Ծանրամարտ

08.05.2017

Հայ ծանրորդները մեկնել են Ուկրաինա

Մեծահասակների և երիտասարդների աշխարհի առաջնությունը ընդառաջ ծանրամարտի Հայաստանի տղամարդկանց, կանանց և երիտասարդական հավաքականներն այսօր մեկնեցին Ուկրաինա՝ ուսումնամարզական հավաք անցկացնելու, տեղեկացնում է ՀԱՕԿ լրատվությաբ բաժինը: Հավաքականների գլխավոր մարզիչներ Փաշիկ Ալավերդյանը և Արտաշես Ներսիսյանը թիմերի կազմերում ընդգրկել են՝ Սիմոն Մարտիրոսյանին, Անդրանիկ Կարապետյանին, Գոռ Մինասյանին, Ռուբեն Ալեքսանյանին, Սամվել Գասպարյանին, Արմեն Գրիգորյանին, Կարեն Մարգարյանին, Կարեն Ավագյանին, Հրայր Հովհաննիսյանին, Հակոբ Մկրտչյանին, Ժորժ Եղիկյանին, Դավիթ Հովհաննիսյանին, Սոնա Պողոսյանին, Արփինե Դալալյանին, Տաթև Հակոբյանին և Աննա Գովելյանին։ Ծանրորդներն Ուկրաինայում կմարզվեն մինչեւ մայիսի 26-ը։
08.04.2017

Գոռ Մինասյանը՝ Եվրոպայի առաջնության արծաթե մեդալակիր, Ալեքսանյանը՝ բրոնզե մեդալակիր

Խորվաթական Սպլիտ քաղաքում ավարտին է մոտենում ծանրամարտի Եվրոպայի առաջնությունը: Գերծանր քաշայինների մրցմանը մրցահարթակ դուրս եկան Հայաստանի վերջին պատվիրակներ Գոռ Մինասյանը և Ռուբեն Ալեքսանյանը: Օլիմիպիական խաղերի արծաթե մեդալակիր Գոռ Մինասյանը պոկում վարժությունում վստահ բարձրացրեց 200 կգ և 205 կգ, իսկ 3-րդ մոտեցմանը իր կամքին ենթարկեց 211 կգ և սահմանեց իր անձնական ռեկորդը՝ նվաճելով փոքր արծաթե մեդալը: Հրում վարժությունում գյումրեցի ծանրորդը կարողացավ ֆիքսել 235 կգ,  սակայն 2 մոտեցումներում պարտվող դուրս եկավ 241 կգ կշռող ծանրաձողի հետ կռվում: Երկամարտի 446 արդյունքով Գոռը հռչակվեց Եվրոպայի փոխչեմպիոն: Ռուբեն Ալեքսանյանը պոկում վարժությունում 2-րդ փորձից գլխավերևում պահեց 190 կգ, սակայն չկարողացավ պոկել 195 կգ: Հրում վարժությունում Ալեքսանյանը հրեց 240 կգ ծանրաձողը, այնուհետև բարձրացրեց 244 կգ, սակայն չկարողացավ գլխավերևում պահել 247 կգ ծանրաձողը և երկամարտի 434 երկամարտի ցուցանիշով նվաճեց բրոնզե մեդալ: Ավելի վաղ 105 քաշային կարգում ոսկե մեդալ նվաճեց Սիմոն Մարտիրոսյանը, իսկ կանանց պայքարում բրոնզե մեդալակիրներ են դարձել Սոնա Պողոսյանը(75 կգ) և Տաթև Հակոբյանը (90 կգ):
08.04.2017

Սիմոն Մարտիրոսյանի հաղթական մոտեցումը և պարգևատրման արարողությունը (տեսանյութ)

Խորվաթիայում ընթացող ծանրամարտի Եվրոպայի առաջնության մինչև 105 կգ քաշայինների պայքարում 20-ամյա Սիմոն Մարիտիրոսյանը երկամարտի 414 կգ արդյունքով հռչակվեց Եվրոպայի չեմպիոն: Այս քաշային կարգում պոկում վարժությունում փոքր արծաթե մեդալ նվաճեց Ավստրիան ներկայացնող մեր հայրենակից Սարգիս Մարիտիրոսյանը, իսկ Ռուսաստանը ներկայացնող Բեժանյան Դավիթը բրոնզե մեդալի տեր դարձավ հրում վարժությունում:
08.04.2017

Սիմոն Մարտիրոսյանը՝ Եվրոպայի չեմպիոն

Խորվաթիայի Սպլիտ քաղաքում շարունակում է ընթանալ ծանրամարտի մեծահասակների Եվրոպայի առաջնությունը: Մինչև 105 քաշայինների պայքարում Հայաստանը ներկայացել էր 2 ծանրորդով: Սամվել Գասպարյանը պոկում վարժությունում վստահ բարձրացրեց 160 կգ և 165 կգ ծանրաձողերը, սակայն չկարողացավ  գլխավերևում պահել 170 կգ: Հրում վարժությունում 20-ամյա գյումրեցի մարզիկը ելույթները ավարտեց 210 կգ արդյունքով և երկամարտի 375 կգ արդյունքով հանգրվանեց 6-րդ հորիզոնականում: Ռիոյի Օլիմիպիական խաղերի փոխչեմպիոն Սիմոն Մարիտիրոսյանը 184 կգ արդյունքը գրանցեց պոկում վարժությունում և նվաճեց փոքր ոսկե մեդալ: Հրում վարժությունում Սիմոնը 2-րդ փորձից կարողացավ հրել 220 կգ կշռող ծանրաձողը, իսկ 3-րդ մոտեցմանը բարձրացրեց 230 կգ ծանրաձողը և երկամարտի 414 կգ հռչակվեց Եվրոպայի չեմպիոն: ժամեր անց մրցահարթակը կտրամադրվի մինչև 105 + քաշայիններին: Այս քաշային կարգում Հայաստանը A խմբում կներկայացնեն Գոռ Մինասյանը և Ռուբեն Ալեքսանյանը:
08.04.2017

Հետևեք Կարեն Մարգարյանի ելույթին աշխարհի պատանիների առաջնությունում

Թայլանդում շարունակում է ընթանալ ծանրամարտի աշխարհի պատանիների առաջնությունը: 77 կգ քաշային Կարեն Մարգարյանը հանդես է գալիս A խումբ: Հայ ծանրորդի ելույթներին կարող եք հետևել ուղիղ հեռարձակմամբ:
07.04.2017

Ծանրամարտի ԵԱ. Տաթև Հակոբյանը բրոնզե մեդալ է նվաճել

Խորվաթիայում անցկացվող ծանրամարտի մեծահասակների առաջնությանը Հայաստանի կանանց հավաքականը ավարտեց ելույթները: Կանանց պայքարում մեր վերջին պատվիրակ 90 կգ քաշային Տաթև Հակոբյանը ելույթ ունեցավ A խմբում: Հայ մարզուհին 105 կգ արդյունքը գրանցեց պոկում վարժությունում և նվաճեց փոքր բրոնզե մեդալ: Հրում վարժությունում Տաթևին հաջողվեց արձանագրել 125 կգ ցուցանիշը և երկամարտի 230 կգ դառնալ Եվրոպայի առաջնության բրոնզե մեդալակիր: Հիշեցնենք՝ երեկ 75 քաշայինների պայքարում Սոնա Պողոսյանը  երկամարտի 227 արդյունքով կանգնեց պատվո հարթակի 3-րդ աստիճանին: Ծանոթացեք նաև մեր մյուս ծանրորդների մրցելույթների ժամանակցույցին:
07.04.2017

Ծանրամարտի ԵԱ. Կարուշ Ղուկասյանը 3-րդն է

Խորվաթական Սպլիտ քաղաքում ընթանում է մեծահասակների ծանրամարտի Եվրոպայի առաջնությունը: Հայաստանը ներկայացնող ծանրորդներից 94 կգ քաշային Կարուշ Ղուկասյանը հանդես եկավ B խմբում: Հայ ծանրորդը պոկում վարժությունում կարողացավ գլխավերևում պահել 160 կգ ծանրածողը, սակայն 2 փորձից էլ չկարողացավ իր կամքին ենթարկել 165 կգ կշռող ծանրաձողը: Հրում վարժությունում Ղուկասյանը նախ հրեց 190 կգ, այնուհետև 10 կգ քայլ կատարեց և բարձրացրեց 200 կգ, սակայն 3-րդ մոտեցումը ձախողեց և երկամարտի 360 կգ արդյունքով զբաղեցրեց 3-րդ տեղը B խմբում: Քիչ հետո կանանց 90 կգ քաշային կարգում Հայաստանը կներկայացնի Տաթև Հակոբյանը: Լուսանկարը՝ ARMNOC-ի:
07.04.2017

Արմեն Գրիգորյանը 9-րդն է, Ռաֆիկ Հարությունյանը՝ 10-րդը աշխարհի պատանիների առաջնությունում

Թայլանդի մայրաքաղաք Բանգկոկում շարունակում է ընթանալ ծանրամարտի պատանիների աշխարհի առաջնությունը: Մինչև 69 կգ քաշային կարգում այսօր մրցահարթակ դուրս եկան  Արմեն Գրիգորյանը և Հայաստանի պատանիների առաջնության գործող չեմպիոն Ռաֆիկ Հարությունյանը: Արմեն Գրիգորյանը պոկում վարժությունը ավարտեց 125 կգ արդյունքով, իսկ հրում վարժությունում արձանագրեց 157 կգ ցուցանիշը ու երկամարտի 282 կիլոգրամով հանգրվանեց 9-րդ հորիզոնականում: Ռաֆիկ Հարությունյանը երկամարտում 4 կգ զիջեց Արմենին և զբաղեցրեց 10-րդ տեղը: Հարությունյանը 120 և 150 արդյունքները գրանցեց պոկում և հրում վարժություններում համապատասխանաբար: Նշենք՝ վաղը պայքարի դուրս կգան մինչև 77 քաշայիններ Կարեն Մարգարյանը (A խումբ) և Տիգրան Ամիրյանը (B խումբ): «Vivaro News Armenian Sport» ֆեյսբուքյան էջի միջոցով ուղիղ հեռաձարկմամբ կարող եք հետևել հայ մարզիկների ելույթներին:
06.04.2017

Սոնա Պողոսյանը՝ Եվրոպայի առաջնության բրոնզե մեդալակիր

Խորվաթիայում շարունակում է ընթանալ ծանրամարտի մեծահասակների Եվրոպայի առաջնությունը: Կանանց պայքարում մրցահարթակ դուրս եկավ 75 կգ քաշային Սոնա Պողոսյանը: 18-ամյա մարզուհին պոկում վարժությունունում արձանագրեց 101 կգ արդյունքը ու զգաղեցրեց 4-րդ հորիզոնականը: Իսկ հրում վարժությունում Պողոսյանը վստահությամբ գլխավերևում պահեց նախ 122 կգ կշռող ծանրաձողը,  այնուհետև 126 կգ բարձրացրեց, սակայն չկարողացավ հրել 128 կիլոգրամանոց ծանրաձողը: Այնուամենայնիվ Սոնային հաջողվեց զբաղեցնել 2-րդ տեղը և նվաճել փոքր արծաթե մեդալ: Իսկ երկամարտի 227 կգ արդյունքով Պողոսյանը դարձավ մեծ բրոնզե մեդալակիր: Նշենք՝ վաղը B խմբում հանդես կգա 94 կգ քաշային Կարուշ Ղուկասյանը, իսկ Տաթև Հակոբյանը իր ուժերը կփորձի մինչև 90 քաշայինների պայքարում:
06.04.2017

Բաբկեն Բագրատյանը 11-րդն է Աշխարհի պատանիների առաջնությունում

Թայլանդի մայրաքաղաք Բանգկոկում ընթանում է ծանրամարտի պատանիների աշխարհի առաջնությունը: Հայաստանը ներկայացնող 8 մարզիկներից այսօր պայքարի մեջ դուրս եկավ 62 կգ քաշային Բաբկեն Բագրատյանը: 16-ամյա հայ ծանրորդը պոկում վարժությունում հաջողությամբ իրացրեց 3 մոտեցումն էլ և գրանցեց 110 կգ արդյունքը, իսկ հրում վարժությունում գրանցեց 135 կգ: Երկամարտի 245 կգ արդյունքով Բագրատյանը հանգրվանեց 11-րդ հորիզոնականում: Վաղը հայ պատանի ծանրորդներից մրցահարթակ դուրս կգան մինչև 69 քաշային քաշային Ռաֆիկ Հարությունյանը և Արմեն Գրիգորյանը: Վերջիններս ընդգրկված են A խմբում: Նշենք՝ «Vivaro News Armenian Sport» ֆեյսբուքյան էջի միջոցով ուղիղ հեռաձարկմամբ կարող եք հետևել հայ մարզիկների ելույթներին: http://www.vivaronews.am/ashxarhi-patanineri-arajnuthyunum-hay-tcanrordneri-eluythneri-zhamanakacuyceh  
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: