Զինեդին Զիդան

22.04.2017

Զիդան. «Բարսելոնային» հաղթելով՝ չենք փակի չեմպիոնության հարցերը»

Մադրիդի «Ռեալի» գլխավոր մարզիչ Զինեդին Զիդանը Իսպանիայի առաջնության 33-րդ տուրի «Բարսելոնայի» դեմ դիմակայությունից առաջ խոսել է թիմի կադրային խնդիրների մասին և ընդգծել, որ «արքայական» ակումբի հաղթանակը այդ մրցավեճում չի որոշի առաջնության հաղթողին: «Սա յուրահատուկ հանդիպում է, նման է դերբիի, բայց մի փոքր այլ է:  Բեյլը հայտացուցակում է, նա արդեն մարզվում է թիմի հետ: Մենք տանն են խաղալու և ձգտելու ենք ամեն ինչ լավ անել՝ ի պատասխան մեր երկրպագուների աջակցության: Բայց «Բարսելոնան» այն թիմը չէ, որ ճնշում կզգա «Սանտիագո Բեռնաբեու» մարզադաշտում: Չեմ կարծում, որ Չեմպիոնների լիգայից դուրս մնալը կազդի նրանց խաղի վրա:  Սակայն «Բարսային» հաղթելը չի լուծի մեր չեմպիոնության հարցերը»,-եզրափակել է ֆրանսիացի մասնագետը:
17.04.2017

«Ռեալի» հայտացուցակը «Բավարիայի» դեմ խաղի համար

Մադրիդի «Ռեալի» գլխավոր մարզիչ Զինեդին Զիդանը հրապարակել է այն ֆուտբոլիստների ցանկը, որոնք կմասնակցեն Չեմպիոնների լիգայի քառորդ եզրափակչի «Բավարիայի» դեմ պատասխան հանդիպմանը: «Արքայական» ակումբի հայտացուցակից վնասվածքի պատճառով բացակայում են Գարեթ Բեյլը, Ռաֆայել Վարանը և Պեպեն: Մյունխենյան ակումբի դեմ հանդիպմանը չի մասնակցի նաև Ֆաբիո Կոենտրաուն: Դարպասապահներ. Նավաս, Կասիլյա, Յանես Պաշտպաններ. Կարվախալ, Ռամոս, Նաչո, Մարսելո Կիսապաշտպաններ. Կրոս, Խամես, Կազեմիրո, Կովաչիչ, Մոդրիչ, Իսկո, Ասենսիո Հարձակվողներ. Բենզեմա, Ռոնալդու, Վասկես, Մորատա
17.04.2017

Պերեսը Զիդանին հիանալի նորություն է հայտնել

Մադրիդի «Ռեալի» գլխավոր մարզիչ Զինեդին Զիդանը կշարունակի իր աշխատանքը «Արքայական» ակումբում։ Marca-ի փոխանցմամբ՝ «Ռեալի» նախագահ Ֆլորենտինո Պերեսը Զիդանին հավաստիացրել է, որ անկախ այս մրցաշրջանի ավարտին գրանցած արդյունքներից՝ նա կշարունակի իր աշխատանքը Մադրիդում։ Զիդանի գործող պայմանագիրը լրանում է 2018թ. ու առայժմ դրա երկարաձգման մասին առայժմ խոսք չկա։ Սակայն, այժմ ֆրանսիացին կարող է զբաղվել նաև ամառային տրանսֆերների հարցով։ Հիշեցնենք, որ այս պահին «Ռեալը» գլխավորում է չեմպիոնական պայքարը Լա Լիգայում ու համարվում է Չեմպիոնների լիգան հաղթելու գլխավոր հավակնորդն ըստ բուքմեյքերների։
16.04.2017

Գարեթ Բեյլը չի մասնակցելու «Բավարիայի» հետ պատասխան հանդիպմանը

Մադրիդի «Ռեալի» կիսապաշտպան Գարեթ Բեյլը բաց կթողնի Չեմպիոնների լիգայի գավաթի խաղարկության քառորդ եզրափակչի՝ «Բավարիայի» հետ պատասխան հանդիպումը, որը կայանալու է ապրիլի 18-ին, հաղորդում է Marca-ն: Ուելսցին, ով բաց էր թողել նաև Լա Լիգայի 32-րդ տուրի՝ Խիխոնի «Սպորտինգի» հետ հանդիպումը (3-2), խնդիրներ ունի մկանային հատվածում: Զինեդին Զիդանը որոշել է ռիսկի չենթարկել նրա առողջությունը, իսկ մյունխենյան թիմի հետ մրցավեճում մեկնարկային կազմում կվստահի Իսկոյին կամ Մարկո Ասենսիոյին: Ինչ վերաբերում է Լա Լիգայի շրջանակներում ապրիլի 23-ին «Բարսելոնայի» հետ կայանալիք հանդիպմանը, ապա դրա վերաբերյալ որոշում դեռևս չի կայացվել: http://www.vivaronews.am/robert-levandovski-yes-kxagham-madridum
09.04.2017

Ինչպե՞ս է Զիդանը փորձում Իսկոյին հետ պահել «Բարսելոնա» տեղափոխվելուց (ծաղրանկար)

Ինչպես հայտնի է, Մադրիդի «Ռեալի» կիսապաշտպան Իսկոյի անունը վերջին շրջանում հաճախ է կապվում «Բարսելոնա» հավանական տեղափոխության հետ: Քննարկումները նոր թափ ստացան, երբ իսպանացի ֆուտբոլիստի՝ սոցցանցերում հրապարակած լուսանկարում նրա դիմաց դրված էին «Բարսելոնայի» տարբերանշանով փաթեթավորմամբ չիպսեր: Goal.com-ի ծաղրանկարիչ Օմար Մոմանին պատկերացրել է, թե Զինեդին Զիդանն ինչպես է փորձում Իսկոյին հետ պահել Կատալոնիա տեղափոխությունից: http://www.vivaronews.am/iskoyi-hraparakumeh-khnnarkumneri-teghikh-e-tvel-foto
06.04.2017

Խամես. «Նա անգամ չի թողնում, որ մի ամբողջ հանդիպման մասնակցեմ»

Մադրիդի «Ռեալի» կիսապաշտպան Խամես Ռոդրիգեսն առաջին անգամ չէ, որ դժգոհում է «արքայական» ակումբում իր կարգավիճակից: «Նա անգամ չի թողնում, որ ամբողջ հանդիպման մասնակցեմ»,- 72-րդ րոպեին խաղադաշտը լքելիս արտահայտվել է Խամես Ռոդրիգեսը, որի խոսքն է փոխանցում Deportes Cuatro-ն: «Բոլոր ֆուտբոլիստներն էլ ցանկանում են խաղալ 90 րոպե, և դա նորմալ է: Ես Խամեսի դեմ ոչինչ չունեմ. նա իսկապես քիչ խաղաժամանակ է ստանում, բայց շատ է աշխատում»,- ասել է Զիդանը:
04.04.2017

Ռաֆայել Վարանը չի կարողանա օգնել «Ռեալին» «Բարսելոնայի» և «Բավարիայի» դեմ խաղերում

Մադրիդի «Ռեալի» գլխավոր մարզիչ Զինեդին Զիդանը հայտարարել է, որ Ռաֆայել Վարանը վնասվածքի պատճառով չի կարողանա օգնել թիմին «Բավարիայի», «Բարսելոնայի» և «Ատլետիկոյի» հետ խաղերում: Ֆրանսիացի պաշտպանը վնասվածք էր ստացել Լա լիգայի 29-րդ տուրի «Ալավեսի» հետ խաղի ժամանակ (3:0): Վարանի մոտ ձախ ոտքի մկանային խնդիրներ կան: Ավելացնենք, որ «Ռեալը» ՉԼ 1/4 եզրափակչի շրջանակներում կհանդիպի «Բավարիայի» հետ, առաջին հանդիպումը կկայանա ապրիլի 12-ին, իսկ պատասխանը ՝ 19-ին: «Ատլետիկոյի» հետ «Արքայական ակումբը» կխաղա ապրիլի 8-ին, իսկ ահա Էլ-Կլասիկոն կկայանա ապրիլի 23-ին:  
04.04.2017

AS. Պերեսը Զիդանի փոխարեն ցանկանում է թիմ հրավիրել Վենգերին

Մադրիդի «Ռեալի» գլխավոր մարզիչ Զինեդին Զիդանը կարող է հեռացվել իր զբաղեցրած պաշտոնից, եթե Լա լիգայի չեմպիոն չդառնա: Ինչպես գրում է AS-ը, «Արքայական ակումբի» նախագահ Ֆլորենտինո Պերեսը դիտարկում է նաև նոր մարզչի տարբերակը: Զիդանին մադրիդյան գրանդում կարող է փոխարինել «Արսենալի» գլխավոր մարզիչ Արսեն Վենգերը: Պերեսը երկար տարիներ հիացել է Վենգերով և պատրաստ է ռիսկի դիմել և հրավիրել նրան «Ռեալ», չնայած որ 67-ամյա ֆրանսիացին այդքան էլ լուրջ հաջողությունների չի հասել վերջին տարիներին: Ավելացնենք, որ Զիդանը գլխավորել էր «Ռեալը» նախորդ մրցաշրջանում: Նրա օգնությամբ մադրիդցիները կարողացան հաղթել ՉԼ 2015/16-ը:
02.04.2017

Անչելոտի. «Զիդանն օգնեց ինձ հարաբերություններ հաստատել Բենզեմայի հետ»

«Բավարիայի» գլխավոր մարզիչ Կառլո Անչելոտին հիշել է այն ժամանակների մասին, երբ Զինեդին Զիդանի հետ միասին գլխավորում էր Մադրիդի «Ռեալը», ինչպես նաև պատմել է՝ ինչպես կարող էր իրեն զգալ Ունայ Էմերին այն բանից հետո, երբ նրա թիմը՝ «ՊՍԺ»-ն, անչափ դրամատիկ պայքարում ՉԼ 1/8 եզրափակչում դուրս էր մղվել «Բարսելոնայի» կողմից: «Զիդանն օգնեց ինձ հարաբերություններ հաստատել Բենզեմայի հետ: Զինեդինը շատ զուսպ անձնավորություն է, և նա, որպես օգնական, ցանկանում էր անընդհատ նոր բան սովորել և մարզչական գործից ավելի շատ հասկանալ: Բացի այդ, նա շատ խարիզմատիկ է: Էմերի՞ն. երբ ես մարզում էի «Միլանը», մենք 2005թ.-ի եզրափակչում պարտվեցինք «Լիվերպուլին»՝ առաջին խաղակեսում 3-0 հաշվով հաղթելուց հետո, բայց 3 գոլ բաց թողնել 7 րոպեում... չեմ կարող նույնիսկ պատկերացնել, թե նա այդ ամենից հետո ինչպես է իրեն զգացել»,- ասել է իտալացի մասնագետը:
31.03.2017

Ղազախստանում ծնողները երեխային անվանել են Զինեդեն Զիդան (ՖՈՏՈ)

Ղազախական Ատիրաու քաղաքում ծնողները իրենց տղային անվանել են ի պատիվ ՝ Մադրիդի «Ռեալի» գլխավոր մարզիչ Զինեդին Զիդանի, փոխելով ընդամենը անվան մեկ տառ: «Այո, իսպասկես, այդպիսի անունով երեխա է ծնվել Ատիրաում փետրվարի 27-ին: Նրա ընտանիք ապրում է քաղաքի մոտակայքում: Երեխայի ազգանունը Զինեդեն է, իսկ անունը  ՝ Զիդան: Դա ղազախական հասարակ անուն է, այդ իսկ պատճառով մենք այդքան էլ մեծ ուշադրություն չենք դարձրել այդ ամենի վրա»,- այս մասին պատմել են ՔԿԱԳ-ում (ЗАГС):  
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: