Բորուսիա Դորտմունդ

26.05.2017

Օբամեյանգը «Բորուսիայի» ղեկավարությանը հայտնել է, որ ցանկանում է լքել ակումբը

Բունդեսլիգայի լավագույն ռմբարկու Պիեր-Էմերիկ Օբամեյանգը ամռանը ցանկանում է լքել Դորտմունդի «Բորուսիան»։ Bild-ի հաղորդմամբ՝ գաբոնցին այս մասին հայտնել է ակումբի ղեկավարությանը։ 27-ամյա հարձակվողը «Բորուսիայի» հետ պայմանագիր ունի մինչև 2020թ., սակայն ցանկանում է կարիերան շարունակել այլ ակումբում։ Metro-ի փոխանցմամբ՝ «Մանչեսթեր Յունայթեդը» ավելի վաղ պաշտոնապես դիմել էր «Բորուսիային»՝ տրանսֆերի հնարավորությունը քննարկելու համար։ Բացի «Մանչեսթեր Յունայթեդից», բազմաթիվ խոսակցություններ կան, որ Օբամեյանգով հետաքրքրված է նաև Մադրիդի «Ռեալը», ինչպես նաև մի շարք այլ ակումբներ։
24.05.2017

Հենրիխ Մխիթարյանի կարիերայի բոլոր տիտղոսները

Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը առաջին հայ ֆուտբոլիստն է, որը խաղալու է եվրոգավաթի առաջնության եզրափակչում, և ինչո՞ւ ոչ կարող է դառնալ առաջին հայ խաղացողը, ով գլխավերևում կպահի եվրոապական շատ ակումբներից կողմից բաղձալի ԵԼ-ի գավաթը: Այդ առիթով Vivaronews.am-ը առաձնացրել է 28-ամյա հայ ֆուտբոլիստ նվաճած տիտղոսները 5 ակումբներում: «Փյունիկ» 2006-2009 Հայաստանի չեմպիոն՝ 2006, 2007, 2008 և 2009 թվականներին Հայաստանի Սուպերգավաթակիր՝ 2007 և 2009 թթ. Հայաստանի գավաթակիր՝ 2009թ. «Մետալուրգ Դոնեցկ» 2009-2010 0 տիտղոս
23.05.2017

Կատաղի պայքար հանուն տիտղոսի. Թոփ-5 ամենաթեժ եզրափակիչները՝ Եվրոպայի լիգայի պատմության մեջ (տեսանյութ)

Վաղը՝ մայիսի 24-ին, տեղի կունենա 2016/17թթ. մրցաշրջանի եվրագավաթային առաջին եզրափակիչը: Եվրոպայի լիգայի գավաթի խաղարկության վճռորոշ մրցավեճում ուժերը կչափեն հոլանդական «Այաքսը» և անգլիական «Մանչեսթեր Յունայթեդը»: Ճիշտ է, սա իր հեղինակությամբ և կարևորությամբ երկրորդ մրցաշարն է Եվրոպայում՝ Չեմպիոնների լիգայից հետո, բայց այստեղ էլ երկրպագուները մշտապես հետևել են գոլառատ և դրամատիկ հանդիպումների: Մրցաշարն անցկացվում է 1971 թվականից և մինչ 2009 թվականը կոչվել է ՈՒԵՖԱ-ի գավաթ, իսկ դրանից հետո անվանակոչվել Եվրոպայի լիգա: Ձեր ուշադրությանն ենք ներկայացնում մրցաշարի 5 եզրափակիչներ, որոնք առաջիկա եզրափակչից առաջ արժե վերհիշել: 5. «Սեվիլյա» 3-2 «Դնեպր» 2014/15թթ. մրցաշրջան 27-ը մայիսի, 2015թ. Վարշավա, «Ազգային» մարզադաշտ Գոլերը՝ 1-0 Կալինիչ 7՛, 1-1` Կրիխովյակ 28՛, 1-2 Բակա 31՛, 2-2` Ռոտան 44՛, 2-3` Բակա 73՛
17.05.2017

L’Equipe. Օբամեյանգը և Մխիթարյանը կարող են նորից դառնալ խաղընկերներ

Դորտմունդի «Բորուսիայի» հարձակվող Պիեր-Էմերիկ Օբամեյանգը հետաքրքրել է «Մանչեսթեր Յունայթեդի», այս մասին հայտնում է ֆրանսիական L'Equipe-ը: Նշվում է, որ անգլիական գրանդի գլխավոր տրանսֆերային նպատակը շարունակում է մնալ «Ատլետիկոյի» հարձակվող Անտուան Գրիզմանը: Եթե ֆրանսիացու տեղափոխությունը չկայանա, ապա «Յունայթեդը» կփորձի իրականացնել Օբամեյանգի տրանսֆերը: Ավելացնենք, որ երեկ տեղեկություններ էին տարածվել, որ չինական «Տյանցզին Ցյուանցզյան» ակումբը պատրաստ է 27-ամյա գաբոնցում տարեկան վճարել 50 մլն եվրո:  
16.05.2017

France Football. Օբամեյանգը կարող է դառնալ աշխարհի ամենաբարձր վարձատրվող ֆուտբոլիստը

Դորտմունդի «Բորուսիայի» հարձակվող Պիեր-Էմերիկ Օբամեյանգը կարող է հայտնվել չինական սուպերլիգայում: 27-ամյա գաբոնցու ծառայություններով հետաքրքրված է «Տյանցզին Ցյուանցզյանը»: Ինչպես հայտնում է France Football-ը, չինական ակումբը պատրաստ է 80 մլն եվրո առաջարկել Օբամեյանգի տրանսֆերի դիմաց, իսկ ահա ֆուտբոլիստը տարեկան վճարել 50 մլն եվրո: Ավելի վաղ տեղեկություններ էին տարածվել, որ Օբամեյանգը կարող է կարիերան շարունակել ՊՍԺ-ի կազմում: Գաբոնցու գործակալը բանակցություններ է վարում ֆրանսիական գրանդի հետ:
13.05.2017

Ուսման Դեմբելեն պատրաստ է տեղափոխվել իսպանական գրանդ

Դորտմունդի «Բորուսիայի» երիտասարդ հարձակվող Ուսման Դեմբելեն պատրաստ է տեղափոխվել «Բարսելոնա», հայտնում է AS-ը։ Կատալոնացիները Դեմբելեին ցանկանում էին ձեռք բերել դեռ նախորդ ամառ, սակայն երիտասարդ ֆուտբոլիստն այն ժամանակ ընտրեց «Բորուսիան»։ Սակայն, Տուխելի հնարավոր հրաժարականը այնքան էլ ֆուտբոլիստի սրտով չէ։ Դեմբելեն այժմ պատրաստ է տեղափոխվել կատալոնակա ակումբ և իր գործակալին խնդրել է կապ պահպանել «Բարսելոնայի» սպորտային տնօրեն Ռոբերտ Ֆերնանդեսի հետ։ Տրանսֆերին կարող է խոչընդոտել միայն Դեմբելեի արժեքը։ Նախորդ ամառ «Բարսելոնան» կարող էր ֆուտբոլիստին ձեռք բերել 12 մլն եվրոյով, բայց այժմ նա կարժենա մոտ 3 անգամ թանկ։
10.05.2017

«Բարսելոնան» և «Մանչեսթեր Սիթին» միացան «Բենֆիկայի» պաշտպանի համար պայքարին

«Բենֆիկայի» պաշտպան Նելսոն Կաբրալ Սեմեդուն շարունակում է գտնվել եվրոպական գրանդ ակումբների ուշադրության կենտրոնում: Դեռ հունվարին 23-ամյա ֆուտբոլիստի ծառայություններով հետաքրքրվում էին «Չելսին», «Բավարիան», «Մանչեսթեր Յունայթեդը»: Մարտին պաշտպանի ծառայություններով սկսեց հետաքրքրվել նաև Դորտմունդի «Բորուսիան»: Մրցաշրջանի ավարտին 23-ամյա պորտուգալացին հայտնվել է նաև 2 այլ եվրոպական գրանդի ՝ «Բարսելոնայի» և «Մանչեսթեր Սիթիի» ուշադրության կենտրոնում: O Jogo-ն հաղորդում է, որ ֆուտբոլիստը ցանկություն է հայտնել տեղափոխվել «Մանչեսթեր Սիթի» և կրել Պեպ Գվարդիոլայի գլխավորած ակումբի մարզաշապիկը: Պորտուգալացու տրանսֆերային արժեքը կազմում է 14 մլն. եվրո: «Բենֆիկայի» հետ  ֆուտբոլիստի գործող  պայմանագիրն ավարտվում է 2021 թվականին:
08.05.2017

Ֆուտբոլիստները դժգոհ են Թոմաս Տուխելից, վերջինս կհեռանա «Բորուսիայից»

Դորտմունդի «Բորուսիայի» գլխավոր մարզիչ Թոմաս Տուխելը ընթացիկ մրցաշրջանի ավարտից հետո կարող է հեռանալ գերմանական գրանդից: Ինչպես տեղեկացնում է Sport Bild-ը, գերմանացին լուրջ խնդիրներ ունի ֆուտբոլիստների և ակումբի ղեկավարության հետ: 43-ամյա կոնֆլիկտի մեջ է նաև ակումբի գործադիր տնօրեն Հանս-Յոհահիմ Վատցկեի հետ, ով վերջերս քննադատել էր Տուխելին: Իր հերթին  Süddeutsche Zeitung հայտնում է, որ Տուխելըլ կոնֆլիկտի մեջ է նաև ֆուտբոլիստների հետ, ովքեր բողոքում են գերմանացի մասնագետի ընտրած տակտիկայից, որը նա միշտ փոխում է խաղի ընթացքում: Ավելի վաղ տեղեկություններ կային, որ Տուխելը կարող է գլխավորել «Արսենալը»:    
08.05.2017

Մոուրինյոն ցանկանում է Մարկո Ռոյսին տեսնել «Մանչեսթեր Յունայթեդում»

Ինչպես հաղորդում են իսպանական ԶԼՄ-ները, Դորտմունդի «Բորուսիայի» կիսապաշտպան Մարկո Ռոյսի ծառայություններով լրջորեն հետաքրքրված են «Մանչեսթեր Յունայթեդը» և Մադրիդի «Ատլետիկոն»: Հաղորդվում է, որ «Կարմիր սատանաների» գլխավոր մարզիչ Ժոզե Մոուրինյոն գերմանացուն տեսնում է Ուեյն Ռունիին փոխարինողի դերում: Ակումբի բոլոր ժամանակների լավագույն ռմբարկուն մրցաշրջանի ավարտից հետո, ամենայն հավանականությամբ, կլքի մանկունյանցիների ճամբարը: Ռոյսի որոշման վրա կարող է ազդել նաև այն հանգամանքը, որ «Յունայթեդում» է հանդես գալիս նրա նախկին խաղընկերը՝ Հենրիխ Մխիթարյանը: Գերմանացի կիսապաշտպանը Դորտմունդ է տեղափոխվել 2012 թվականին, Մյունխենգլադբախի «Բորուսիայից»: Նա «մեղուների» կազմում դրանից հետո մասնակցել է 123 հանդիպման՝ դառնալով 54 գոլի հեղինակ:
06.05.2017

«Բորուսիան» շարունակում է 3-րդ տեղի պայքարը` հաղթելով «Հոֆենհայմին» (տեսանյութ)

Գերմանիա, Բունդեսլիգա, տուր 32 «Բորուսիա Դորտմունդ» 2-1 «Հոֆենհայմ» Դորտմունդ, «Սիգնալ Իդունա Պարկ» մարզադաշտ Գոլերը՝ Ռոյս 4՛ (1-0), Օբամեյանգ 82' (2-0), Կրամարիչ 86՛ (11 մետր, 2-1)
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: