Պիեր-Էմերիկ Օբամեյանգ

26.05.2017

Օբամեյանգը «Բորուսիայի» ղեկավարությանը հայտնել է, որ ցանկանում է լքել ակումբը

Բունդեսլիգայի լավագույն ռմբարկու Պիեր-Էմերիկ Օբամեյանգը ամռանը ցանկանում է լքել Դորտմունդի «Բորուսիան»։ Bild-ի հաղորդմամբ՝ գաբոնցին այս մասին հայտնել է ակումբի ղեկավարությանը։ 27-ամյա հարձակվողը «Բորուսիայի» հետ պայմանագիր ունի մինչև 2020թ., սակայն ցանկանում է կարիերան շարունակել այլ ակումբում։ Metro-ի փոխանցմամբ՝ «Մանչեսթեր Յունայթեդը» ավելի վաղ պաշտոնապես դիմել էր «Բորուսիային»՝ տրանսֆերի հնարավորությունը քննարկելու համար։ Բացի «Մանչեսթեր Յունայթեդից», բազմաթիվ խոսակցություններ կան, որ Օբամեյանգով հետաքրքրված է նաև Մադրիդի «Ռեալը», ինչպես նաև մի շարք այլ ակումբներ։
20.05.2017

Լեգենդների հրաժեշտը, շրջադարձը ռմբարկուական պայքարում և «Համբուրգի» փրկությունը. Բունդեսլիգա 2016/17-ը ավարտված է

Գերմանիայի Բունդեսլիգայի 2016/17 մրցաշրջանն ավարտված է։ Երևանի ժամանակով 17։30-ին սկսված 9 խաղերը տվեցին վերջին հարցերի պատասխանները։ Պայքար գոյության համար «Դարմշտադտը» և «Ինգոլշտադտը» ավելի վաղ դուրս էին մնացել Բունդեսլիգայից։ Այս տուրի զարդը հենց պայքարն էր այս երկու թիմերին չմիանալու համար։ Գերմանիայում 16-րդ տեղը գրաված թիմը Բունդեսլիգայում տեղը պահպանելու համար մրցում է ավելի ցածր դիվիզիոնի 3-րդ տեղը գրաված թիմի հետ։ Վերջին տուրից առաջ 16-րդ տեղում «Համբուրգն» էր, որը հանդիպում էր իր հիմնական հակառակորդին՝ «Վոլֆսբուրգին»։ «Գայլերին» ոչ-ոքին էլ բավարար էր իրենց տեղը պահպանելու համար, իսկ «Համբուրգին» անհրաժեշտ էր միայն հաղթանակ։ Համբուրգցիները 88-րդ րոպեին հերոսաբար խփեցին հաղթական գնդակը և «Վոլֆսբուրգին» թողեցին 16-րդ տեղում՝ շարունակելու պայքարն ուժեղագույնների մրցաշարում մնալու համար։ Դրամատիկ հանդիպման տեսանյութը՝ հղումով. http://www.vivaronews.am/hamburgeh-gol-e-xphum-88-rd-ropein-u-phrkum-ir-tegheh-bundesligayum-tesanyuth Եվրոգավաթային տեղեր Չեմպիոնների լիգա են ուղևորվում «Բավարիան», «Լայպցիգը», «Բորուսիա Դորտմունդը» և «Հոֆենհայմը», վերջինս՝ որակավորման փուլից։ Եվրոպա լիգայի ուղեգրեր այս պահին նվաճել են «Քյոլնը» և «Հերտան»։ «Ֆրայբուրգը» ևս կարող էր հավակնել այս տեղերին, բայց պարտվեց «Բավարիային»։ «Բավարիա» 4-1 «Ֆրայբուրգ» 8-րդ տեղում գտնվող «Ֆրայբուրգը» կարող է դեռ խաղալ Եվրոպա լիգայում, եթե «Այնտրախտ Ֆրանկֆուրտը» չհաղթի «Բորուսիային» Գերմանիայի գավաթի եզրափակչում։ «Վերդերն» էլ իր հերթին կարող էր փախցնել «Ֆրայբուրգի» տեղը, սակայն գոլառատ խաղում զիջեց Դորտմունդի «Բորուսիային»։ Իսկ ընդհանուր առմամբ՝ Գերմանիայում դեռ ամեն ինչ կարող է փոխվել։ Բանն այն է, որ ՈՒԵՖԱ-ն կարող է «Լայպցիգին» զրկել Չեմպիոնների լիգային մասնակցությունից։ Այդ դեպքում «Քյոլնը» կուղևորվի Չեմպիոնների լիգա, «Ֆրայբուրգը» կունենա երաշխավորված Եվրոպա լիգայի ուղեգիր, իսկ «Վերդերին» ուղեգիրը բաժին կհասնի Գերմանիայի գավաթում «Բորուսիայի» հաղթանակի դեպքում։
17.05.2017

L’Equipe. Օբամեյանգը և Մխիթարյանը կարող են նորից դառնալ խաղընկերներ

Դորտմունդի «Բորուսիայի» հարձակվող Պիեր-Էմերիկ Օբամեյանգը հետաքրքրել է «Մանչեսթեր Յունայթեդի», այս մասին հայտնում է ֆրանսիական L'Equipe-ը: Նշվում է, որ անգլիական գրանդի գլխավոր տրանսֆերային նպատակը շարունակում է մնալ «Ատլետիկոյի» հարձակվող Անտուան Գրիզմանը: Եթե ֆրանսիացու տեղափոխությունը չկայանա, ապա «Յունայթեդը» կփորձի իրականացնել Օբամեյանգի տրանսֆերը: Ավելացնենք, որ երեկ տեղեկություններ էին տարածվել, որ չինական «Տյանցզին Ցյուանցզյան» ակումբը պատրաստ է 27-ամյա գաբոնցում տարեկան վճարել 50 մլն եվրո:  
16.05.2017

Թոփ 10 ֆուտբոլիստ – եղբայրները

Նրանք եղբայրներ են և հայտնվել են ֆուտբոլային դաշտում տարբեր ճակատագրերով, փառքի տարբեր ճանապարհներով և հայտնիության տարբեր մակարդակներում: Այս հոդվածում կներկայացնենք թոփ 10 ֆուտբոլիստ եղբայրներին: 10. Ռոմելու և Ջորդան Լուկակու Եղբայրների տարիքային տարբերությունը շատ քիչ է՝ մոտ 1 տարի: Առաջինը խաղում է «Էվերթոնի» կազմում, որպես հարձակվող, իսկ եղբայրը՝ «Լացիոյում» է ու առայժմ հեռու է եղբոր փառքից:
06.04.2017

Դորտմունդի «Բորուսիան» պատժել է Պիեր-Էմերիկ Օբամեյանգին (ՖՈՏՈ)

Դորտմունդի «Բորուսիայի» հարձակվող Պիեր-Էմերիկ Օբամեյանգը տուգանվել է իր ակումբի կողմից: Վերջինս Բունդեսլիգայի 27-րդ տուրի «Շալկեի» հետ խաղի ժամանակ նշել էր իր գոլը Nike-ի «Սարդ-մարդու» դիմակով: Օբամեյանգի ժեստը ակումբի կողմից դիտվում է որպես Nike-ի գովազդ, իսկ «Բորուսիայի» տեխնիկական հովանավորը Puma-ն է, որը մրցակցում է Nike-ի հետ սպորտային մարզահագուստի շուկայում: A post shared by Aubameyang (@aubameyang97) on Apr 1, 2017 at 11:01am PDT
10.03.2017

Օբամեյանգը ճանաչվել է Չեմպիոնների լիգայի շաբաթվա լավագույն ֆուտբոլիստ

ՈՒԵՖԱ-ն Չեմպիոնների լիգայի գավաթի խաղարկության այս շաբաթվա լավագույն ֆուտբոլիստ է ճանաչել Դորտմունդի «Բորուսիայի» հարձակվող Պիեր-Էմերիկ Օբամեյանգին: Գաբոնցին, ով «Բենֆիկայի» հետ 1/8 եզրափակիչ պատասխան մրցավեճում դարձել էր հեթ-տրիկի հեղինակ, ՈՒԵՖԱ-ի պաշտոնական կայքում անցկացված հարցման արդյունքում հավաքել է ձայների 31%-ը: Երկրորդ հորիզոնականում է հայտնվել «Բարսելոնայի» կիսապաշտպան Անդրես Ինյեստան, ով հավաքել է ձայների 31%-ը, երրորդ հորիզոնականում է «Ռեալի» պաշտպան Սերխիո Ռամոսը (22%), իսկ լավագույն քառյակը եզրափակել է Մյունխենի «Բավարիայի» կիսապաշտպան Արյեն Ռոբենը (21%):
08.03.2017

ՉԼ ընթացիկ խաղարկության լավագույն ռմբարկուներն այս պահին

Ընթացքի մեջ են Չեմպիոնների լիգայի գավաթի խաղարկության 1/8 եզրափակիչ փուլի պատասխան հանդիպումները: Արդեն հայտնի են երկու թիմեր, որոնք ձեռք են բերել քառորդ եզրափակչի ուղեգիր՝ «Բավարիան» և Մադրիդի «Ռեալը»: Մինչ այսօրվա խաղային օրվա հանդիպումների մեկնարկն առաջարկում ենք վերհիշել, թե ինչպիսին է իրավիճակը մրցաշարի ընթացիկ խաղարկության ռմբարկուական պայքարում: 1. Լիոնել Մեսի («Բարսելոնա») - 10 գոլ, 2 գոլային փոխանցում, խաղացել է 540 րոպե 2. Էդինսոն Կավանի («ՊՍԺ») - 7 գոլ, 1 գոլային փոխանցում, խաղացել է 629 րոպե 3. Ռոբերտ Լևանդովսկի («Բավարիա») - 7 գոլ, 1 գոլային փոխանցում, խաղացել է 706 րոպե 4. Սերխիո Ագուերո («Մանչեսթեր Սիթի») - 5 գոլ, 2 գոլային փոխանցում, խաղացել է 451 րոպե 5. Դրիս Մերտենս («Նապոլի») - 5 գոլ, 2 գոլային փոխանցում, խաղացել է 571 րոպե 6. Կարիմ Բենզեմա («Ռեալ Մադրիդ») - 5 գոլ, 0 գոլային փոխանցում, խաղացել է 575 րոպե 7. Մեսութ Օզիլ («Արսենալ») - 4 գոլ, 3 գոլային փոխանցում, խաղացել է 627 րոպե 8. Անդրե Սիլվա («Պորտու») - 4 գոլ, 2 գոլային փոխանցում, խաղացել է 558 րոպե 9. Անտուան Գրիզման («Ատլետիկո Մադրիդ») - 4 գոլ, 2 գոլային փոխանցում, խաղացել է 616 րոպե 10. Արդա Թուրան («Բարսելոնա») - 4 գոլ, 1 գոլային փոխանցում, խաղացել է 147 րոպե 11. Պիեր-Էմերիկ Օբամեյանգ («Բորուսիա Դորտմունդ») - 4 գոլ, 1 գոլային փոխանցում, խաղացել է 442 րոպե 12. Անխել դի Մարիա («ՊՍԺ») - 4 գոլ, 1 գոլային փոխանցում, խաղացել է 505 րոպե 13. Ռիհադ Մահրեզ («Լեսթեր») - 4 գոլ, 1 գոլային փոխանցում, խաղացել է 506 րոպե 14. Թեո Ուոլքոթ («Արսենալ») - 4 գոլ, 0 գոլային փոխանցում, խաղացել է 272 րոպե 15. Ռադամել Ֆալկաո («Մոնակո») - 4 գոլ, 0 գոլային փոխանցում, խաղացել է 334 րոպե
20.02.2017

«Միլանի» 4 տրանսֆերային թիրախները, որոնց ակումբի նոր ղեկավարությունը պատրաստվում է գնել

Մոտ ժամանակներս «Միլանը» կարող է վաճառվել չինացի ներդրողներին: Միլանյան գրանդի նոր ղեկավարությունը մտադիր է հենց ամռանը ուժեղացնել թիմի կազմը և վերադարձնել ակումբը եվրոգավաթներ: Ինչպես հաղորդում է Corriere Dello Sport-ը, «Միլանը» ամռանը կփորձի ձեռք բերել Դորտմունդի «Բորուսիայի» հարձակվող Պիեր-Էմերիկ Օբամեյանգին, «Լիոնի» կիսապաշտպան Տոլիսոյին, «Վոլֆսբուրգի» կիսապաշտպան Լուիս Գուստավոյին և «Լացիոյի» ֆուտբոլիստ Բալդե Կելտային: http://www.vivaronews.am/berluskoni-yes-vatcharel-em-milaneh  
14.02.2017

«Մարզիկ-մեքենաները». Աշխարհի ամենաարագավազ 10 ֆուտբոլիստները

Մեքսիկայում անցկացված հետազոտության արդյունքում կազմվել է աշխարհի ամենաարագ ֆուտբոլիստների տասնյակը: Ըստ հետազոտության՝ այս առումով անգերազանցելին Մադրիդի «Ռեալի» կիսապաշտպան Գարեթ Բեյլն է, որը զարգացնում է մինչև 36.9 կմ/ժ արագություն: Ձեր ուշադրությանն ենք ներկայացնում լավագույն տասնյակը: 10. Ուեյն Ռունի («Մանչեսթեր Յունայթեդ») - 31.20 կմ/ժ արագություն 9. Լիոնել Մեսի («Բարսելոնա») - 32.50 կմ/ժ
13.02.2017

Ռոմելու Լուկակուն և Պիեր-Էմերիկ Օբամեյանգը ՝ իտալական գրանդի տրանսֆերային նպատակներ

«Միլանը» հետաքրքրված է Դորտմունդի «Բորուսիայի» հարձակվող Պիեր-Էմերիկ Օբամեյանգի ծառայություններով: Ինչպես հաղորդում է Tuttosport-ը, իտալական գրանդը կկարողանա իրականացնել գաբոնցու տրանսֆերը միայն մեկ դեպքում, այն էլ եթե չինացի ներդրողները գնեն «Միլանը»: Բացի այդ ամառային տրանսֆերային պատուհանի ժամանակ, միլանյան ակումբը մտադիր է ձեռք բերել «Էվերտոնի» հարձակվող Ռոմելու Լուկակուին: Նշվում է, որ իտալացիները պատրաստ են վճարել բելգիացու հրաժարագինը, որը կազմում է 75մլն ֆունտ:  
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: