Ենիսեյ

17.04.2017

Հայաստանի հավաքականի արդյունավետ հարձակվողները և Մկոյանի վերադարձը. Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք ապրիլի 17-ի իրադարձությունների քրոնիկոնը: Ռուսաստանի ֆուտբոլային լիգայի 32-րդ տուրում «Ենիսեյը» հյուրընկալվելիս 2-1 հաշվով առավելության է հասել «Մորդովիայի» նկատմամբ: Արթուր Սարկիսովը հիմնական ժամանակի վերջին րոպեին հաղթանակ է պարգևել իր թիմին: Նա փոխարինման էր մտել 54-րդ րոպեին: «Ենիսեյը» եզրափակում է լավագույն քառյակը: Ռուսաստանի ֆուտբոլային լիգայի 32-րդ տուրում «ԲՄԱ-Խաբարովսկը» սեփական հարկի տակ նվազագույն հաշվով պարտության է մատնել «Զենիթ-2»-ին: Ռուսլան Կորյանը հաղթական գոլը հեղինակել է 89-րդ րոպեին՝ հստակորեն իրացնելով 11-մետրանոցը: Կորյանը փոխարինվել է ավելացված առաջին րոպեին: «ԲՄԱ-Խաբարովսկը» 3-րդ հորիզոնականում է: Իրանի Բարձրագույն խմբի առաջնության 27-րդ տուրում «Էսթեղլալը» հյուրընկալել է «Սաբ Աիհանին» և առավելության հասել 2-1 հաշվով: Հրայր Մկոյանը երկարատև ընդմիջումից հետո խաղադաշտ է մտել մեկնարկային կազմում և փոխարինվել 80-րդ րոպեին: «Էսթեղլալը» զբաղեցնում է 2-րդ հորիզոնականը: Իրանի Բարձրագույն խմբի առաջնության 27-րդ տուրում «Փեյքանը» սեփանական հարկի տակ 1-2 հաշվով զիջել է «Զոբ Ահանին»: Լևոն Հայրապետյանը եղել է հիմնական կազմում և փոխարինվել 67-րդ րոպեին: «Փեյքանը» բաժանում է 6-7-րդ հորիզոնականները: Ռուսաստանի 2-րդ դիվիզիոնի Հարավային գոտու մրցաշարի 23-րդ տուրում «ՍԿԱ»-ն սեփական հարկի տակ նվազագույն հաշվով հաղթել է «Բիոլոգին»: Հաղթական գոլը 79-րդ րոպեին հեղինակել է Արտյոմ Գևորգյանը, ով փոխարինվել է 90-րդ րոպեին: «ՍԿԱ»-ն 9-րդ հորիզոնականում է: Մոլդովայի առաջնության 26-րդ տուրում «Զիմբրուն» հյուրընկալվելիս մրցել է «Դաչիայի» հետ և պարտություն կրել 1-3 հաշվով: Արտյոմ Խաչատուրովը փոխարինման է մտել 60-րդ րոպեին: «Զիմբրուն» եզրափակում է լավագույն հնգյակը: Լեհաստանի 2-րդ դիվիզիոնի 26-րդ տուրում «Բելհատուվը» հյուրընկալվելիս գոլազուրկ ոչ-ոքի է խաղացել Ստալև-Վոլի «Ստալի» հետ: Աղվան Պապիկյանը մասնակցել է ամբողջ հանդիպմանը: «Բելհատուվը» կիսում է 9-10-րդ տեղերը: Լյուքսեմբուրգի գավաթի խաղարկության քառորդ եզրափակչում «Վիկտորիա Ռոսպորտը» մրցակցի հարկի տակ 0-2 հաշվով պարտվել է «Ֆոլոյ Էշին»: Ալեքսանդր Կարապետյանն ամբողջական խաղ է անցկացրել: «Վիկտորիա Ռոսպորտը» դուրս է մնացել հետագա պայքարից: Ֆրանսիայի 5-րդ դիվիզիոնի 22-րդ տուրում «Լիմոժը» մրցակցի հարկի տակ 3-0 հաշվով հաղթել է «Բրեսյուիրին»: Արթուր Թորոյանը մասնակցել է ամբողջ խաղին: «Լիմոժը» գլխավորում է մրցաշարային աղյուսակը:
08.04.2017

Կապանյան թիմի 5-րդ անընդմեջ հաղթանակը և Ռուսլան Կորյանի գոլը. Հայկական ֆուտբոլի գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք ապրիլի 8-ի իրադարձությունների քրոնիկոնը: Հայաստանի Բարձրագույն խմբի առաջնության 22-րդ տուրի վերջին խաղում «Գանձասար-Կապանը» 2-1 հաշվով առավելության է հասել «Արարատի» նկատմամբ: Կապանյան թիմից գոլի հեղինակ են դարձել Գեղամ Հարությունյանը և Կլաուդիր Մարինին, իսկ «Արարատից» միակ պատասխան գնդակը խփել է Անդրանիկ Քոչարյանը: Կապանցիներն այժմ կրկին առաջնության առաջատարն են՝ 42-ական միավոր ունենալով «Ալաշկերտի» հետ: Կիպրոսի Բարձրագույն խմբի առաջնության 30-րդ տուրում «Կարմիոտիսան» սեփական հարկի տակ 2-0 հաշվով հաղթել է «ՆԵԱ Սալամիսին»: Դավիթ Մանոյանը, ով վերջերս է ապաքինվել վնասվածքից, մնացել է պահեստայինների նստարանին, իսկ Տարոն Ոսկանյանը մասնակցել է ամբողջ հանդիպմանը: Ռուսաստանի Ֆուտբոլային լիգայի 30-րդ տուրում «Ենիսեյը» հյուրընկալվելիս 2-ական գնդակ է փոխանակել «Խիմկիի» հետ: Արթուր Սարկիսովը եղել է հիմնական կազմում և փոխարինվել 85-րդ րոպեին, իսկ Արթուր Մալոյանը փոխարինման է մտել 87-րդ րոպեին: «Ենիսեյը» 7-րդ հորիզոնականում է: Ուկրաինայի Պրեմիեր լիգայի 24-րդ տուրում «Ստալը» 2-0 հաշվով առավելության է հասել «Վոլինի» նկատմամբ: Էդգար Մալաքյանը խաղադաշտը լքել է 66-րդ րոպեին, իսկ Գոռ Մալաքյանը չի հայտնվել հայտացուցակում: «Ստալը» 8-րդ հորիզոնականում է: Ռուսաստանի Ֆուտբոլային լիգայի 30-րդ տուրում «ԲՄԱ-Խաբարովսկը» սեփական հարկի տակ 2-3 հաշվով պարտվել է «Դինամո Մ»-ին: Ռուսլան Կորյանը մասնակցել է երկրորդ խաղակեսին և 88-րդ րոպեին 11-մետրանոցից կրճատել հաշվի տաբերությունը: «ԲՄԱ-Խաբարովսկը» եզրափակում է լավագույն եռյակը: Գերմանիայի Մ-19 Բունդեսլիգայի Արևմտյան գոտու 23-րդ տուրում «Բոխում Մ-19»-ը սեփական հարկի տակ 1-1 հաշվով է ավարտել «Վիկտորիայի» հետ մրցավեճը: Հայկ Գալստյանը մասնակցել է ամբողջ խաղին: «Բոխում Մ-19»-ը 4-րդ հորիզոնականում է:
10.03.2017

«Փյունիկի» «չոր» հաղթանակը և նոր ակումբներ ՀՀ առաջնությունում. Հայկական ֆուտբոլի գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք մարտի 10-ի իրադարձությունների քրոնիկոնը: Ռուսաստանի Պրեմիեր լիգայի 19-րդ տուրում «Ուրալը» հյուրընկալվելիս 0-2 հաշվով պարտվել է Տուլայի «Արսենալին»: Էդգար Մանուչարյանը փոխարինման է դուրս եկել 61-րդ րոպեին: «Ուրալը» 12-րդ հորիզոնականում է: Մեկնարկել է Հայաստանի Բարձրագույն խմբի առաջնության 19-րդ տուրը: «Փյունիկը» սեփական հարկի տակ 3-0 հաշվով պարտության է մատնել «Արարատին»: Աչքի են ընկել Գևորգ Հարությունյանը, Ռազմիկ Հակոբյանը և Արթուր Նադիրյանը: Բուլղարիայի Բարձրագույն խմբի առաջնության 24-րդ տուրում Պլովդիվի «Լոկոմոտիվը» մրցակցի հարկի տակ մեկական գնդակ է փոխանակել «Դունավի» հետ: Էդուարդ Երանոսյանը «Լոկոմոտիվի» գլխավոր մարզիչն է: Թիմն ընթանում է 4-րդ հորիզոնականում: Նորվեգական «Օսանեն» սեփական հարկի տակ ընկերական խաղում 1-1 հաշվով է ավարտել «Արենդալի» հետ հանդիպումը: Դավիթ Մկրտչյանը փոխարինվել է 74-րդ րոպեին: Եվրոպայի լիգայի գավաթի խաղարկության՝ շաբաթվա լավագույն ֆուտբոլիստի քվեարկությունում Հենրիխ Մխիթարյանը զբաղեցրել է երրորդ տեղը: ՈՒԵՖԱ-ի պաշտոնական կայքում անցկացված հարցմանը նա հավաքել է ձայների 23 տոկոսը: Փոխարենը, «Մանչեսթեր Յունայթեդի» ֆուտբոլիստն ընդգրկվել է տուրի խորհրդանշական հավաքականում: ՀՖՖ-ն արտոնագրել է հանձնել «Էրեբունի» և «Լոռի» ակումբներին՝ նրանց իրավունք ընձեռելով մասնակցելու ՀՀ Բարձրագույն խմբի 2017/2018 թթ. մրցաշրջանի առաջնությանը, որը մեկնարկելու է 2017 թվականի օգոստոսին: Արթուր Սարկիսով. ««Ենիսեյն» իմ ծառայություններով հետաքրքրված էր դեռ մրցաշրջանի մեկնարկին, բայց ես այն ժամանակ արդեն պայմանավորվել էի «Մորդովիայի» հետ, տվել էի բանավոր համաձայնություն ու չէի կարող մարդկանց հուսախաբ անել: «Ենիսեյի» ղեկավարները ձմռանը գործակալներիս հերթական առաջարկը կատարեցին, և այս անգամ ամեն ինչ բարեհաջող ավարտվեց»:
08.03.2017

Մոուրինյոյի անորոշությունը և Արսեն Պապիկյանի հիշողությունները. Հայկական ֆուտբոլի գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք մարտի 8-ի իրադարձությունների քրոնիկոնը: «Արմավիրի» գլխավոր մարզիչ Արսեն Պապիկյան. «Հայաստանում անցկացրած հավաքից հիանալի հիշողություններ են մնացել: Երևանի ֆուտբոլի ակադեմիան եվրոպական չափանիշներով կառույց էր: Խաղացինք «Արարատի», «Բանանցի» և «Բանանց-2»-ի հետ, որոնք Ռուսաստանի առաջին դիվիզիոնի մակարդակի թիմեր էին»: «Ռոստովի» մարզիչ Իվան Դանիելյանց. «Հաճելի է, որ հայրենակիցս՝ Հենրիխ Մխիթարյանը, խաղում է «Մանչեսթեր Յունայթեդի» մակարդակի թիմում: Վաղը մարզադաշտում մեծ թվով հայեր կլինեն, ովքեր կաջակցեն Հենրիխին: Բայց մենք նրանց հետ պայմանավորվել ենք, որ նրանք պետք է հայերեն բացականչեն՝ «Հենրի՛խ, մի՛ խփիր»: «ՍԿԱ-Էներգիան» Ռուսաստանի առաջին դիվիզիոնի 25-րդ տուրում հյուրընկալվել է «Ֆակելին» և գրանցել գոլազուրկ ոչ-ոքի: «ՍԿԱ-Էներգիայից» Ռուսլան Կորյանը խաղադաշտ է դուրս եկել 76-րդ րոպեին, իսկ «Ֆակելից» Արթուր Առուստամյանը մնացել է պահեստայինների նստարանին: Ժոզե Մոուրինյո. «Դժվարանում եմ հավատալ, որ վաղը խաղալու ենք նման վատ խոտածածկով մարզադաշտում, եթե դա կարելի է խոտածածկ համարել: Չգիտեմ՝ ովքեր մեր թիմի կազմում դուրս կգան խաղադաշտ: Նաև չեմ կարող ասել՝ կխաղա՞ Մխիթարյանը, թե՞ ոչ»: Ղազախստանի Պրեմիեր լիգայի 1-ին տուրում «Աստանան» հյուրընկալվելիս 0-3 հաշվով պարտություն է կրել «Օրդաբասիից»: Գևորգ Նաջարյանը խաղադաշտ է դուրս եկել 82-րդ րոպեին: «Աստանան» 11-րդ հորիզոնականում է:
20.02.2017

«Ենիսեյը» զիջել է «Չերտանովոյին». Սարկիսովը մասնակցել է խաղին, Մալոյանը գոլ է խփել 11-մետրանոցից (տեսանյութ)

Միջմրցաշրջանային ФНЛ գավաթի խաղարկության կիսաեզրափակիչում Կրասնոյարսկի «Ենիսեյը» հետխաղյա 11-մետրանոցներով զիջել է Մոսկվայի «Չերտանովոյին»: Թիմերի միջև հանդիպման հիմնական ժամանակն ավարտվել է գոլազուրկ ոչ-ոքի: Հետխաղյա 11-մետրանոցներով 5-3 հաշվով հաղթել է «Չերտանովոն»: «Ենիսեյի» կազմում խաղի մեկնարկից հանդիպմանը մասնակցել է Հայաստանի հավաքականի ֆուտբոլիստ Արթուր Սարկիսովը, որին 87-րդ րոպեին փոխարինել է Արթուր Մալոյանը: Հետխաղյա 11-մետրանոցներից մեկն արդյունավետ իրացրել է Արթուր Մալոյանը:
18.02.2017

Ի՞նչ է կատարվել այսօր հայկական ֆուտբոլում. Փետրվարի 17-ի կարևորագույն լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք փետրվարի 17-ի իրադարձությունների քրոնիկոնը: Արգենտինական «Տեմպերլեյն» ընկերական խաղում 2-4 հաշվով պարտություն է կրել «Ինդեպենդիենտեից»: Մաուրո Գևգեոզյանը մասնակցել է ամբողջ հանդիպմանը՝ դառնալով գոլի հեղինակ: Ռուսաստանի ֆուտբոլային լիգայի գավաթի խաղարկության В խմբի երրորդ տուրում «Ենիսեյը» 3-1 հաշվով հաղթել է «Զենիթ-2»-ին: Արթուր Սարկիսովը 16-րդ րոպեին բացել է հաշիվը, իսկ 33-րդ րոպեին դարձել է արդյունավետ փոխանցման հեղինակ՝ օգնելով աչքի ընկնել Կոզլովին: Սարկիսովը փոխարինվել է 77-րդ րոպեին, իսկ Արթուր Մալոյանը միաժամանակ դուրս է եկել խաղադաշտ: Իրանի առաջնության 22-րդ տուրում «Փադիդեն» հյուրընկալվելիս 3 անպատասխան գնդակ է ուղարկել «Սանատ-Նաֆտի» դարպասը: Վարազդատ Հարոյանը մասնակցել է ամբողջ խաղին: ՈՒԵՖԱ-ի «Զարգացման գավաթ» մրցաշարի երկրորդ տուրում Հայաստանի Մ-16 հավաքականը նվազագույն հաշվով պարտության է մատնել Ջիբրալթարի ընտրանուն: Միակ գոլը հեղինակել է Գրենիկ Պետրոսյանը: 23-ամյա հարձակվող Դավիթ Ղանդիլյանը, ով մրցաշրջանի առաջին հատվածն անցկացրել է լիբանանական «Հոմենթմենում», վերադարձել է «Արարատ»: «Բոկա Խունիորսի» սան, բելառուսական «Բելշինայի» նախկին ֆուտբոլիստ Ֆակունդո Զամարյանը կարիերան կշարունակի Վենեսուելայի երկրորդ լիգայի «Մարգարիտու» թիմում: Հորդանանի Բարձրագույն խմբի առաջնության 13-րդ տուրում «Ալ-Ջազիրան» հյուրընկալվելիս 3-2 հաշվով առավելության է հասել «Շաբաբ Ալ-Օրդոնի» նկատմամբ: Մարդիկ Մարդիկյանը մասնակցել է ամբողջ մրցավեճին՝ դառնալով գոլի հեղինակ: «Ալ-Ջազիրան» առաջին հորիզոնականում է:
17.02.2017

Արթուր Սարկիսովը հերթական գոլն է խփել (տեսանյութ)

Կրասնոյարսկի «Ենիսեյը» միջմրցաշրջանային ФНЛ գավաթի շրջանակում հանդիպում է անցկացրել «Զենիթի» երկրորդ թիմի դեմ: «Ենիսեյն» առավելության է հասել 3-1 հաշվով ու նվաճել է կիսաեզրափակիչի ուղեգիր: «Ենիսեյի» առաջին գոլը խփել է Հայաստանի հավաքականի ֆուտբոլիստ Արթուր Սարկիսովը, որը եղել է մեկնարկային կազմում: 77-րդ րոպեին Սարկիսովին փոխարինել է Արթուր Մալոյանը:
15.02.2017

«Ենիսեյը» հաղթել է «Ուրալի» երիտասարդական թիմին, Մալոյանը գոլի հեղինակ է դարձել (տեսանյութ)

Կրասնոյարսկի «Ենիսեյը» Կիպրոսում ստուգողական հանդիպում է անցկացրել Եկատերինբուրգի «Ուրալի» երիտասարդական թիմի հետ: «Ենիսեյը» 7 անպատասխան գնդակ է ուղարկել մրցակցի դարպասը: Թիմի 2-րդ գոլը խփել է Արթուր Մալոյանը: Մոլայանը եղել է մեկնարկային կազմում ու փոխարինվել է 62-րդ րոպեին: Հայաստանի հավաքականի ֆուտբոլիստ Արթուր Սարկիսովը, որը ևս հանդես է գալիս «Ենիսեյի» կազմում, փոխարինման է դուրս եկել 69-րդ րոպեին:
14.02.2017

Արթուր Սարկիսովի գոլն «Ուրալի» դարպասը (տեսանյութ)

Միջմրցաշրջանի ընթացքում անցկացվող «ФНЛ գավաթի» երկրորդ խաղում Կրասնոյարսկի «Ենիսեյը» վստահ հաղթանակ է տարել «Ուրալի» դեմ պայքարում: Արթուր Սարկիսովի ու Արթուր Մալոյանի թիմը երկու անպատասխան գնդակ է ուղարկել մրցակցի դարպասը: Հայաստանի հավաքականի ֆուտբոլիստ Արթուր Սարկիսովը դարձել է գոլի հեղինակ՝ խփելով իր թիմի երկրորդ և հանդիպման վերջին գնդակը: Ավելացնենք, որ Սարկիսովը խաղադաշտ է դուրս եկել մեկնարկային կազմում, իսկ 62-րդ րոպեին փոխարինվել է՝ իր տեղը զիջելով Արթուր Մալոյանին:
13.02.2017

Ի՞նչ է կատարվել այսօր հայկական ֆուտբոլում. Փետրվարի 13-ի կարևորագույն լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք փետրվարի 13-ի իրադարձությունների քրոնիկոնը:  Ըստ տարբեր աղբյուրների՝ Հենրիխ Մխիթարյանը «Մանչեսթեր Յունայթեդում» հաջորդ մրցաշրջանից կկրի 7 համարի մարզաշապիկը, որն ազատ է մնացել Մեմֆիս Դեպայի՝ ձմռանը «Լիոն» տեղափոխությունից հետո: Կրասնոյարսկի «Ենիսեյը» փետրվարի 14-ին և 15-ին Կիպրոսում ևս 2 ընկերական հանդիպում կանցկացնի: Արթուր Սարկիսովի և Արթուր Մալոյանի թիմը 2 տարբեր կազմերով 2 խաղ կանցկացնի Եկատերինբուրգի «Ուրալի» հետ: Գերմանիայի Bezirksliga ռեգիոնալ լիգայում հանդես եկող «Մինդեն Յունիոնն» ընկերական մրցավեճում 2-1 հաշվով պարտության է մատնել «Վեսերին»: Հաշիվը 19-րդ րոպեին բացել է թիմի նորեկ Գրիշա Ավետյանը: Լյուքսեմբուրգի առաջնության 14-րդ տուրում «Ժենեսը» սեփական հարկի տակ 1-1 հաշվով է ավարտել «Համ Բենֆիկայի» հետ հանդիպումը: Հայաստանի երիտասարդական հավաքականի նախկին կիսապաշտպան Աշոտ Սարդարյանը խաղադաշտը լքել է 50-րդ րոպեին: «Ժենեսը» 7-րդ հորիզոնականում է: «Բանանցը» պաշտոնապես հայտարարել է «Արարատի» նախկին դարպասապահ Արամ Հայրապետյանի հետ պայմանագիր ստորագրելու մասին: 30-ամյա ֆուտբոլիստն ավելի վաղ արդեն հանդես է եկել այդ թիմում: Ուկրաինական «Ստալը» Թուրքիայում ընկերական խաղ է անցկացրել Թաշքենդի «Պախտակորի» հետ և գոլազուրկ ոչ-ոքի գրանցել: Էդգար Մալաքյանը և Գոռ Մալաքյանը չեն հայտնվել թիմի հայտացուցակում:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: