Խուան Մատա

24.04.2017

Հայտնի են Մատայի վերականգման ժամկետները

«Մանչեսթեր Յունայթեդի» կիսապաշտպան Խուան Մատան հայտնել է, որ կարող է հասցնել ապաքինվել մինչև ընթացիկ մրցաշրջանի ավարտը և օգնել թիմին վերջին տուրերի հանդիպումներում: Ավելի վաղ տեղեկություններ էին շրջանառվում, որ ֆուտբոլիստը չի կարողանա խաղադաշտ դուրս գալ մինչև 2017/18 մրցաշրջանի մեկնարկը: «Այս ամիսը շատ երկար էր ինձ համար՝ նախ և առաջ վնասվածքի պատճառով: Նախկինում ես այսպիսի իրավիճակում չէի հայտնվել: Բայց հիմա ավելի լավ եմ զգում ինձ և հույս ունեմ, որ խաղադաշտ կվերադառնամ մոտ ժամանակներս, որպեսզի օգնեմ թիմին վերջին դիմակայություններում: Իմ միակը ցանկությունը՝ թիմին օգնելն է և վերջին ներդրումը ունենալն է թե՛ խաղադաշտում, թե՛ դրա սահմաններից դուրս: Շնորհակալություն բոլորին աջակցության համար»,-նշել է Խուան Մատա:
05.04.2017

Զլատան Իբրահիմովիչը ՝ «Մանչեսթեր Յունայթեդի» հանդերձարանի արքա (տեսանյութ)

Բրիտանական The Sun հրատարակությունը պատրաստել է մի տեսանյութ, որտեղ ցույց է տալիս «Մանչեսթեր Յունայթեդի» հանդերաձարանի արքային ՝  Զլատան Իբրահիմովիչին:
04.04.2017

Խուան Մատայի վերականգնման ժամկետը փոփոխվել է

«Մանչեսթեր Յունայթեդի» կիսապաշտպան Խուան Մատան, ամեն դեպքում, գուցե կարողանա օգնել իր թիմին այս մրցաշրջանի մնացած հատվածում: Ավելի վաղ կային տեղեկություններ, որ իսպանացին, ով աճուկի վիրահատության էր ենթարկվել, շարք է վերադառնալու միայն հաջորդ մրցաշրջանում: Սակայն, ըստ The Telegraph-ի՝ Մատան կարող է մասնակցել արդեն Եվրոպայի լիգայի գավաթի խաղարկության քառորդ եզրափակչի՝ «Անդերլեխտի» հետ պատասխան հանդիպմանը, որը կայանալու է ապրիլի 20-ին: Աղբյուրը հաղորդում է, որ Իսպանիայի հավաքականի ֆուտբոլիստը պատրաստ կլինի խաղադաշտ վերադառնալ երկու շաբաթ անց, եթե վերականգնումն ընթանա ըստ ծրագրվածի: Հիշեցնենք՝ Մատան արդեն բաց է թողել Պրեմիեր լիգայի 30-րդ տուրի՝ «Մանչեսթեր Յունայթեդ» - «Վեսթ Բրոմվիչ» հանդիպումը (0-0):
03.04.2017

Խուան Մատայի համար մրցաշրջանը ավարտվա՞ծ է

«Մանչեսթեր Յունայթեդի» գլխավոր մարզիչ Ժոզե Մոուրինյոն խոսել է թիմի կիսապաշտպան Խուան Մատայի վնասվածքի մասին: «Կարծում եմ, որ նա երկար ժամանակով է շարքից դուրս եկել: Այդպիսի իրավիճակում են նաև Ֆիլ Ջոնսը և Քրիս Սմոուլինգը: Դեռ չգիտեմ, թե կկարողանա Պոգբան երեքշաբթի օրը խաղադաշտ դուրս գալ, բայց նրա վնասվածքը այդքան էլ լուրջ չէ»,- ասել է Մոուրինյոն: Հիշեցնենք, որ Մատան ստացել էր աճուկի վնասվածք: Նրա ապաքինման ժամկետները դեռ հայտնի չեն: http://www.vivaronews.am/xuan-matan-vnasvatckh-e-stacel-ev-virahatvel
01.04.2017

Խուան Մատան վնասվածք է ստացել և վիրահատվել

«Մանչեսթեր Յունայթեդի» կիսապաշտպան Խուան Մատան վիրահատվել է, հայտնում է ակումբի պաշտոնական կայքը։ Խուան Մատան մասնակցել է մարզումներին այս շաբաթ, բայց հետո նրա մոտ ցավեր են սկսվել։ Բժշկական զննությունը պարզել է, որ իսպանացին վիրահատության կարիք ունի։ Այսօր Մատան վիրահատվել է, բայց դեռ հայտնի չէ, թե ինչքան ժամանակ կպահանջվի նրա վերականգնման համար։ Անգլիական լրատվամիջոցների հաղորդմամբ՝ Մատան, ամենայն հավանականությամբ, այլևս չի խաղա այս մրցաշրջանում։ Հիշեցնենք, որ «Մանչեսթեր Յունայթեդի» ֆուտբոլիստներից վնասվածքներ ունեին նաև Սմոլինգը, Ջոնսը և Պոգբան։ http://www.vivaronews.am/mm-inch-e-linum-erb-mxitharyann-u-matan-miazhamanak-haytnvum-en-meknarkayin-kazmum
30.03.2017

M&M. Ինչ է լինում, երբ Մխիթարյանն ու Մատան միաժամանակ հայտնվում են մեկնարկային կազմում

ManUtd One բլոգը անդրադարձել է Հենրիխ Մխիթարյանի ու Խուան Մատայի համագործակցությանը՝ ներկայացնելով այն խաղերի վիճակագրությունը, որում ֆուտբոլիստները միաժամանակ հայտնվել են մեկնարկային կազմում. Մրցակից Մրցաշար Արդյունք «Հալ Սիթի» (տ) Լիգայի գավաթ 2:0 (հաղթանակ) «Ուիգան» (տ) Անգլիայի գավաթ 4:0 (հաղթանակ) «Ուոտֆորդ» (տ) Պրեմիեր լիգա 2:0 (հաղթանակ) «Լեսթեր» (ա) Պրեմիեր լիգա 3:0 (հաղթանակ) «Սթոք Սիթի» (տ) Պրեմիեր լիգա 1:1 (ոչ-ոքի) «Ռոստով» (տ) Եվրոպա լիգա 1:0 (հաղթանակ) «Սենտ-Էտիեն» (ա) Եվրոպա լիգա 1:0 (հաղթանակ) «Զարյա» (ա) Եվրոպա լիգա 2:0 (հաղթանակ) «Ֆեյենորդ» (տ) Եվրոպա լիգա 4:0 (հաղթանակ) Աղբյուրը ներկայացրել է նաև ֆուտբոլիստների անհատական վիճակագրությունն այս մրցաշրջանում.   Խաղեր Գոլեր Գոլային փոխանցումներ Խուան Մատա 37 10 5 Հենրիխ Մխիթարյան 27 7 5
17.03.2017

«ՄՅու» – «Ռոստով». Մխիթարյանը մասնակցեց «Յունայթեդի» գոլին (տեսանյութ)

«Մանչեսթեր Յունայթեդ» - «Ռոստով» հանդիպման 70-րդ րոպեին Խուան Մատան բացում է հաշիվը: Մխիթարյանի՝ աջ եզրից կատարած փոխանցումից հետո Իբրահիմովիչը կրնկով գնդակը շեղեց դեպի Մատան, իսկ իսպանացին չվրիպեց շատ նպաստավոր դիրքից:
15.03.2017

«ՄՅՈՒ»-ի այն ֆուտբոլիստները, որոնց տրանսֆերային արժեքը ամենաշատն է փոփոխվել 2017-ին

«Մանչեսթեր Յունայթեդը» խոշոր գումարներ ծախսեց ամառային տրանսֆերային պատուհանի ընթացքում բարձրակարգ ֆուտբոլիստների ձեռքբերման համար: Եվ չնայած Ժոզե Մոուրինյոն մի քանի ամիս է՝ անցել է «Կարմիր սատանաների» ղեկին, սակայն նրա մարտավարական որոշումները, արդեն իրենց հետքն են թողել ֆուտբոլիստների տրանսֆերային արժեքների վրա:  Bleacher report-ը առանձնացրել է «ՄՅՈՒ»-ի այն ֆուտբոլիստների ցանկը, որոնց տրանսֆերային արժեքը ամենաշատն է փոփոխվել 2017 թվականի դրությամբ: Բաստիան Շվայնշտայգեր (-7.2 մլն. ֆունտ) Ներկայիս տրանսֆերային արժեքը. 0 ֆունտ Տրանսֆերային արժեքը նվազել է -7.2 մլն. ֆունտով
26.02.2017

Մատան վերադարձել է Իսպանիայից, որտեղ մասնակցել է իր պապի թաղման արարողությանը

«Մանչեսթեր Յունայթեդի» կիսապաշտպան Խուան Մատան պատրաստ է օգնելու իր թիմին Անգլիայի լիգայի գավաթի խաղարկության եզրափակչի՝ «Սաութհեմփթոնի» հետ մրցավեճում, որը տեղի է ունենալու այսօր՝ փետրվարի 26-ին, հաղորդում է Goal-ը: Ֆուտբոլիստը մեկնել էր Իսպանիա՝ մասնակցելու իր պապի թաղման արարողությանը, բայց առաջիկա հանդիպումից առաջ վերադարձել է թիմի տրամադրության տակ: Իսպանացու՝ խաղին մասնակցելու վերաբերյալ որոշում կկայացնի մանկունյական ակումբի մարզչական շտաբը: Հիշեցնենք, որ առաջիկա մրցավեճում «Յունայթեդին» չի օգնելու նաև Հենրիխ Մխիթարյանը, ով վնասվածք էր ստացել Եվրոպայի լիգայի 1/16 եզրափակչի՝ «Սենտ-Էտյենի» հետ արտագնա մրցավեճում, որտեղ դարձել էր հաղթական գոլի հեղինակ  (1-0): Այդուհանդերձ, հայ կիսապաշտպանն իր թիմի հետ մեկնել է Լոնդոն: http://www.vivaronews.am/mxitharyann-u-xaghehnkernereh-zhamanel-en-london-fotosharkh
23.02.2017

Մատա. «Շուտափույթ ապաքինում, Հենրիխ»

Եվրոպա լիգայի 1/16 եզրափակչում հաղթանակից հետո «Մանչեսթեր Յունայթեդի» կիսապաշտպան Խուան Մատան գրառում է կատարել թվիթերում՝ տոնելով հաղթանակը և շուտափույթ ապաքինում մաղթելով վնասվածք ստացած Հենրիխ Մխիթարյանին: «Եվս մեկ քայլ Եվրոպա լիգայում, և այժմ ժամանակն է պայքարելու Անգլիայի լիգայի գավաթի եզրափակչին: Շուտափույթ ապաքինում, Հենրիխ»,-գրել է Մատան: One more step on the @EuropaLeague & now time to prepare the @EFLCup final! Get well soon @HenrikhMkh @ManUtd #mufc pic.twitter.com/cDKEGBDGf7— Juan Mata García (@juanmata8) February 22, 2017
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: