Ժերար Պիկե

15.01.2017

Շակիրան Ժերար Պիկեին համոզում է հեռանալ «Բարսելոնայից»

«Բարսելոնայի» պաշտպան Ժերար Պիկեն կարող է հեռանալ կատալոնական ակումբից, հաղորդում է Don Ballon-ը: Ըստ պարբերականի՝ ֆուտբոլիստի ընկերուհի, կոլումբիացի հայտնի երգչուհի Շակիրան կողմ է իրենց՝ Կատալոնիայի մայրաքաղաքից հեռանալու տարբերակին: Պատճառը Պիկեի վրա վերջին շրջանում գործադրվող մեծ ճնշումն է՝ կապված մամուլում մրցավարների հասցեին իր քննադատական մեկնաբանությունների հետ: Նա նույնիսկ չէր ընդգրկվել «Լաս Պալմասի» հետ վերջին հանդիպման հայտացուցակում 5-0: Շակիրան իր և զուգընկերոջ համար՝ որպես բնակության լավագույն վայր, համարում է Լոնդոնը: Սա նորություն է, որն անկասկած կհետաքրքրի «Արսենալին» և «Չելսիին»:
14.01.2017

Պիկեն չի հայտնվել «Բարսելոնա»-«Լաս Պալմաս» խաղի հայտացուցակում

«Բարսելոնայի» պաշտպան Ժերար Պիկեն չի ընդգրկվել թիմի հայտացուցակում Իսպանիայի առաջնության 18-րդ տուրի «Լաս Պալմասի» դեմ խաղի համար: Հայտնի չէ, թե ինչ պատճառով իսպանացի ֆուտբոլիստը չի կարողանա օգնել թիմին առաջիկա հանդիպմանը, սակայն չի բացառվում, որ կատալոնական ակումբի ղեկավարությունը պատժում է Պիկեին մրցավարների հասցեին քննադատություններ հնչեցնելու համար: Ահա «Բարսելոնայի» հայտացուցակը. Տեր Շտեգեն, Սիլեսեն, Բուսկետս, Տուրան, Ինյեստա, Լ. Սուարես, Մեսի, Նեյմար, Ռաֆինյա, Մասկերանո, Ալկասեր, Ալբա, Դին, Գոմեշ, Վիդալ, Ումտիտի, Մատյո Հիշեցնենք, որ հանդիպումը կկայանա այսօր՝ 19:15-ին:
11.01.2017

Մրցավարական կոմիտեն 2 բողոք է ներկայացրել Պիկեի պահվածքի վերաբերյալ

Իսպանիայի մրցավարական կոմիտեի նախագահ Վիկտորիանո Սանչեսը Արմինոն տեղեկացրել է, որ կոմիտեն բողոք է ներկայացրել «Բարսելոնայի» պաշտպան Ժերար Պիկեի դեմ: Իսպանիայի ֆուտբոլի ֆեդերացիային նամակ է ուղարկվել կրկնակի բողոքով 29-ամյա ֆուտբոլիստի հնչեցրած քննադատությունների համար «Ատլետիկի» (1:2) և «Վիլյառեալի» (1-1) դեմ խաղերից հետո մրցավարների աշխատանքի վերաբերյալ: Նշենք, որ յուրաքանչյուր բողոքը կդիտարկվի և կքննվի առանձին: Իսկ այդ գործընթացը կարող է ձգձգվել մեկ ամիս:
10.01.2017

Ժերար Պիկեի երազանքի թիմը՝ կազմված գործող ֆուտբոլիստներից

«Բարսելոնայի» պաշտպան Ժերար Պիկեն կազմել է իր երազանքի թիմը, որը կազմել է գործող ֆուտբոլիստներից։ Թիմն ունի 3-4-3 պայմանական դասավորություն՝ Դավիդ դե Խեա - Սերխիո Ռամոս, Ժերար Պիկե, Ջոն Սթոունզ - Սերխիո Բուսկետս, Պոլ Պոգբա, Անդրես Ինյեստա, Սեսկ Ֆաբրեգաս - Նեյմար, Լուիս Սուարես, Լիոնել Մեսի։ Իսպանիայի հավաքականի ֆուտբոլիստը որպես պահեստայիններ նշել է հետևյալ խաղացողներին՝ Իկեր Կասիլյաս, Դանի Ալվես, Էդեն Ազար, Դավիդ Սիլվա, Ուեյն Ռունի, Կրիշտիանու Ռոնալդու։
09.01.2017

Ժերար Պիկեն, մինչ խաղադաշտից հեռանալը, դիմել է Լա Լիգայի նախագահին (տեսանյութ)

Ժերար Պիկեն, մինչ խաղադաշտից հեռանալ, դիմել է Լա Լիգայի նախագահին: «Դու տեսա՞ր դա: Այո, հենց դու»,- ասել է Պիկեն:
07.01.2017

Պիկեին որակազրկում է սպառնում

Իսպանիայի գավաթում «Ատլետիկից» կրած պարտությունից հետո «Բարսելոնայի» պաշտպան Ժերար Պիկեն կոշտ էր արտահայտվել մրցավարության մասին` նշելով, որ մրցավարները ֆուտբոլը վերածում են ռուլետկայի: Իր մեկնաբանությունների համար ֆուտբոլիստը կարող է որակազրկվել: Երկուշաբթի օրը Մրցավարական տեխնիկական հանձնաժողովը նիստ է գումարելու, որտեղ քննարկվել է Պիկեի հանդեպ հնարավոր պատժամիջոցների հարցը: Marca-ն հաղորդում է, որ նման դեպքերի համար տվյալ մարմինը շատ հաճախ բավարարվում է գումարային տուգանքներով, սակայն հնարավոր է նաև որակազրկում` հաշվի առնելով, որ Պիկեն առաջին անգամ չէ, որ մրցավարների հանդեպ կոշտ մեկնաբանությունների է գնում:
07.01.2017

Արգենտինացի աստղն ընտրել է իսպանական գրանդերի միջև, իսկ «Յունայթեդը» գումար չի խնայի հանուն Գրիզմանի. Օրվա ամենաուշագրավ լուրերը

VivaroNews-ն առանձնացրել է հունվարի 6-ին տեղի ունեցած ամենաուշագրավ իրադարձությունները և դրանք ներկայացնում է ձեր ուշադրությանը լավագույն տասնյակի տեսքով՝ ըստ լուրերի կարևորության:   10. Պաոլո Դիբալան ընտրություն է կատարել «Ռեալի» և «Բարսելոնայի» միջև Marca-ն հաղորդում է, որ «Յուվենտուսի» արգենտինացի հարձակվողը, ում ծառայություններով հետաքրքրված են իսպանական 2 գրանդերը, ավելի հակված է կարիերան «Արքայական» ակումբում շարունակելու տարբերակին: Թուրինյան ակումբը չի ցանկանում բաժանվել իր խաղացողից, բայց նրան պահելը դժվար կլինի, քանի որ «Ռեալը» լրջորեն մտադիր է ձեռք բերել Դիբալայի տրանսֆերը: Ավելի վաղ կար տեղեկություն, որ 23-ամյա արգենտինացին դադարեցրել է «Յուվենտուսի» հետ պայմանագրի երկարաձգման բանակցություններն այն բանից հետո, երբ իմացել է «Ռեալի»՝ իր նկատմամբ հետաքրքրության մասին:
06.01.2017

Պիկե. «Մենք 2 ակնհայտ 11 մետրանոց ունեինք, բայց գիտենք, թե ինչու է այսպես լինում»

«Բարսելոնայի» պաշտպան Ժերար Պիկեն Իսպանիայի գավաթի 1/8 եզրափակչում «Ատլետիկից» կրած 1-2 հաշվով պարտությունից հետո կոշտ է արտահայտվել մրցավարության մասին: «Նեյմարի նկատմամբ խախտումը մաքուր 11 մետրանոց էր, Գորկա Իրաիսոսի խախտումն իմ նկատմամբ նույնպես, բայց մենք գիտենք, թե ինչու է այսպես լինում: Մենք արդեն տեսանք, թե ինչ տեղի ունեցավ երեկ «Սևիլիա» - «Ռեալ» խաղում, սկսած մեկնարկային սուլիչից մինչև վերջին րոպեները: Մենք ուզում ենք ֆուտբոլ խաղալ, ոչ թե ռուլետկա, որի խաղը վերածում են մրցավարները»,-ասել է Պիկեն:
05.01.2017

Գվարդիոլա. «Երբեք չեմ դառնա «Բարսելոնայի» նախագահը. այդ աշխատանքը Պիկեի համար է»

«Մանչեսթեր Սիթիի» գլխավոր մարզիչ Պեպ Գվարդիոլան մեկնաբանել է իտալացի ճանաչված մասնագետ Ֆաբիո Կապելոյի խոսքերը, ով նշել էր, որ կատալոնացի մարզիչն ապագայում կարող է դառնալ «Բարսելոնայի» նախագահը: «Իմ բախտը բերել է, որ ինձ մարզել է Ֆաբիո Կապելոն, և ես կարող եմ ասել, որ երբեք չեմ դառնա «Բարսելոնայի» նախագահը. այդ աշխատանքը Պիկեի համար է»,- ասել է Գվարդիոլան: Հիշեցնենք, որ անգլիական ակումբի ներկայիս գլխավոր մարզիչը կատալոնական ակումբը գլխավորել է 2008-2012թթ.:
15.12.2016

Ո՞րտեղ են Պիկեն և Շակիրան անցկացնելու Սուրբ ծննդյան տոները

«Բարսելոնայի» պաշտպան Ժերար Պիկեն և հայտնի երգչուհի Շակիրան իրենց Սուրբ ծննդյան արձակուրդներն անց են կացնելու Կոլումբիայում: Պիկեն առաջին անգամ է այցելելու Շակիրայի հայրենիք: «Էսպանյոլի» խաղից հետո զույգը մեկնելու է Կոլումբիա և այնտեղ անցկացնելու մինչև հունվարի 4-ը, հայտնում է RAC1-ը: Դեկտեմբերի 22-ին «Բարսելոնան» հանդիպում ունի նաև Կոպա դել Ռեյի շրջանակներում՝ «Հերկուլեսի» դեմ, սակայն Լուիս Էնրիկեն թիմի որոշ առաջատարների հանգիստ է տվել: Պիկեն հավանաբար բաց կթողնի նաև Կատալոնիայի հավաքականի հանդիպումը Թունիսի հետ, որը նշանակված է դեկտեմբերի 28-ին: «Եթե Պիկեն մի անգամ տեսնի Տայրոնան (Ազգային պարկ Կոլումբիայում՝ խմբ.), այլևս չի ցանկանա վերադառնալ Բարսելոնա»,-ասել է Շակիրան մի անգամ:
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: