Բարսելոնա

24.02.2017

Չեմպիոնների լիգայի 1/8 եզրափակչի 1-ին վատագույն ֆուտբոլիստների խորհրդանշական հավաքականը

Հեղինակավոր Goal.com-ը, կազմել է Չեմպիոնների լիգայի 1/8 եզրափակչի վատագույն ֆուտբոլիստների խորհրդանշական հավաքականը: Հետաքրքիրն այն է, որ այդ թիմում են տեղ են գտել միայն «Բարսելոնայի» և «Արսենալի» ֆուտբոլիստները:
24.02.2017

Թոփ 10 ամենաեկամտաբեր մարզաշապիկները (ֆոտո)

«Բարսելոնայի» մարզաշապիկը շարունակում է համարվել ամենաեկամտաբերը աշխարհում:  Անցյալ տարի կատալոնական ակումբը նոր պայմանագիր էր ստորագել մարզական հագուստ արտադրող Nike ընկերության հետ և ըստ նոր պայմանագրի իսպանական գրանդը տարեկան ստանում է 105 մլն եվրո : Լավագույն տասնյակում փոփոխություններ կան: Ավելի վաղ հայտնել էինք, «Չելսին» պայմանագիր է ստորագրել Nike-ի և հաջորդ մրցաշրջանից սկսած կսկի կրել ամերիկյան ընկերության մարզաշապիկները: ՊՍԺ – 23 մլն եվրո  (Nike)
24.02.2017

«Մանչեսթեր Յունայթեդը» կխաղա «Ռեալ Մադրիդի» և «Բարսելոնայի» հետ

Առաջիկա մրցաշրջանից առաջ «Ռեալն» ու «Բարսելոնան» կհանդիպեն Չեմպիոնների գավաթում, որն ամեն տարի տեղի է ունենում ամռանը: Ինչպես տեղեկացնում է RAC1-ը, իսպանական գրանդ ակումբները միմյանց դեմ կխաղան հուլիսի 29-ին Մայամիում: Բացի այդ, մրցաշարին կմասնակցեն «Յուվենտուսը», «Մանչեսթեր Յունայթեդը»: Կատալոնացիները նրանց հետ կխաղան հուլիսի 22-ին և 25-ին: http://www.vivaronews.am/zhoze-mourinyon-ajakcel-e-klaudio-ranieriin-fvotvo
23.02.2017

Լիոնել Մեսի. «Չեմ էլ հիշում ՊՍԺ-ից կրած պարտությունը»

«Բարելոնայի» հարձակվող Լիոնել Մեսին հայտարարել է, որ այլևս չի հիշում Փարիզում կրած ցավալի պարտությունը: Նշենք, որ Չեմպիոնների լիգայի 1/8 եզրափակչի առաջին խաղում ֆրանսիական գրանդը կարողացավ 4-0 հաշվով հաղթել կատալոնացիներին: «Չեմ էլ հիշում ՊՍԺ-ից կրած պարտությունը»,- ֆուտբոլիստի խոսքերն է մեջբերում  Месси Mundo Deportivo-ն: Ավելացնենք, որ պատասխան հանդիպումը այս թիմերի միջև կկայանա մարտի 8-ին:
22.02.2017

Որքա՞ն գումար է ծախսել «Բարսելոնան» Չավիին փոխարինող գտնելու համար

«Բարսելոնան» արդեն 2 ու կես տարի թիմի նախկին լեգենդար կիսապաշտպան Չավիին փոխարինող գտնելու փորձեր է անում, բայց դեռևս անհաջող: Այդ ճանապարհին կատալոնական ակումբը 90 մլն եվրո է ծախսել՝ գնելով 5 ֆուտբոլիստի տրանսֆերը, որոնք այդպես էլ չեն արդարացրել ակումբի ղեկավարության սպասելիքները: «Բարսելոնան» ևս 30 մլն. է վճարել Սեսկ Ֆաբրեգասի տեղափոխության համար, այն հույսով, որ նա կդառնա Չավիի խաղի ժառանգը: Չավին հեռացավ «Կապտանռնագույների» կազմից 2014/15 մրցաշրջանին ավարտին, երբ թիմը նվաճեց թրեբլ: Կիսապաշտպանը 17 մրցաշրջան է անցկացրել իսպանական ակումբի կազմում՝ հաղթելով Չեմպիոնների լիգայի 4 ու Իսպանիայի առաջնության 8 տիտղոս: Չավիի հեռանալուց մեկ տարի առաջ «Բարսելոնան» ձեռք էր բերել Իվան Ռակիտիչին (18 մլն. եվրո + 3 մլն. բոնուսներ) և վարձավճարից վերադարձրել Ռաֆինյային: Տրանսֆերային արգելքից առաջ կատալոնական ակումբը գնեց Արդա Թուրանին (34 մլն. եվրո): Ավելի ուշ, իսպանական թիմը համալրեց Անդրե Գոմեշը (35 մլն. եվրո), իսկ 3,2 մլն. եվրո էլ ծախսվեց Դենիս Սուարեսին վերադարձնելու համար: 2011 թվականին «Բարսելոնան» «Արսենալին» վճարեց 29 մլն. եվրո Սեսկ Ֆաբրեգասի դիմաց, բայց վերջինս խաղաժամանակի պակասի պատճառով հեռացավ «Չելսի» 3 մրցաշրջան անց: Հնարավոր է, որ եթե կատալոնական թիմը չվաճառեր Տիագո Ալկանտարային «Բավարիային», նա կարողանար փոխարինել ակումբի բոլոր ժամանակների լավագույն կիսապաշտպաններից մեկին:
22.02.2017

«Բարսելոնան» կերկարաձգի պայմանագիրը թիմի կիսապաշտպանի հետ

Կատալոնական «Բարսելոնայի» կիսապաշտպան Իվան Ռակիտիչը կերկարաձգի պայմանագիրը ակումբի հետ, տեղեկացնում են իսպանական ԶԼՄ-ները: Կողմերը բանակցություններ էին վարում անցած տարվա դեկտեմբերից և արդեն համաձայնեցրել են գործարքի բոլոր կետերը: Խորվաթ ֆուտբոլիստի ներկայիս պայմանագիրը «Կապտանռնագույների» հետ սպառվում է 2019 թվականի ամռանը, իսկ նոր համաձայնագիրը նախատեսված կլինի մինչև 2021 թվականը: Հիշեցնենք, որ 28-ամյա ֆուտբոլիստի ծառայություններով հետաքրքրված էին Անգլիայի Պրեմիեր լիգայի մի քանի ակումբ և Թուրինի «Յուվենտուսը»: Սակայն Ռակիտիչը հայտարարել էր, որ ցանկանում է շարունակել ելույթները «Բարսելոնայի» կազմում:
22.02.2017

«Բարսելոնան» կրկին ցանկանում է ձեռք բերել «Արսենալի» պաշտպանին

Դանի Ալվեսի՝ «Յուվենտուս» տեղափոխվելուց հետո «Բարսելոնան» այդպես էլ չկարողացավ փոխարինող գտնել նրան: Mundo Deportivo-ի հաղորդմամբ՝ կատալոնական ակումբը ցանկանում է հետ բերել իր նախկին սան Հեկտոր Բելյերինին, ով ներկայումս հանդես է գալիս «Արսենալում»: Բելյերինը 2011թ. «Բարսելոնայի» ակադեմիայից տեղափոխվել է «Արսենալ»՝ դառնալով Եվրոպայի լավագույն եզրային պաշտպաններից մեկը: Վերջերս ֆուտբոլիստը երկարաժամկետ պայմանագիր է ստորագրել լոնդոնյան ակումբի հետ, ինչը նշանակում է, որ կատալոնացիները նրա համար թանկ են վճարելու:
22.02.2017

«Բարսելոնան» գնդակին տիրելու վատագույն ցուցանիշն է արձանագրել Գվարդիոլայի գալուց ի վեր

Վերջին տասնամյակի ընթացքում գնդակին տիրելու ցուցանիշը և տարածքային առավելությունը «Բարսելոնայի» գլխավոր խաղային առանձնահատկությունն էր: Այս տարի թիմը վատ մրցաշրջան է անցկացնում, և այդ ցուցանիշի անկումը լավագույնս է արտացոլում կատալոնական ակումբի խնդիրները: Այսպես, Գվարդիոլայի գլխավորությամբ առաջին մրցաշրջանում «Բարսելոնայի» տարածքային առավելությունը կազմում էր 65,7%, հաջորդ տարին՝ 68,9%, իսկ երրորդ տարում ցուցանիշը հասել էր անհավանական 72,7%-ի: Գվարդիոլային վերջին՝ 4-րդ տարում ցուցանիշը նվազեց մինչև 70,3%: Տիտո Վիլանովայի գլխավորությամբ «Բարսելոնան» ուներ 69,7% գնդակի տիրում, Խերարդո Մարտինոյի ժամանակ ցուցանիշը նվազեց մինչև 68,4%: Լուիս Էնրիկեն առաջին տարվա ընթացքում գրանցեց 68%, հաջորդ տարում՝ 67,6%, իսկ ընթացիկ մրցաշրջանում ցուցանիշը նվազել է մինչև 64,5%: Դա ամենացածր ցուցանիշն է թիմի համար այն ժամանակվանից ի վեր, ինչ թիմում իր աշխատանքը սկսել էր Գվարդիոլան:
21.02.2017

Զիդանը խոսել է «Բարսելոնայի» մասին

Մադրիդի «Ռեալի» գլխավոր մարզիչ Զինեդին Զիդանը «Վալենսիայի» դեմ հանդիպման նախախաղային մամուլի ասուլիսի ժամանակ անդրադարձել է թիմի հիմնական մրցակից «Բարսելոնային»: «Բարսելոնայում» ճգնաժա՞մ է. ես այդպես չեմ կարծում: Ներեցեք, որ այդքան կարճ ստացվեց պատասխանս»,- Marca-ն փոխանցում է Զիդանի խոսքը: Հիշեցնենք, որ «Ռեալը» գլխավորում է Իսպանիայի առաջնության մրցաշարային աղյուսակը: «Բարսելոնան» մեկ միավոր պակաս է վաստակել, սակայն մադրիդյան թիմը երկու խաղ քիչ է անցկացրել:
21.02.2017

Մարկո Վերատի. «Երբեք չեմ ասել, թե երազում եմ խաղալ «Բարսելոնայում»»

«ՊՍԺ»-ի կիսապաշտպան Մարկո Վերատին ընդգծել է, որ չի երազում կատալոնական «Բարսելոնա» տեղափոխության մասին: Մամուլում ավելի վաղ հրապարակվել էր Իտալիայի հավաքականի ֆուտբոլիստի հարցազրույցի այն հատվածը, որում նա իբր խոսել էր «կապտանռնագույնների» կազմում հանդես գալու ցանկության մասին: «Պարբերականներից մեկը գրել էր, թե ես երազում եմ խաղալ «Բարսելոնայում»: Երբեք այդպիսի բան չեմ ասել: Իմ նպատակը «ՊՍԺ»-ի հետ Չեմպիոնների լիգայի գավաթին տիրանալն է: Եթե մենք նույնիսկ խոշոր հաշվով չհաղթեինք «Բարսելոնային» դիմակայության առաջին խաղում, ապա ես կասեի նույնը: Ես պատկանում եմ փարիզյան ակումբին»,- Վերատիի խոսքերը մեջբերում է Football Espana-ն: http://www.vivaronews.am/inyestan-asel-e-the-ov-e-ir-xaghi-zharangeh
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: