Պորտուգալիայի հավաքական

25.05.2017

Ռոնալդուն, Անդրե Գոմեշն ու ևս 21 ֆուտբոլիստներ Պորտուգալիայի հավաքականի կազմում կժամանեն Ռուսաստան

Եվրոպայի գործող չեմպիոն Պորտուգալիայի հավաքականի գլխավոր մարզիչ Ֆերնանդո Սանտուշը հրապարակել է ընտրանու հայտացուցակը, որում ընդգրկված ֆուտբոլիստները կնախապատրաստվեն Ռուսաստանում ամռանը կայանալիք Կոնֆեդերացիաների գավաթի խաղարկությանը: 24 ֆուտբոլիստներից հավաքականի վերջնական հայտացուցակում կմնան 23-ը: Դարպասապահներ՝ Ռուի Պատրիսիու, Բետու (երկուսն էլ՝ «Սպորտինգ»), Ժոզե Սա («Պորտու») Պաշտպաններ՝ Լուիշ Նետու («Զենիթ»), Նելսոն Սեմեդու, Էլիզեու (երկուսն էլ՝ «Բենֆիկա»), Պեպե («Ռեալ Մադրիդ»), Բրունո Ալվեշ («Կալյարի»), Ժոզե Ֆոնտե («Վեստ Հեմ»), Ռաֆայել Գերեյրո («Բորուսիա Դորտմունդ»), Սեդրիկ Սուարեշ («Սաութհեմփթոն») Կիսապաշտպաններ՝ Դանիլու Պերեյրա («Պորտու»), Ադրիեն Սիլվա, Վիլյամ Կարվալյու (երկուսն էլ՝ «Սպորտինգ»), Ժոաու Մոուտինյո, Բերնարդու Սիլվա (երկուսն էլ՝ «Մոնակո»), Անդրե Գոմեշ («Բարսելոնա»), Ժոաո Մարիո («Ինտեր»), Լուիշ Միգել Պիցի («Բենֆիկա») Հարձակվողներ՝ Կրիշտիանու Ռոնալդու («Ռեալ Մադրիդ»), Ժելսոն Մարտինշ («Սպորտինգ»), Ռիկարդո Կուարեժմա («Բեշիքտաշ»), Լուիշ Նանի («Վալենսիա»), Անդրե Սիլվա («Պորտու»): Պորտուգալիայի հավաքականն ընդգրկված է A խմբում, որտեղ հանդիպելու է Ռուսաստանի, Մեքսիկայի և Նոր Զելանդիայի ընտրանիների հետ:
14.05.2017

«Եվրատեսիլի» հաղթող Սոբրալ. «Ոչ թե ես եմ Պորտուգալիայի ազգային հերոս, այլ Կրիշտիանու Ռոնալդուն» (տեսանյութ)

«Եվրատեսիլ» երգի միջազգային մրցույթի հաղթող, պորտուգալացի Սալվադոր Սոբրալը խոստովանել է, որ իրեն չի համարում երկրի ազգային հերոս: Ըստ արտիստի՝ այդ դերին շատ ավելի արժանիորեն հավակնում է Մադրիդի «Ռեալի» և Պորտուգալիայի հավաքականի հարձակվող, «Ոսկե գնդակի» քառակի դափնեկիր Կրիշտիանու Ռոնալդուն: «Ես ազգային հերո՞ս եմ. Ոչ: Կրիշտիանու Ռոնալդուն է ազգային հերոս, և այդպես էլ կմնա: Ես պարզապես ցանկանում եմ շարունակել իմ հանգիստ կյանքը: Հաճելի է, որ որոշակի հաջողություններ ունեցա, բայց դա անցողիկ է»,- ասել է Սոբրալը:
29.03.2017

Պորտուգալիան պարտվեց Շվեդիային՝ հաշվի մեջ առաջ լինելով 2-0 հաշվով (տեսանյութ)

Ընկերական հանդիպում Պորտուգալիա 2-3 Շվեդիա Գոլերը՝ 1-0 Ռոնալդու 18՛, 2-0 Գրանքվիստ 34՛, ինքն, 2-1, 2-2 Կլաեսոն 57՛, 76՛, 2-3 Կանսելո 93՛, ինքն «Էստադիո դոս Բարեյրոս», Ֆունչալ 
28.03.2017

Ինչ ֆուտբոլային հանդիպումներ դիտել այսօր

ԱԱ 2018 որակավորման փուլի 5-րդ տուրի հանդիպումները ավարտվեցին, սակայն կան հավաքականները, ովքեր այսօր կանցկացնեն ընկերական հանդիպումներ: Այժմ Ձեզ ենք ներկայացնում, թե ինչ թոփ հանդիպումներ են այսօր մեզ սպասվում: Ռուսաստան - Բելգիա «Օլիմպիական մարզադաշտ», Սոչի Հանդիպման մեկնարկը ՝ 20:00 Ինչպես արդեն գիտեք Ռուսաստանը հաջորդ տարի պատրաստվում է ընդունել Աշխարհի 2018թ. առաջնությունը: Ինչպես Ռուսաստանի մարզադաշտերը, այնպես էլ նրանց հավաքականը դեռ լուրջ խոչընդոտներով է առաջ շարժվում: Օրեր առաջ ռուսները պարտվեցին Կոտ դ՛Իվուարի հավաքականին 0-2 հաշվով: Ինչ վերաբերվում է Բելգիայի հավաքականին, ապա «Կարմիր սատանաները» ԱԱ 2018-ի որակավորման փուլում ոչ-ոքի ավարտեցին իրենց վերջին հանդիպումը հույների դեմ: Ավելացնենք, որ Բելգիայի կազմում այսօր կբացակայեն Էդեն Ազարը և Կևին դե Բրույնեն:
26.03.2017

Ռոնալդուին հերթական նվաճման համար մնում է շրջանցել երեք ֆուտբոլիստների

Ինչպես արդեն տեղեկացրել ենք, Կրիշտիանու Ռոնալդուն դուբլի հեղինակ է դարձել Հունգարիայի հավաքականի հետ ընտրական մրցավեճում (3-0) և Պորտուգալիայի ընտրանու կազմում խփած գոլերի թիվը հասցրել է 70-ի: Այդպիսով, պորտուգալացին եվրոպական հավաքականների լավագույն ռմբարկուների ցուցակում շրջանցել է գերմանացի Գերդ Մյուլլերին և իռլանդացի Ռոբի Քինին: Ընդամենը երեք ֆուտբոլիստներ են այս պահին գերազանցում Ռոնալդուին՝ հունգարացիներ Ֆերենց Պուշկաշը (84 գոլ) և Շանդոր Կոչիշը (75) ու գերմանացի Միրոսլավ Քլոզեն (71): Գործող ֆուտբոլիստներից ոչ ոք մոտ չէ Ռոնալդուի ցուցանիշին: http://www.vivaronews.am/ronaldu-gitem%D5%9D-shat-goler-em-xphum-bayc-da-amenakarevoreh-che
26.03.2017

Ռոնալդու. «Գիտեմ՝ շատ գոլեր եմ խփում, բայց դա ամենակարևորը չէ»

Պորտուգալիայի հավաքականի ավագ Կրիշտիանու Ռոնալդուն մեկնաբանել է 2018 թվականի աշխարհի առաջնության ընտրական փուլում Հունգարիայի ընտրանու նկատմամբ տոնած հաղթանակը (3-0): «Ռեալի» ֆուտբոլիստն այդ խաղում դարձել է դուբլի հեղինակ և հավաքականում խփած գոլերի թիվը հասցրել 70-ի: «Գիտեմ՝ շատ գոլեր եմ խփում, բայց դա ամենակարևորը չէ: Գլխավորն այն է, որ մենք այսօր հաղթեցինք և շարունակում ենք պայքարն աշխարհի առաջնության եզրափակիչ փուլի ուղեգրի համար: Հունգարիայի հետ հանդիպումը հանգիստ սկսեցինք և առանց շտապելու էինք արձագանքում մրցակցի գործողություններին, բայց առաջին գոլից հետո ամեն ինչ փոխվեց: Սկսեցինք խաղալ ավելի վստահ, և եկան մյուս երկու գոլերը: Մենք լավ թիմ ունենք, որտեղ մեծ թվով երիտասարդ ֆուտբոլիստներ կան»,- ասել է Ռոնալդուն: http://www.vivaronews.am/ronaldui-dubleh-haghthakan-er-lukakun-phrkum-e-belgiayin-holandian-anognakan-er-tesanyuther
26.03.2017

Ռոնալդուի դուբլը հաղթական էր, Լուկակուն փրկում է Բելգիային, Հոլանդիան անօգնական էր (տեսանյութեր)

ԱԱ2018 որակավորման փուլ Խումբ A Բուլղարիա 2-0 Նիդերլանդներ Գոլեր՝ 1-0՝ Դելև 5՛, 2-0՝ Դելև 20՛ Լյուքսեմբուրգ 1-3 Ֆրանսիա Գոլեր՝ 0-1՝ Ժիրու 28՛, 1-1՝ Ժոակիմ 34՛ 11մ, 1-2՝ Գրիզման 37՛ 11մ, 1-3՝ Ժիրու 77՛
25.03.2017

Ռոնալդուի անունով օդանավակայան է անվանակոչվել (լուսանկարներ)

Մադրիդի «Ռեալի» հարձակվող Կրիշտիանու Ռոնալդուի հայրենի քաղաք Մադերիայում գտնվող օդանավակայանը անվանակոչվել է իր անունով,  այդ մասին հայտնում է Daily Mail-ը: Մադերիայում կարելի է գտնել նաև Ռոնալդուի հյուրանոցը և թանգարանը:
21.03.2017

Կրիշտիանո Ռոնալդուն ճանաչվել է լավագույն ֆուտբոլիստ, իսկ Սանտուշը ՝ լավագույն մարզիչ

Պորտուգալիայում հայտնի են դարձել 2016թ. լավագույն ֆուտբոլիստն ու մարզիչը: Ֆուտբոլիստների թվում լավագույնը դարձել է Մադրիդի «Ռեալի» հարձակվող Կրիշտիանո Ռոնալդուն, ով նախորդ տարի իր հավաքականի հետ միասին նվաճեց Եվրոպայի առաջնության ոսկե մեդալը, իսկ ահա «Ռեալի» կազմում հաղթեց Չեմպիոններ լիգայի տիտղոսը: Լավագույն նորեկը դարձավ «Բավարիայի» կիսապաշտպան Ռենատու Սանշեսը, ով իր ներդրումն ունեցավ Եվրո 2016-ում: Իսկ ահա լավագույն մարզիչ ճանաչվեց Ֆերնանդու Սանտուշը, ում գլխավորությամբ Պորտուգալիան իր պատմության ընթացքում առաջին անգամ դարձավ Եվրոյի հաղթող:
16.03.2017

Պորտուգալիայի հավաքականի հայտացուցակը Հունգարիայի ու Շվեդիայի ընտրանիների դեմ խաղերի համար

Պորտուգալիայի հավաքականի մարզչական անձնակազմը Ֆերնանդու Սանտուշի գլխավորությամբ ներկայացրել է ազգային հավաքականի այն ֆուտբոլիստների անվանացուցակը, որոնք կարող են մասնակցել Հունգարիայի ու Շվեդիայի հավաքականների դեմ առաջիկա խաղերին: Դարպասապահներ՝ Անտոնի Լոպեշ («Լիոն»), Կարլուշ Մարաֆոնա («Բրագա»), Ռուի Պատրիսիու («Սպորտինգ» Լիսաբոն) Պաշտպաններ՝ Բրունու Ալվեշ («Կալյարի»), Ժոզե Ֆոնտե («Վեսթ Հեմ»), Ժոաու Կանսելու («Վալենսիա»), Լուիշ Նետու («Զենիթ»), Պեպե («Ռեալ»), Ռաֆայել Գերեյրու («Բորուսիա» Դորտմունդ), Սեդրիկ Սոարեշ («Սաուտհեմփթոն»), Էլիզեու Պերեյրա, Նելսոն Սեմեդու (երկուսն էլ՝ «Բենֆիկա») Կիսապաշտպաններ՝ Անդրե Գոմեշ («Բարսելոնա»), Դանիլու Պերեյրա («Պորտու»), Ժոաու Մարիու («Ինտեր»), Պիցի («Բենֆիկա»), Ժոաու Մոուտինյու («Մոնակո»), Ռենատու Սանշեշ («Բավարիա»), Վիլյամ Կարվալյու («Սպորտինգ» Լիսաբոն) Հարձակվողներ՝ Բերնարդու Սիլվա («Մոնակո»), Կրիշտիանու Ռոնալդու («Ռեալ»), Էդեր Մասեդու («Լիլ»), Անդրե Սիլվա («Պորտու»), Ռիկարդու Կուարեժմա («Բենֆիկա»), Ժելսոն Մարտինշ («Սպորտինգ» Լիսաբոն):
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: