Զինեդին Զիդան

22.05.2017

«Ռեալի» ֆուտբոլիստները ներխուժում են Զիդանի ասուլիսին և «թնդեցնում» «Մալագայի» հանդերձարանը (տեսանյութեր)

Մադրիդի «Ռեալը» երեկ մեծ շուքով էր նշում Իսպանիայի առաջնության իրենց 33-րդ տիտղոսը: Մադրիդյան ակումբի հարձակվող Ալավարո Մորատան տեսանյութ է հրապարակել, որում ֆուտբոլիստները երգում են չեմպիոնական երգը: https://twitter.com/AlvaroMorata/status/866392270010032129 Իսկ քիչ անց իրենց տոնախմբությունը տեղափոխում են մամուլի ասուլիսների սրահ և շամպայնով «լողացնում» «արքայական» ակումբի գլխավոր մարզիչ Զինեդին Զիդանին:
20.05.2017

«Ռեալի» երկու ֆուտբոլիստ ապաքինվել է վնասվածքից

Մադրիդի «Ռեալի» ֆուտբոլիստներ Դանի Կարվախալն ու Գարեթ Բեյլը ապաքինվել են վնասվածքներից, հաղորդում է Goal-ը: «Ռեալի» գլխավոր մարզիչ Զինեդին Զիդանը ներկայացրել է «Մալագայի» դեմ խաղի «արքայական» ակումբի հայտացուցակը, որում ընդգրկել է Կարվախալին և Բեյլին: Բացի վնասվածքից ապաքինված ֆուտբոլիստներից, Զիդանը հայտացուցակում ընդգրկել է նաև Խամես Ռոդրիգեսին, որը բաց էր թողել «Սելտայի» դեմ արտագնա հանդիպումը: Հիշեցնենք, որ Գարեթ Բեյլը վնասվածք էր ստացել ապրիլին, իսկ Դանի Կարվախալը՝ մայիսի սկզբին: Երկու ֆուտբոլիստների մասնակցությունը Չեմպիոնների լիգայի եզրափակիչ խաղին մինչ այսօր կասկածի տակ էր, սակայն նրանք ամենայն հավանականությամբ կօգնեն իրենց թիմին «Յուվենտուսի» դեմ եզրափակիչ խաղին: Հիշեցնենք, որ վաղը կայանալիք «Մալագա» - «Ռեալ Մադրիդ» խաղը վճռորոշ է «արքայական» ակումբի համար: Անգամ մեկ միավոր վաստակելու դեպքում Զինեդին Զիդանի թիմը կհռչակվի Իսպանիայի չեմպիոն:
19.05.2017

Կակա. «Զիդանը կարիերայի ավարտից հետո ասել էր ինձ, որ չի ցանկանում մարզիչ դառնալ»

Ամերիկյան «Օռլանդո Սիթիի» կիսապաշտպան Կական խոսել է իր նախկին թիմում՝ Մադրիդի «Ռեալում» գլխավոր մարզիչ Զինեդին Զիդանի աշխատանքից իր տպավորությունների մասին: «Նա հրաշալի ֆուտբոլիստ է եղել, Զիզուն շատ խելացի է, և նրա թիմի ցուցադրած արդյունքները պարզապես անհավանական են: Նա կարող է հաղթել Լա Լիգայում և Չեմպիոնների լիգայում: Դա շատ լավ ցուցանիշ է մի մարզչի համար, ով ընդամենը երկու տարի է աշխատում այս պաշտոնում: Իմ շնորհավորանքները Զիդանին: Նա կարիերայի ավարտից հետո ասել էր ինձ, որ չի ցանկանում մարզիչ դառնալ, այլ ուզում է վայելել կյանքը, ճանապարհորդել: Սակայն, նա մի քանի տարի անց սկսեց կարոտել ֆուտբոլը և որոշեց վերադառնալ մարզչի կարգավիճակով: Կարծում եմ՝ դա ինձ համար լավ օրինակ կլինի ապագայի համար»,- ասել է Կական:
17.05.2017

«Ռեալը» փոխարինող է գտել Պեպեին

Մադրիդի «Ռեալի» գլխավոր մարզիչ Զինեդին Զիդանը հետաքրքրություն է ցուցաբերում Մյունխենի «Բավարիայի» պաշտպան Ժերոմ Բոատենգի նկատմամբ, տեղեկացնում է Kicker-ը: Գերմանիայի հավաքականի ֆուտբոլիստը դիտարկվում է որպես Պեպեին փոխարինող, որը ընթացիկ մրցաշրջանի ավարտին կհեռանա թիմից ազատ գործակալի կարգավիճակով: «Արքայական» ակումբը պատրաստ է վճարել 40 մլն. եվրո Բոատենգի դիմաց: Ավելի վաղ տեղեկություններ էին շրջանառվում, որ Բոատենգը դժգոհ է ակումբում իր ունեցած կարգավիճակից և պատրաստվում է քննարկել իր ապագան գերմանական ակումբի գլխավոր մարզիչ Կառլո Անչելոտիի հետ: Ընթացիկ մրցաշրջանում գերմանացին ընդամենը 12 հանդիպում է անցկացրել Բունդեսլիգայում, սակայն պետք է ընդգծել, որ ֆուտբոլիստի տևական ժամանակ չի խաղացել վնասվածքների պատճառով:
16.05.2017

Զիդանը խոսել է Մորատայի՝ ձեռքսեղմումից հրաժարվելու դրվագի մասին

Մադրիդի «Ռեալի» գլխավոր մարզիչ Զինեդին Զիդանը Լա Լիգայի 21-րդ տուրից հետաձգված «Սելտայի» հետ հանդիպումից առաջ խոսել է առաջիկա խաղի մասին, ինչպես նաև անդրադարձել Ալվարո Մորատայի պահվածքին, ով «Սևիլյայի» դեմ մրցավեճում փոխարինվելուց հետո հրաժարվել էր սեղմել մասնագետի ձեռքը: «Մեզ դժվարին խաղ է սպասվում, «Սելտան» շատ որակյալ թիմ է: Հիմա նույն իրավիճակն է, ինչպիսին մեր թիմերի նախորդ հանդիպումից առաջ էր. մենք գիտեինք, որ ծանր խաղ է լինելու: «Մալագայի» հետ նույնպես հեշտ չի լինելու կիրակի օրը: Բայց մենք մտադիր ենք պայքարել մեր նպատակների համար: Մորատան հրաժարվե՞ց ձեռքսեղմումից. նա բարկացած էր ոչ թե ինձ վրա, այլ ինչ-որ այլ բանի հետ կապված: Չգիտեմ՝ կոնկրետ ինչի: Մենք քննարկել ենք այդ դրվագը: Այդ ամենն արդեն անցյալում է»,- ասել է Զիդանը: http://www.vivaronews.am/madridi-realum-herthakan-skandaln-e-hasunanum-lusankar
16.05.2017

Մադրիդի «Ռեալում» հերթական սկանդալն է հասունանում (լուսանկար)

Մադրիդի «Ռեալում» հերթական սկանդալն է հասունանում: Ինչպես տեղեկացնում են իսպանական ԶԼՄ-ները, «Արքայական ակումբի» հարձակվող Ալվարո Մորատան վիճել է թիմի գլխավոր մարզիչ Զինեդին Զիդանի հետ: Լա լիգայի վերջին տուրի «Սեվիլիայի» դեմ հանդիպման 61-րդ րոպեին իսպանացի հարձակվող փոխարինվեց և հրաժարվեց սեղմել գլխավոր մարզչի ձեռքը: Ավելացնենք, որ Ալվարո Մորատան վերջին շրջանում կապված է «Չելսի» տեղափոխության հետ: Նշվում, որ արդեն հունիսին կողմերը կհամաձայնեցնեն հարձակվողի տրանսֆերը:
15.05.2017

Խամես Ռոդրիգեսը հրաժե՞շտ տվեց «Սանտիագո Բեռնաբեուին»

Իսպանիայի առաջնության 37-րդ տուրում Մադրիդի «Ռեալը»  սեփական հարկի տակ առավելության  հասավ «Սևիլիայի» նկատմամբ (4-1): Հանդիպումը մեկնարկային րոպեներից սկսեց կիսապաշտպան Խամես Ռոդրիգեսը, իսկ փոխարինվելիս կոլումբիացին հրաժեշտ տվեց «Սանտիագո Բեռնաբեուին»: «Մանչեսթեր Յունայթեդը» 25-ամյա ֆուտբոլիստին ձեռք բերելու գլխավոր հավակնորդն է: Marca-ն պնդում է, որ մադրիդյան ակումբի գլխավոր մարզիչ Զինեդին Զիդանը հնարավորություն տվեց կոլումբիացուն խաղը սկսել մեկնարկից, որպեսզի նա կարողանա հրաժեշտ տալ երկրպագուներին: Ռոդրիգեսը խաղադաշտը լքելիս պտտվեց մարզադաշտի 4 տիրբունայի ուղղությամբ և շնորհակալություն հայտնեց իրեն աջակցելու համար: Իսկ խաղից հետո Զիդանը հրաժարվեց մեկնաբանել Ռոդրիգեսի «Մանչեսթեր Յունայթեդ» տեղափոխության լուրերը:
13.05.2017

Զինեդին Զիդանը մանրամասներ է հայտնել Գարեթ Բեյլի ապաքինումից

Մադրիդի «Ռեալի» գլխավոր մարզիչ Զինեդին Զիդանը «Սևիլիայի» հետ խաղից առաջ խոսել է լրագրողների հետ։ «Բեյլի դեպքում մենք հետևում ենք իրավիճակին ամեն օր։ Ես չգիտեմ, թե երբ նա պատրաստ կլինի խաղալու, բայց այս պահին նա չի մարզվում մեզ հետ»,-ասել է Զիդանը։ «Ռեալի» գլխավոր մարզիչը խոսել է նաև մրցաշրջանի վերջնամասի վերաբերյալ. «Մնացած բոլոր 4 խաղերը մեզ համար եզրափակիչներ են։ Մենք ավելի քան երբևէ մոտ ենք դուբլի։ Բայց առայժմ ոչինչ չենք հաղթել։ Այն, ինչին մենք այժմ հասել ենք, ամենօրյա աշխատանքի արդյունք է»։
13.05.2017

«Ռեալը» համաձայնության է հասել Զիդանի հետ

Մադրիդի «Ռեալի» գլխավոր մարզիչ Զինեդին Զիդանը կերկարաձգի պայմանագիրը ակումբի ղեկավարության հետ մինչև 2020 թվականը, տեղեկացնում է Marca-ն: Հաղորդվում է, որ ֆրանսիացի մասնագետը և «արքայական» ակումբի նախագահ Ֆլորենտինո Պերեսը արդեն համաձայնության են հասել նոր պայմանագրի շուրջ, իսկ այդ մասին պաշտոնապես կհայտարարվի շատ շուտով: Զիդանի գործող պայմանագրի ժամկետը սպառվում է 2018 թվականի ամռանը: Զինեդինը գլխավորեց «Ռեալը» 2016թ-ին և առաջին իսկ մրցաշրջանում դարձավ Չեմպիոնների լիգայի գավաթակիր: «Սերուցքայինները» նվաճեցին նաև ՈՒԵՖԱ-ի Սուպերգավաթը և հաղթեցին Աշխարհի ակումբային առաջնությունը: Ընթացիկ մրցաշրջանում Զիդանի սաները նորից հասել են ՉԼ-ի եզրափակիչ և կարող են նվաճել Լա Լիգայի տիտղոսը:
13.05.2017

Մորատան սկսել է հետևել «Չելսիի» ֆուտբոլիստներին Instagram-ում

Մադրիդի «Ռեալի» հարձակվող Ալվարո Մորատան ընթացիկ մրցաշրջանի ավարտին կարող է տեղափովել «Չելսի»: Իսպանիայի հավաքականի 24-ամյա ֆուտբոլիստը Instagram-ում սկսել է հետևել Էդեն Ազարին, Դիեգո Կոստային, Վիլիանին, Կիբո Կուրտուային և Սեսկ Ֆաբրեգասին: Ավելի վաղ տեղեկացվում էր, որ Մորատայի հարսնացուն տուն է գնել Լոնդոնում: Բացի այդ, շշուկներ էին պտտվում, որ Մորատայի տեղափոխությունը ցանկանում են ձեռք բերել «Չելսին», «Մանչեսթեր Յունայթեդը» և «Արսենալը»: «Արքայական» ակումբում ֆուտբոլիստը հազվադեպ է խաղաժամանակ ստանում և չի վայելում գլխավոր մարզիչ Զինեդին Զիդանի վստահությունը կարևոր հանդիպումների ժամանակ:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: