Ժերար Պիկե

27.04.2017

Ռակիտիչ. «Ես ուզում էի իրացնել 11-մետրանոցը, բայց նախագահ Պիկեն թույլ չտվեց»

«Բարսելոնայի» կիսապաշտպան Իվան Ռակիտիչը պատմել է, թե ինչու է «Օսասունայի» հետ երեկ կայացած մրցավեճում 11-մետրանոց հարվածն իրացնելու իրավունքը զիջել Խավյեր Մասկերանոյին, ով արդյունքում իր առաջին գոլն է խփել կատալոնական ակումբի կազմում: «Ես ուզում էի իրացնել այդ 11-մետրանոցը, բայց Պիկեն թույլ չտվեց և ասաց ինձ, որ գնդակը հանձնեմ Մասկեին: Նա ճիշտ էր, և նախագահին պետք է լսել: Ինձ դուր եկավ նրա միտքը: Բոլոր թիմերի դեմ էլ խաղալը դժվար է, քանի որ յուրաքանչյուրն էլ ինչ-որ բանի համար է պայքարում, բայց մենք պահպանում ենք հանգստությունը: «Էսպանյոլը» ցանկանում է հաղթել մեզ, բայց «Բարսան» մտադիր է հաջող հանդես գալ և վաստակել 3 միավոր»,- ասել է Ռակիտիչը:
26.04.2017

«Բարսելոնա» – «Օսասունա». Հայտնի են մեկնարկային կազմերը

Իսպանիայի առաջնություն 34-րդ տուր «Բարսելոնա» – «Օսասունա» «Նոու Կամպ» մարզադաշտ, Բարսելոնա Հանդիպման մեկնարկը՝ 21:30 Արդեն հայտնի են թիմերի մեկնարկային կազմերը. «Բարսելոնա»`Տեր Շտեգեն- Պիկե,Մասկերանո,Դին-, Ռակիտիչ,Բուսկետս,Դենիս Սոուարես-Գոմեշ,Թուրան,Մեսի «Օսասունա»`Սիրիգու, Օյեր, Կուեվաս, Ֆուենտես,Ջեմի, Տորես,Մերիդա ,Տիենսա,Բունուել, Սերխիո Լեոն,Ստիվեն
24.04.2017

Ինչ ասաց Պիկեն Կազեմիրոյին Մեսիի նկատմամբ կոպիտ սահընկումից հետո

«Բարսելոնան» երեկ առավելության հասավ Մադրիդի «Ռեալի» նկատմամբ «Սանտիագո Բեռնաբեու» մարզադաշտում (2-3): Առաջին խաղակեսի ավարտին տանտերերի կիսապաշտպան Կազեմիրոն 2-րդ կոպիտ սահընկումը կատարեց կատալոնական թիմի հարձակվող Լիոնել Մեսիի նկատմամբ, իսկ «Բարսելոնայի» ֆուտբոլիստները պահանջեցին գլխավոր մրցավարից 2-րդ դեղին քարտը ցույց տալ բրազիլիացուն և նրան հեռացնել խաղադաշտից, սակայն մրցավարը ներեց Կազեմիրոյին, որն էլ զայրացրեց Ժերար Պիկեին և նա սադրեց մադրիդյան ակումբի ֆուտբոլիստին. «Սովորի՛ր ֆուտբոլ խաղալ, առանց ոտքերին հարվածելու, սրիկա»: https://i.imgur.com/KEJPkVA.mp4
24.04.2017

Ժերար Պիկե. ««Բերնաբեոյում» «Ռեալը» արդեն սովորել է, որ մրցավարները հավատարիմ են նրանց, բայց օբյեկտիվ լինելու դեպքում նրանք դառնում են վատը»

«Բարսելոնայի» պաշտպան Ժերար Պիկեն մեկնաբանել է իր թիմի հաղթանակը Մադրիդի «Ռեալի» նկատմամբ: Հիշեցնենք, որ կատալոնացիների հարձակվող Լեո Մեսիի գոլի շնորհիվ «Բարսան» կարողացավ հաղթանակ կորզել(2-3): «Դա մաքուր կարմիր քարտ էր, նա երկու ոտքերով առաջ ցատկեց: «Բերնաբեոյում» «Ռեալը» արդեն սովորել է, որ մրցավարները հավատարիմ են նրանց, բայց օբյեկտիվ լինելու դեպքում նրանք դառնում են վատը»,- ասել է իսպանացին.
20.04.2017

Թվիթերում հատուկ էմոջիներ են հայտնվել Կլասիկոյի համար (լուսանկար)

Իսպանական Էլ Կլասիկոյի կարևորությունը հիշեցնելու համար Թվիթերը հրապարակել է «Ռեալ Մադրիդի» և «Բարսելոնայի» ֆուտբոլիստների էմոջիները: Յուրաքանչյուր ակումբ ներկայացնում է 3 ֆուտբոլիստ: «Կապտանռնագույններից» ընտրվել են Լիոնել Մեսին, Լուիս Սուարեսն ու Ժերար Պիկեն, իսկ «Արքայական» ակումբը ներկայացնում են թիմի ավագ Սերխիո Ռամոսը, Կարիմ Բենզեման և Կրիշտիանու Ռոնալդուն: Հիշեցնենք, որ Էլ Կլասիկոն տեղի կուենան այս կիրակի «Սանտիագո Բեռնաբեու» մարզադաշտում: Խաղի հաղթողը, ամենայն հավանականությամբ, կդառնա  Լա լիգայի ընթացիկ մրցաշրջանի հաղթողը:
20.04.2017

Պիկե. «Կապմ Նոուն» ծափահարում էր թիմին, իսկ ինչ-որ մեկը սովորել է սուլոցներին»

Չեմպիոնների լիգայից դուրս մնալուց հետո «Բարսելոնայի» պաշտպան Ժերար Պիկեն խոսել է կատալոնական ակումբի երկրպագուների աջակցության մասին և համեմատել նրանց Մադրիդի «Ռեալի» երկրպագուների հետ: «Տեսեք՝ «Կամպ Նոուն» ինչպես է ծափահարում իր սիրելի թիմին և դա անում է չնայած նրան, որ մենք դուրս ենք մնացել Չեմպիոնների լիգայից: Իսկ որոշները արդեն սովորել են սուլոցներ լսել, թեև դուրս են եկել առաջնության հաջորդ փուլ»,-գրել է իսպանացին իր թվիթերյան էջում: Հիշեցնենք՝ «Բավարիայի» դեմ հաղթանակից «արքայական» ակումբի հարձակվող Կրիշտիանու Ռոնալդուն խնդրել է երկրպագուներին չսուլել իրեն: http://www.vivaronews.am/ronaldun-miayn-mek-ban-e-xndrel-reali-erkrpaguneric
19.04.2017

Ժերար Պիկեն «Ռեալի» գոլից հետո, որը խփվել էր խաղից դուրս վիճակից, իր թվիթերյան էջում գրառում է հրապարակել (ֆոտո)

«Բարսելոնայի» պաշտպան Ժերար Պիկեն Չեմպիոնների լիգայի 1/4 եզրափակչի «Ռեալի» հաղթական գնդակից հետո («Ռեալ» 4-2 «Բավարիա») գրառում է կատարել թվիթերում, որը իր մեջ պարունակել է ընդամենը բազմակետեր: Այսպիսով, իսպանացին, ամենայն հավանականությամբ, մեկնաբանել է մրցավարների գործողությունները: Նշենք, որ հանդիպման 2-րդ խաղակեսում խաղադաշտից հեռացվել էր Արտուրո Վիդալը, իսկ լրացուցիչ ժամանակում մրցավարները հաշվել էին Ռոնալդուի խաղից դուրս իրավիճակից խփած գոլը:   ... — Gerard Piqué (@3gerardpique) April 18, 2017
16.04.2017

Պիկե. «Վստահ եմ՝ կարող ենք պայքարից դուրս թողնել «Յուվենտուսին», ապա հաղթել «Ռեալին»

«Բարսելոնայի» պաշտպան Ժերար Պիկեն կարծիք է հայտնել, որ կատալոնական թիմը կարող է Չեմպիոնների լիգայի գավաթի խաղարկության քառորդ եզրափակչում հաղթահարել «Յուվենտուսի» արգելքը, իսկ Լա Լիգայի հերթական տուրում պարտության մատնել Մադրիդի «Ռեալին»: «Կապտանռնագույնները» Թուրինում կայացած առաջին խաղում «բյանկոներիներին» պարտվել էին 0-3 հաշվով, իսկ ներքին առաջնությունում «Արքայական» ակումբից հետ են մնում 3 միավորով, այն դեպքում, երբ մրցակիցը դեռ մեկ խաղ էլ պակաս է անցկացրել: «Մենք «ՊՍԺ»-ին առաջին խաղում պարտվել էինք 0-4 հաշվով և արդեն շատ անգամներ հաղթել ենք «Սանտիագո Բեռնաբեուում», ուստի ես վստահ եմ, որ մենք կարող ենք պայքարից դուրս թողնել «Յուվենտուսին», ապա շաբաթվա վերջում «Կլասիկոյում» հաղթել «Ռեալին»: Մենք լավագույն մարզավիճակում չենք, բայց ունենք անհրաժեշտ ամեն ինչ, որպեսզի փոխենք այս իրավիճակը: Վստահ եմ՝ կարող ենք դա անել»,- ասել է Պիկեն TV3 հեռուստաալիքի եթերում:
16.04.2017

Թոփ 10 ամենատիտղոսակիր գործող ֆուտբոլիստներն այս պահին

Երբ դու ոչ միայն լավ ֆուտբոլիստ ես, այլև հաջողակ մարդ, ապա տիտղոսները շուտով կլցնեն քո վիկիպեդիայի էջը։ Առանձնացրել ենք 10 գործող ֆուտբոլիստների, ովքեր ամենաշատ տիտղոսներն ունեն։ 10. Կրիշտիանու Ռոնալդու - 18 տիտղոս «Մանչեսթեր Յունայթեդ» - 9 տիտղոս՝ Պրեմիեր լիգա (2006/07, 2007/08, 2008/09), Անգլիայի գավաթ (2003/04), Լիգայի գավաթ (2005/06, 2008/09), Քոմյունիթի Շիլդ (2007), Չեմպիոնների լիգա (2007/08), Աշխարհի ակումբային գավաթ (2008)։ «Ռեալ Մադրիդ» - 8 տիտղոս՝ Լա Լիգա (2011/12), Կոպա դել Ռեյ (2010/11, 2013/14), Իսպանիայի Սուպերգավաթ (2012), Չեմպիոնների լիգա (2013/14, 2015/16), ՈՒԵՖԱ-ի Սուպերգավաթ (2014), Աշխարհի ակումբային գավաթ (2014, 2016)։ Պորտուգալիայի հավաքական - 1 տիտղոս՝ ԵՎՐՈ-2016 (2016)։ 9. Ֆիլիպ Լամ - 21 տիտղոս «Բավարիա» - 20 տիտղոս՝ Բունդեսլիգա (2005/06, 2007/08, 2009/10, 2012/13, 2013/14, 2014/15, 2015/16), Գերմանիայի գավաթ (2005–06, 2007–08, 2009–10, 2012–13, 2013–14, 2015–16), Գերմանիայի Լիգա-Պոկալ 2007, Գերմանիայի Սուպերգավաթ (2010, 2012, 2016), Չեմպիոնների լիգա (2012-13), ՈՒԵՖԱ-ի Սուպերգավաթ (2013), Աշխարհի ակումբային առաջնություն (2013): Գերմանիայի հավաքական - 1 տիտղոս՝ Աշխարհի առաջնություն (2014):
15.04.2017

Ռամոս. «Երբ ամեն ինչ խաղաղ և հանգիստ է, Պիկեն սիրում է նյարդային իրավիճակ ստեղծել»

Մադրիդի «Ռեալի» պաշտպան Սերխիո Ռամոսը հերթական անգամ անդրադարձել է Իսպանիայի հավաքականում իր թիմակից, «Բարսելոնայի» ֆուտբոլիստ Ժերար Պիկեին, ով հաճախ է քննադատական խոսքեր հասցեագրում մադրիդյան ակումբին: Նա վերջերս հայտարարել էր, որ երբեք չէր աշխատի «Արքայական» ակումբում, քանի որ իրեն դուր չեն գալիս «սերուցքայինների» արժեքները: «Երբ Պիկեն քննադատում է «Ռեալը», մեր խորհրդանիշն ու գույները, ապա դա ազդեցություն է թողնում: Կան բաներ, որոնցից կարելի է խուսափել, սակայն երբ ամեն ինչ խաղաղ և հանգիստ է, Պիկեն սիրում է նյարդային իրավիճակ ստեղծել: «Ռեալի» և Իսպանիայի հավաքականի ավագի թևկապն ինձ ստիպում է ամեն ինչին այլ կերպ նայել: Ես կասկածում եմ, որ Պիկեն իսկապես վատն է մտածում «Ռեալի» որևէ ֆուտբոլիստի մասին»,- ասել է Ռամոսը: http://www.vivaronews.am/inchpes-ein-ramosn-u-kroseh-planavorel-xagharkel-tuganayin-harvatceh-bavariayi-het-xaghi-zhamanak-tesanyuth
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: