Հենրիխ Մխիթարյան

29.04.2017

Հենրիխ Մխիթարյանը «ՄՅՈՒ»-ի մարզաշապիկ է նվիրել Հայաստանում Մեծ Բրիտանիայի դեսպանին (լուսանկար)

Հայաստանի հավաքականի ավագ Հենրիխ Մխիթարյանը «Մանչեսթեր Յունայթեդի» մարզաշապիկ է նվիրել Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության դեսպան Ջուդիթ Մարգարեթ Ֆարնուորթին: Այդ մասին տեղեկացնում է Հայաստանի ֆուտբոլի ֆեդերացիայի պաշտոնական ֆեյսբուքյան էջը:
28.04.2017

Յուրա Մովսիսյանի հայրենանվեր արարքն ԱՄՆ-ում և «Բանանց-2»-ի գերիշխանությունն Առաջին խմբում. Օրվա գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք ապրիլի 27-ի իրադարձությունների քրոնիկոնը: Goal.com-ը կազմել է Անգլիայի Պրեմիեր լիգայի՝ շաբաթվա վատագույն ֆուտբոլիստների խորհրդանշական հավաքականը: Կազմում է հայտնվել նաև «Մանչեսթեր Յունայթեդի» կիսապաշտպան Հենրիխ Մխիթարյանը, ով մասնակցել էր «Մանչեսթեր Սիթիի» դեմ մրցավեճին (0-0) և փոխարինվել 86-րդ րոպեին: Ամերիկյան «Ռեալ Սոլթ Լեյքի» հարձակվող Յուրա Մովսիսյանն իր թիմակիցների և ակումբի աշխատակիցների համար «Խոստում» ֆիլմի փակ ցուցադրություն է կազմակերպել: http://www.vivaronews.am/yura-movsisyaneh-xosel-e-xostumeh-filmi-masin-ev-nkaragrel-e-ir-hogu-caveh-tesanyuth Հայաստանի Առաջին խմբի առաջնության 20-րդ տուրում «Փյունիկ-2»-ը և «Արարատ-2»-ը գրանցել են ոչ-ոքի՝ 2-2: Ռոբերտ Մինասյանի և Արամ Սարգսյանի գոլերին հյուրերից պատասխանել են Հովհաննես Փափազյանը և Սարգիս Մեթոյանը: «Գանձասար-Կապան-2»-ը 2-1 հաշվով առավելության է հասել «Շիրակ-2»-ի նկատմամբ: Ալեն Ստեփանյանի գոլից հետո հյուրերից հաշիվը հավասարեցրել է Առլեն Ծատուրյանը, իսկ կապանցիներին հաղթանակ է պարգևել Արթուր Ադամյանը: «Բանանց-2»-ը 2 անպատասխան գնդակ է ուղարկել «Ալաշկերտ-2»-ի դարպասը: Դաշտի տերերին հաղթանակ է պարգևել Էդգար Մովսիսյանի դուբլը: «Բանանց-2»-ն Առաջին խմբի առաջնության առաջատարն է (47 միավոր): Նրան հաջորդում են «Փյունիկ-2»-ը (38 միավոր) և «Արարատ-2»-ը (34 միավոր): Նույնքան՝ 34 միավոր ունի նաև մեկ խաղ պակաս անցկացրած «Գանձասար-Կապան-2»-ը: Ուկրաինայի Մ-21 առաջնության 27-րդ տուրում «Ստալը» հյուրընկալվելիս 0-0 հաշվով է ավարտել «Վորսկլայի» հետ հանդիպումը: Արամ Ադամյանը մնացել է պահեստայինների նստարանին, իսկ Արթուր Դանիելյանը մասնակցել է ամբողջ խաղին: Եղիշե Մելիքյանի գլխավորած «Ստալ Մ-21»-ը 7-րդ հորիզոնականում է: Ղազախստանի Երկրորդ դիվիզիոնի 4-րդ տուրում «Աստանայի» երիտասարդական թիմը 3-2 հաշվով պարտության է մատնել «Ակտոբեի» հասակակից թիմին: Գևորգ Նաջարյանը դարձել է գոլային փոխանցման հեղինակ: Նա եղել է հիմնական կազմում և փոխարինվել 63-րդ րոպեին: «Աստանայի» երիտասարդական թիմը 14-րդ տեղում է: «Անժիի» գլխավոր մարզիչ Ալեքսանդր Գրիգորյանը Պրեմիեր լիգայի 25-րդ տուրի՝ «Տոմի» հետ հանդիպումից հետո (3-3) չի մասնակցել հետխաղյա մամուլի ասուլիսին, քանի որ վատ ինքնազգացողություն է ունեցել: Բացի այդ, մասնագետը եզրափակիչ սուլոցից հետո ավանդական հարցազրույց չի տվել հեռուստատեսությամբ: Նրա փոխարեն դրանց մասնակցել է «Անժիի» ավագ մարզիչ Դմիտրի Բեզնյակը: Մոլդովայի գավաթի խաղարկության քառորդ եզրափակչում «Զիմբրուն» հյուրընկալվելիս ուժերն է չափել «Դինամո-Ավտոյի» հետ և ջախջախել 4-0 հաշվով: Արտյոմ Խաչատուրովը եղել է մեկնարկային կազմում և մասնակցել ամբողջ հանդիպմանը: Այդպիսով, Քիշնևի ակումբը դուրս է եկել կիսաեզրափակիչ փուլ:
28.04.2017

«Ման. Սիթի – Ման. Յունայթեդ». Ինչ էր կատարվում «Էտիհադ» մարզադաշտի թունելում (տեսանյութ)

28.04.2017

Հենրիխ Մխիթարյանի գործողությունները «Մանչեսթեր Սիթիի» հետ խաղում (տեսանյութ)

28.04.2017

Մանկունյական մազոխիզմ. Ինչու՞ էր Մանչեսթերյան դերբին վատագույն խաղն այս մրցաշրջանում

«Մենք կփորձենք խաղալ Չեմպիոնլիգյան մակարդակի ֆուտբոլ», - Սիթիի հետ խաղից առաջ լրագրողների հետ զրույցում հայտարարեց ՄՅՈւ-ի գլխավորմարզիչ Ժոզե Մոուրինյոն, բայց մեկ վայրկյան անց մոռացավ իր ասածի մասին, ևս մեկ օր անց խաբեց բոլորին: Հետևություն՝ Մոուրինյոն կամ մոռացել է ինչպես են խաղում ակումբային ֆուտբոլի ամենահեղինակավոր մրցաշարում, կամ էլ նենգաբար ստել է (հավանաբար երկրորդը): Ստացվում է, որ Մոուրինյոն Սիթիից անիմաստ տեղը միավոր է խլել, երկրպագուներին էլ ստիպել է հետևել այս մրցաշրջանի ամենատխուր հանդիպմանը: Մանկունյական դերբիին սպասում էին անհամբերությամբ: Մոուրինյո – Գվարդիոլա դիմակայությունն ունի երկա՜ր արմատներ, որոնք ձգվում են հեռավոր Իսպանիայից: Սակայն, այն ինչ ցուցադրեցին «կարմիր սատանաները» «Էտիհադ» մարզադաշտում, խաղ անվանել դժվար էր: Ցանկացած երկրպագու կգերադասեր 30 րոպե անդադար սոխ մաքրեր, քան աչքերի քաղցկեղ ստանար այն հակաֆուտբոլից, որը ցույց էր տալիս Ման. Յունայթեդը: Որքան հետաքրքիր էին գործում Սիթիի տղաները՝ խաղարկելով գնդակը մրցակցի տուգանային հրապարակում, նույնքան սրտխառնոցի աստիճանի վատ կարմիրները, կարծես 11 ռոբոտ՝ միտված մրցակցի խաղը հողին հավասարեցնելուն: Ասել է թե ծեծված արտահայտություն՝ «ավտոբուս»: Սակայն այնպես չէ, որ այդ ավտոբուսը սարքին վիճակում էր՝ անիվները ծակ, ապակիները կոտրված, թափքն էլ ծայրաստիճան մաշված և առանց վառելիքի: Թիմի 3 կենտրոնական պաշտպան Ֆիլ Ջոնսը, Քրիս Սմոլինգն ու Մարկոս Ռոխոն հեռվից էին հետևում իրենց թիմի սարսափելի վատ մրցելույթին, ակամա շնորհակալություն հայտնելով ճակատագրին ստացած վնասվածքի համար, որ նրանք չեն եղել խաղադաշտում ու իրենց դեմքին չեն ստացել երկրպագուների կողմից նետված բազմակիլոգրամանոց ցեխի չափաբաժինը: Դրան էլ գումարեք Զլատանի բացակայությունը, կստացվի թիմ, որը ոչ մի իրավունք և ուժ չունի ներկայացնելու Անգլիան ՉԼ-ի հաջորդ խաղաշրջանում: Ինչո՞վ կարող էր Մոուրինյոն զարմացնել Պեպին: Այս հարցի պատասխանը գտնելու համար կարող եք մի ամբողջ կյանք ծախսել ու մի բան էլ հավերժական գլխացավանք ստանալ: Մինչդեռ պատասխանն առավել քան ակներև է՝ ՈՉՆՉՈՎ: Այն, որ Յունայթեդը եկել էր ոչ-ոքիի հետևից, պարզ դարձավ արդեն մեկնարկում, երբ ակնհայտ հակագրոհելու փոխարեն Մոուրինյոյի սաները կատարում էին սենսեյի հրամանը՝ գցել խաղի տեմպը, չգրոհել մեծ ուժերով: Գրոհում էր միայն Մարկուս Ռեշֆորդը, ով լարովի մեքենայի նման սլանում էր առաջ նետվող գնդակի հետևից, հասնում, շրջանցում պաշտպանին, բայց հետո նկատում, որ թիմակիցները պատ կազմած հեռվից ուշիուշով սեփական դարպասի մոտից վախեցած հետևում էին, թե ինչպես են Օտամենդին ու ընկերները հոշոտում իրենց երիտասարդ ընկերոջը: Այդպես, Յունայթեդը բախտի բերմամբ, մրցակցի դարպասի մոտ ստեղծեց միայն 1 պահ՝ Մխիթարյանը ստացավ գնդակը Բրավոյի անհավանական սխալից հետո, հարվածեց, բայց Չիլիացի դարպասապահը 1 վայրկյանում միացրեց աստվածային ռեժիմն ու փրկեց իր թիմին պարտությունից: Ինչու՞ պարտությունից. Որովհետև եթե Յունայթեդը այսպես պաշտպանվում էր 0-0 հաշվի ժամանակ, պատկերացնում եք ինչպես կպաշտպանվեր հաղթական հաշվի դեպքում... Անկասկած Սիթին ավելի էր արժանի հաղթանակին, սակայն չկարողացավ մինչև վերջ խեղդամահ անել մրցակցին, անգամ երբ Ֆելլայինին ստացավ իր կարիերայի հերթական հիմար կարմիր քարտը... Սիթին կարցրեց 2 միավոր, իսկ Յունայթեդը կորզեց երկյուղի 1-ը, սակայն իչպես է գործելու Մոուրինյոյի թիմը մյուս զորեղ մրցակիցների հետ, մնում է հարցական:
28.04.2017

WhoScored.com. Հենրիխ Մխիթարյանի գնահատականը «Մանչեսթեր Սիթիի» հետ խաղին

«Մանչեսթեր Յունայթեդի» և Հայաստնաի ազգային հավաքականի ֆուտբոլիստ Հենրիխ Մխիթարյանը երեկ «Մանչեսթեր Սիթիի» դեմ խաղադաշտում անցկացրեց 85 րոպե: Հայ ֆուտբոլիստի խաղը այդքան էլ բարձր չի գնահատվել whoscored կայքի կողմից: Հանդիպման վատագույն ֆուտբոլիստ է ճանաչվել Մարուան Ֆելաինին, որ հեռացվել էր խաղադաշտից հանդիպման 84-րդ րոպեին:
28.04.2017

Մանչեսթերյան դերբին՝ լի էմոցիաներով, բայց առանց գոլերի. Մխիթարյանը խաղաց 86 րոպե (տեսանյութ)

Պրեմիեր լիգա, 26-րդ տուրից հետաձգված հանդիպում «Մանչեսթեր Սիթի» 0–0 «Մանչեսթեր Յունայթեդ» Հեռացում՝ Ֆելայնի 84՛ («Մանչեսթեր Յունայթեդ») «Էթիհադ մարզադաշտ, Մանչեսթեր  «Մանչեսթեր Սիթին» 65 միավորով եզրափակում է լավագույն քառյակը, իսկ «Մանչեսթեր Յունայթեդը» 64 միավորով 5-րդ հորիզոնականում է: Հենրիխ Մխիթարյանը մեկնարկային կազմում էր և փոխարինվել է Մարունա Ֆելայնիի հեռացումից անմիջապես հետո՝ 86-րդ րոպեին:
27.04.2017

«Մանչեսթեր Սիթի» – «Մանչեսթեր Յունայթեդ». Առաջին խաղակեսից հետո (տեսանյութ)

Ավարտվել է Անգլիայի Պրեմիեր լիգայի 26-րդ տուրից հետաձգված՝ «Մանչեսթեր Սիթի» - «Մանչեսթեր Յունայթեդ» հանդիպման առաջին խաղակեսը: Հաշվին առայժմ բացված չէ՝ 0-0, թեև երկու կողմերն էլ ունեին առաջ անցնելու լավ հնարավորություններ: 25-րդ րոպեին իր շանսը բաց թողեց Հենրիխ Մխիթարյանը, ում հարվածից հետո հուսալի գործեց Կլաուդիո Բրավոն: Սերխիո Ագուերոյի հարվածն ու Դե Խեայի սեյվը՝ Մխիթարյանի դրվագը՝ http://www.vivaronews.am/manchesther-sithi-mancehesther-yunaythed-meknarkayin-kazmer-ughigh-herardzakum-tesanyuth
27.04.2017

«Մանչեսթեր Յունայթեդի» ֆուտբոլիստները ժամանել են The Lowry հյուրանոց (լուսանկարներ)

«Մանչեսթեր Յունայթեդի» ֆուտբոլիստները ժամանել են The Lowry-ի հյուրանոց: Ժամանողների թվում է եղել նաև Հայաստանի ազգային հավաքականի կիսապաշտպան Հենրիխ Մխիթարյանը: Հիշեցնենք, որ այսօր ուշ երեկոյան կկայանա մանչեսթերյան դերբին (23:00):
26.04.2017

Գավաթային կրքեր Գյումրիում և Աղվան Պապիկյանի վնասվածքը. Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ: Ձեր ուշադրությանն ենք ապրիլի 26-ի իրադարձությունների քրոնիկոնը: Հայտնի է դարձել Հայաստանի գավաթի խաղարկության եզրափակչի երկրորդ մասնակցի անունը: «Շիրակը» Գյումրիում ուժերն է չափել «Գանձասար-Կապանի» հետ և գրանցել ոչ-ոքի՝ 1-1: Լուբամբո Մուսոնդայի գոլին (11մ) հետևել է Վասպուրակ Մինասյանի ինքնագոլը: Գյումրեցիներն առաջին խաղում հաղթել էին 1-0 հաշվով, ուստի դուրս են եկել եզրափակիչ, որտեղ մայիսի 10-ին մրցելու են «Փյունիկի» հետ: Մակեդոնիայի Բարձրագույն խմբի առաջնության 29-րդ տուրում «Վարդարը» հյուրընկալվելիս 1-3 հաշվով պարտություն է կրել «Շկենդիա 79»-ից: Տիգրան Բարսեղյանը եղել է հիմնական կազմում և փոխարինվել 84-րդ րոպեին, իսկ Հովհաննես Համբարձումյանը չի հայտնվել հայտացուցակում: «Վարդարը» շարունակում է գլխավորել մրցաշարային աղյուսակը: Ըստ Foxsports.com-ի՝ Յուրա Մովսիսյանը «Ռեալ Սոլթ Լեյքի» ամենաբարձր վարձատրվող ֆուտբոլիստն է: Նրա տարեկան աշխատավարձը կազմում է 1,973 մլն դոլլար: Մովսիսյանը տարեկան եկամտի ցուցանիշով ամերիկյան ՄԼՍ-ում 15-րդ տեղում է, իսկ առաջատար եռյակում են Կական («Օռլանդո Սիթի», 7,168 մլն), Սեբաստիան Ջիովինկոն («Տորոնտո», 7,116 մլն) և Մայքլ Բրեդլին («Տորոնտո», 6,5 մլն): Խորեն Բայրամյանը ճանաչվել է Ռուսաստանի Պրեմիեր լիգայի 25-րդ տուրի՝ «Ռոստով» - «Ուֆա» հանդիպման լավագույն ֆուտբոլիստ (1-0): Հայազգի կիսապաշտպանը մասնակցել էր ամբողջ մրցավեճին: Ըստ բրիտանական ԶԼՄ-ների՝ Հենրիխ Մխիթարյանը կլինի «Մանչեսթեր Յունայթեդի» մեկնարկային կազմում «Մանչեսթեր Սիթիի» հետ առաջիկա մրցավեճում: Նրան կիսապաշտպանության ձախ եզրից կօգնի Անտոնի Մարսիալը, աջից՝ Ջեյսի Լինգարդը, իսկ հարձակվողի դիրքում կգործի Մարկուս Ռեշֆորդը: Լեհաստանի 2-րդ դիվիզիոնի «Բելհատուվ» ակումբում հանդես եկող Աղվան Պապիկյանը փոխարինվել է թիմի վերջին հանդիպման ընդմիջմանը, քանի որ կրկին ծնկի վնասվածք է ստացել: Հայ կիսապաշտպանը շարքից դուրս է մնացել ավելի քան 2 շաբաթով: Մակեդոնիայի Բարձրագույն խմբի առաջնության 29-րդ տուրում «Մակեդոնիա ՖԱ»-ն սեփական հարկի տակ 1-3 հաշվով պարտություն է կրել «Ռենովայից»: Տիգրան Կանդիկյանը մասնակցել է ամբողջ խաղին: «Մակեդոնիա ՖԱ»-ն 10-րդ հորիզոնականում է:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: