագրամյան էջում. Թեև Հենրիխ Մխիթարյանի թիմը ոչ մի հաճելի անակնկալ չմատուցեց իր երկրպագուներին, Միհրան Հարությունյանը տպավորված էր «Էմիրեյթս» մարզադաշտի մթնոլորտով։ Նա տեսանյութ էր հրապարակել և գրել. «Ցանկանում եմ մեծ երախտագիտությունս հայտնել Վիվառո ընկերությանն այսպիսի շքեղ նվերի և հանգստյան օրերս Լոնդոնում անցկացնելու հնարավորության համար։ Հ.Գ. Կենդանի տեսնել «Արսենալի» մարզադաշտը՝ ամբողջությամբ լցված երկրպագուներով, մի առանձնահատուկ բան է»։ Хочу выразить огромную благодарность компании #vivaro за такой щедрый подарок и возможность провести выходные в Лондоне! P.S. Увидеть в живую Стадион Арсенал полностью наполненный болельщиками - это нечто особенное! I'd like to thank #Vivaro for such a generous present, such as weekend trip to London. P.S. To see live soccer game on Arsenal Stadium fully loaded with the fans is something incredible and indescribable.#marstro_migran #migranarutyunyan #stadium #arsenal #england #london A post shared by Migran Arutyunyan (@maestro_migran) on May 7, 2017 at 12:44pm PDT
07.05.2017

Ըմբշամարտի ԵԱ. Չալյանն ու Մանուկյանը պարտվում են քառորդ եզրափակչում

Սերիբիայի Նովի Սադ քաղաքում ընթանում է հունահռոմեական ոճի ըմբշամարտի Եվրոպայի առաջնությունը: Մինչև 75 կգ քաշայինների քառորդ եզրափակչում Կարապետ Չալյանը զիջում է  Հունգարիան ներկայացնող Տոմաշ Լորինկսիին: 85 կգ քաշային Մաքսիմ Մանուկյանը նույն փուլում չի կարողանում առավելության հասնել  գերմանացի Ռամզին Ազիսսիրինիի նկատմամբ (2-1): Հայ ըմբիշները իրավունք կստանան պայքարել բրոնզե մեդալների համար, եթե իրենց հակառակորդները հասնեն մինչև եզրափակիչ:
07.05.2017

Չալյանը և Մանուկյանը քառորդ եզրափակչում են

Սերբիայում շարունակվում է հունահռոմեական ոճի ըմբշամարտի Եվրոպայի մեծահասակների առաջնությունը: 75 կգ քաշային Կարապետ Չալյանը 1/8 եզրափակչում հաղթեց թուրք Էմրահ Կուշին և դուրս եկավ քառորդ եզրափակիչ, որտեղ կգոտեմարտի Հունգարիան ներկայացնող Տոմաշ Լորինկսի հետ: Իսկ 85 կգ քաշային Մաքսիմ Մանուկյանը 1/8 եզրափակչում հաղթեց սերբ Ֆրանջկովիչին (2-0): 1/4 եզրափակչում Մանուկյանը ուժերը կչափի գերմանացի Ռամզին Ազիսսիրինի հետ:
07.05.2017

Ըմբշամարտի ԵԱ. Չալյանը և Մանուկյանը հաղթում են մեկնարկային գոտեմարտերում

Այսօր հունահռոմեական ոճի ըմբշամարտի Եվրոպայի առաջնության եզրափակիչ մրցումային օրն է: Հայ ըմբիշներից մայիսի 7-ին մրցագորգ են դուրս եկել 71 կգ քաշային Ռաֆայել Ալեքսանյանը, 75 կգ քաշային Կարապետ Չալյանը, 80 կգ քաշային Աարգիս Քոչարյանը, 85 կգ քաշային Մաքսիմ Մանուկյանը: Չալյանն և Մանուկյանը նվաճեցին 1/8 եզրափակչի ուղեգրեր՝ հաղթելով  Նիկտոր Նեմեսին և Ռոբերտի Կոբիաշվիլիի համապատասխանաբար: Մինչև 71 կգ քաշայինների պայքարում Ռաֆայել Ալեքսանյանը զիջեց թուրք Մուրատ Դագին: Իսկ 1/8 եզրափակչում Սարգիս Քոչարյանը համառ պայքարում չկարողացավ առավելության հասնել ուկրաինացի Դմիտրո Փիշկովի նկատմամբ:
07.05.2017

Միհրան Հարությունյանը ներկա կգտնվի «Արսենալ»-«Մանչեսթեր Յունայթեդ» հանդիպմանը

Հունահռոմեական ոճի ըմբիշ Օլիմիպիական խաղերի փոխչեմպիոն Միհրան Հարությունյանը ներկա կգտնվի Անգլիայի առաջնության 36-րդ տուրի «Արսենալ»- «Մանչեսթեր Յունայթեդ» խաղին: Հիշեցնենք՝ Ռիոյի Օլիմիպիական խաղերից հետո Վիվառո ընկերությունը իր գրասենյակում հյուրընկալեց հայ ըմբիշին՝ նվիրելով  ուղևորություն 2 անձի համար դեպի Լոնդոն, որի ընթացքում Միհրանը հնարավորություն կունենար այցելել «Արսենալ»- «Մանչեսթեր Յունայթեդ» խաղին, ինչպես նաև հանդիպել հայ կիսապաշտպան Հենրիխ Մխիթարյանին: #london #harrods Публикация от Migran Arutyunyan (@maestro_migran) Май 6 2017 в 10:14 PDT
06.05.2017

Արթուր Ալեքսանյանը՝ Եվրոպայի առաջնության բրոնզե մեդալակիր

Սերբիայի Նովի Սադ քաղաքում շարունակվում է հունահռոմեական ոճի ըմբշամարտի Եվրոպայի առաջնությունը: Մինչև 98 քաշայինների պայքարում Արթուր Ալեքսանյանը բրոնզե մեդալի համար գոտեմարտեց ուկրաինացի Դիմիտրի Տիմչենկոյի հետ: Օլիմիպիական խաղերի ոսկե մեդալակիրը երկու մրցափուլի արդյունքում առավելության հասավ Տիմչենկոյի նկատմամբ (5-0) և նվաճեց բրոնզե մեդալ: Հիշեցնենք՝ Արթուր Ալեքսանյանը պայքարը սկսել էր որակավորման փուլից ու հասել քառորդ եզրափակիչ, որտեղ զիջել էր նորվեգացի Ֆելիքս Բալդաոֆին (2-2): Քանի որ Արթուրին պարտության մատնած ըմբիշը հասել էր մրցաշարի եզրափակիչ, Ալեքսանյանը սփոփիչ գոտեմարտ անցկացնելու իրավունք ստացավ, որտեղ հաղթեց  չեխ Արթուր Օմարովին (4-3): Իսկ այսօր մրցագորգ դուրս եկած մեր մյուս ըմբիշներ Գևորգ Ղարիբյանը (59 կգ), Կարեն Ասլանյանը (66 կգ) և Վաչիկ Եղիազարյանը (130 կգ) չկարողացան մրցանակային տեղեր զբաղեցնել: Վաղը՝ մայիսի 7-ին, պայքարի մեջ դուրս կգան 71 կգ՝ Ռաֆայել Ալեքսանյանը, 75 կգ՝ Կարապետ Չալյանը, 80 կգ՝ Սարգիս Քոչարյանը, 85 կգ՝ Մաքսիմ Մանուկյանը:
06.05.2017

Արթուր Ալեքսանյանը հաղթում է սփոփիչ գոտեմարտում

Սերբիայում շարունակում է ընթանալ հունահռոմեական ոճի ըմբշամարտի Եվրոպայի առաջնությունը: 98 կգ քաշային Արթուր Ալեքսանյանը հաղթահարեց որակավորման փուլը ու 1/8 եզրափակիչը, սակայն քառորդ եզրափակչում զիջեց նորվեգացի Ֆելիքս Բալդաուֆին: Վերջինս հասավ մինչև եզրափակիչ և Օլիմիպիական խաղերի չեմպիոնը իրավունք ստացավ բրոնզե մեդալի համար սփոփիչ գոտեմարտ անցկացնել: Արթուրը պարտության մատնեց չեխ Արթուր Օմարովին (4-3) և առաջնության բրոնզե մեդալը կվիճարկի ուկրաինացի Դիմիտրի Տիմչենկոյի հետ: 130 կգ քաշային Վաչիկ Եղիազարյանը 10-2 հաշվով հաղթեց հույն ըմբիշին, այնուհետև քառորդ եզրափակչում զիջեց Բալինտ Լամին: Հունգարացուն նույնպես հաջողվեց հասնել եզրափակիչ, սակայն Վաչիկը սփոփիչ գոտեմարտում զիջեց ռուս Սերգեյ Շյուրիին: 1/8 եզրափակչում պարտված Կարեն Ասլանյանի և Գևորգ Ղարիբյանի հակառակորդները չհասան եզրափակիչ: http://www.vivaronews.am/video/inchpes-arthur-alekhsanyaneh-partvec-yevropayi-arajnuthyunum-tesanyuth
06.05.2017

Ինչպես Արթուր Ալեքսանյանը պարտվեց Եվրոպայի առաջնությունում (տեսանյութ)

Սերբիայում ընթացող ըմբշամարտի Եվրոպայի առաջնության 98 կգ քաշայինների պայքարի քառորդ եզրափակչում Արթուր Ալեքսանյանը պարտություն կրեց Նորվեգիան ներկայացնող Ֆելիքս Բալդոֆից: Ներկայացնում ենք գոտեմարտի տեսագրությունը.  
06.05.2017

Արթուր Ալեքսանյանը պարտվում է քառորդ եզրափակչում

Սերբական Նովի Սադ քաղաքում մեկնարկել է  հունահռոմեական ոճի ըմբշամարտի Եվրոպայի մեծահասակների առաջնությունը: Օլիմիպիական խաղերի չեմպիոն Արթուր Ալեքսանյանը 98 կգ քաշայինների մրցման որակավորման փուլում նախ հաղթեց լիտվացի Վիլիուս Լաուրինատիսին (4-0), իսկ 1/8 եզրափակչում պարտության մատնեց սերբ մարզիկին: Քառորդ եզրափակչում համառ պայքարում Արթուրը չկարողացավ առավելության հասնել նորվեգացի ըմբիշ Ֆելիքս Բալդաուֆի նկատմամբ (2-2): Նշենք՝ Արթուր Ալեքսանյանի մասնակցությունը ԵԱ-ին մինչև հայտերի ներկայացման վերջին օրը հարցականի տակ էր, քանի որ «Սպիտակ արջը» մարզումների ժամանակ ծնկի վնասվածք էր ստացել: Ավելի վաղ տեղեկացրել էինք, որ Կարեն Ասլանյանը և Գևորգ Ղարիբյանը պարտվել են 1/8 եզրափակչում, իսկ 130 կգ քաշային Վաչիկ Եղիազարյանը 10-2 հաշվով հաղթելով հույն ըմբիշին՝ քառորդ եզրափակչում զիջել է հունգարացի Բալինտ Լամին:
06.05.2017

Ըմբշամարտի ԵԱ. Ասլանյանը պարտվում է թուրք ըմբիշին, Ղարիբյանը՝ ադրբեջանցուն

Սերբիայի Նովի Սադ քաղաքում մեկնակած հունահռոմեական ոճի ըմբշամարտի Եվրոպայի առաջնությունը այսօր մրցահարթակ է դուրս եկել 4 հայ ըմբիշ: Մինչև 59 կգ քաշայինների պայքարում Գևորգ Ղարբիբյան սկսեց պայքարը 1/8 եզրափակչից, որտեղ զիջեց ադրբեջանցի Տալեհ Մամադովին: Նույն փուլում 66 կգ քաշային Կարեն Ասլանյանը չկարողացավ հաղթահարել թուրք ըմբիշի արգելքը: Օլիմիպիական խաղերի չեմպիոն Արթուր Ալեքսանյանը 98 կգ քաշայինների մրցման որակավորման փուլում հաղթեց նախ հաղթեց լիտվացի Վիլիուս Լաուրինատիսին (4-0), իսկ 1/8 եզրափակչում պարտության մատնեց սերբ մարզիկին: Քառորդ եզրափակչում Արթուրի մրցակիցը կլինի նորվեգացի Ֆելիքս Բալդաուֆը: 130 կգ Վաչիկ Եղիազարյանը 10-2 հաշվով հաղթեց հույն ըմբիշին, այնուհետև քառորդ եզրափակչում զիջեց հունգարացի Բալինտ Լամին:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: