Յուվենտուս

26.05.2017

Չեմպիոնների լիգայի եզրափակիչն առաջին անգամ կանցկացվի փակ տանիքով մարզադաշտում

Չեմպիոնների լիգայի գավաթի խաղարկության եզրափակիչ՝ «Յուվենտուս» - «Ռեալ Մադրիդ» հանդիպումն ընդունող Քարդիֆի «Միլենիում» մարզադաշտի տանիքը փակված կլինի հանդիպման ընթացքում: Որոշումն ընդունվել է Ուելսի ֆուտբոլի ֆեդերացիայի կողմից անվտանգության նկատառումներով՝ կապված Մեծ Բրիտանիայում ահաբեկչական սպառնալիքների աճող մակարդակի հետ: Ընթացակարգը համաձայնեցվել է Քարդիֆի քաղաքապետարանի և ՈՒԵՖԱ-ի հետ: Այդպիսով, եզրափակիչ հանդիպումը, ինչպես և թիմերի բաց մարզումները խաղից մեկ օր առաջ, կանցկացվեն փակ տանիքի տակ: Սա նմանատիպ առաջին դեպքն է եվրոպական ակումբային ամենահեղինակավոր մրցաշարի պատմության մեջ: «Յուվենտուս» - «Ռեալ Մադրիդ» մրցավեճը կայանալու է հունիսի 3-ին, Քարդիֆում:
26.05.2017

Ժերար Պիկե. «Կցանկանայի՝ «Յուվենտուսը» հաղթեր Չեմպիոնների լիգայի եզրափակչում»

«Բարսելոնայի» պաշտպան Ժերար Պիկեն խոսել է Չեմպիոնների լիգայի գավաթի խաղարկության եզրափակչից իր սպասելիքների մասին: Վճռորոշ խաղում մրցելու են Թուրինի «Յուվենտուսը» և Մադրիդի «Ռեալը»: «Թող հաղթի ուժեղագույնը: Անձամբ ես կցանկանայի, որ «Յուվենտուսը» հաղթեր եզրափակչում, բայց դա ընդամենը իմ կարծիքն է: Ինչ էլ տեղի ունենա Քարդիֆում, դա չի փոխի մրցաշրջանի վերջնամասը «Բարսելոնայի» համար: Այս 12 ամիսների արդյունքների ամփոփումը մեզ համար ոչ մի առնչություն չունի նրա հետ, թե ով կհաղթի Չեմպիոնների լիգայի եզրափակչում»,- ասել է իսպանացին: «Յուվենտուս» - «Ռեալ» հանդիպումը տեղի է ունենալու հունիսի 3-ին, Ուելսի մայրաքաղաք Քարդիֆում:
26.05.2017

Եվրոպական թոփ-10 լիգաների չեմպիոնների գերիշխանության ժամկետն իրենց երկրներում

Եվրոպական ֆուտբոլային մրցաշրջանը սահուն քայլերով մոտենում է ավարտին: Առաջատար ազգային առաջնություններից գրեթե բոլորն արդեն հասել են վերջնագծին, որոշ երկրներում մնացել են միայն անցումային հանդիպումները, բացառությամբ Իտալիայի Ա Սերիայի, որտեղ դեռ պետք է խաղարկվի ևս մեկ տուր: VivaroNews.am-ը ձեր ուշադրության է ներկայացնում եվրոպական առաջատար 10 առաջնությունների չեմպիոններին՝ նշելով, թե նրանք պատմության մեջ որերորդ անգամ են հաղթանակում իրենց երկրներում: Օրինակ՝ առաջին հորիզոնականում հայտնված ակումբն իր առաջնությունում լավագույնն է ճանաչվել 36-րդ անգամ... 10. «Չելսի» - Անգլիայի չեմպիոն - իր պատմության մեջ 6-րդ անգամ 9. «Մոնակո» - Ֆրանսիայի չեմպիոն - իր պատմության մեջ 8-րդ անգամ
25.05.2017

«Յուվենտուսը» միացավ մանչեսթերյան ակումբներին «Մոնակոյի» ֆուտբոլիստի համար պայքարում

«Յուվենտուսը» միացավ «Մանչեսթեր Սիթիին» և «Մանչեսթեր Յունայթեդին» «Մոնակոյի» կիսապաշտպան Ֆաբինյոյի համար պայքարում: Football Italia-ի հաղորդմամաբ, իտալական ակումբը իր ուշադրութան կենտրոնում է պահում ֆրանսիական ակումբի 23-ամյա կիսապաշտպանին և պատրաստվում է պաշտոնական առաջարկով դիմել «Մոնակոյին»: Ֆաբինյոյին ձեռք բերելու համար «ծեր սենյորան» հրաժարվել է «Լիոնի» ֆուտբոլիստ  Կորենտին Տոլիսոյին ձեռք բերելու գաղափարից: Իտալական ակումբը նախատեսում է ֆուտբոլիստի տրանսֆերը գնելու համար տրամադրել 30 մլն. եվրո: Նույն արժեքն են առաջարկում նաև անգլիական ակումբները: Երեք ակումբներն էլ հաջորդ մրցաշրջանում կխաղան Չեմպիոնների լիգայում, հետևաբար ֆուտբոլիստին դժվար ընտրություն է սպասվում: Ֆաբինյոն ընթացիկ մրցաշրջանում մասնակցել  է 55 հանդիպման ՝ դառնալով 12 գոլի և 6 գոլային փոխանցման հեղինակ:
24.05.2017

Հայտնի է՝ որ համազգեստով «Ռեալը» կխաղա ՉԼ եզրափակչում (լուսանկար)

Չեմպիոնների լիգայի եզրափակիչ խաղում Մադրիդի «Ռեալը» կխաղա արտագնա խաղերի համազգեստով: Մադրիդցիները կխաղան մանուշակագույն մարզահագուստով, իսկ «Յուվենտուսը»` իր տնային սև ու սպիտակ համազգեստով: Մարզաշապիկների վրա տպագրված  կլինի եզրափակիչ խաղի անցկացման վայրն ու տարեթիվը, ինչպես նաև մրցող թիմերի անունները:   Real Madrid usará o uniforme alternativo na decisão. Juve (que estava de azul no último título, em 96) vai com a camisa tradicional pic.twitter.com/GOb6Ar521M — Leonardo Bertozzi (@lbertozzi) 24 мая 2017 г.
23.05.2017

«Յուվենտուսը» գրկաբաց սպասում է Ինիեստային

Իտալական «Յուվենտուսը» կփորձի իր շարք հրավիրել «Բարսելոնայի» ավագ և կիսապաշտպան Անդրես Ինիեստային, եթե վերջինս որոշի լքել կատալոնական ակումբը, հայտնում է La Gazzetta Dello Sport-ը: 33-ամյա կիսապաշտպանի պայմանագիրը «Բարսելոնայի» հետ ավարտվում է հաջորդ տարի, նոր համաձայնություն կողմերի միջև առայժմ չկա: Թեև Ինիեստայի հեռանալը քիչ հավանական է, սակայն թուրինցիների ներկայիս պաշտպան Դանի Ալվեշն իր հերթին կարող է նպաստել տրանսֆերի կայացմանը: Ամռանը «Յուվենտուս» կարող են տեղափոխվել նաև «Սամպդորիայի» կիսապաշտպան Պատրիկ Շիկը և «Միլանի» պաշտպան Մատիա դի Շիլիոն:
23.05.2017

Դե Շիլիոն համաձայնել է տեղափոխվել հակառակորդ ակումբ

«Միլանի» պաշտպան Մատիա դե Շիլիոն համաձայնեցրել է տեղափոխությունը Իտալիայի չեմպիոն «Յուվենտուս», հայտնում է Football Italia-ն: Թուրինցիները ավարտին են հասցրել բանակցությունները ֆուտբոլիստի հետ: Այժմ «Յուվենտուսը» պետք է համաձայնության հասնի «Միլանի» հետ տրանսֆերի արժեքի շուրջ: Առայժմ հայտնի չէ, թե երկու ակումբների ներկայացուցիչները երբ են հանդիպելու: Դե Շիլիոն այս մրցաշրջանում մասնակցել է 27 հանդիպման:
22.05.2017

Կուադրադոն՝ «Յուվենտուսի» ֆուտբոլիստ

Իտալական «Յուվենտուսը»  պայմանագիր կնքեց  «Չելսիի» կիսապաշտպան Խուան Կուադրադոյի հետ: Ինչպես հաղորդում է ակումբի պաշտոնական կայքը, «ծեր սենյորան»  որոշում է կայացրել ձեռք բերել ֆուտբոլիստի տրանսֆերը «Չելսիից» և նրան առաջարկել 3 տարվա պայմանագիր: 28-ամյա կոլումբացու համար «Յուվենտուսը» կվճարի 20 մլն. եվրո` սկսած 2017-18 մրցաշրջանից: Ֆուտբոլիստն այսօր արդեն ստորագրել է պայմանագիր, որով  համարվում է «Յուվենտուսի» ֆուտբոլիստ մինչև 2020 թվականի հունիսի 30-ը: Հիշեցնենք, որ Կուադրադոն վարձավճարով էր հանդես գալիս իտալական ակումբում 2015 թվականից սկսած: Ըստ նախնական համաձայնության` ֆուտբոլիստը  պետք է 3  մրցաշրջան վարձավճարով հանդես գար «Յուվենտուսի» կազմում, և եթե ակումբը ցանկանար, կարող էր ձեռք բերել նրա տրանսֆերը որոշակի թվով խաղերից հետո: Բացի 20 միլիոնից լոնդոնյան ակումբը կստանա նաև 4 մլն. հավելավճար: Ընթացիկ մրցաշրջանում Կուադրադոն մասնակցել է «Յուվենտուսի» 43 խաղերի՝ դառնալով 4 գոլի և 7 գոլային փոխանցման հեղինակ:
22.05.2017

Բոնուչիի որդին լաց է լինում, քանի որ հայրը ստիպել է հագնել «Յուվենտուսի» մարզաշապիկը (տեսանյութ)

«Յուվենտուսի» պաշտպան Լեոնարդո Բոնուչին թուրիյան ակումբի չեմպիոնական տոնախմբության ժամանակ խաղադաշտ է դուրս եկել իր երկու որդու հետ: Իտալացու ավագ որդին, որ «Տորինոյի» մոլի երկրպագու է, սկսել է լաց լինել, քանի որ հայրը ստիպել է կրել «ծեր սինյորայի» մարզաշապիկը: Lorenzo, il figlio di Bonucci tifoso del Toro, ha perso la voglia di vivere. A post shared by Calciatori Ignoranti (@calciatoriignoranti) on May 21, 2017 at 8:39am PDT
22.05.2017

«Յուվենտուսը» եվրոպական թոփ-լիգաների նոր յուրատեսակ ռեկորդ սահմանեց

Թուրինի «Յուվենտուսը» երեկ 3-0 հաշվով ջախջախեց «Կրոտոնեին» և կրկին դարձավ Իտալիայի չեմպիոն: Ավելի վաղ թուրինցիները նվաճել էին նաև Իտալիայի գավաթը: Այսպիսով, «Ծեր սենյորան» սահմանեց մի ռեկորդ, որին չի հաջողվել հասնել Եվրոպայի և ոչ մի թիմի: «Յուվենտուսը» դարձավ առաջին թիմը եվրոպական թոփ-5 լիգաներում, որ 3 տարի անընդմեջ գրանցում է «Ոսկե դուբլ»՝ հաղթելով միաժամանակ ազգային առաջնությունում և գավաթի խաղարկությունում: 6-րդ տարին անընդմեջ նվաճելով «Սկուդետոն»՝ «Յուվենտուսը» նաև Իտալիայի առաջնության ռեկորդ սահմանեց: Նախկինում Իտալիայում թիմերը առաջնությունում հաղթել էին առավելագույնը 5 տարի անընդմեջ:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: