Թենիս

19.04.2017

Սերենա Ուիլյամսը երեխայի է սպասում. (լուսանկար)

Հայտնի ամերիկացի թենիսիստուհի Սերենա Ուիլյամսը հղի է: Այդ մասին աշխարհի թիվ 1 ռակետը հայնտնել է «Snapchat» -ի իր էջում լուսանկար տեղադրելով: Թենիսիստուհին հայտնել է նաև, որ հղիությունն արդեն 20 շաբաթական է: Հիշեցնենք, որ 2016 թվականին Ուիլյամսը հայտարարել էր իր և «Reddit» կայքի համահիմնադիր  հայազգի Ալեքսիս Օհանյանի նշանադրության մասին:
19.04.2017

Թենիսի հանդիպումն ընդհատվել է չափից դուրս բարձր ձայնով սիրով զբաղվող զույգի պատճառով (տեսանյութ)

ԱՄՆ-ում Չելենջեր մակարդակի թենիսի հանդիպումներից մեկը Ֆրենսիս Տիաֆոյի և Միտչել Կրյուգերի միջև ընդհատվել է մոտակայքում սիրով զբաղվող զույգի տնքոցների պատճառով: Մեկնաբանը մի պահ ենթադրել է, թե ձայնը գալիս է հանդիսականներից մեկի հեռախոսից, բայց շուտով ամեն ինչ պարզ է դարձել.
09.04.2017

Դևիսի գավաթի զուգախաղի ընթացքում Մայուն հարված է կատարել… տրիբունայից (տեսանյութ)

Դևիսի գավաթի խաղարկության զուգախաղի ընթացքում ֆրանսիացի Նիկոլյա Մայուն Կայլ Էդմունդի ու Ջեյմի Մարեյի դեմ խաղում մրցակցի հարվածին պատասխանել է տրիբունայից: Նշենք, որ Մայուն ու Ժյուլյեն Բենետոն առավելության են հասել 7:6, 5:7, 7:5, 7:5 հաշվով:
07.04.2017

Davis Cup 2017. 3 խումբ. Հայաստանի հավաքականը պարտվեց Հունաստանին ընդհանուր 0-3 հաշվով

Հայաստանի թենիսի տղամարդկանց հավաքականը Davis Cup 2017-ի 3 խմբի 2-րդ տուրի խաղում պարտվել է Հունաստանի ընտրանուն: Արդյունքները ՝ Չարլամպոս Կարուգիանիս 6-0 6-1 Միքայել Խաչատրյան Յոնաս Ստերիողու 6-0 6-0 Միքայել Ավետիսյան Ստամատիս Կապիրիս/ Պետրոս Ցիտսիփաս 4-6 6-3 6-1 Միքայել Ավետիսյան/ Սեդրակ Խաչատրյան Նշենք, որ Հայաստանի հավաքականը իր խմբում զբաղեցնում է վերջին հորիզոնականը և կպայքարի 9-12 տեղերի համար:
02.04.2017

Ֆեդերերը հաղթեց Նադալին և նվաճեց կարիերայի 91-րդ տիտղոսը

Շվեյցարացի Ռոջեր Ֆեդերերը դարձել է Մայամիի «Մաստերս-1000» շարքի հաղթող՝ եզրափակչում պարտության մատնելով իսպանացի Ռաֆայել Նադալին 6-3, 6-4 հաշվով: Հանդիպումը տևել է 1 ժամ, 35 րոպե: Ֆեդերերը նվաճել է իր մարզական կարիերայի 91-րդ տիտղոսը, որը 3-րդն էր այս մրցաշրջանում: Շվեյցարացին 3-րդ անգամ հաղթեց Մայամիի «Մաստերս-1000» շարքի մրցաշարում, ինչպես նաև սա նրա 3-րդ հաղթանակն էր Նադալի նկատմամբ 2017 թվականին: Նախորդ երկուսը կայացել էին Ավստրալիայում և Ինդիան-Ուելսում: Ֆեդերեր-Նադալ դիմակայության պատմության մեջ առավելությունը մնում է իսպանացու օգտին՝ 14-23:  
31.03.2017

Անդրե Աղասի. «Օգնեք ինձ պահել Քըրքի խոստումը»

Ամերիկահայ նախկին պրոֆեսիոնալ թենիսիստ, աշխարհի նախկին թիվ մեկ ռակետ Անդրե Աղասին միացել է համացանցում մեծ տարածում գտած գովազդային արշավին՝ Թվիթերում  իր հետևորդներին կոչ անելով դիտել Հայոց ցեղասպանության մասին պատմող «Խոստում» ֆիլմը: «Ես շատ հպարտ եմ, որ Քըրք Քըրքորյանը երազանքը այլևս իրականություն է: Խնդրում եմ, օգնեք ինձ պահել Քըրքի խոստումը»: https://twitter.com/AndreAgassi/status/847550989565546496 «Խոստում» ֆիլմը նկարահանվել է ամերիկահայ բարերար Քըրք Քըրքորյանի հովանավորությամբ: Ֆիլմի հիմքում սիրո պատմություն է, որի դեպքերը զարգանում են Մեծ եղեռնի տարիներին։
20.03.2017

Ֆեդերերը 90-րդ տիտղոսն է նվաճել կարիերայում՝ սահմանելով նոր ռեկորդ

Շվեյցարացի Ռոջեր Ֆեդերերը մրցաշրջանում իր երկրորդ մեծ տիտղոսն է նվաճել: «Մաստերս» շարքի Ինդիան-Ուելսի մրցաշարի եզրափակչում 35-ամյա թենիսիստը 6:4, 7:5 հաշվով հաղթել է իր հայրենակից Ստեն Վավրինկային ու ճանաչվել հաղթող: Ֆեդերերը 5-րդ անգամ է հաղթում Ինդիան-Ուելսում, իսկ ողջ կարիերայի ընթացքում սա 90-րդ տիտղոսն էր: Նշենք, որ Ֆեդերերը նոր ռեկորդ սահմանեց «Մաստերս» շարքի մրցաշարերում: Հաղթելով Ինդիան-Ուելսում 35 տարեկան 7 ամսական հասակում՝ նա շրջանցեց Անդրե Աղասիին և դարձավ «Մաստերս» հաղթած ամենատարեց թենիսիստը:
19.03.2017

Ինդիան Ուելսի եզրափակիչում՝ Վավրինկա – Ֆեդերեր

Ինդիան Ուելսում ընթացող «Մասթերս» կարգի մրցաշարի եզրափակիչում միմյանց դեմ կմրցեն շվեյցարացիներ Ռոջեր Ֆեդերերն ու Ստանիսլաս Վավրինկան: Մենախաղը կմեկնարկի այսօր՝ ուղիղ կեսգիշերին: Նշենք, որ կիսաեզրափակիչում Վավրինկան պայքարից դուրս է թողել Կարենյո Բուստային, իսկ Ֆեդերերը՝ Ջեք Սոկին:
19.03.2017

Մարեյը չի մասնակցի Մայամիի մրցաշարին

Աշխարհի առաջին ռակետ Էնդի Մարեյը վնասվածքի պատճառով չի կարողանա մասնակցել Մայամիում կայանալիք «Մասթերս» կարգի մրցաշարին: Այս մասին տեղեկացնում է մրցաշարի պաշտոնական էջը: Մարեյի բացակայության պայմաններում մասնակիցների անվանացուցակում է ընդգրկվել ամերիկացի Թեյլոր Ֆրիցը: Մայամիի մրցաշարն անցկացվելու է մարտի 20-ից ապրիլի 2-ը:
12.03.2017

Էնդի Մարեյը պարտվել է 129-րդ ռակետին ու դուրս մնացել Ինդիան Ուելսի հետագա պայքարից

Ինդիան Ուելսի երկրորդ շրջանում շոտլանդացի Էնդի Մարեյը չի կարողացել հաղթահարել Վաշեկ Պոսպիշիլի արգելքը՝ դուրս մնալով հետագա պայքարից: Մարեյը 129-րդ ռակետին պարտվել է 6-4, 7-6 հաշվով: Մենախաղը տևել է 1 ժամ 51 րոպե: Նշենք, որ թենիսիտների միջև անհատական պայքարի հաշիվը 4-1 է՝ հօգուտ Մարեյի:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: