Ատլետիկ Բիլբաո

24.05.2017

Եվս մեկ ապացույց, որ Վալվերդեն շուտով գլխավորելու է «Բարսելոնան»

Բիլբաոյի «Ատլետիկը» հանդես է եկել պաշտոնական հայտարարությամբ՝ կապված թիմի գլխավոր մարզիչ Էռնեստո Վալվերդեի հետ: Մասնագետը լքում է բասկյան ակումբը և չի աշխատի այնտեղ հաջորդ մրցաշրջանում: Վաղը կկայանա մամուլի ասուլիս Վալվերդեի և «Ատլետիկի» նախագահ Խոսե Ուրուտիի մասնակցությամբ: Ավելի վաղ հաղորդվում էր, որ Վալվերդեն «Բարսելոնայի» գլխավոր մարզչի պաշտոնում փոխարինելու է Լուիս Էնրիկեին և նրա նշանակման մասին հայտարարվելու է մայիսի 29-ին: http://www.vivaronews.am/sport-valverden-arden-barselonayum-tun-ev-dprocner-e-phntrum
21.05.2017

Բասկյան թիմերի «խելառ» պայքարը ԵԼ-ի ուղեգրի համար և Տորեսի դուբլը. Լա Լիգայի վերջին տուրի թեժ ընթացքը

Լա Լիգա, 38-րդ տուր «Ատլետիկո Մադրիդ» 3-1 «Ատլետիկ Բիլբաո» Գոլերը՝ 1-0, 2-0՝ Տորես 8՛, 11՛, 2-1՝ Ուիլյամս 71՛, 3-1՝ Կորեա 89՛ «Վիսենտե Կալդերոն» մարզադաշտ, Մադրիդ «Ատլետիկոն» իր ակտիվում գրանցած 78 միավորով առաջնությունն ավարտեց 3-րդ հորիզոնականում, իսկ «Ատլետիկը» հանգրվանեց 7-րդ տեղում և չկարողացավ ձեռք բերել Եվրոպայի լիգայի հաջորդ խաղարկության ուղեգիր: Բասկյան մյուս թիմը՝ «Ռեալ Սոսյեդադը», վերջին վայրկյաններին խփած գոլի շնորհիվ իր ակտիվում գրանցեց 64 միավոր ու կմեկնի Եվրոպա: Լա Լիգա, 38-րդ տուր «Սելտա» 2-2 «Ռեալ Սոսյեդադ» Գոլերը՝ Ասպաս 54՛, 11մ, 1-1` Օյարզաբալ 82՛, 2-1՝ Հյուլսագեր 90՛, 2-2՝ Խուանմի 90+4՛ «Էստադիո դե Բալայդոս» մարզադաշտ, Վիգո «Ռեալ Սոսյեդադի» շուրջ իրավիճակի մասին արդեն նշեցինք: Թիմը հերոսական ջանքերի գնով ոչ-ոքի կորզեց և աշնանն Իսպանիան կներկայացնի Եվրոպայի լիգայի խաղարկությունում: Իսկ «Սելտան» 45 միավորով առաջնությունն ավարտեց 13-րդ տեղում: Լա Լիգա, 38-րդ տուր «Վալենսիա» 1-3 «Վիլյառեալ» Գոլերը՝ 0-1՝ Սոլդադո 1՛, 1-1՝ Նանի 54՛, 1-2՝ Տրիգերոս 58՛, 1-3՝ Սանսոնե 88՛ «Մեստալիա» մարզադաշտ, Վալենսիա «Վալենսիան» իր ակտիվում գրանցած 46 միավորով զբաղեցրեց 12-րդ հորիզոնականը, իսկ «Վիլյառեալը», միավորների քանակը հասցնելով 67-ի, հանգրվանեց 5-րդ տեղում և հաջորդ մրցաշրջանում հանդես կգա Եվրոպայի լիգայում:
18.05.2017

«Բարսելոնան» համաձայնության է հասել Վալվերդեի հետ

«Ատլետիկի» գլխավոր մարզիչ Էռնեստո Վալվերդեն, ամենայն հավանականությամբ, կգլխավորի «Բարսելոնան»: 53-ամյա մասնագետը արդեն 2 տարվա պայմանագիր է համաձայնացրել կատալոնական ակումբի հետ: Սակայն կողմերը գործարքում կետ են ներառել, ըստ որի՝ կողմերից յուրաքանչյուրը կարող է խզել համագործակցությունը ցանկացած պահի: Այս տեղեկությունները հայտնում է լրագրող Oլիվյե Գոլդշտեյնը: Այդ նախաձեռնության հեղինակը «Բարսելոնայի» նախագահ Խոսեպ Բարտոմեուն է, որը, իր հերթին, չի բացառում այլ մարզիչների թեկնածությունները և մտադիր է վերջնական որոշում կայացնել Իսպանիայի գավաթի եզրափակիչ հանդիպումից հետո: Իսկ Վալվերդեն «Բարսելոնայի» դիտարկում է որպես իր առաջնային տարբերակ, նա արդեն մերժել է «Վալենսիային» և «Սևիլիային»:
17.05.2017

«Բարսելոնայի» ֆուտբոլիստները թիմի գլխավոր մարզչի պաշտոնում ցանկանում են տեսնել Վալվերդեին

Ինչպես տեղեկացնում է Marca-ն, «Բարսելոնայի» ֆուտբոլիստների մեծ մասը ակումբի գլխավոր մարզչի պաշտոնում ցանկանում է տեսնել Բիլբաոյի «Ատլետիկի» մարզիչ Էռնեստո Վալվերդեին: Իսպանական լրատվամիջոցի փոխանցմամբ, թիմում չկա այնպիսի ֆուտբոլիստ, որ դեմ լինի իսպանացի մասնագետի նշանակմանը: Նույնիսկ որոշ ֆուտբոլիստներ լսելով այդ նորության մասին՝ մեծ ոգևորություն են ապրել: Իսկ կատալոնական ակումբը տեղեկացրել է, որ նոր մարզչի նշանակման մասին պաշտոնապես կհայտարարվի մայիսի 29-ին: Դա նշանակում է, որ «կապտանռնագույնների» նոր մարզչի անունը հայտնի կդառնա Իսպանիայի գավաթի եզրափակիչ հանդիպումից 2 օր անց:
16.05.2017

Էռնեստո Վալվերդեն հայտարարել է «Ատլետիկի» գլխավոր մարզչի պաշտոնից հեռանալու մասին

Բիլբաոյի «Ատլետիկի» գլխավոր մարզիչ Էռնեստո Վալվերդեն այս մրցաշրջանի ավարտից հետո կհեռանա իր զբաղեցրած պաշտոնից: «Ես լքում եմ ակումբը: Այս մասին հայտարարում եմ մրցաշրջանի ավարտին, քանի որ ցանկանում էի՝ թիմը պահպաներ մրցակցային ոգին: Շնորհակալ եմ «Ատլետիկին» ամեն ինչի համար»,- Վալվերդեի խոսքերը մեջբերում է El Mundo Deportivo-ն: Ավելի վաղ կային խոսակցություններ, որ Վալվերդեն համաձայնության է եկել «Բարսելոնայի» գլխավոր մարզչի դերը ստանձնելու վերաբերյալ: Նա բասկյան թիմը մարզել է վերջին 4 տարիների ընթացքում:  
11.04.2017

Marca. «Արսենալը» արդեն փոխարինող է գտել Արսեն Վենգերին

«Արսենալը» մտադիր է թիմ հրավիրել «Ատլետիկ Բիլբաոյի» գլխավոր մարզիչ Էրնեստո Վալվերդեին: Ինչպես տեղեկացնում է Marca-ն, լոնդոնյան ակումբի ղեկավարությունը արդեն սկսել է բանակցությունները իսպանացի մասնագետի հետ: Աղբյուրը նշում է, որ 53-ամյա մարզչի ծառայություններով հետաքրքրված է նաև «Բարսելոնան»: Ավելացնենք, որ Վալվերդեի պայմանագիրը «Բիլբաոյի» հետ սպառվում է առաջիկա ամռանը:    
29.03.2017

ԹՈՓ 5 Իսպանական քաղաքները ճանապարհորդել սիրող ֆուտբոլասերների համար (մաս 2)

VivaroNews.am-ը շարունակում է ձեզ ներկայացնել զբոսաշրջային քաղաքներ, որտեղ կարող եք անցկացնել ձեր արձակուրդները: Իսպանիայի գրեթե բոլոր քաղաքներն ունեն թե՛ տեսարժան վայրեր, թե՛ ֆուտբոլային հարուստ մշակույթ, ուստի մեկ հնգյակով բավարարվել չէինք կարող: Ներկայացնում ենք ևս հինգ հետաքրքիր քաղաք. Լա-Կորունյա Սրբ. Մարգարիտա զբոսայգում գտնվում է Լա-Կորունյայի հայտնի թանգարանը, որը կոչվում է «Գիտական տուն», նպատակը՝ բարձրացնել քաղաքացիների գիտական և տեխնիկական գիտելիքների մակարդակը: Թանգարանը նաև կազմակերպում է կոնֆերանսներ, ցուցահանդեսներ: Ի տարբերություն մյուս թանգարանների, որտեղ չի թույլատրվում ձեռք տալ ցուցանմուշների, այստեղ կարելի է և նույնիսկ՝ անհրաժեշտ: «Գիտական տունը» Իսպանիայում միակ ինտերակտիվ գիտական կենտրոնն է, որտեղ այցելում են շատ դպրոցականներ, ուսանողներ, ինչպես նաև զբոսաշրջիկներ: Եթե Դուք սիրում եք ռոմանտիկ ոճով կառուցված զբոսայգի, ապա անհրաժեշտ է, որ այցելեք Սուրբ Կառլի զբոսայգի: Զբոսայգում կան ինչպես սովորական, այնպես էլ էկզոտիկ իսպանական բույսեր, ծառեր: Իսկ եթե դուք ֆուտբոլի երկրպագու եք, ապա չեք կարող բաց թողնել և չտեսնել «Դեպորտիվոյի» տնային մարզադաշտը՝ «Ռիասորը», որը տեղավորում է 34.600 հանդիսական: 2000-ականների առաջին կեսին սա Եվրոպայի ֆուտբոլային թեժ կետերից մեկն էր, սակայն վերջին տարիներին «սպիտակ-կապույտները» համեստորեն բավարարվում են Իսպանիայի առաջնությանը մասնակցությունով:
18.03.2017

Զիդան. «Մյուսների պես Ռոնալդուն կարող է փոխարինվել»

Մադրիդի «Ռեալի» գլխավոր մարզիչ Զինեդին Զիդանն «Ատլետիկի» դեմ խաղից հետո խոսել է հանդիպման մասին: «11 տուր է մնացել: Այժմ մենք առաջատարն ենք, սակայն դա ոչինչ չի նշանակում: «Ռեալն» առավելության հասավ բարդ խաղում: Մրցակիցը մեզ համար խնդիրներ ստեղծեց, սակայն թիմը ժամանակին ցույց տվեց իր բնույթը: Հասկանում ենք՝ առաջիկայում ավելի բարդ է լինելու: Բենզեման հիանալի խաղ անցկացրեց: Վերջնամասում շատ լավ ստացվեց 4-4-2 սխեմայով խաղալը: Ինչ վերաբերում է Ռոնալդուի փոխարինմանը, ապա Կրիշտիանուն անհանգստանալու առիթ չունի: Նա մյուսների պես կարող է փոխարինվել: Նա գոհ է, քանի որ մենք հաղթել ենք: Այսքանը»,- ասել է Զիդանը:
18.03.2017

«Ռեալը» հաղթեց Բիլբաոյում (տեսանյութ)

Լա լիգա, 28-րդ տուր «Ատլետիկ» 1-2 «Ռեալ Մադրիդ» Գոլերը՝ 0-1՝ Բենզեմա 25՛, 1-1՝ Ադուրիս 65՛, 1-2՝ Կազեմիրո 68՛ «Սան Մամես» մարզադաշտ, Բիլբաո
18.03.2017

«Ատլետիկ»-«Ռեալ Մադրիդ». Մեկնարկային կազմեր

Իսպանիա, Լա Լիգա, տուր 28 «Ատլետիկ»-«Ռեալ Մադրիդ» Բիլաբո, «Սան Մամես Բարիա» մարզադաշտ Մեկնարկը՝ 19:15 Ներկայացնում ենք մրցող թիմերի մեկնարկային կազմերը: «Ատլետիկ» Կեպա, Դե Մարկոս, Բալենսիագա, Լապորտե, Յերայ, Իտուրասպե, Բենյաթ, Ռաուլ Գարսիա, Ուլիյամս, Ադուրիս, Լեկյու «Ռեալ Մադրիդ» Նավաս, Կարվախալ, Ռամոս, Նաչո, Ռոնալդու, Կրոս, Բենզեմա, Բեյլ, Մարսելո, Կազեմիրո, Մոդրիչ
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: