Ռոնալդուն կարո՞ղ է մարզիչ դառնալ

Մադրիդի «Ռեալի» առաջատար Կրիշտիանու Ռոնալդուն World Soccer-ի հետ հարցազրույցում պատմել է, որ իր երազանքը 2-րդ անգամ անընդմեջ Չեմպիոնների լիգայի տիտղոսը նվաճելն է:

«Մենք կարող ենք հաղթել Չեմպիոնների լիգան 2 տարի անընդմեջ: Երբ դու խաղում ես «Ռեալում», դու պետք է հավատաս, որ կարող ես:

Մենք հիանալի թիմ ունենք և մարզիչ: Գիտենք, որ սա բարդ առաջնություն է և մի փոքր էլ բախտ է անհրաժեշտ մեզ և ակումբին: Ես վստահ եմ, որ մենք կարող ենք նորից հաղթել»:

Պորտուգալիայի հավաքականի ավագը նաև խոստովանել է, որ 2015/16 մրցաշրջանը լավագույնն էր իր կարիերայում:

«Անցած տարին, երևի թե լավագույն էր իմ կարիերայում, այն յուրահատուկ էր, քանի որ հաղթեցինք Պորտուգալիայի պատմության առաջին խոշոր գավաթը և «Ռեալը» հաղթեց Չեմպիոնների լիգան»:

31-ամյա հարձակվողը նշել է, որ դեռևս չի պլանավորում մարզչի գործունեություն ծավալել:

«Ես շատ եմ մտածում այդ մասին: Այս պահին չեմ ուզում մարզիչ լինել: Մի քանի տարի անց մարդիկ կասեն, որ ես համապատասխան եմ այդ պաշտոնին: Դժվար խնդիր է: Այս պահին ցանկանում եմ կենտրոնանալ ֆուտբոլի վրա: Ոչ ոք չգիտի՝ թե ապագայում ինչ կլինի: 5 կամ 6 տարուց ես կարող եմ փոխել միտքս և դառնալ մարզիչ»,-ընդգծել է Ռոնալդուն:

 

ԼՐԱՀՈՍ
* ]
ԹԵԺ ԵՎ ԲԱՑԱՌԻԿ