Թենիս

24.01.2017

Կարո՞ղ եք թվարկել Australian Open-ի եզրափակչի բոլոր մասնակիցներին. Վիկտորինա

Թենիսի «Մեծ սաղավարտի» տարվա առաջին մրցաշարը՝ Ավստրալիայի բաց առաջնությունն իր ընթացքի մեջ է: Թենիսի սիրահարներին առաջարկում ենք վերհիշել Australian Open-ի եզրափակչի բոլոր մասնակիցներին սկսած 1990 թվականից: Թենիսիստների անունները պետք է լրացնել հայերեն.
24.01.2017

FailyTale #1. Շաբաթվա ամենավարակիչ ձախողումներն ու չստացված պահերը մարզաշխարհում (տեսանյութ)

VivaroNews.am-ը շարունակում է ներկայացնել նոր վիդեոշարքեր, իսկ այս մեկն այդ շարքում ամենածիծաղելին է.
22.01.2017

Տարիքը չխանգարեց Ֆեդերերին նոր ռեկորդ սահմանել

Ինչպես արդեն տեղեկացրել ենք, Ավստրալիայի բաց առաջնության 1/8 եզրափակիչում Ռոջեր Ֆեդերերը 5 սեթի արդյունքում առավելության է հասել 5-րդ ռակետ Կեյ Նիշիկորիի նկատմամբ՝ նվաճելով քառորդ եզրափակիչի ուղեգիր: Շվեյցարացու համար այս հաղթանակը 200-րդն էր առաջատար տասնյակում տեղ զբաղեցնող թենիսիստներին հաղթելու քանակով, որը ռեկորդային ցուցանիշ է: Գործող թենիսիստներից Ֆեդերերին այս հաշվարկում հաջորդում է Նովակ Ջոկովիչը(180 հաղթանակ), այնուհետև՝ Ռաֆայել Նադալը(140) և Էնդի Մարեյը(100): Բացի այդ, Ֆեդերերը դարձավ ամենատարեց(35) թենիսիստը 1978 թվականից հետո, ով կարողանում է նվաճել քառորդ եզրափակիչի ուղեգիր Ավստրալիայի բաց առաջնությունում և 1991 թվականից հետո՝ Մեծ սաղավարտի մրցաշարերում:
22.01.2017

Կանանց թենիսի առաջատարը ևս լքում է Ավստրալիայի բաց առաջնությունը

Մեծ սաղավարտի Ավստրալիայի բաց առաջնության 1/8 եզրափակիչում կանանց թենիսի 1-ին ռակետ Անժելիկա Կերբերն ուժերը չափեց ամերիկուհի Կոկո Վանդեվեգեի հետ: Կերբերն անակնկալ պարտություն կրեց՝ զիջելով 0-2 հաշվով՝ 2-6, 3-6: Մենախաղը տևեց 1 ժամ 10 րոպե: Քառորդ եզրափակիչում 35-րդ համար Վանդեվեգեն կմրցի 7-րդ ռակետ Գարբին Մուջուրուսայի հետ:
22.01.2017

Երիտասարդ թենիսիստուհին որակազրկվել է բոլբոյին գնդակով հարվածելու համար (տեսանյութ)

Australian Open-ի երիտասարդական առաջնության մասնակից իտալացի Մարիա Վիտորիա Վիվիանին մրցաշարի երրորդ շրջանում առաջին սեթը պարտվելուց հետո դուրս է մնացել խաղարկությունից: Վիվիանին որակազրկվել է բոլբոյին գնդակով հարվածելու համար:
22.01.2017

Australian Open. Ֆեդերերը քառորդ եզրափակիչում է

Մեծ սաղավարտի Ավստրալիայի բաց առաջնության 1/8 եզրափակիչում 17-րդ ռակետ Ռոջեր Ֆեդերերն ուժերը չափեց 5-րդ համար Կեյ Նիշիկորիի հետ: Մենախաղը տևեց 3 ժամ 27 րոպե: 5 սեթի արդյունքում շվեյցարացին առավելության հասավ 6:7(4:7), 6-4, 6-1, 4-6, 6-3 հաշվով: Քառորդ եզրափակիչում Ֆեդերերը կպայքարի Միշա Զվերևի հետ, որը 1/8 եզրափակիչում պայքարից դուրս էր թողել 1-ին ռակետ Էնդի Մարեյին: Հիշեցնենք, որ պայքարը լքել է նաև 2-րդ ռակետ Նովակ Ջոկովիչը:
22.01.2017

13 տարի թենիսն այսպիսի բան չէր տեսել

Ինչպես արդեն տեղեկացրել ենք, Ավստրալիայի բաց առաջնության 1/8 եզրափակիչում 1-ին ռակետ Էնդի Մարեյը չկարողացավ առավելության հասնել Միշա Զվերևի նկատմամբ՝ դուրս մնալով մրցաշարի հետագա պայքարից: Մրցաշարի 2-րդ շրջանում 2-րդ ռակետ Նովակ Ջոկովիչն էլ զիջել էր Դենիս Իստոմինին: Այսպիսով՝ թենիսի 1-ին և 2-րդ համարներից ոչ ոք չկարողացավ նվաճել քառորդ եզրափակիչի ուղեգիր, իսկ այսպիսի նախադեպ վերջին անգամ եղել էր «Ռոլան Գարոսում» 2004 թվականին: Ավստրալիայի բաց առաջնությունում նման անակնկալ, որ առաջատար թենիսիստները չեն կարողացել նվաճել քառորդ եզրափակիչի ուղեգիր, եղել է 2002 թվականին: Այդ ժամանակ 1-ին համար Լեյտոն Հյուտն ու 2-րդ համար Գուստավո Կուերտենը պայքարը լքեցին հենց առաջին շրջանից: http://www.vivaronews.am/hratap-endi-mareyeh-lkhec-avstraliayi-bac-arajnuthyuneh http://www.vivaronews.am/hratap-novak-jokovicheh-durs-mnac-avstraliayi-bac-arajnuthyunic
22.01.2017

ՀՐԱՏԱՊ. Էնդի Մարեյը լքեց Ավստրալիայի բաց առաջնությունը

Մեծ սաղավարտի Ավստրալիայի բաց առաջնության 1/8 եզրափակիչում շոտլանդացի թենիսիստ, 1-ին ռակետ Էնդի Մարեյը չկարողացավ դիմակայել 50-րդ ռակետ Միշա Զվերևին և դուրս մնաց մրցաշարի հետագա պայքարից: 4 սեթի արդյունքում Զվերևը կարողացավ 3-1(7-5, 5-7, 6-2, 6-4) հաշվով առավելության հասնել Մարեյի նկատմամբ՝ նվաճելով քառորդ եզրափակիչի ուղեգիր: Նշենք, որ Գերմանիան ներկայացնող թենիսիստը քառորդ եզրափակիչում ուժերը կչափի Կեյ Նիշիկորի-Ռոջեր Ֆեդերեր զույգի հաղթողի հետ:
20.01.2017

ESPN-ի մեկնաբանը Վինուս Ուիլյամսին համեմատել է գորիլայի հետ

ESPN-ի մեկնաբան Դան Ադլերն ուղիղ եթերում Վինուս Ուիլյամսին համեմատել է գորիլայի հետ Ավստրալիայի բաց առաջնության շրջանակում կայացած մենախաղի ժամանակ: Ադլերը ներողություն է խնդրել իր խոսքերի համար՝ միաժամանակ շեշտելով, որ գործածել է ոչ թե «gorilla»(գորիլա) բառը, այլ՝ «guerrilla»(պարտիզան)՝ նկատի ունենալով Մեծ սաղավարտի յոթակի չեմպիոն Ուիլյամսի ագրեսիվ խաղաոճը: ESPN-ը հայտարարել է, որ Դան Ադլերն այլևս չի մեկնաբանելու Ավստրալիայի բաց առաջնության մենախաղերը և «պետք է զգույշ լինի բառերի ընտրության մեջ»:
19.01.2017

Բաց մի թողեք Ավստրալիայի բաց առաջնությունը

Թենիսի օրացույցային տարին սկսվում է Մեծ սաղավարտի առաջին մրցաշարով՝ Ավստրալիայի բաց առաջնությամբ: Այժմ Մելբուրնի կորտերում ընթանում է մրցաշարի 2-րդ շրջանը: Եվ գրանցվել է առաջին սենսացիան: Առաջնության հաղթողի գլխավոր հավակնորդ աշխարհի 2-րդ ռակետ Նովակ Ջոկովիչն անսպասելի լքեց մրցաշարը՝ պարտվելով ուզբեկստանի ներկայացուցչին: 3-րդ և 4-րդ փուլերն անցկացվելու են հունվարի 20-ին և 22-ին, քառորդ և կիսաեզրափակիչները՝ 24-ին և 26-ին: Եվ վերջապես եզրափակիչները տեղի կունենա 28-ին և 29–ին: Ավստրալիայի բաց առաջնության մրցանակային ֆոնդը, hամեմատած անցած տարվա հետ, աճել է 14 տոկոսով և կազմում է 50 միլիոն ավստրալական դոլար, որը համարժեք է ավելի քան 36 միլիոն ամերիկյան դոլարի: Առաջնության հաղթողի հաշվին կփոխանցվի 2,68 միլիոն դոլար: Ավստրալիա չեն ժամանել այնպիսի թենիսիստներ, ինչպիսիք են դել Պոտրոն, Մարիա Շարապովան, Վիկտորիա Ազարենկոն, Անա Իվանովիչը և այլն: Փոխարենը ներկա է Սերենը Ուիլյամսը, ով հանուն այս մրցաշարի տեղափոխել է իր հարսանիքը: Վիվառոն աջակցում է իր հաճախորդներին և թենիսի սիրահարների համար ստեղծել է հնարավորություն ուղիղ հետևել մրցաշարի բոլոր դիմակայություններին: Ընտրելով խաղերը, ոչ միայն կարող եք խաղադրույքներ կատարել, այլև լինել իրադարձությունների կենտրոնում և բաց չթողնել Ավստրալիայի բաց առաջնությունը:
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: