Մանչեսթեր Յունայթեդ

30.04.2017

«Մանչեսթեր Յունայթեդի» ֆուտբոլիստները ժամանել են Lowry հյուրանոց (լուսանկարներ)

Անգլիայի Պրեմիեր լիգայի 35-րդ տուրի շրջանակներում «Մանչեսթեր Յունայթեդը» վաղը՝ ապրիլի 30-ին, 15։00-ին կընդունի «Սուոնսի Սիթիին»։ Սովորության համաձայն՝ «Մանչեսթեր Յունայթեդի» ֆուտբոլիստներն այսօր հավաքվել են Lowry հյուրանոցում՝ նախապատրաստվելու խաղին։ 8 խաղ բացակայելուց հետո այս անգամ թիմակիցներին միացել է նաև Խուան Մատան։ Այնուամենայնիվ, քիչ հավանական է նրա ներկայությունը մեկնարկային կազմում։ Կադրային խնդիրները Ժոզե Մոուրինյոյին ստիպել են թիմ հրավիրել նաև 20-ամյա կիսապաշտպան Սքոթ Մակթոմինեյին, ով կարող է փոխարինել որակազրկված Մարուան Ֆելայնիին։ Տիմոտի Ֆոսու Մենսան վնասվածք է ստացել, ուստի պաշտպանությունում Էրիկ Բայիին ու Դեյլի Բլինդին կարող է փոխարինել միայն Աքսել Տուանզեբեն։ Հյուրանոց ժամանած կազմը հետևյալն է՝ դե Խեա, Ռոմերո, Պերեյրա, Վալենսիա, Դարմիան, Տուանզեբե, Բայի, Շոու, Քերիկ, Էրերա, Մաքթոմինեյ, Լինգարդ, Յանգ, Մատա, Մխիթարյան, Ռունի, Ռեշֆորդ, Մարսիալ։
29.04.2017

«Բարսելոնան» աչք է դրել «Մանչեսթեր Յունայթեդի» կիսապաշտպանի վրա

«Բարսելոնան» հետաքրքրված է «Մանչեսթեր Յունայթեդի» կիսապաշտպան Անդեր Էրերայով, հայտնում է իսպանական Don Balon-ը։ Աղբյուրի հաղորդմամբ՝ կատալոնացիները Էրերային տեսնում են որպես Անդրես Ինիեստայի փոխարինող։ Այդ դիրքի համար դիտարկվում են նաև Մարկո Վերատին և ավելի հարձակողական ոճի Ֆիլիպե Կոուտինյոն։ Անդեր Էրերան «Մանչեսթեր Յունայթեդի» կազմում այս մրցաշրջանում առանձնացել է հաջող ու հուսալի խաղով՝ դառնալով 2 գոլի և 7 գոլային փոխանցման հեղինակ։
29.04.2017

Հենրիխ Մխիթարյանը «ՄՅՈՒ»-ի մարզաշապիկ է նվիրել Հայաստանում Մեծ Բրիտանիայի դեսպանին (լուսանկար)

Հայաստանի հավաքականի ավագ Հենրիխ Մխիթարյանը «Մանչեսթեր Յունայթեդի» մարզաշապիկ է նվիրել Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության դեսպան Ջուդիթ Մարգարեթ Ֆարնուորթին: Այդ մասին տեղեկացնում է Հայաստանի ֆուտբոլի ֆեդերացիայի պաշտոնական ֆեյսբուքյան էջը:
29.04.2017

Ֆելաինին որակազրկվել է 3 խաղով

«Մանչեսթեր Յունայթեդի» կիսապաշտպան Մարուան Ֆելաինին որակազրկվել 3 խաղով մանչեսթերյան դերբիի ժամանակ Սերխիո Ագուերոյի հետ բախման պատճառով: Բելգիացի ֆուտբոլիստը նախ կոպիտ սահընկում կատարեց արգենտինացու նկատմամբ և ստացավ այդ խաղում իր առաջին դեղինը քարտը, մի քանի վայրկյան անց կիսապաշտպանը նորից խախտեց կանոնները Ագուերոյի նկատմամբ ու տրվելով զգացմունքներին՝ գլխով թեթև հարվածեց «Ման Սիիթի» ֆուտբոլիստին, որը անմիջապես ընկավ խոտածածկին և Ֆելաինինիի համար վաստակեց 2-րդ դեղինը: Ֆելաինին նաև գրավոր նախազգուշացում է ստացել Անգլիայի ֆուտբոլի ասոցացիայից: Ընդգծվում է, որ ֆուտբոլիստին պատժել են, քանի որ կարմիր քարտը ստանալուց  հետո հրաժարվել է միանգամից լքել խաղադաշտը: Այսպիսով, կիսապաշտպանը բաց է թողնելու «Սուոնսիի», «Արսենալի» և «Տոտենհեմի» դեմ հանդիպումները:
29.04.2017

Ո՞վ կփոխարինի Դե Խեային «Մանչեսթեր Յունայթեդում»

«Մանչեսթեր Սիթիի» դարասապահ Ջո Հարտը կարող է տեղափոխվել «Մանչեսթեր Յունայթեդ», այդ մասին հայտնում է The Independent-ը: Վերջինս  վարձավճարի հիմունքներով ներկայումս հանդես է գալիս իտալական «Տորինոյի» կազմում, սակայն ցանկանում է վերադառնալ Մանչեսթեր, որտեղ գտնվում է իր տունը: «Մանչեսթեր Սիթիիում» հույս չեն դնում ֆուտբոլիստի վրա և պատրաստ են նրա տրանսֆերը վաճառել 17,5 մլն. եվրոյով: Բայց հայտնի չէ, թե ինչքան կպահանջեն «քաղաքաբնակները», եթե Հարտի տեղափոխությունը ցանկանա գնել իրենց սկզբունքային մրցակիցը: «Ման Յունայթեդի» գլխավոր մարզիչ Ժոզե Մոուրինյոն Հարտին դիտարկում է որպես իր առաջնային տրանսֆերային թիրախ դարպասապահ Դավիդ դե Խեայի հեռանալուց հետո: Բացի այդ, «կարմիր սատանաները» մտածում են «Ատլետիկոյի» դարպասապահ Յան Օբլակի տեղափոխությունը գնելու շուրջ:
28.04.2017

Յուրա Մովսիսյանի հայրենանվեր արարքն ԱՄՆ-ում և «Բանանց-2»-ի գերիշխանությունն Առաջին խմբում. Օրվա գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք ապրիլի 27-ի իրադարձությունների քրոնիկոնը: Goal.com-ը կազմել է Անգլիայի Պրեմիեր լիգայի՝ շաբաթվա վատագույն ֆուտբոլիստների խորհրդանշական հավաքականը: Կազմում է հայտնվել նաև «Մանչեսթեր Յունայթեդի» կիսապաշտպան Հենրիխ Մխիթարյանը, ով մասնակցել էր «Մանչեսթեր Սիթիի» դեմ մրցավեճին (0-0) և փոխարինվել 86-րդ րոպեին: Ամերիկյան «Ռեալ Սոլթ Լեյքի» հարձակվող Յուրա Մովսիսյանն իր թիմակիցների և ակումբի աշխատակիցների համար «Խոստում» ֆիլմի փակ ցուցադրություն է կազմակերպել: http://www.vivaronews.am/yura-movsisyaneh-xosel-e-xostumeh-filmi-masin-ev-nkaragrel-e-ir-hogu-caveh-tesanyuth Հայաստանի Առաջին խմբի առաջնության 20-րդ տուրում «Փյունիկ-2»-ը և «Արարատ-2»-ը գրանցել են ոչ-ոքի՝ 2-2: Ռոբերտ Մինասյանի և Արամ Սարգսյանի գոլերին հյուրերից պատասխանել են Հովհաննես Փափազյանը և Սարգիս Մեթոյանը: «Գանձասար-Կապան-2»-ը 2-1 հաշվով առավելության է հասել «Շիրակ-2»-ի նկատմամբ: Ալեն Ստեփանյանի գոլից հետո հյուրերից հաշիվը հավասարեցրել է Առլեն Ծատուրյանը, իսկ կապանցիներին հաղթանակ է պարգևել Արթուր Ադամյանը: «Բանանց-2»-ը 2 անպատասխան գնդակ է ուղարկել «Ալաշկերտ-2»-ի դարպասը: Դաշտի տերերին հաղթանակ է պարգևել Էդգար Մովսիսյանի դուբլը: «Բանանց-2»-ն Առաջին խմբի առաջնության առաջատարն է (47 միավոր): Նրան հաջորդում են «Փյունիկ-2»-ը (38 միավոր) և «Արարատ-2»-ը (34 միավոր): Նույնքան՝ 34 միավոր ունի նաև մեկ խաղ պակաս անցկացրած «Գանձասար-Կապան-2»-ը: Ուկրաինայի Մ-21 առաջնության 27-րդ տուրում «Ստալը» հյուրընկալվելիս 0-0 հաշվով է ավարտել «Վորսկլայի» հետ հանդիպումը: Արամ Ադամյանը մնացել է պահեստայինների նստարանին, իսկ Արթուր Դանիելյանը մասնակցել է ամբողջ խաղին: Եղիշե Մելիքյանի գլխավորած «Ստալ Մ-21»-ը 7-րդ հորիզոնականում է: Ղազախստանի Երկրորդ դիվիզիոնի 4-րդ տուրում «Աստանայի» երիտասարդական թիմը 3-2 հաշվով պարտության է մատնել «Ակտոբեի» հասակակից թիմին: Գևորգ Նաջարյանը դարձել է գոլային փոխանցման հեղինակ: Նա եղել է հիմնական կազմում և փոխարինվել 63-րդ րոպեին: «Աստանայի» երիտասարդական թիմը 14-րդ տեղում է: «Անժիի» գլխավոր մարզիչ Ալեքսանդր Գրիգորյանը Պրեմիեր լիգայի 25-րդ տուրի՝ «Տոմի» հետ հանդիպումից հետո (3-3) չի մասնակցել հետխաղյա մամուլի ասուլիսին, քանի որ վատ ինքնազգացողություն է ունեցել: Բացի այդ, մասնագետը եզրափակիչ սուլոցից հետո ավանդական հարցազրույց չի տվել հեռուստատեսությամբ: Նրա փոխարեն դրանց մասնակցել է «Անժիի» ավագ մարզիչ Դմիտրի Բեզնյակը: Մոլդովայի գավաթի խաղարկության քառորդ եզրափակչում «Զիմբրուն» հյուրընկալվելիս ուժերն է չափել «Դինամո-Ավտոյի» հետ և ջախջախել 4-0 հաշվով: Արտյոմ Խաչատուրովը եղել է մեկնարկային կազմում և մասնակցել ամբողջ հանդիպմանը: Այդպիսով, Քիշնևի ակումբը դուրս է եկել կիսաեզրափակիչ փուլ:
28.04.2017

Գաբրիել Ժեզուշ. «Վերադարձել եմ և պատրաստ եմ նոր գոլերի»

«Մանչեսթեր Սիթիի» հարձակվող Գաբրիել Ժեզուշը մեկնաբանել է մանչեսթերյան դերբին: Բրազիլացին  վնասվածքի պատճառով մոտ 3 ամիս բացակայելուց հետո խաղաց «Մանչեսթեր Սիթի»- «Մանչեսթեր Յունայթեդ» խաղում, որի ընթացքում դարպասի գրավում չարձանագրվեց: «Հիանալի է ,որ վերադարձել եմ, շատ լավ մարզավիճակում եմ, պատրաստ եմ նոր գոլեր հեղինակել: Ցավոք, մեր թիմը չկարողացավ հաղթել, սակայն ամեն ինչ դեռ առջևում է»- նշել է ֆուտբոլիստը: «Մի փոքր ցավալի է, որ գոլս հաշվի չառան խաղից դուրս լինելու պատճառով, սակայն դա ինձ չի խանգարում: Գիտեմ, որ կարող եմ անել այն, ինչ անում էի մինչ վնասվածք ստանալս»,-  ասել է հարձակվողը «Մանչեսթեր Սիթիի» պաշտոնական կայքի հետ հարցազրույցում: Հիշեցնենք, որ մինչ վնասվածք ստանալը Ժեզուշը հիանալի խաղ էր ցուցադրում մանչեսթերյան թիմի կազմում և հաճախ էր հայտնվում մեկնարկային կազմում ՝ պահեստայինների նստարանին թողնելով թիմի արգենտինացի հարձակվող Սերխիո Ագուերոյին:
28.04.2017

«Ման. Սիթի – Ման. Յունայթեդ». Ինչ էր կատարվում «Էտիհադ» մարզադաշտի թունելում (տեսանյութ)

28.04.2017

Մոուրինյո. «Տքնաջան մարզվում եմ, որպեսզի խաղամ «Սուոնսիի» դեմ

«Մանչեսթեր Յունայթեդի» գլխավոր մարզիչ Ժոզե Մոուրինյոն կատակել է թիմում առկա կադրային խնդիրների վերաբերյալ: «Կարմիր սատանաների» կազմից վնասվածքի պատճառով ներկայումս բացակայում են Զլատան Իբրահիմովիչը, Պոլ Պոգբան, Մարկոս Ռոխոն, Քրիս Սմոլինգը, Ֆիլ Ջոնսը, Խուան Մատան, Տիմոտի Ֆոսու-Մենսան, բացի այդ, թիմի չի կարողանա օգնել նաև Մարուան Ֆելաինին, որը կարմիր քարտ էր ստացել մանչեսթերյան դերբիիում: «Ռունին կարող է խաղալ դաշտի կենտրոնում «Սուոնսիի» դեմ: Մյուս 2 ֆուտբոլիստը կիսապաշտպանությունում պարզապես բացակայում են: Մեր տրամադրության տակ ունենք Հերերային, Քերիկին և վերջ: Ֆոսու-Մենսան հուսալի պահեստային խաղացող էր, սակայն նա էլ վնասվածք ստացավ: Բայց մենք պայքարելու ենք, և դա հաստատ է: Հիմա կենտրոնական պաշտպաններից միայն Բային է հասանելի: Կա նաև Տուանզեբեն և Բլինդը: Կարծում եմ, որ Բային և Բլինդը հիանալի գործեցին «Սիթիի» դեմ խաղում: Անհրաժեշտ է խոսել նրանց հետ և հասկանալ, թե ինչպես են իրենց զգում: Չնայած ես հիմա տքնաջան մարզվում եմ մարզասրահում, քանի որ կարող եմ խաղալ «Սուոնսիի» դեմ: Մոուրինյոն և Տուանզեբեն ընդդեմ «Սուոնսիի»,-եզրափակել է Մոուրինյոն:
28.04.2017

Հայտնի է՝ երբ խաղադաշտ կվերադառնա Պոգբան

«Մանչեսթեր Յունայթեդի» կիսապաշտպան Պոլ Պոգբան չի կարողանա մասնակցել Անգլիայի առաջնության 35-րդ տուրի «Սուոնսի Սիթիի» դեմ հանդիպմանը, սակայն պատրաստ կլինի Եվրոպա լիգայի կիսաեզրափակչի «Սելտայի» դեմ մրցավեճին, այդ մասին տեղեկացրել է թիմի գլխավոր մարզիչ Ժոզե Մոուրինյոն: «Պոգբան խաղադաշտ կվերադառնա «Սելտայի» դեմ խաղում: Մեր բախտը բերել է, քանի որ վնասվածքի լուրջ չէր: Պոգբայի վնասվածքը հոգնածության և ծանրաբեռնվածության արդյունք է: Այդպես է եղել նաև Անտոնիո Վալենսիայի հետ: Դա նորմալ երևույթ է»,-նշել է պորտուգալացին մասնագետը: «Մանչեսթեր Յունայթեդ»-«Սուոնսի» հանդիպումը կկայանա ապրիլի 30-ին, իսկ «Սելտայի» հետ «կարմիր սատանաները» կհանդիպմեն մայիսի 4-ին:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: