The Telegraph. ԱՊԼ-ի 8 մարզիչներ մեղադրվում են կոռուպցիայի մեջ

The Telegraph-ը հետաքննություն է վարում բրիտանական ֆուտբոլում կոռուպցիայի վերաբերյալ: Թերթի տեղեկացմամբ, Անգլիայի Պրեմիեր լիգայի 8 ներկայիս և նախկին մարզիչները կաշառք են ստացել տրանսֆերային գործարքներ իրականացնելիս:

Թերթի թղթակիցները հանդիպում են ունեցել ֆուտբոլային գործակալների հետ, որոնք առնչություն են ունեցել անգլիական ակումբների հետ և ձայնագրել նրանց հետ զրույցները: Իսկ լրագրողները ներկայացել են արևելյան ընկերության աշխատակիցներ և ցանկություն են հայտնել փող ներդնել ֆուտբոլիստների վրա:

The Telegraph-ը Մանչեսթերում հանդիպել է գործակալ Պինո Պալյարի հետ, որը որակազրկվել էր 5 տարով:

Վերջինը պատմել է, թե ինչպես մի հայտնի մարզիչ բանակցությունների ժամանակ հարցրել է,  թե արդյոք նա կստանա «մի բաժակ թեյ»՝ իրականում նկատի ունենալով գումարային հատուցում:

Պայլարի խոսքերով, մեկ այլ հանրաճանաչ մարզիչ, որը ևս կաշառք է վերցնում, խնդրում է բաժին փողը փոխանցել նրա օֆշորային ընկերության հաշվեհամարին:

Պալյարը և 2 գործակալի հավաստմամբ, Անգլիայում ամեն ինչ արվում է «սեղանի տակ» և կոռուպցիան մեծ տարածում ունի:

The Telegraph ղեկավարությունը հայտարարություն է տարածել, որ ձայնագրված զրույցները կփոխանցի Անգլիայի ֆեդերացիա և ոստիկանություն:

ԼՐԱՀՈՍ
* ]
ԹԵԺ ԵՎ ԲԱՑԱՌԻԿ