Ռեալ Մադրիդ

29.04.2017

«Ռեալի» չեմպիոնության դեպքում «Մալագան» 1 մլն եվրո կստանա

Իսպանիայի առաջնությունում «Ռեալի» ու «Բարսելոնայի» միջև անհաշտ պայքարը շարունակվելու է, ու չեմպիոնն, ամենայն հավանականությամբ, կորոշվի միայն վերջին տուրում։ Հիշեցնենք, որ մադրիդցիները վերջին տուրում հանդիպելու են «Մալագայի» հետ, ինչը բազմաթիվ խոսակցությունների առիթ էր տվել վերջին շրջանում։ Այսօր կրքերը ավելի են թեժացել՝ նոր բացահայտումից հետո։ Իսպանական AS-ը պարզել է, որ Մադրիդի «Ռեալի»՝ Իսպանիայի չեմպիոն դառնալու դեպքում «Մալագան» կստանա 1 մլն եվրո։ Բանն այն է, որ 2013թ. Իսկոյին ձեռք բերելիս «Արքայական» ակումբը պայմանագրում պարտավորվել էր 1մլն եվրո վճարել «Մալագային» ամեն անգամ, երբ ֆուտբոլիստը «Ռեալի» հետ հաղթի Լա Լիգան։ Առաջին անգամ պայմանագրի այդ կետը կարող է աշխատել։ Այսպիսով, «Մալագային» ոչ մի կերպ ձեռնտու չէ «Ռեալին» չեմպիոնական տիտղոսից զրկելը։ http://www.vivaronews.am/malagayi-sephakanater-kataloniayi-takankhnereh-chen-zga-chempionuthyan-hameh
29.04.2017

Կրիշտիանու Ռոնալդուն՝ եվրոպական նոր պատմական ռեկորդի հեղինակ

«Վալենսիայի» հետ Իսպանիայի Լա Լիգայի 35-րդ տուրի հանդիպման ժամանակ բացելով խաղի հաշիվը՝ պորտուգալացի հարձակվող Կրիշտիանու Ռոնալդուն խփեց իր 367-րդ գոլը եվրոպական ազգային առաջնություններում։ Այսպիսով, Ռոնալդուն շրջանցեց Ջիմի Գրիվսին և դարձավ եվրոպական 6 առաջատար առաջնությունների /Անգլիա, Իսպանիա, Իտալիա, Գերմանիա, Ֆրանսիա, Պորտուգալիա/ բոլոր ժամանակների լավագույն ռմբարկու։ Ընդհանուր առմամբ Ռոնալդուն ակումբային և հավաքականների ելույթների ընթացքում խփել է 590 գնդակ։
29.04.2017

Երբ լուռ է Ռամոսը, գործում է Մարսելոն. «Ռեալը» խաղավերջում հաղթանակ է կորզում «Վալենսիայից» (տեսանյութ)

Իսպանիայի Լա Լիգա, 35-րդ տուր «Սանտիագո Բեռնաբեու» մարզադաշտ, Մադրիդ Ապրիլի 29, 18։15 «Ռեալ Մադրիդ» 2-1 «Վալենսիա» Գոլերը՝ 1-0՝ Ռոնալդու 27՛, 1-1՝ Պարեխո 82՛, 2-1՝ Մարսելո 86՛
29.04.2017

Խախտելով չգրված օրենքները. Թոփ-11 ֆուտբոլիստներ, ովքեր խաղացել են և՛ «Ռեալում», և՛ «Բարսելոնայում»

«Ռեալ Մադրիդ» - Բարսելոնա» կամ, պարզապես, «Էլ Կլասիկո»: Դիմակայություն, որն աշխարհի գուցե ամենամեծ հետաքրքրություն առաջացնող հանդիպումն է: Կա չգրված օրենք՝ եթե դու երկրպագում ես կատալոնացիներին, ապա ամենայն ատելությամբ պետք է լցված լինես մադրիդցիների նկատմամբ, իսկ եթե «բլանկոս» ես, ապա պետք է անտեսես «կապտանռնագույններին»: Բայց, արի ու տես, մեծ ճանաչում ունեցող մի շարք ֆուտբոլիստներ համարձակվել են հանդես գալ և՛ «Բարսելոնայում», և՛ «Ռեալում», հաճախ՝ անմիջական տրանսֆերով տեղափոխվելով մի ակումբից մյուսը: Ձեր ուշադրությանն ենք ներկայացնում 11 խաղացողների, ովքեր եղել են «բարիկադների» երկու կողմերում: 11. Ալֆոնսո Պերես (Իսպանիա, հարձակվող) «Ռեալ Մադրիդ» - 1990-1995 (88 խաղ, 13 գոլ) «Բարսելոնա» - 2000-2002 (21 խաղ, 2 գոլ) 10. Բեռնդ Շուստեր (Գերմանիա, կիսապաշտպան) «Բարսելոնա» - 1980-1988 (170 խաղ, 63 գոլ), Իսպանիայի չեմպիոն (1984/85), Իսպանիայի գավաթակիր (1980/81, 1982/83, 1987/88), Իսպանիայի Սուպերգավաթակիր (1983) «Ռեալ Մադրիդ» - 1988-1990 (61 խաղ, 13 գոլ), Իսպանիայի չեմպիոն (1988/89, 1989/90), Իսպանիայի գավաթակիր (1988/89), Իսպանիայի Սուպերգավաթակիր (1989)
29.04.2017

«Ռեալի» պաշտպանը բաց կթողի «Վալենսիայի» դեմ հանդիպումը

Մադրիդի «Ռեալի» պաշտպան Ռաֆայել Վարան չի մասնակցի Իսպանիայի առաջնության 35-րդ տուրի «Վալենսիայի» դեմ հանդիպմանը: Ֆրանսիացի ֆուտբոլիստը օգնել էր իր թիմին «Դեպորտիվոյի» դեմ խաղում, սակայն անհայտ պատճառներով չի հայտնվել առաջիկա խաղի հայտացուցակում: Դարպասապահներ. Նավաս, Կասիլիա, Յանես Պաշտպաններ. Ռամոս, Նաչո, Կարվախալ, Դանիլո, Մարսելո Կիսապաշտպաններ. Խամես, Կրոս, Կազեմիրո, Կովաչիչ, Մոդրիչ, Ասենսիո, Իսկո Հարձակվողներ. Ռոնալդու, Բենզեմա, Վասկես, Մորատա    
29.04.2017

2 հաղթանակ 1 շաբաթում. «Բարսելոնայի» լեգենդները հաղթեցին Կլասիկոյում (տեսանյութ)

Լիբանանում ավարտվեց «Բարսելոնա»-«Ռեալ Մադրիդ» լեգենդների  հանդիպումը: Խաղադաշտում էին թիմերի լեգենդներ Ռոնալդինյոն, Ռոբերտո Կառլոսը, Խուան Կառլոսը,Լուիս Գարսիան, Էրիկ Աբիդալը, Լյուդովիկ Ժուլին: Խաղն ավարտվեց կատալոնացիների հաղթանակով՝ 3-2 հաշվով: Ռոնալդինյոն դարձավ 3 գոլային փոխանցման հեղինակ:
28.04.2017

Ռոնալդինյոյի ֆանտաստիկ գոլային փոխանցումը լեգենդների Էլ Կլասիկոյում (տեսանյութ)

Այժմ Լիբանաում ընթանում է «Բարսելոնայի» և  Մադրիդի «Ռեալի» լեգենդների հանդիպումը: Հանդիպման 7-րդ րոպեին կատալոնացիները բացել են խաղի հաշիվը: «Կապտանռնագույնների» լեգենդ Ռոնալդինյոն հիանալի գոլային փոխանցման հեղինակ է դարձել:
28.04.2017

Կլոպ.« Անգամ «Բարսելոնան» և «Ռեալը» չէին կարողանա հաղթել ԱՊԼ-ում»

«Լիվերպուլի» գլխավոր մարզիչ Յուրգեն Կլոպը խոսել է անգլիական Պրեմիեր լիգայի մասին: Գերմանացին ասել է, որ Պրեմիեր լիգան շատ լարված առաջնություն է: «Անգամ «Ռեալի» և «Բարսելոնայի» նման գրանդ ակումբները չէին կարողանա հաղթել Անգլիայում, նրանք իհարկե կպայքարեին, բայց հաղթելն անհնար կլիներ»- նշել է Կլոպը: «Պրեմիեր լիգայի խաղերն անկանխատեսելի են, երբեք չես կարող հանգիստ տալ հիմնական կազմին և հաղթել 4-0 հաշվով: Դա Բունդեսլիգայում էլ է անհնար, եթե իհարկե չես գլխավորում «Բավարիան»- հավելել է «Լիվերպուլի» գլխավոր մարզիչը: Խոսելով Պրեմիեր լիգայի առաջատար «Չելսիի» մասին Կլոպն ասել է. «Կոնտեի թիմը հիանալի մրցաշրջան է անցկացնում, սակայն շատ խաղեր կան, որտեղ նրանք հաղթել են 1-0 հաշվով, սակայն պետք է պայքարեին ավելիի համար: Ես  աշխատել եմ երկու լիգաներում,սակայն այսպիսի առաջնություն դեռ չեմ տեսել: Հարցրե՛ք Գվարդիոլային, նա նույն կարծիքին կլինի»:
28.04.2017

Զիդանը ցանկանում է ձեռք բերել «Մոնակոյի» պաշտպանին

Մադրիդի «Ռեալը» ցանկանում է ձեռք բերել «Մոնակոյի» պաշտպան Բենջամին Մենդիին: Ինչպես հաղորդում է AS-ը, «արքայական» ակումբը կփորձի ձեռք բերել Մենդիին, եթե Մադրիդի «Ատլետիկոն»  չհամաձայնի վաճառել Տեո Էրնանդեսին, որն այժմ վարձավճարով  հանդես է գալիս «Ալավեսում»: Զինեդին Զիդանը հետևում է ֆրանսիական ակումբի  22-ամյա պաշտպանի խաղին և  նրան ձեռք բերելու գործընթացը սկսելու վերջնական որոշում կկայացնի Չեմպիոնների լիգայի կիսաեզրափակիչ խաղը դիտելուց հետո: Ենթադրվում է, որ Մենդին կփոխարինի Ֆաբիո Կոենտրաուին, որը պատրաստվում է լքել մադրիդյան ակումբը: Թիմի մեկնարկային կազմում իր տեղն ունենալու համար 22-ամյա ֆուտբոլիստը պետք է մրցի Մարսելոյի հետ:
28.04.2017

«Ռեալը» պատրաստ է բաժանվել Բենզեմայից

Մադրիդի «Ռեալի» ֆրանսիացի հարձակվող Կարիմ Բենզեման ընթացիկ մրցաշրջանի ավարտին կարող է փոխել ակումբային գրանցումը, տեղեկացնում է Daily Star-ը: Տեղեկացվում է, որ «սերուցքայինների» ղեկավարությունը անհանգստացած է 29-ամյա ֆուտբոլիստի խաղի անկմամբ և պատրաստ է վաճառել հարձակվողին՝ նրա փոխարեն ձեռք բերելով ավելի երիտասարդ ֆուտբոլիստ, որը կկարողանա թիմի գրոհները ավարտին հասցնել: Շշուկներ են պտտվում՝ Բենզեմայի ծառայություններով հետաքրքրված է «Արսենալը», որը ամառային տրանսֆերային պատուհանի ընթացքում 50 մլն. ֆունտ էր առաջարկել ֆուտբոլիստի դիմաց:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: