Պորտուգալիայի հավաքական

12.01.2017

Պեպեն փոշմանել է և մնում է «Ռեալում»

Մադրիդի «Ռեալի» պաշտպան Պեպեն պատրաստ է երկարաձգել պայմանագրի ժամկետն «արքայական» ակումբի առաջարկած տարբերակով՝ հայտնում է պորտուգալական A Bola-ն: Աղբյուրի տեղեկություններով՝ պորտուգալացին այլևս չի ցանկանում տեղափոխվել Չինաստանի Սուպերլիգա: Բանն այն է, որ Պեպեն ցանկանում է մասնակցել ԱԱ 2018-ին: Ֆուտբոլիստը կարծում է, որ մնալով «Ռեալում»՝ իր համար ավելի հեշտ կլինի տեղ գտնել ազգային հավաքականում, քան Չինաստան տեղափոխվելուց հետո:
11.01.2017

Ռոնալդուն պատմել է, թե որն է իր կյանքի ամենաերջանիկ օրը, ամենասիրելի գոլը, ճաշատեսակը, երգը…

Պորտուգալիայի հավաքականի և Մադրիդի «Ռեալի» հարձակվող Կրիշտիանու Ռոնալդուն  ՖԻՖԱ-ի վարկածով «Տարվա լավագույն ֆուտբոլիստ» ճանաչվելուց հետո, բացահայտել է իր մասին անհայտ փաստեր: «Կարիերայիս լավագո՞ւյն գոլը: Սովորաբար ասում եմ վերջին խփածս գնդակը, դա ամենակարևորն է: Կրիշտիանու Ռոնալդու լինելու լավագույն մասը՝ մարդկանց երջանկացնելն է: Բարդ է ասել, թե որ պաշտպանի դեմ է ամենադժվարը խաղալը: Խաղացել եմ այնքան ֆանտաստիկ պաշտպանների դեմ: Կյանքիս լավագույն պահը՝ որդուս ծնունդն էր: Չունեմ կոնկրետ սիրված երգ: Սիրում եմ ուրախ երաժշտություն, ինչպես Ռեգետոնը: Լավագույնը խոսքերը, որը երբևէ ասել է որդիս. «Հայրի՛կ, սիրում եմ քեզ, դու լավագույնն ես աշխարհում»: Լավագույն մարզադաշտը, որտեղ խաղացել եմ «Սանտիագո Բեռնաբեուն» է: Մայրիկիս պատրաստած ամենասիրելի ուտեստը «Կոդն» է»,-Marca-ի հետ զրույցում պատմել է Ռոնալդուն:
11.01.2017

Մխիթարյանը գոլը «նվիրեց» Մատային ու հեռացավ, իսկ «Ատլետիկոն» մոտ էր ձախողմանը. Օրվա ամենաուշագրավ լուրերը

VivaroNews-ն առանձնացրել է հունվարի 10-ին տեղի ունեցած ամենաուշագրավ իրադարձությունները և դրանք ներկայացնում է ձեր ուշադրությանը լավագույն տասնյակի տեսքով՝ ըստ լուրերի կարևորության:   10. Ռոբերտո Կառլոս. «Բրազիլացիները հպարտանում են Նեյմարով»  Ռոբերտո Կառլոս. «Նեյմարն Օլիմպիական չեմպիոն է: Մեզ իրար է կապում ընկերությունը: Նա համաշխարհային ֆուտբոլի ներկայիս ամենաճանաչված խաղացողներից մեկն է: Բրազիլացիները հպարտանում են Նեյմարով»:
09.01.2017

Ռոնալդու. «Այս մրցանակը ցույց է տալիս, որ մարդիկ կույր չեն ու դիտում են խաղերը»

Պորտուգալիայի հավաքականի ու Մադրիդի «Ռեալի» առաջատար Կրիշտիանու Ռոնալդուն ՖԻՖԱ-ի վարկածով 2016 թվականի լավագույն ֆուտբոլիստ ճանաչվելուց հետո շնորհակալություն է հայտնել իր թիմակիցներին: «Ես ցանկանում եմ շնորհակալություն հայտնել «Ռեալում» ու Պորտուգալիայի հավաքականում իմ թիմակիցներին, մարզիչներին, ընտանիքիս, որ այստեղ է, որդուս ու եղբայրներիս: 2016 թվականը լավագույնն էր իմ մարզական կարիերայում, և այս մրցանակը ցույց է տալիս, որ մարդիկ կույր չեն ու դիտում են խաղերը: Չեմ կարող պարզապես մոռանալ այս անհավատալի տարին: Շնորհակալ եմ իմ օգտին քվեարկելու համար: Ոչինչ չունեմ ասելու, քանի որ կարծում եմ՝ մրցանակներն ամեն ինչ ասում են»,- ՖԻՖԱ-ի պաշտոնական կայքը փոխանցում է Ռոնալդուի խոսքը:
05.01.2017

2000թ. Պորտուգալիայի հավաքական. Որտեղ են նրանք հիմա

Պորտուգալիայի հավաքականը ԵՎՐՈ-2000-ի ամենատպավորիչ թիմերից մեկն էր: Իսկ որտեղ են այդ ֆուտբոլիստները հիմա.
01.01.2017

Ռոնալդու. «Ինձ չճանաչող մարդիկ ասում են բաներ, որոնք հեռու են իրականությունից»

Մադրիդի «Ռեալի» հարձակվող Կրիշտիանու Ռոնալդուն ընդգծել է, որ երբեք չի փորձել կրկնօրինակել այլ ֆուտբոլիստների խաղաոճը: «Ես ոչ ոքի չեմ կրկնօրինակում, դա ինձ դուր չի գալիս: Ֆուտբոլիստը պետք է ունենա իր խաղաոճը: Ինչ վերաբերում է այն ֆուտբոլիստներին, որոնց խաղով ես հիացել եմ, ապա դժվար է առանձնացնել մեկին: Եվ դա դժվար է անել ոչ միայն ֆուտբոլում»,- ասել է պորտուգալացի ֆուտբոլիստը: Մարդկանց՝ իր նկատմամբ վերաբերմունքի հարցին Ռոնալդուն պատասխանել է. «Ինձ չճանաչող մարդիկ ասում են բաներ, որոնք հեռու են իրականությունից: Բայց դա խնդիր չէ ինձ համար: Իսկ մարդիկ, որոնց ես իսկապես սիրում եմ, նրանք էլ ինձ են գնահատում, քանի որ գիտեն՝ ես ինչպիսի մարդ եմ»:
01.01.2017

2016-ի 16 ակնթարթերը

2016 թվականը սպորտային առումով հագեցած տարի էր: Վերջին մեկ տարվա ընթացքում տեղի ունեցան այնպիսի իրադարձություններ, որոնք հավերժ կհիշվեն ու կգրվեն պատմության էջերում: VMag ամսագրի տարեվերջյան համարում մենք առանձնացրել ենք այդ իրադարձություններից 16 ամենահիշարժանները:  1. Արթուր Ալեքսանյանը՝ Օլիմպիական չեմպիոն Գյումրեցի ըմբիշը 20 տարվա ընդմիջումից հետո Օլիմպիական ոսկին բերեց Հայաստան, իսկ նրա պատվին Հայաստանի դրոշը ծածանվեց Ռիոյի երկնակամարում: Հունահռոմեական ոճում ըմբիշը հիանալի ելույթ ունեցավ 98 կգ քաշային կարգում: Ալեքսանյանը դարձավ անկախ Հայաստանի պատմության երկրորդ օլիմպիական չեմպիոնը՝ Արմեն Նազարյանից հետո, որը նույն հունահռոմեական ոճի ըմբշամարտից ոսկե մեդալ էր նվաճել 1996 թվականի Ատլանտայի Օլիմպիական խաղերում: 2. Մայքլ Ֆելփսը՝ Օլիմպիական խաղերի 23-ակի չեմպիոն Սպորտի պատմությունը դեռ երկար է սպասելու երկրորդ Մայքլ Ֆելփսին: Ամերիկացի լողորդը գերազանցեց բոլոր հնարավոր ու անհավանական թվացող ռեկորդները, իսկ Ռիոյում կարողացավ իր օլիմպիական ոսկիների քանակը հասցնել 23-ի: Ընդհանուր առմամբ նա նվաճել է 28 օլիմպիական մեդալ: Համեմատության համար նշենք, որ պատմության մեջ երկրորդ ամենաշատ ոսկիներ նվաճած մարզիկը եղել է Լարիսա Լատինինան՝ ԽՍՀՄ-ից, ով 9 ոսկե մեդալի է արժանացել մարմնամարզությունում: 3. Հուսեյն Բոլտը կրկին ամենաարագն է Ճամայկացի արագավազորդ Հուսեյն Բոլտը կրկին ապացուցեց, որ ամենաարագն է աշխարհում: Պեկինի ու Լոնդոնի Օլիմպիական խաղերի չեմպիոնը ժամանել էր Ռիո իր՝ ամենաարագ լինելը վերահաստատելու: Եվ նրան հաջողվեց երեք ոսկի նվաճել Բրազիլիայում՝ հաղթող ճանաչվելով 100 մ, 200 մ ու 4x100 մ մրցատարածություններում: 4. Պորտուգալիայի հավաքականը՝ Եվրոպայի չեմպիոն Պատմության մեջ առաջին անգամ Պորտուգալիայի ազգային հավաքականը կարողացավ նվաճել Եվրոպայի չեմպիոնի կոչումը: Կրիշտիանու Ռոնալդուն ու թիմակիցները անպարտելի մնացին մրցաշարի ողջ ընթացքում, իսկ եզրափակիչ խաղում Էդերի միակ գոլի շնորհիվ Ֆերնանդու Սանտուշի թիմը հաղթեց մրցաշարը հյուրընկալող Ֆրանսիայի ընտրանուն:
29.12.2016

«Լեսթերը» 2016թ. լավագույն թիմ՝ AIPS-ի վարկածով

«Լեսթերը», որը նվաճեց 2015/16 մրցաշրջանի Անգլիայի Պրեմիեր լիգայի գավաթը, ճանաչվել է 2016 թվականի լավագույն ակումբ Միջազգային լրատվության սպորտային ասոցիացայի կողմից (AIPS): Քվեարկությանը մասնակցել են 110 երկրի լրագրող: «Աղվեսները» հավաքել են ձայների 20, 71 % -ը, իսկ  2-րդ տեղում է Եվրոպայի առաջնության գործող չեմպիոն Պորտուգալիայի հավաքականը: Եռյակը եզրափակում է Չեմպիոնների լիգայի 11 տիտղոսի գավաթակիր Մադրիդի «Ռեալը»:
28.12.2016

Ռոնալդու. «Նրանք, ովքեր կասկածում են ինձ վրա «Ռեալում» և Պորտուգալիայում, անիծված են. Ես հաղթել եմ ամեն ինչ»

Մադրիդի «Ռեալի» հարձակվող Կրիշտիանո Ռոնալդուն, ով երեկ ստացավ Globe Soccer Awards-ի 2016թ. լավագույն ֆուտբոլիստի մրցանակը, մեկնաբանել է իր հաջողությունը: «Սա իմ կարիերայի լավագույն տարին էր: Ես կարողացա հաղթել Չեմպիոնների լիգան և աշխարհի ակումբային առաջնությունը «Ռեալի» հետ, իսկ Պորտուգալիայի հավաքականի հետ նվաճեցինք Եվրոպայի առաջնության ոսկե մեդալները, ես ստացա «Ոսկե գնդակը»: Չեմ կարող ավելին խնդրել: Թերահավատներին, ովքեր կասկածում են իմ հնարավորությունների վրա, «Ռեալում» և Պորտուգալիայի հավաքականում, նրանք անիծված են: Մենք հաղթել ենք ամեն ինչ»,- ասել է Ռոնալդուն:    
25.12.2016

Ռոնալդուն լուսանկարվել է իր մոմե արձանի հետ և շնորհավորել Սուրբ Ծնունդը (լուսանկար)

Մադրիդի «Ռեալի» հարձակվող Կրիշտիանու Ռոնալդուն Instagram-ի իր էջի միջոցով շնորհավորել է երկրագուներին Սուրբ Ծննդյան տոների կապակցությամբ: «Ոսկե գնդակի» քառակի դափնեկիրը լուսանկար է հրապարակել իր մոմե արձանի հետ, որը գտնվում է նրա անձնական թանգարանում: «Շնորհավոր Սուրբ Ծնունդ, աշխա՛րհ»,- գրել է պորտուգալացին: Merry Christmas world ❤️❤️❤️ A photo posted by Cristiano Ronaldo (@cristiano) on Dec 24, 2016 at 11:55am PST
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: