Ռեալ Մադրիդ

23.02.2017

Ռաֆայել Վարանը շարքից դուրս է եկել երկար ժամանակով

Մադրիդի «Ռեալի» պաշտպան Ռաֆայել Վարանը վնասվածքի պատճառով չի կարողանա օգնել իր թիմին առաջիկա խաղերում: Ինչպես հաղորդում է AS-ը, իսպանացի պաշտպանը վնասվածք է ստացել Լա լիգայի 16-րդ տուրի «Վալենսիայի» դեմ խաղի ժամանակ: Ֆրանսիացին ստիպված է եղել լքել խաղադաշտը հանդիպման 73-րդ րոպեին: Բուժզննում անցնելուց հետո պարզ է դարձել, որ Վարանը վնասել է մկանային մանրաթելերը: Այսպիսով ֆրանսիացին բաց կթողնի մոտ 3 շաբաթ:    
23.02.2017

Չեմպիոնների լիգայի գոլային հրավառությունը և «Ռեալի» մղձավանջը. Օրվա գլխավոր լուրերի քրոնիկոնը

VivaroNews.am-ն առանձնացրել է փետրվարի 22-ին տեղի ունեցած ամենաուշագրավ իրադարձությունները և դրանք ներկայացնում է քրոնիկոնի տեսքով: Ջամպիերո Վենտուրա. «Պետք է դեմ առ դեմ հանդիպեմ Բալոտելիի հետ, որպեսզի քննարկենք բոլոր հարցերը: Նրա վարքագծում առայժմ նշանակալից փոփոխություններ չեմ նկատել: Նա շատ տաղանդավոր է, բայց... Մարիոն պետք է փոխվի: Շատ ցավալի է, որ նա դուրս է մնում հավաքականից»: Ժորդի Ալբա. «Լուիս Էնրիկեն լավագույն մարզիչն է «Բարսելոնայի» համար: Նրան աջակցում եմ մինչ վերջ: Նա ինձ շատ բան է սովորեցրել՝ կապված խաղային տարբեր բաղադրիչների հետ, որոնք նախկինում անհայտ էին ինձ համար»: ՉԼ 1/8 եզրափակչում կայացել են վերջին 2 զույգերի առաջին հանդիպումները: «Պորտուն» սեփական հարկի տակ 0-2 հաշվով պարտվել է «Յուվենտուսին»: Աչքի են ընկել փոխարինման դուրս եկած երկու ֆուտբոլիստները՝ Մարկո Պյացան և Դանի Ալվեսը: «Սևիլյան» հյուրընկալել էր Անգլիայի չեմպիոն «Լեսթերին»: Անդալուսյան թիմին հաշվի մեջ առավելություն են ապահովել Պաբլո Սարաբիան և Խոակին Կորեան, իսկ Կլաուդիո Ռանիերիի թիմից մեկ գոլով պատասխանել է Ջեյմի Վարդին: Իսպանիայի Լա Լիգայի 16-րդ տուրից հետաձգված մրցավեճում «Վալենսիան» սեփական հարկի տակ 2-1 հաշվով պարտության է մատնել Մադրիդի «Ռեալին»: Սիմոնե Ձաձայի և Ֆաբիան Օրելյանայի գոլերին մադրիդցիներից պատասխանել է Կրիշտիանու Ռոնալդուն: Եվրոպայի լիգայի գավաթի խաղարկության 1/16 եզրափակիչ փուլի պատասխան մրցավեճում «Մանչեսթեր Յունայթեդը» հյուրընկալվելիս նվազագույն հաշվով առավելության է հասել «Սենտ-Էտյենի» նկատմամբ: Միակ և հաղթական գոլը հեղինակել է Հենրիխ Մխիթարյանը: Երեկվա խաղերի արդյունքում հաջորդ փուլի ուղեգիր են նվաճել նաև «Կրասնոդարը» և «Շալկե-04»-ը: Իկեր Կասիլյաս. «Բուֆոնն ասաց ինձ, որ 27-րդ րոպեին մեր ֆուտբոլիստի հեռացումը հեշտացրեց «Յուվենտուսի» կյանքը: Մենք փորձում էինք լավ արդյունքի հասնել, բայց ամեն ինչ փոխվեց երկու րոպեի ընթացքում: Հակառակ դեպքում մենք կպայքարեինք «Յուվենտուսի» դեմ»: ՈՒԵՖԱ-ի նախկին նախագահ Միշել Պլատինին կոռուպցիայի մեջ մեղադրվելու և ֆուտբոլային գործունեությունից հեռացվելուց հետո առաջին անգամ այցելել է ֆուտբոլային հանդիպման: Նա ներկա է գտնվել իր հայրենիքում կայացած «Սենտ-Էտյեն» - «Մանչեսթեր Յունայթեդ» հանդիպմանը:
22.02.2017

«Ռեալը» պարտվեց «Մեստալյայում» (տեսանյութ)

Լա լիգա, 16-րդ տուր «Վալենսիա» 2–1 «Ռեալ Մադրիդ» Գոլերը՝ 1-0՝ Ձաձա 4՛, 2-0՝ Օրելյանա 9՛, 2-1՝ Ռոնալդու 44՛  «Մեստալյա» մարզադաշտ, Վալենսիա
22.02.2017

Առաջին կեսից հետո «Ռեալը» պարտվում է «Վալենսիային» (տեսանյութ)

Իսպանիայի առաջնության 16-րդ տուրի՝ «Վալենսիա» - «Ռեալ Մադրիդ» հանդիպման առաջին խաղակեսից հետո «չղջիկները» հաղթում են 2-1 հաշվով: 4-րդ րոպեին գոլի հեղինակ է դարձել Ձաձան, իսկ 9-րդ րոպեին՝ Օրելյանան: Առաջին կեսի վերջնամասում՝ 44-րդ րոպեին, Ռոնալդուն կրճատել է հաշվի տարբերությունը: 1-0 2-0 2-1
22.02.2017

«Վալենսիա» – «Ռեալ Մադրիդ». Ուղիղ եթեր

Լա լիգա, 16-րդ տուր «Վալենսիա» – «Ռեալ Մադրիդ» Մեկնարկը՝ 21:45 Ուղիղ հեռարձակումը՝ խաղից 1-2 րոպե առաջ «Մեստալյա» մարզադաշտ, Վալենսիա http://www.vivaronews.am/valensia-real-madrid-meknarkayin-kazmer
22.02.2017

«Վալենսիա» – «Ռեալ Մադրիդ». Մեկնարկային կազմեր

Լա լիգա, 16-րդ տուր «Վալենսիա» - «Ռեալ Մադրիդ» Մեկնարկը՝ 21:45 «Մեստալյա» մարզադաշտ, Վալենսիա «Վալենսիայի» մեկնարկային կազմը՝ Ալվես, Գայա, Մանգալա, Գարայ, Կանսելու, Պերես, Պարեխո, Օրելյանա, Նանի, Մունիր, Ձաձա Մադրիդի «Ռեալի» մեկնարկային կազմը՝ Նավաս, Կարվախալ, Ռամոս, Վարան, Ռոնալդու, Կրոս, Բենզեմա, Խամես, Մարսելո, Կազեմիրո, Մոդրիչ
22.02.2017

Ժոզե Մոուրինյո. «Չեմ պատրաստվում վերադառնալ «Ռեալ»

«Մանչեսթեր Յունայթեդի» գլխավոր մարզիչ Ժոզե Մոուրինյոն հայտարարել է, որ չի պատրաստվում վերադառնալ Մադրիդ, որտեղ ժամանակին մարզել է «Ռեալը»: «Ես դեռ 2 տարվա պայմանագիր ունեմ «ՄՅՈՒ»-ի հետ: Չեմ պատրաստվում հեռանալ ակումբից մինչև ղեկավարությունը չպահանջի դա»,- ասել է պորտուգալացի մասնագետը: Հիշեցնենք, որ Մոուրինյոն աշխատել է «Ռեալում» 2010-13թթ.: http://www.vivaronews.am/mourinyo-shoun-petkh-e-aynpes-ashxati-inchpes-mxitharyaneh
21.02.2017

Զիդանը խոսել է «Բարսելոնայի» մասին

Մադրիդի «Ռեալի» գլխավոր մարզիչ Զինեդին Զիդանը «Վալենսիայի» դեմ հանդիպման նախախաղային մամուլի ասուլիսի ժամանակ անդրադարձել է թիմի հիմնական մրցակից «Բարսելոնային»: «Բարսելոնայում» ճգնաժա՞մ է. ես այդպես չեմ կարծում: Ներեցեք, որ այդքան կարճ ստացվեց պատասխանս»,- Marca-ն փոխանցում է Զիդանի խոսքը: Հիշեցնենք, որ «Ռեալը» գլխավորում է Իսպանիայի առաջնության մրցաշարային աղյուսակը: «Բարսելոնան» մեկ միավոր պակաս է վաստակել, սակայն մադրիդյան թիմը երկու խաղ քիչ է անցկացրել:
21.02.2017

Բենզեման կարող է վերադառնալ Ֆրանսիա, Կավանին՝ տեղափոխվել Իսպանիա

Մադրիդի «Ռեալն» ու ՊՍԺ-ն բանակցում են հարձակվողներ Կարիմ Բենզեմայի ու Էդինսոն Կավանիի հնարավոր փոխանակման վերաբերյալ՝ հայտնում է Bernabeu Digital-ը: Աղբյուրը նշում է, որ երկու ակումբների նախագահներն արդեն հանդիպել են ու քննարկել հնարավոր գործարքը: Բացի այդ, այս պայմանագրին կարող են նպաստել Ֆլորենտինո Պերեսի ու Նասեր Ալ-Հելայիֆիի ընկերական հարաբերությունները:
21.02.2017

«Ռեալը» գտել է այն ֆուտբոլիստին, ով կփոխարինի Իսկոյին

Ըստ իսպանական լրատվամիջոցների՝ Մադրիդի «Ռեալը» լրջորեն հետաքրքրված է Լևերկուզենի «Բայերի» և Գերմանիայի հավաքականի կիսապաշտպան Յուլիան Բրանդտի ծառայություններով: 20-ամյա ֆուտբոլիստը, ում ելույթներին ուշադրությամբ հետևում են նաև Մադրիդի «Ատլետիկոն» ու Անգլիայի Պրեմիեր լիգայի մի քանի ակումբներ, «Բայերի» ակադեմիայի սան է և առաջին թիմում հանդես է գալիս սկսած 2014 թվականից: Ըստ ասեկոսեների՝ «Արքայական» ակումբում Բրանդտին դիտարկում են որպես Իսկոյին փոխարինողի, ով, ամենայն հավանականությամբ, այս մրցաշրջանի ավարտից հետո կհեռանա Իսպանիայի մայրաքաղաքից: http://www.vivaronews.am/bayeri-kisapashtpan-bavariayin-och-aseluc-chem-amachum
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: