Անգլիայի Ֆուտբոլային լիգայի գավաթ

11.01.2017

Goal.com-ը գնահատել է Մխիթարյանի խաղը

Goal.com կայքը գնահատել է Հայաստանի ազգային հավաքականի առաջատար Հենրիխ Մխիթարյանի խաղը «Մանչեսթեր Յունայթեդ» - «Հալ Սիթի» հանդիպմանը: Մխիթարյանի խաղն արժանացել է 3 գնահատականին(առավելագույնը՝ 5): Ավելի բարձր գնահատական ստացել են Դարմիանը, Մատան, Վալենսիան, Պոգբան ու Ֆելայինին(բոլորը՝ 3,5 միավոր): «Առաջին խաղակեսում Մխիթարյանը մի փոքր անփույթ էր, թեպետ շատ էր աշխատում գնդակով: Երկրորդ կեսում, սակայն, նա շատ ավելի տպավորիչ էր՝ կատարելով նաև գլխով գոլային փոխանցում Խուան Մատային»,- գրել է կայքը Մխիթարյանի խաղի մասին:
11.01.2017

Daily Mail-ը գնահատել է «Մանչեսթեր Յունայթեդի» ֆուտբոլիստների խաղը

Բրիտանական հեղինակավոր Daily Mail պարբերականը գնահատել է «Մանչեսթեր Յունայթեդի» ֆուտբոլիստների խաղը «Հալ Սիթիի» դեմ հանդիպմանը: Մանկունյանցիների կազմում ամենաբարձր գնահատականն ստացել է Խուան Մատան, որի խաղը կայքը գնահատել է 8 միավոր: Երկրորդը Հայաստանի հավաքականի կիսապաշտպան Հենրիխ Մխիթարյանն է, որն արժանացել է 7 միավորի: «Յունայթեդի» ֆուտբոլիստների գնահատականները. Դե Խեա՝ 6, Վալենսիա՝ 6.5, Ջոնս՝ 6.5, Սմոլինգ՝ 6, Դարմիան՝ 6.5, Էրերա՝ 6, Պոգբա՝ 6.5, Մատա՝ 8 (Ֆելայինի 79՛ - 6.5), Ռունի՝ 6 (Մարսիալ 59՛ - 6), Մխիթարյան՝ 7 (Լինգարդ 71՛ - 5.5), Ռեշֆորդ՝ 6:
11.01.2017

Հենրիխ Մխիթարյան. «Հաղթողի մտածելակերպ»

«Մանչեսթեր Յունայթեդի» կիսապաշտպան Հենրիխ Մխիթարյանն Անգլիայի Ֆուտբոլային լիգայի գավաթի կիսաեզրափակիչ առաջին խաղում «Հալ Սիթիի» նկատմամբ հաղթանակից հետո գրառում է կատարել իր ֆեյսբուքյան էջում: «Հաղթողի մտածելակերպ... Շարքը շարունակվում է»,- գրել է Մխիթարյանը: Հիշեցնենք, որ «Յունայթեդը» հաղթեց 2-0 հաշվով, իսկ Մխիթարյանը դարձավ առաջին գոլի փոխանցման հեղինակը: Winning mentality...the streak continues @ManUtd #EFLCup pic.twitter.com/C48VzfSu3U — Henrikh Mkhitaryan (@HenrikhMkh) January 10, 2017 http://www.vivaronews.am/yunaythedeh-haghthec-hal-sithiin-mxitharyaneh%D5%9D-golayin-phoxancman-heghinak-tesanyuth
11.01.2017

«Յունայթեդը» հաղթեց «Հալ Սիթիին», Մխիթարյանը՝ գոլային փոխանցման հեղինակ (տեսանյութ)

Անգլիայի Ֆուտբոլային լիգայի գավաթ, կիսաեզրափակիչ, 1-ին խաղ «Մանչեսթեր Յունայթեդ» 2-0 «Հալ Սիթի» Գոլերը՝ Խուան Մատա 56՛(գոլային փոխանցումը՝ Հենրիխ Մխիթարյան), Մարուան Ֆելայինի 87՛ «Օլդ Թրաֆորդ» մարզադաշտ, Մանչեսթեր Նշենք, որ Հենրիխ Մխիթարյանը 71-րդ րոպեին փոխարինվեց՝ իր տեղը զիջելով Լինգարդին: Մխիթարյանի փոխանցումը, Մատայի գոլը. Ֆելայինիի գոլը. Մխիթարյանի մասնակցությամբ վտանգավոր պահերը. Մխիթարյանը խուսափեց վնասվածքից. Մխիթարյանի նրբանկատ փոխանցումը.
10.01.2017

«Մանչեսթեր Յունայթեդ» – «Հալ Սիթի». Ուղիղ եթեր, մեկնարկային կազմեր (տեսանյութ)

Անգլիայի Ֆուտբոլային լիգայի գավաթ, կիսաեզրափակիչ, 1-ին խաղ «Մանչեսթեր Յունայթեդ» - «Հալ Սիթի» Մեկնարկը՝ 00:00 Ուղիղ հեռարձակումը՝ խաղից 1-2 րոպե առաջ «Օլդ Թրաֆորդ» մարզադաշտ, Մանչեսթեր «Մանչեսթեր Յունայթեդի» մեկնարկային կազմը՝ Դե Խեա, Վալենսիա, Ջոնս, Սմոլինգ, Դարմիան, Էրերա, Պոգբա, Մատա, Ռունի, Մխիթարյան, Ռեշֆորդ «Հալ Սիթիի» մեկնարկային կազմը՝ Յակուպովիչ, Մեյլեր, Ռոբերտսոն, Մագիրե, Հադլեստոն, Կլուկաս, Մասոն, Հենրիկսեն, Թայմոն, Սնոդգրաս, Դիամանդե
01.12.2016

Հենրիխ Մխիթարյանը՝ «Վեսթ Հեմի» դեմ խաղի լավագույն ֆուտբոլիստ

«Մանչեսթեր Յունայթեդի» կիսապաշտպան Հենրիխ Մխիթարյանը, որը «Վեսթ Հեմի» դեմ խաղում դարձավ 2 գոլային փոխանցման հեղինակ՝ իր թիմին օգնելով նվաճել Ֆուտբոլային լիգայի գավաթի խաղարկության կիսաեզրափակիչի ուղեգիր, ակումբի թվիթերյան էջում անցկացված քվեարկության արդյունքով ճանաչվել է հանդիպման լավագույն ֆուտբոլիստ: Հատկանշական է, որ այդ կոչման համար Մխիթարյանի հետ պայքարում էին Ուեյն Ռունին ու Անտոնի Մարսիալը, սակայն մեր հայրենակիցը հաղթեց ձայների ճնշող մեծամասնությամբ: Henrikh Mkhitaryan is your Man of the Match tonight. Well deserved! #MUFC pic.twitter.com/P3sxC5PKxD — Manchester United (@ManUtd) November 30, 2016
01.12.2016

Մխիթարյան. «Շատ կարևոր խաղ էր, քանի որ մենք հիմա կիսաեզրափակիչում ենք»

«Մանչեսթեր Յունայթեդի» կիսապաշտպան Հենրիխ Մխիթարյանը, որը «Վեսթ Հեմի» դեմ խաղում դարձավ 2 գոլային փոխանցման հեղինակ՝ իր թիմին օգնելով նվաճել Ֆուտբոլային լիգայի գավաթի խաղարկության կիսաեզրափակիչի ուղեգիր, խոսել է հանդիպման մասին: «Ոգևորված եմ իմ և թիմի ցույց տված խաղի կապակցությամբ: Մենք շատ լավ գործեցինք այսօր: Գործի դրեցինք մեր լավագույն որակները խաղը հաղթելու համար, քանի որ կիրակի օրվա հանդիպման արդյունքն այնքան էլ չէր գոհացրել մեզ: Բայց այսօր ամեն ինչ ստացվեց: Շատ կարևոր խաղ էր, քանի որ մենք նվաճեցինք կիսաեզրափակիչի ուղեգիր: Լավ աշխատեցինք, սակայն պետք է այսպես նաև շարունակենք»,- ասել է Մխիթարյանը: Henrikh Mkhitaryan speaks to #MUTVHD after tonight's 4-1 win v West Ham. #MUFC https://t.co/MEu0PvyrWZ — Manchester United (@ManUtd) November 30, 2016
01.12.2016

Sky Sports. Մխիթարյանը՝ «Վեսթ Հեմի» դեմ խաղի լավագույն ֆուտբոլիստ

«Մանչեսթեր Յունայթեդի» կիսապաշտպան Հենրիխ Մխիթարյանը, որը «Վեսթ Հեմի» դեմ խաղում դարձավ 2 գոլային փոխանցման հեղինակ՝ իր թիմին օգնելով նվաճել Ֆուտբոլային լիգայի գավաթի խաղարկության կիսաեզրափակիչի ուղեգիր, Sky Sports-ի կողմից ճանաչվել է խաղի լավագույն ֆուտբոլիստ: Մխիթարյանը կատարել է 46 փոխանցում՝ 94 տոկոս ճշգրտությամբ, 7 վճռորոշ փոխանցում, ինչպես նաև երկու գոլային փոխանցում: Man of the match, @ManUtd's Henrikh Mkhitaryan 59 touches 46 passes, 94% accuracy 7 key passes 2 assists, his 1st for the club pic.twitter.com/GQ9NieHq9s — Sky Sports Statto (@SkySportsStatto) November 30, 2016
01.12.2016

Մխիթարյանը հավակնում է «ՄՅու» – «Վեսթ Հեմ» հանդիպման լավագույն ֆուտբոլիստի կոչմանը

«Մանչեսթեր Յունայթեդն» Անգլիայի Ֆուտբոլային լիգայի գավաթի խաղարկության քառորդ եզրափակիչում 4-1 հաշվով հաղթեց «Վեսթ Հեմին»՝ նվաճելով կիսաեզրափակիչի ուղեգիր, որում ուժերն է չափելու կա՛մ «Լիվերպուլի», կա՛մ «Սաուտհեմփթոնի» հետ: Մանկունյանցիների թվիթերյան էջում քվեարկություն է ընթանում՝ պարզելու՝ ով է հանդիպման լավագույն ֆուտբոլիստը: Կոչմանը հավակնում է նաև Հենրիխ Մխիթարյանը, որը դարձավ երկու գոլային փոխանցման հեղինակ: Քվեարկել
01.12.2016

Մխիթարյանի 2 գոլային փոխանցումներն օգնեցին «Յունայթեդին» նվաճել կիսաեզրափակիչի ուղեգիր

Ֆուտբոլային լիգայի գավաթ, քառորդ եզրափակիչ «Մանչեսթեր Յունայթեդ» 4–1 «Վեսթ Հեմ» Գոլերը՝ 1-0՝ Իբրահիմովիչ 2՛(փոխանցումը՝ Մխիթարյանի), 1-1՝ Ֆլետչեր 35՛, 2-1՝ Մարսիալ 47՛(փոխանցումը՝ Մխիթարյանի), 3-1՝ Մարսիալ 62՛, 4-1՝ Իբրահիմովիչ 90+3՛ «Օլդ Թրաֆորդ» մարզադաշտ, Մանչեսթեր Նշենք, որ Մխիթարյանը խաղին մասնակցեց 90 րոպե. նրան փոխարինեց Ռեշֆորդը, իսկ Բաստիան Շվայնշտայգերը փոխարինման դուրս եկավ 87-րդ րոպեին: http://www.vivaronews.am/myu-vesth-hem-mxitharyani-hianali-golayin-phoxancumeh http://www.vivaronews.am/myu-vesth-hem-mxitharyani-erkrord-golayin-phoxancumeh
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: