Կրիշտիանու Ռոնալդու

27.05.2017

Forbes. Աշխարհի ամենաբարձր վարձատրվող ֆուտբոլիստների տասնյակը

Forbes-ը հրապարակել է աշխարհի ամենաբարձր վարձատրվող ֆուտբոլիստների թարմացված աղյուսակը: Հաշվի են առնվել խաղացողների տարեկան աշխատավարձերն ու պարգևավճարներն իրենց ակումբներում և եկամուտները գովազդային աղբյուրներից: 10. Պոլ Պոգբա («Մանչեսթեր Յունայթեդ») - տարեկան 21,2 մլն դոլար 9. Խամես Ռոդրիգես («Ռեալ Մադրիդ») - տարեկան 21,9 մլն դոլար
26.05.2017

Ռոնալդուն հանդես չի գա Լոնդոնում ահաբեկչության վտանգի պատճառով

Մադրիդի «Ռեալի» հարձակվող Կրիշտիանու Ռոնալդուն ելույթ չի ունենա Լոնդոնում առաջիկա շաբաթվա ընթացքում: Պորտուգալացին պետք է ներկա գտնվեր  Sixpad ընկերության սպորտային սարքավորումների շնորհանդեսին: Սակայն միջոցառումը հետաձգվել է ահաբեկչության վտանգի պատճառով: «Բրիտիանիայում մեծացել է ահաբեչկության վտանգը:  Այդ պատճառով էլ մենք ստիպված էինք հետաձգել Ռոնալդուի հետ կայանալիք միջոցառումը: Անվտանգությունը առաջնային է՝ հաշվի առնելով այդ իրադարձության բարձր հեղինակությունը: Մենք անհրաժեշտ միջոցներ ենք ձեռնարկել և հետաձգել միջոցառումը երկար ժամանակով»,-ասվում է Sixpad-ի հայտարարության մեջ: Հիշեցնենք՝ մի քանի օր առաջ Մանչեսթերում ահաբեկչություն էր տեղի ունեցել, որի արդյունքում զոհվել էր 22 մարդ:
25.05.2017

Ռոնալդուին կարող են մեղադրել հարկերից խուսափելու մեջ

Մադրիդի «Ռեալի» հարձակվող Կրիշտիանու Ռոնալդուի նկատմամբ կարող են մեղադրանք առաջադրել հարկերից խուսափելու փաստով: Ինչպես հաղորդում է Cadena Ser-ը, Մադրիդի հարկային կազմակերպությունը ավարտել է Ռոնալդուի ունեցվածքի հաշվարկման գործընթացը և կասկածում է, որ պորտուգալացին 2011-2014 թվականներին խուսափել է վճարել մոտ 8 մլն. եվրո հարկային գումար: Այժմ իշխանությունները պետք է որոշեն՝ առաջադրել մեղադանք 32-ամյա ֆուտբոլիստի դեմ, թե ոչ: Բանն այն է, որ մինչ 2014 թվականը պորտուգալացին իր ունեցվածքի կեսը պահել է Վիրջինյան կղզիներում գտնվող բանկերում: Այնուհետև հայտարարագրել այդ բանկային հաշիվները այն բանից հետո, երբ որոշ ֆուտբոլիստներ մեղադրվել են հարկերի վճարումից խուսափելու մեջ: 2014 թվականի Ռոնալդուն վճարել է 6 մլն. եվրո հարկ: Սակայն քննիչների մի մասը կարծում է, որ պորտուգալացին պետք է վճարեր նաև 2011-2013 թվականներին Վիրջինյան կղզիների հաշվեհամարների գումարից գոյացած  հարկերը: Այդ 3 տարվա հարկային պարտավորությունը կազմում է 8 մլն. եվրո, և մեծ է հավանականությունը, որ պորտուգալացին կարող է դատական քաշքշուքի մեջ ընկնել դրա պատճառով:  
25.05.2017

Մխիթարյանը գերազանցել է Կրիշտիանու Ռոնալդուի, Ուեյն Ռունիի և Ռուդ վան Նիստելռոյի ռեկորդային ցուցանիշները

Հենրիխ Մխիթարյանը, Եվրոպա լիգայի եզրափակչում գրավելով «Այաքսի» դարպասը (2-0), դարձել է «Մանչեսթեր Յունայթեդի» պատմության մեջ առաջին ֆուտբոլիստը, ով եվրոպական մրցաշարի մեկ խաղարկությունում մրցակիցների դարպասը գրավել է 5 արտագնա հանդիպումներում: Հայ կիսապաշտպանը ևս մեկ անգամ էլ հաջողության է հասել «Օլդ Թրաֆորդ» մարզադաշտում: Հայաստանի հավաքականի ավագը գերազանցել է Դևիդ Հերդի, Դուայթ Յորքի, Ռուդ վան Նիստելռոյի, Կրիշտիանու Ռոնալդուի և Ուեյն Ռունիի ռեկորդային ցուցանիշները, ովքեր եվրոպական մեկ մրցաշրջանի ընթացքում գոլեր էին հեղինակել 4-ական արտագնա մրցավեճերում: «Մխիթարյանը պատմություն է կերտում «Մանչեսթեր Յունայթեդում»»,- այս առիթով գրել է մանկունյական ակումբի պաշտոնական կայքը: http://www.vivaronews.am/vo%D6%82raxuthyun-e-tesnel-haykakan-drosheh-ayn-el%D5%9D-haghthanakatc-mxitharyani-bacarik-harcazruyceh-vivaro-news-in-tesanyuth
24.05.2017

«Մեսի՞, թե՞ Ռոնալդու». Ինչպես է այդ հարցին պատասխանել «Ռեալի» նորեկը (տեսանյութ)

Ինչպես արդեն տեղեկացրել էինք, «Ֆլամենգոյի» հարձակվող Վինիսիուս Ժունիորը կարիերան շարունակելու է Մադրիդի «Ռեալում»: Տրանսֆերային պայմանագիրը պաշտոնապես ուժի մեջ է մտնելու 2018 թվականի հուլիսից, իսկ 16-ամյա ֆուտբոլիստը շարունակելու է ելույթները «Ֆլամենգոյի» կազմում մինչև 2019 թվականի հուլիսը: Ըստ ոչ պաշտոնական լուրերի՝ մադրիդյան ակումբին այս տրանսֆերն արժեցել է 45 մլն եվրո: Սակայն մինչև այս տրանսֆերի պաշտոնական հաստատումը Վինիսիուսը խոստովանել է, որ Նեյմարի իր կուռքն է, իսկ Ռոնալդու և Մեսի անվերջ շարունակվող դիմակայությունից, նախապատվություն է տալիս «Բարսելոնայի» առաջատարին:
23.05.2017

Հարբած Ռոնալդուն երգում է չեմպիոնական տոնախմբության ժամանակ (տեսանյութ)

Մադրիդի «Ռեալի» հարձակվող Կրիշտիանու Ռոնալդուն կատարել է  աշխարհահռչակ Queen խմբի We Are The Champions երգը Լա լիգայի չեմպիոնական տիտղոսի տոնախմբության ժամանակ: Նրան ընկերակցել են թիմակիցները: «Արքայական» ակումբի ֆուտբոլիստները կարծես թե հարբած են:  
22.05.2017

Ռոնալդու. «Մարդիկ կարծում են՝ հանցագործ եմ. ես հրեշտակ չեմ, բայց դժոխքի հետ կապ չունեմ»

Մադրիդի «Ռեալի» հարձակվող Կրիշտիանու Ռոնալդուն խոսել է իր հասցեին հնչող քննադատությունից: 32-ամյա պորտուգալացուն քննադատել են այն բանից հետո, երբ նա «Սելտային» մեղադրել է ճամպրուկով կաշառք վերցնելու մեջ: «Մարդիկ ինձ այնպես են վերաբերվում, ասես հանցագործ լինեմ, ես հրեշտակ չեմ, բայց և դժոխքի հետ էլ կապ չունեմ:Ես հեռուստացույց չեմ նայում, քանի որ երևի կխելագարվեմ, երբ իմանամ՝ ինչ են խոսում իմ մասին: Մարդիկ ոչինչ չգիտեն, նրանք չգիտեն՝ ինչիսին եմ ես խաղադաշտում կամ էլ առօրյա կյանքում»,- ասել է պորտուգալացի հարձակվողը: Խոսելով ընթացիկ մրցաշրջանի մասին՝ Ռոնալդուն ասել է. «Հիանալի մրցաշրջան ունեցանք, շատ ուրախ ենք, հաղթեցինք Լա լիգան լավ մարզչի, ակումբի ղեկավարության և թիմային ջանքերի շնորհիվ: Գիտեմ՝ Չեմպիոնների լիգայի եզրափակիչ խաղը բարդ է լինելու, բայց հիմա պատրաստվում ենք վայելել 5 տարի անց վաստակած տիտղոսը»:
20.05.2017

Մեսին կավարտի Լա լիգայի ընթացիկ մրցաշրջանն առանց այս ցուցանիշին հասնելու

Կատալոնական «Բարսելոնայի» հարձակվող Լիոնել Մեսին կարող է Լա լիգայի  ընթացիկ մրցաշրջանն ավարտել առանց հեթ-տրիկ հեղինակելու: Լա լիգայի ընթացիկ մրցաշրջանում արգենտինացի ֆուտբոլիստին չի հաջողվել իր հաշվին գրանցել միանգամից 3 գնդակ մեկ խաղի ընթացքում: Այսպիսի արդյունք Մեսին չի գրանցել 2008-09 թվականից ի վեր: Մեսին մի քանի հնարավորություն ունեցել է  11- մետրանոց հարվածով այս արդյունքին հասնելու համար, սակայն գերադասել է չօգտվել դրանից: Այնուամենայնիվ, 35 գոլով Մեսին Լա լիգայի լավագույն ռմբարկուն է: Նրան հաջորդում է կատալոնական ակումբի ուրուգվայցի հարձակվող Լուիս Սուարեսը՝ 28 գոլով: Եռյակը եզրափակում է Կրիշտիանու Ռոնալդուն, պորտուգալացին դարձել է  24 գոլի հեղինակ:
20.05.2017

Կառլո Անչելոտին նշել է, թե ով է Ռոնալդուին ամենահարմար հարձակվողը

«Բավարիայի» գլխավոր մարզիչ Կառլո Անչելոտին իտալական Corriere dela Sera-ի հետ հարցազրույցում խոսել է մի շարք թեմաներից՝ անդրադառնալով նաև «Ռեալի» հարձակման գծին։ «Մորատան Զիդանի կողմից այդքան քիչ խաղաժամանակ է ստանում, որովհետև Բենզեման Ռոնալդուին ամենահարմար հարձակվողն է աշխարհում»,-ասել է Անչելոտին։ Իտալացի մարզիչը գովասանքի խոսքեր է ասել Զինեդին Զիդանի հասցեին՝ նշելով, որ նա շատ ճկուն է և շատ բան գիտի ֆուտբոլի մասին։
19.05.2017

Ռոնալդուն մեղադրել է «Սելտայի» ֆուտբոլիստների կաշառք վերցնելու մեջ

Իսպանիայի առաջնության 21-րդ տուրի «Սելտա»-«Ռեալ Մադրիդ» հանդիպման ժամանակ հյուրերի հարձակվող Կրիշտիանու Ռոնալդուն մեղադրել է մրցակցի ֆուտբոլիստներին կաշառք ստանալու մեջ, տեղեկացնում է Mundo Deportivo-ն՝ հղում կատարելով Gol TV-ին: Պորտուգալացին խաղային դրվագներից մեկում տանտերերի պաշտպան Գուստավո Կաբրալյուին ասել է.«Շատ փող, մի ճամպրուկ»: Դրանով Ռոնալդուն ցանկանում էր ասել, որ «Բարսելոնան» «Սելտային» պարգև է խոստացել, եթե նրանց հաջողվի միավորներ կորզել «Ռեալից»: Ընդ որում՝ 32-ամյա հարձակվողը համապատասխան ժեստ է արել ձեռքերով՝ ակնարկելով ստացած փողերը: Իսպանիայի առաջնության մրցաշարային աղյուսակը միանձնյա գլխավորում է «արքայական» ակումբը, եթե վերջին տուրի հանդիպմանը մադրիդյան ակումբը գրանցի ոչ-ոքի կամ հաղթանակ, ապա կնվաճի Լա Լիգայի տիտղոսը վերջին 5 տարիներում առաջին անգամ:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: