Բարսելոնա

29.03.2017

Ռոնալդինյոն թողարկել է իր առաջին երգը (տեսանյութ)

«Բարսելոնայի» և «Միլանի» նախկին ֆուտբոլիստ Ռոնալդինյոն սկսել է իր երաժիշտի կարիերան: 37-ամյա ֆուտբոլիստը թողարկել է իր առաջին երգը ՝ «Sozinho»-ն, որը թարգմանաբար նշանակում է «միայնակ»: Ավելացնենք, որ Ռոնալդինյոն պաշտոնապես չի ավարտել իր կարիերան:
29.03.2017

«Ռեալը» մտադիր է դատի տալ Ժերար Պիկեին

Մադրիդի «Ռեալի» իրավաբանները կուսումնասիրեն «Բարսելոնայի» պաշտպան Ժերար Պիկեի վերջին հայտարարությունները: Իսպանիայի հավաքականի պաշտպանը դժգոհել էր այն փաստից, որ առաջիկա Էլ-Կլասիկոյի ժամանակ «Սանտիագո Բերնաբեու» մարզադաշտի օթյակում լինելու է պետական դատավոր Մարտա Սիլվան: «Չեմ ցանկանում տեսնել օթյակում մի մարդու, ով զբաղվում է պետական կառավարմամբ: Այդ մարդը միշտ մեղադրանքներ է ներկայացնում Մեսիին ու Նեյմարին, բայց ՝ ոչ Ռոնալդուին»,- ասել է Պիկեն: «Ռեալի» խորհրդատվական խումբը արդեն զբաղվում է այս հարցով:  
29.03.2017

Ժերար Պիկե. «Ռեալը» հաղթեց Չեմպիոնների լիգան խաղից դուրս վիճակից խփված գոլով, բայց այդ մասին բոլորը լռում են»

«Բարսելոնայի» պաշտպան Ժերար Պիկեն անդրադարձել է այն մեղադրանքներին, թե մրցավարները օգնել են կատալոնական թիմին հաղթելու ՊՍԺ-ին: «Ե՞րբ են մրցավարները բարեհաճ եղել մեր նկատմամբ: Չեմպիոնների լիգայո՞ւմ: Իսկ ես մտածեցի Իսպանիայի առաջնության մասին է: Լա Լիգայում դա արդեն վաղուց չկա: Մենք պատմական վերադարձ արեցինք «ՊՍԺ»-ի հետ, իսկ դուք խոսում եք մրցավարության մասին: «Ռեալը» հաղթեց Չեմպիոնների լիգան Ռամոսի՝ խաղից դուրս վիճակից խփված գոլով, բայց այդ մասին բոլորը լռում են»,-ասել է Պիկեն:
29.03.2017

Ֆուտբոլային «թույն» լուսանկարներ, որոնք պետք է տեսնել (մաս 9)

Երիտասարդ Լուի վան Գաալը
28.03.2017

Երկրպագուն դաջվածք է արել՝ ի պատիվ Խավյեր Մասկերանոյի (լուսանկար)

Արգենտինայի հավաքականի երկրպագուն ոտքին դաջել է այն թիվը, որով ընտրանու կազմում հանդես է գալիս Խավյեր Մասկերանոն: Տղան լուսանկարվել է ֆուտբոլիստի հետ՝ լուսանկարում ցուցադրելով 14 թիվը: 1 թվի թեք ձևը խորհրդանշում է Մասկերանոյի սահանկումը «Մունդիալ-2014»-ի կիսաեզրափակչի՝ Հոլանդիայի հավաքականի հետ խաղում, որն արգենտինացիներին թույլ տվեց դուրս գալու աշխարհի առաջնության եզրափակիչ: Ինչպես հաղորդում է Mundo Deportivo-ն, երկրպագուն Մասկերանոյի հետ հանդիպել է Արգենտինայի հավաքականի ճամբարում, քանի որ ֆուտբոլիստն ընտրանու տրամադրության տակ է:
28.03.2017

Ինյեստա. «Անարդար են այն երկրպագուները, ովքեր սուլում են Անդրե Գոմեշին»

«Բարսելոնայի» ավագ Անդրես Ինյեստան պաշտպանել է իր ակումբակից Անդրե Գոմեշին, ով լուրջ քննադատության է ենթարկվում ԶԼՄ-ների կողմից, իսկ ակումբի երկրպագուները սուլում էին նրան վերջին մի քանի հանդիպումներում: «Գոմեշը շատ որակներ ունի, որոնք բավարար են նրա համար, որպեսզի նա կարևոր ֆուտբոլիստ դառնա թիմի համար: Նա պետք է շարունակի առաջադիմել: Պետք է իդեալական մթնոլորտ ստեղծել, որպեսզի երիտասարդ ֆուտբոլիստներն իրենց լավ զգան մեր թիմում և կարողանան զարգացնել իրենց որակները: Անդրեին սուլո՞ւմ են երկրպագուները. կարծում եմ՝ դա անարդար է մի ֆուտբոլիստի հանդեպ, ով միայն այս մրցաշրջանից է հանդես գալիս մեր ակումբում: Դա օգուտ չի տա ո՛չ ֆուտբոլիստին, ո՛չ էլ ամբողջ թիմին»,- ասել է Ինյեստան:
28.03.2017

«Բարսելոնան» նոր տարբերակ է գտել գլխավոր մարզչի պաշտոնի համար

«Բարսելոնայի» ղեկավարությունը մտադիր է դիտարկել Խուան Կառլոս Ունսուեի թեկնածությունը, որպես ակումբի նոր գլխավոր մարզիչ: Ինչպես հաղորդում է Mundo Deportivo-ն, կատալոնական ակումբի ղեկավարությունը արդեն հարցրել է Ունսեին, թե արդյոք վերջինս պատրաստ է գլխավորել «Բարսան»: Լուիս Էնրիկեի օգնականը վստահ և դրական պատասխան է տվել: Նշենք, որ Էնրիկեն ընթացիկ մրցաշրջանի ավարտից հետո հեռանալու է իսպանական գրանդից: Ինչ վերաբերվում է Խուան Կառլոս Ունսուեին, ապա իսպանացի մասնագետը նախկինում մարզել է «Նումանսիա» և «Ռասինգ» ակումբները:  
28.03.2017

Ֆուտբոլային «թույն» նկարներ, որոնք անպայման պետք է տեսնել

1998թ. Թիեր Անրին և Բրազիլիայի հավաքականի հարձակվող Ռոնալդոյի մարզաշապիկը
28.03.2017

Դիբալան պահանջում է իր պայմանագրում հատուկ կետ ներառել «Բարսելոնայի» վերաբերյալ

«Յուվենտուսի» հարձակվող Պաուլո Դիբալան շարունակում է բանակցությունները թուրինյան ակումբի հետ՝ նոր պայմանագրի կնքման շուրջ: Mundo Deportivo-ին հաջողվել է նոր մանրամասներ իմանալ բանակցությունների ընթացքից: Աղբյուրի հաղորդմամբ՝ արգենտինացի ֆուտբոլիստը ցանկանում է նոր պայմանագրի մեջ ներառել կետ, համաձայն որի նա կկարողանա որոշակի հրաժարագնի դիմաց լքել «Յուվենտուսը», եթե նրան ցանկանա գնել «Բարսելոնան»: Նշենք, որ մինչ այդ տեղեկություններ կային Դիբալայի նկատմամբ «Ռեալի» ու «Բարսելոնայի» հետաքրքրվածության մասին:
28.03.2017

Նեյմարը նշել է այն միակ ֆուտբոլիստին, որին պետք է հաղթի «Ոսկե գնդակը» նվաճելու համար

«Բարսելոնայի» բրազիլացի հարձակվող Նեյմարը խոսել է իր կարիերայի և խաղընկեր Լիոնել Մեսիի մասին: «Մեսին օգնում է ինձ ողջ այն ժամանակվա ընթացքում, ինչ «Բարսելոնայում» եմ: Դա հատկապես կարևոր էր ամենասկզբում, երբ ինձ համար շատ դժվար էր: Նա ինձ ասում էր, որ պետք է հանգստանալ՝ սեփական խաղը գտնելու համար: Այժմ մեր միջև հիանալի հարաբերություններ են: Մենք ընկերներ ենք: Ես ուրախանում եմ, երբ նա գոլ է խփում: Մենք Լուիս Սուարեսի հետ նույնպես օգնում ենք միմյանց: Կարծում եմ՝ հիմա լավագույն շրջանն է իմ կարիերայում: Ես չեմ խոսում խփած գոլերի մասին, այլ խաղի որակի: Ցանկանում եմ անել ամեն ինչ, որպեսզի օգնեմ խաղընկերներիս: «Ոսկե գնդա՞կը»: Միակ ֆուտբոլիստը, որին ես ցանկանում եմ հաղթել, ես ինքս եմ: Ռոնալդուն ու Մեսին երկու մեծ ֆուտբոլիստներ են, ովքեր բարձր մակարդակի վրա են արդեն երկար տարիներ: Ես հիանում եմ նրանցով»,-ասել է Նեյմարը As-ին:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: