Բորուսիա Դորտմունդ

22.02.2017

Կլոպը ասել է՝ Մխիթարյանին գնելիս որ ֆուտբոլիստների միջև է ընտրություն կատարել

«Լիվերպուլի» գլխավոր մարզիչ Յուրգեն Կլոպը դանիական Ekstra Bladed-ի հետ զրույցում անդրադարձել է դանիացի ամենահայտնի ֆուտբոլիստ Քրիստիան Էրիկսենին և խոստովանել, որ Դորտմունդի «Բորուսիան» ղեկավարելու տարիներին հետաքրքրված է եղել վերջինս ծառայություններով, սակայն ի վերջո գնել է «Մանչեսթեր Յունայթեդի» ներկայիս կիսապաշտպան Հենրիխ Մխիթարյանին: «Երբ ես Դորտմունդում էի, մենք հետաքրքրված էինք Էրիկսենի ծառայություններով, բայց մենք պետք է ընտրություն կատարեինք նրա, Մխիթարյանի և դե Բրյունեի միջև: Էրիկսենը իսկապես հիանալի ֆուտբոլիստ է: Բոլորը կցանկանան տեսնել նրան իրենց թիմում: Այդ ժամանակ մենք ընտրության առաջ էինք կանգնած մեր սկաուտները ուշի-ուշով հետևում էին նրանց ելույթներին, բայց, արդյունքում, մենք գնեցինք միայն մեկին: Մենք ուրախ էինք Մխիթարյանի տրանսֆերը ձեռք բերելու փաստով»,-ասել է Յուրգեն Կլոպը: Հիշենցնենք, որ 2012/13  մրցաշրջանին Մարիո Գյոտցեն դորտմունդյան ակումբից տեղափոխվեց «Բավարիա», իսկ «Իշամեղուները» սկսեցին նրա փոխարինողի փնտրտուքները և ի վերջո ընտրեցին Հայաստանի հավաքականի ավագ Հենրիխ Մխիթարյանին, որը 2016 թվականին համալրեց «Մանչեսթեր Յունայթեդի» կազմը:
19.02.2017

Բեյլը ոտքի կանգնեցրեց «Բեռնաբեուն», «Բավարիան»՝ փախցրեց ոչ-ոքի. Օրվա գլխավոր լուրերի քրոնիկոնը

VivaroNews.am-ն առանձնացրել է փետրվարի 18-ին տեղի ունեցած ամենաուշագրավ իրադարձությունները և դրանք ներկայացնում է քրոնիկոնի տեսքով: Յուրգեն Կլոպ. «Չեմ կարոտում Չեմպիոնների լիգայի գավաթի խաղարկությունը: Իհարկե, շատ կցանկանայի «Լիվերպուլը» վերադարձնել այդ մրցաշար, ուստի պետք է լավ աշխատենք: «Լիվերպուլի» պես ակումբի համար շատ կարևոր է մասնակցել նման հեղինակավոր մրցաշարի»: Իսպանիայի Լա Լիգայի 23-րդ տուրում Մադրիդի «Ռեալը» 2 անպատասխան գնդակ է ուղարկել «Էսպանյոլի» դարպասը: Հաշիվը բացել է Ալվարո Մորատան, իսկ տանտերերի առավելությունն ամրապնդել է երեք ամսվա դադարից հետո խաղադաշտ վերադարձած Գարեթ Բեյլը: «Սևիլյան» սեփական հարկի տակ 2-0 հաշվով պարտության է մատնել «Էյբարին»: Աչքի են ընկել Պաբլո Սարաբիան և Վիտոլոն: Իսկ Մադրիդի «Ատլետիկոն» հյուրընկալվելիս 4-1 հաշվով հաղթել է Խիխոնի «Սպորտինգին»: Հեթ-տրիկ է հեղինակել Կևին Գամեյրոն: Գերմանիայի Բունդեսլիգայի 21-րդ տուրում «Բավարիան» հյուրընկալվելիս մեկական գնդակ է փոխանակել «Հերտայի» հետ: Վեդադ Իբիշևիչի գոլին հյուրերը մրցավարի ավելացրած 6-րդ րոպեին պատասխանել են Ռոբերտ Լևանդովսկիի գնդակով: Դորտմունդի «Բորուսիան» 3-0 հաշվով առավելության է հասել «Վոլֆսբուրգի» նկատմամբ: Թոմաս Տուխելի թիմին հաղթանակ են պարգևել Ջեֆրի Բրումայի ինքնագոլը, ինչպես նաև Լուկաշ Պիշչեկի և Օսման Դեմբելեի գոլերը: Անգլիայի գավաթի խաղարկության 1/8 եզրափակչի՝ «Հադերսֆիլդ» - «Մանչեսթեր Սիթի» մրցավեճում դարպասի գրավում չի արձանագրվել, ուստի կողմերը կանցկացնեն վերախաղարկում: Իսկ «Չելսին» մրցակցի հարկի տակ 2-0 հաշվով հաղթել է «Վուլվեհեմփթոնին»՝ շնորհիվ Պեդրոյի և Դիեգո Կոստայի գոլերի: Գարեթ Բեյլ. «Ինձ դեռ մի քանի շաբաթ է պետք, որպեսզի լավ մարզավիճակ հավաքեմ: Երեք ամսվա բացակայությունից հետո խաղադաշտում ինձ լավ էի զգում: Դժվար է թիմի խաղին հետևել պահեստայինների նստարանից: Ուրախ եմ, որ կրկին կարող եմ օգնել խաղընկերներիս»: Չավի Էրնանդես. ««Բարսելոնան» հաղթելու ոչ մի շանս չուներ «ՊՍԺ»-ի դեմ խաղում: Ֆրանսիական թիմը շատ ավելի ագրեսիվ էր գործում, խաղում էր ավելի բարձր արագությամբ: Դժվար է լինելու, բայց ես հավատում եմ, որ «Բարսելոնան» կարող է անցնել հաջորդ փուլ: Պետք է սառնասիրտ լինել, քանի դեռ շանսեր կան»:
18.02.2017

«Բավարիան» փրկվում է ավելացված ժամանակում, «Բորուսիան» ջախջախում է «Վոլֆսբուրգին» (տեսանյութ)

Գերմանիայի Բունդեսլիգա, 21-րդ տուր Փետրվարի 18, 18։30 «Հերտա» 1-1 «Բավարիա» Գոլը՝ 1-0՝ Իբիշևիչ 21՛, 1-1` Լևանդովսկի 90+3՛
15.02.2017

«Բենֆիկայի» երկրպագուների «challenge»-ը «Բորուսիայի» ֆաներին. Պորտուգալացիների ֆանտաստիկ պերֆորմանսը (տեսանյութ)

«Բենֆիկայի» երկրպագուների «challenge»-ը «Բորուսիայի» երկրպագուներին. Պորտուգալացիների ֆանտաստիկ պերֆորմանսը Չեմպիոնների լիգայի «Բենֆիկա» - «Բորուսիա» Դորտմունդ հանդիպումից առաջ:  
15.02.2017

Ի՞նչ է ասում վիճակագրությունը. ՉԼ երեկվա հանդիպումների ամենատպավորիչ փաստերը

Չեմպիոնների լիգայի փլեյ-օֆֆը մեկնարկեց շատ բուռն ու լի իրադարձություններով: Մենք առանձնացրել ենք մի քանի վիճակագրական ցուցանիշ, որոնք լավագույնս են ներկայացնում երեկվա խաղերը. «Բենֆիկա» 1-0 «Բորուսիա Դորտմունդ» «Բորուսիան» 2015թ. նոյեմբերից հետո առաջին անգամ էր պարտվում երկու խաղ անընդմեջ: Պիեռ-Էմերիկ Օբամեյանգը վրիպել է իր վերջին 4 11-մետրանոցներից 3-ը, մինչդեռ դրանից առաջ 6 հարված անընդմեջ ավարտել էր գոլով: «Բորուսիան» իր վերջին 13 խաղերում ընդամենը մեկ անգամ է դարպասն անառիկ պահել:
15.02.2017

«ՊՍԺ»-ի ապտակը «Բարսելոնային» և Օբամեյանգի վճռորոշ վրիպումը. Օրվա գլխավոր լուրերի քրոնիկոնը

VivaroNews-ն առանձնացրել է փետրվարի 14-ին տեղի ունեցած ամենաուշագրավ իրադարձությունները և դրանք ներկայացնում է քրոնիկոնի տեսքով: Անտուան Գրիզման. «Այս պահին ցանկություն չունեմ հեռանալու «Ատլետիկոյից»: Դեռ չգիտենք, թե ինչպիսին կավարտվի այս մրցաշրջանը մեզ համար: Եթե ամեն ինչ չլինի այնպես, ինչպես մենք ենք ցանկանում, ապա ևս մեկ անգամ կխոսենք այս թեմայի շուրջ»: Մանուել Նոյեր. ««Մանչեսթեր Սիթիից» ինձ հետ ոչ ոք կապ չի հաստատել: Երջանիկ եմ Մյունխենում և վերջերս եմ նոր պայմանագիր կնքել ակումբի հետ: Պեպ Գվարդիոլան ունի իմ հեռախոսահամարը, բայց նա ինձ դեռ չի զանգել, ուստի ամեն ինչ կարգին է»: Զինեդին Զիդան. ««Ռեալը» միշտ էլ Չեմպիոնների լիգայի հաղթողի ֆավորիտների թվում է, բայց ակումբի խորհրդանիշը դեռ ոչինչ չի երաշխավորում: Ցանկանում ենք առաջ շարժվել խաղ առ խաղ և փորձել հաղթել մրցաշարում: «Նապոլիի» հետ մեզ հետաքրքիր հանդիպում է սպասվում»: Զլատան Իբրահիմովիչ. «Անտոնիո Մարսիալն այն տղաներից չէ, ովքեր շատ են խոսում. նա շատ լռակյաց և պրոֆեսիոնալ անձնավորություն է: Նա քրտնաջան է մարզվում և միշտ ցանկանում է իրեն լավագույնս դրսևորել: «Ուոտֆորդի» դարպասը խփած գոլը նրան վստահություն կհաղորդի»: Արսեն Վենգեր. «Սպասում ենք, որ «Բավարիան» մեզ հետ խաղում փորձելու է գերիշխել դաշտում: Նրանք կվերահսկեն գնդակը և արագ տեղաշարժերով կանցնեն հարձակման: Մենք պատասխան խաղն անցկացնելու ենք Լոնդոնում, ուստի շատ կարևոր է առաջին մրցավեճում դրական արդյունք ստանալը»: «Մանչեսթեր Սիթին» պաշտոնապես հաստատել է, որ հարձակվող Գաբրիել Ժեզուշը գարշապարի ոսկորի վնասվածք է ստացել և շարքից դուրս մնացել 2-3 ամսով: Ըստ La Gazzetta dello Sport-ի՝ «Ռոման» շարունակում է փնտրել ներդրողների: Ակումբը բանակցում է չինացի գործարարների հետ, ովքեր, բացի նոր մարզադաշտի կառուցման համար ներդրումներից, պատրաստ են գնելու նաև ակումբի բաժնետոմսերի 10%-ը, որը նրանց կարժենա 100 մլն եվրո: Մեկնարկել է Չեմպիոնների լիգայի գավաթի խաղարկության 1/8 եզրափակիչ փուլը: «ՊՍԺ»-ն անսպասելիորեն 4 անպատասխան գնդակ է ուղարկել «Բարսելոնայի» դարպասը: Դուբլ է ձևակերպել Անխել դի Մարիան, ևս մեկական անգամ աչքի են ընկել Յուլիան Դրաքսլերը և Էդինսոն Կավանին:
15.02.2017

«Բենֆիկան» հաղթեց Դորտմունդի «Բորուսիային» (տեսանյութ)

Չեմպիոնների լիգա, 1/8 եզրափակիչ, 1-ին խաղ «Բենֆիկա» 1–0 «Բորուսիա Դորտմունդ» Գոլը՝ Միտրողլու 48՛ Չիրացված 11-մետրանոց՝ Օբամեյանգ 58՛(«Բորուսիա Դորտմունդ») «Էշտադիու դա Լուժ» մարզադաշտ, Լիսաբոն
15.02.2017

Առաջին կեսից հետո. ՊՍԺ-ն երկու գնդակ է ուղարկել «Բարսելոնայի» դարպասը, Լիսաբոնում հաշիվը չի բացվել (տեսանյութ)

Չեմպիոնների լիգայի 1/8 եզրափակիչում ՊՍԺ-ն ընդունել է «Բարսելոնային», իսկ «Բենֆիկան»՝ Դորտմունդի «Բորուսիային»: Առաջին կեսից հետո «Բենֆիկա» - «Բորուսիա» խաղում հաշիվը չի բացվել, իսկ ֆրանսիական ակումբը երկու անպատասխան գնդակ է ուղարկել «Բարսելոնայի» դարպասը: http://www.vivaronews.am/pszh-barselona-di-marian-tuganayinic-gol-xphec-tesanyuth
14.02.2017

«Բենֆիկա» – «Բորուսիա Դորտմունդ». Ուղիղ եթեր, մեկնարկային կազմեր (տեսանյութ)

Չեմպիոնների լիգա, 1/8 եզրափակիչ, 1-ին խաղ «Բենֆիկա» - «Բորուսիա Դորտմունդ» Մեկնարկը՝ 23:45 Ուղիղ հեռարձակումը՝ խաղից 1-2 րոպե առաջ «Էշտադիու դա Լուժ» մարզադաշտ, Լիսաբոն «Բենֆիկայի» մեկնարկային կազմը՝ Էդերսոն, Լուիզաո, Ֆեյսա, Միտրողլու, Լինդելոֆ, Կարիլյու, Սալվիու, Էլիսեու, Պիցի, Սիլվա, Սեմեդու «Բորուսիայի» մեկնարկային կազմը՝ Բյուրկի, Բարտրա, Դեմբելե, Ռոյս, Գերեյրո, Օբամեյանգ, Պապաստատոպուլոս, Պիշչեկ, Շմելցեր, Վայգլ, Դուրմ
14.02.2017

Vivaro Battle. «Բենֆիկա»-«Բորուսիա Դորտմունդ». Ռոբերտ Գասպարյանի խաղադրույքները

VivaroNews.am-ի նոր նախագծում մեր փորձագետները կմրցեն Չեմպիոնների լիգայի խաղերի վրա իրենց կատարած խաղադրույքներով: 1/8 եզրափակիչը մեզ համար լինելու է որակավորման փուլ, որի արդյունքում 8 մասնակիցները կստանան իրենց դիրքերը 1/4 եզրափակչի համար: Յուրաքանչյուրս ունենք 5000-ական դրամ ամեն խաղի համար ու կարող ենք անել ցանկացած խաղադրույք: Ով կունենա ամենաշատ փողը վերջում՝ դա էլ լինելու է մեր «ականջավոր» գավաթը: Մրցույթը սկսում է Ռոբերտ Գասպարյանը: Սուրբ Վալենտինի տոն, ժպիտներ, ռոմանտիկա... դա ոմանց համար: Իսկական ֆուտբոլասերի համար Վալենտինի տոնը այս տարի Չեմպիոնների լիգայի վերսկսումն է: Թեպետ Փարիզում նախատեսված հանդիպումը վերնագրով ավելի գրավիչ է, բայց համոզված եմ, որ հենց Լիսաբոնում կայանալիք «Բենֆիկա» – «Բորուիա Դորտմունդ» հանդիպումն է լինելու ավելի հետաքրքիր: Երբ իրար հետ մրցում եմ համաշխարհային գրանդներ, ակնկալել բաց ու գրավիչ ֆուտբոլ, մի փոքր բարդ է, իսկ ահա համեստ ու կորցնելու ոչինչ չունեցող թիմերի խաղում միշտ էլ շատ են լինում վտանգավոր պահերն ու գոլերը: Կարո՞ղ ենք ակնկալել նման ակտիվություն նաև այս խաղում: «Բենֆիկա» Պորոտւգալական ակումբը հանդես է գալիս սեփական հարկի տակ: Սա է թերևս ամենակարևոր հանգամանքն այսօրվա խաղի: Որքան էլ որ թույլ լինեն «արծիվները», այնուամենայնիվ տանը, նման մարզադաշտում ու նման խելակորույս աջակցության պարագայում ու երբ իրավիճակն է պարտադրում, «Բենֆիկան» կարող է հավաքվել ու հանգիստ հաղթել ցանկացած մրցակցի: Լիսանդրո Լոպեսը վնասվածք ունի ու չի կարողանալու մասնակցել հանդիպմանը: Պաշտպան Ալեքս Գրիմալդոն վաղուց է լազարեթում ու նրա ապաքինմանը դեռ երկար պետք է սպասել: Մնացած բոլոր առաջատարները կազմ ու պատրաստ են: «Բորուսիա Դորտմունդ» Ի տարբերություն «Բենֆիկայի», այս մրցաշրջանն այնքան էլ հաջող չէ «իշամեղուների» համար: Թիմը ոչ միայն դադարել է շատ գոլեր խփել, այլև զգալիորեն թուլացել է պաշտպանությունը: Գրեթե յուրաքանչյուր խաղում «Դորտմունդը» խաղադաշտից հեռանում է սեփական դարպասն առնվազն 1 գնդակ ընդունած: Ու այնպես չէ, որ մրցակիցները լուրջ էին: Օրինակ այս հանգստյան օրերին «Բորուսիան» պարտվեց «Դարմշտադտին»: «Դարմշտադտի՜ն», Կառլ: Չնայած այստեղ որպես պարտաճաբանություն բերել այն, որ թիմը պատրաստվում էր «Բենֆիկայի» հետ խաղին: Բայց այստեղ տեղին է հիշել վատ պարողի մասին հայտնի ասացվածքը: Թիմում կարուստներ կան, բայց այնքան էլ սարսափելի չեն: Գյոտցեն ու Բենդերը խաղին միանշանակ չեն մասնակցի: Էմրե Մորը մարզվում է անհատական ծրագրով: Խաղադրույք Ընտրում եմ այս տարբերակը, որովհետև «Բենֆիկան» այնքան լավ է  խաղում տանը և «Դորտմունդն» այնքան թույլ է պաշտպանությունում, որ «Բենֆիկայի» գոլի հավանականությունը մեղմ ասած մեծ եմ համարում: Սակայն միևնույն ժամանակ Թոմաս Տուխելի թիմն էլ ինչ որ միջակ չէ: Խմբային փուլում 6 խաղում 21 գնդակ խփած թիմը դժվար թե համաձայնի խաղադաշտը լքել առանց խփած գնդակի: Ամենաաշխատող գործակիցներից մեկը: Օբամեյանգի ճշգրտությունը գրեթե երբեք չի դավաճում: Այս մրցաշրջանում նա Կավանիի, Լևանդովսկու ու Ջեկոյի պես (Լա Լիգայի հրեշներին եթե չհաշվենք) համարվում է Եվրոպայի ամենադիպուկ հարձակվողներից մեկը: Եվ խաղադրույք չկատարել նրա գոլի վրա, սխալ կլինի:
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: