Այլ մարզաձևեր

21.04.2017

Հայ սամբիստները 12 մեդալ են նվաճել Եվրոպայի առաջնությունում

Պրահայում շարունակվում է սամբոյի Եվրոպայի պատանիների, աղջիկների, երիտասարդների առաջնությունը: ՀԱՕԿ լրատվական բաժնի փոխանցմամբ, առաջին մրցումային օրը  հայ սամբիստները նվաճել են հինգ մեդալ: Բորիս Շատվերյանը (75 կգ քաշային կարգ, Մ 18 տարեկաններ), հաղթելով բոլոր գոտեմարտերը, դարձել է Եվրոպայի չեմպիոն: Նարեկ Դալլաքյանն (60 կգ, Մ 18) արժանացել է արծաթե մեդալի, իսկ Վարսիկ Գրիգորյանը (52 կգ, Մ 18 ), Ֆելիքս Դանիելյանը (48 կգ, Մ 20), Վահագն Չալյանը (82 կգ, Մ 20) կանգնել են պատվո հարթակի երրորդ աստիճանին: Երկրորդ օրը հայ սամբիստները եւս 7 մեդալ նվաճեցին: Երիտասարդների պայքարում 90 կգ քաշային Գրիգոր Սահակյանը դարձավ Եվրոպայի չեմպիոն: Արծաթե մեդալի արժանացան Կարեն Հովհաննիսյանը (81 կգ քաշային կարգ, Մ 18 տարեկաններ) եւ Աննա Մկրտչյանը (+80կգ, Մ 20): Բրոնզե մեդալ նվաճեցին Գասպար Հայրապետյանը (52 կգ, Մ 18), Սերգեյ Պողոսյանը (65 կգ, Մ 18), Անի Տեր-Հարությունյանը (44 կգ, Մ 18), Արթուր Մանուկյանը (52 կգ, Մ 20): Եվրոպայի առաջնությունում Հայաստանը ներկայացնում է 19 մարզիկ: Առաջնությունը կշարունակվի մինչեւ ապրիլի 21-ը:
15.04.2017

Ստեփանակերտում ձեռքի գնդակի մարզահրապարակ է կառուցվում (լուսանկարներ)

Արցախի Հանրապետության մայրաքաղաք Ստեփանակերտում «Հայաստան» համահայկական հիմնադրամի Ֆրանսիայի տեղական մարմնի հովանավորությամբ մեկնարկել է հանդբոլի մարզահրապարակի կառուցումը, հայտնում է հիմնադրամի պաշտոնական կայքը: Ծրագիրն իրականացվում է ֆրանսիացի գործարարների ֆինանսավորմամբ: Մայրաքաղաքի կենտրոնում կառուցվող մարզահրապարակը կունենա արհեստական խոտածածկով 800քմ դաշտ, 102 նստատեղ հանդիսատեսի համար, հանդերձարաններ: Մարզահրապարակի լուսավորումն ու կահավորումը կիրականացվեն արդի պահանջներին համապատասխան: Մարզադաշտը, որտեղ կարող են անցկացվել նաեւ ֆուտբոլի մարզումներ, կսպասարկի շրջակա դպրոցների ավելի քան 3000 աշակերտի: «Անհամբեր սպասում ենք, թե երբ պատրաստ կլինի մարզակառույցը: Ֆրանսիայի հանդբոլի հավաքականը երկար տարիներ աշխարհի առաջատարն է, եւ ով գիտե, գուցե արցախցի պատանի հանդբոլիստները դառնան վաղվա չեմպիոններ»,- ասում է Հիմնադրամի Ֆրանսիայի տեղական մարմնի ատենապետ Պետրոս Թերզյանը: 2014թ.-ին էլ ֆրանսիացի գործարարների միջոցներով Հիմնադրամը մինի ֆուտբոլի դաշտ է կառուցել Մարտունու շրջանի Ճարտար քաղաքում, որտեղ իր պարապմունքներն է անցկացնում Արցախի ֆուտբոլի ուժեղագույն թիմերից մեկը՝ Ճարտարի հավաքականը: Ճարտարի մանկապարտեզը եւս ֆրանսիացի բարերարների նվերն է համայնքին:
13.04.2017

Թռիչք դեպի տիեզերք՝ 5000 եվրո մրցանակային ֆոնդով

1961թ. ապրիլի 12-ը պատմական օր էր ողջ մարդկության համար՝ առաջին անգամ մարդը թռիչք կատարեց դեպի տիեզերք: 56 տարի առաջ Յուրի Գագարինը նոր էջ բացեց տիեզերքի յուրացման տարեգրությունում: Ապրիլի 12-ը ամբողջ աշխարհում նշվում է Դեպի տիեզերք մարդու թռիչքի օր: Այդ օրվա առթիվ ակցիա է անցկացվում նաև Միջազգային տիեզերակայանում՝ International Space Station (ISS) սլոտ-խաղում: 2027 ISS-ում ընթացող ակցիայի մրցանակային ֆոնդը կազմում է 5000 եվրո, իսկ մրցանակների թիվը սահմանված է 56, կրկին տիեզերական տոնի հետ կապված: Ակցիան գործում է ապրլի 12-ից 18-ը ներառյալ: Այդ ժամկետում մասնակիցները պետք է նշված խաղում կատարեն առնվազն 50 պտույտ: Խաղարկված յուրաքանչյուր 50 պտույտի դիմաց տրվում է խաղարկության մեկ տոմս: Ի դեպ, տոմսերի քանակի սահմանափակում չկա, ինչքան շատ 50 պտույտներ կատարվեն այնքան շահելու հավանականությունը կմեծանա: Իսկ հաղթողները ընտրվելու են պատահականության սկզբունքով: 5000 եվրո մրցանակային ֆոնդը նվազման սկզբունքով բաշխվելու է 56 մասնակիցների միջև: Գումարային մրցանակները կփոխանցվեն հաղթողների խաղային հաշիվների վրա՝ իրական գումարի տեսքով: Ուղևորվեք տիեզերք՝ պտույտներ կատարելով և մրցանակներ շահելով:
31.03.2017

Գեղասահքի ԱԱ. Անաստասիա Գալուստյանը չի կարողանում Օլիմիպիական ուղեգիր նվաճել(տեսանյութ)

Հելսինկիում ընթացող մեծահասակների  գեղասահքի աշխարհի առաջնությանը այսօր կայացան պարային զույգերի որակավորման մրցումը և կանանց մենասահքի եզրափակիչ փուլը: Երեսուն զույգերի պայքարում Հայաստանը ներկայացնող Թինա Կարապետյան ու Սիմոն Սենեկալ զույգը կարճ ծրագրում վաստակեց 51.39 միավոր, տեղ չզբաղեցրեց 20 լավագույնների մեջ և եզրափակիչ չանցավ: Մենասահորդների մրցման եզրափակիչ փուլում հայ գեղասահորդուհի Անաստասիա Գալուստյանը հանդես եկավ կամավոր ծրագրում: Հայ մարզուհին հավաքեց 153,47 միավոր և հանգրվանեց 23-րդ հորիզոնականում: Իսկ առաջնության չեմպիոնի կոչումին արժանացավ Ռուսաստանը ներկայացնող մեր հայրենակից 17-ամյա Եվեգենյա Մեդվեդևա Բաբասյանը: Ավելացնենք՝ աշխարհի առաջնությանը մեր մարզիկները պայքարում էին Հարավային Կորեայի Փխենյան քաղաքում կայանալիք Օլիմպիական խաղերի ուղեգրի համար: Հայ գեղասահորդների առաջ խնդիր էր դրված ընդգրկվել 20 լավագույնների մեջ, բայց թեժ մրցակցության պայմաններում նրանց չհաջողվեց կատարել այդ առաջադրանքը: Այնուամենայնիվ պետք է ընդգծել, որ սա հայ մարզիկների վերջին հնարավորությունը չէր: Օլիմիպիական ուղեգրեր կխաղարկվեն նաև  Գերմանիայի Օբերստդորֆ քաղաքում սեպտեմբերին կայանալիք մրցաշարի ընթացքում:
30.03.2017

Գեղասահքի ԱԱ. Հայրապետյանը չի կարողանում հաղթահարել որակավորման փուլի արգելքը

Ֆինլանդիայում շարունակում է ընթանալ գեղասահքի աշխարհի առաջնությունը: Այս մրցաշարում Հայաստանը ներկայացնող 4 գեղասահորդներից այսօր սառույց դուրս եկավ Սլավիկ Հայրապետյանը: Մենասահորդների մրցմանը հայ մարզիկը գրանցեց 57.14 ցուցանիշը և չկարողացավ անցնել եզրափակիչ: Մարտի 31-ին Անաստասիա Գալուստյանը կանանց մենասահքի եզրափակչում կփորձի բարելավել որակավորման փուլում գրանցած արդյունքը և ընդգրկվել 20 լավագույնների մեջ: Այդ պարագայում հայ գեղասահորդուհին կնվաճի 2018 թվականին Հարավային Կորեայում կայանալիք ձմեռային Օլիմիպիական խաղերի ուղեգիր: Թինա Կարապետյան և Սիմոն Սենեկալ պարային զույգը նույն օրը ելույթ կունենան  պարտադիր ծրագրում:
30.03.2017

Գեղասահքի ԱԱ. Անաստասիա Գալուստյանը եզրափակչում է

Ֆինլանդիայի մայրաքաղաք Հելսինկիում մեկնարկել է գեղասահքի աշխարհի առաջնությունը: Վարկանշային այս մրցաշարում սառույցն առաջինը տրամադրվել է մենասահորդուհիներին: 37 մասնակիցների մեջ Հայաստանը ներկայացնում էր Անաստասիա Գալուստյանը: Հայ գեղասահորդուհին, կարճ ծրագրում վաստակել է 55.20 միավոր և նվաճել եզրափակչի ուղեգիր, որում մարտի 31-ին, կամավոր ծրագրում հանդես կգան 24 լավագույնները: Մարտի 30-ին տղամարդկանց պայքարում Հայաստանը ներկայացնելու է Սլավիկ Հայրապետյանը, իսկ Թինա Կարապետյանը և Սիմոն Սենեկալը իրենց ուժերը փորձելու են մարտի 31-ին պարային զույգերի մրցման պարտադիր ծրագրում: Հավելենք՝  աշխարհի առաջնությանը մեր մարզիկները պայքարում են Հարավային Կորեայի Փխենյան քաղաքում կայանալիք Օլիմպիական խաղերի վարկանիշային միավորների համար, իսկ դրա համար նրանց առջև խնդիր է դրված ընդգրկվել 20 լավագույնների մեջ:
28.03.2017

Օգնենք Լիլիթ Պողոսյանին իրականացնել իր Օլիմպիական երազանքը

Հայաստանի բադմինթոնի թիվ մեկ ռակետ 20-ամյա Լիլիթ Պողոսյանը, մեջքով կանգնած դժվարություններին, ամեն օր արթնանալիս մտածում է, որ նոր օրը մեկ այլ շանս է Օլիմպիական խաղերի երկար ու ձիգ ճանապարհի գոնե մեկ խաչմերուկը հաղթահարելու համար: Հայաստանի 8-ակի չեմպիոնուհին ներկայումս հանդիսանում է ամենատարեց հայ բադմինթոնիստուհին, ինչո՞ւ, քանի որ նա երբեք չի հանձնվել, Լիլիթին չեն վախեցրել այն հանգամանքները, որ Հայաստանում բադմինթոնը զարգացած չէ, չկան միջազգային մակարդակներին համապատասխանող պայմաններ և անհրաժեշտ ֆինանսավորում: Երիտասարդ մարզուհուն հետ չի պահում նաև այն կարծիքները, որ նա զուր ժամանակ է վատնում և, ի վերջո, այս ամենը նրան կոտրելու է: Լիլիթի ընտանիքը  առաջնությունների մասնակցության բոլոր ծախսերը հոգացել է սեփական միջոցներով, իսկ այժմ Պողոսյանների ընտանիքի ներկայացուցիչը, ինչպես երբևէ, մոտ է Օլիմպիական խաղերի ուղեգիր նվաճելուն: Լիլիթը շարունակում է ջանքեր չխնայել Լիլիթի տաղանդն ու անսպառ աշխատասիրությունը չի վրիպել Եվրոպայի կոնֆեդերացիայի աչքից և ՀՀ առաջատար բադմինթոնիստուհին ընդգրկվել է ողջ Եվրոպայից այն 24 մարզիկների ցուցակում, որոնք այս տարվա սեպտեմբերից համատեղ կսկսեն նախապատրաստվել Տոկիո-2020-ին: ՀՀ առաջնությունների ռեկորդակիրը այս հավաքի ընթացքում հնարավորություն կստանա աշխատել եվրոպացի բարձրակարգ մարզիչների հետ և այդ ընթացքում մասնակցել բազմաթիվ միջազգային մրցաշարերի: Այնուամենայնիվ ամեն ինչ այդքան հեշտ չէ, որքան թվում է. «Բանն այն է՝ ես զգում եմ, որ ընդունակ եմ ավելիին: Ես կարող եմ գերազանցել իմ հնարավորությունների սահմանները, քանի որ գիտեմ, որ կարող եմ հայտնվել հաջողության գագաթին: Սակայն նպատակներիս հասնելու համար  պետք է ամեն ամիս 600 եվրո վճարեմ հավաքի կազմակերպիչներին բնակության և սննդի ծախսերը հոգալու համար: Այդ պատճառով ես ձեր օգնության կարիքը ունեմ: Օգնելով ինձ՝ դուք նաև ձեր մասնակցությունը կունենաք մի պատմական գործում. Ես կարող եմ դառնալ առաջին բադմինթոնիստուհին, ով կներկայացնի Հայաստանը Օլիմպիադայում»,-գրել է Լիլիթը: Վենեսուելացի դահուկորդ Ադրիան Սոլանոն դրամահավաքի միջոցով կարողացավ առաջին անգամ սահել իրական ձյան վրա, թեև 40 րոպե ավելի ուշ հասավ եզրագծին, քան մրցակիցները: Նույնիսկ Ավստրալիայի նման զարգացած երկրի հանդբոլի թիմն էր Ռիո-2016-ի ճանապարհածախսը հավաքել համացանցային նվիրատվությունների միջոցով: Ամերիկացի ըմբիշ Քայլ Սնայդերը Ռիո դե Ժանեյրոյում հայտնվելու համար հավաքագրել էր ավելի քան 25 000 ԱՄՆ դոլար: Վենեսուելացի դահուկորդ Ադրիան Սոլանոն դրամահավաքի միջոցով կարողացավ առաջին անգամ սահել իրական ձյան վրա, թեև 40 րոպե ավելի ուշ հասավ եզրագծին, քան մրցակիցները: Բայց նույնիսկ նրա երազանքը մարդիկ դարձրեցին իրականություն: Մենք կարող ենք համալրել այս ցանկը հայ ժպտերես մարզուհով, ով, վստահաբար, ուղղակի մասնակցության համար չի մեկնելու մրցաշարերի, այլ նաև արդյունքների ու հայոց եռագույնի ծածանման: Բոլորս էլ կարող ենք մեր ներդրումն ունենալ, ինչպես Լիլիթն է ասում, պատմությունը կերտելու գործում: Պարզապես պետք է անցնել այս հղումով և  խոշոր կամ թեկուզ աննշան գումարով օգնել հայ մարզուհուն: Իսկ նա փոխարենը խոստանում է ուրախացնել հայ հանդիստատեսին իր նվաճումներով: Լիլիթ Պողոսյանի հետ ծավալուն հարցազրույցը կարող եք կարդալ VMAG ամսագրի նոր համարում, որը կարող եք անվճար ձեռք բերել քաղաքի լավագույն սրճարաններից: Լիանա Մկրտչյան
23.03.2017

Գեղասահքի ԱԱ. Հայաստանը կներկայացնի 4 գեղասահորդ

Մարտի 29-ին Ֆինլանդիայի մայրաքաղաք Հելսինկիում կմեկնարկի Աշխարհի առաջնությունը: Այս մրցաշարին տղամարդկանց պայքարում Հայաստանը կներկայացնի Սլավիկ Հայրապետյանը, Թինա Կարապետյանը և Սիմոն Սենեկալը իրենց ուժերը կփորձեն պարային զույգերի մրցմանը, իսկ Անաստասիա Գալուստյանը հանդես կգա կանանց պայքարում: «Աշխարհի առաջնությունն առաջին որակավորման մրցումն է՝ Կորեայի Օլիմպիական խաղերից առաջ: Այդ մրցաշարին շատ լուրջ եմ մոտենում և գիտակցում եմ, որ պետք է քամեմ վերջին ուժերս: Կարծում եմ, որ հիմա յուրաքանչյուր մարզիկ էլ պայքարում է Օլիմպիական խաղերին մասնակցելու համար: Չէ՞ որ գրեթե մի տարի է մնացել»,-ասաց Անաստասիա Գալուստյանը Vivaronews-ի թղթակցի հետ զրույցում: Նշենք՝ Աշխարհի առաջնությանը մեր մարզիկները կպայքարեն օլիմպիական վարկանիշի համար, իսկ  դրա համար անհրաժեշտ է ընդգրկվել 20 լավագույնների մեջ:
20.03.2017

Մարզական ակումբների ամենահարուստ սեփականատերերի տասնյակը

Forbes-ը ներկայացրել է մարզական ակումբների ամենահարուստ սեփականատերերի տասնյակը: 1) Սթիվ Բալմեր, մաքուր ակտիվները՝ 30 միլիարդ դոլար, թիմը՝ «Լոս Անջելես Կլիպերս» (բասկետբոլ). 2) Մուկեշ Ամբանի, մաքուր ակտիվները՝ 23,2 միլիարդ դոլար, թիմը՝ «Մումբաի Ինդիանս» (կրիկետ). 3) Պոլ Ալեն, մաքուր ակտիվները՝ 19,9 միլիարդ դոլար, թիմերը՝ «Սիեթլ Սիհոկս» (ամերիկյան ֆուտբոլ), «Պորտլենդ Տրեյլ Բլեյզերս» (բասկետբոլ). 4) Դիտրիխ Մատեշից, մաքուր ակտիվները՝ 13,4 միլիարդ դոլար, թիմերը՝ «Նյու Յորք Ռեդ Բուլ» (ֆուտբոլ), «Ռեդ Բուլ Ռեյսինգ» և «Ակուդերիա Տորո Ռոսո» (ավտոարշավներ). 5) Ֆիլիպ Անշուտց, մաքուր ակտիվները՝ 12,5 միլիարդ դոլար, թիմերը՝ «Լոս Անջելես Լեյքերս» (բասկետբոլ), «Լոս Անջելես Գելաքսի» (ֆուտբոլ). 6) Հասսո Պլատներ(ազգականների հետ միասին), մաքուր ակտիվները՝ 11,2 միլիարդ դոլար, թիմը՝ «Սան Խոսե Շարկս» (հոկեյ). 7) Ռոման Աբրամովիչ, մաքուր ակտիվները՝ 9,1 միլիարդ դոլար, թիմը՝ «Չելսի» (ֆուտբոլ). 8) Միխայիլ Պրոխորով, մաքուր ակտիվները՝ 8,9 միլիարդ դոլար, թիմը՝ «Բրուքլին Նեթս» (բասկետբոլ). 9) Շահիդ Խան, մաքուր ակտիվները՝ 8,2 միլիարդ դոլար, թիմը՝ «Ջեքսոնվիլ Ջեգուարս» (ամերիկյան ֆուտբոլ). 10) Միկի Արիսոն, մաքուր ակտիվները՝ 8,1 միլիարդ դոլար, թիմը՝ «Մայամի Հիթ» (բասկետբոլ).
15.03.2017

Խելահեղ ծեծկռտուք Ֆրանսիայի ցածր դիվիզիոններից (տեսանյութ)

Ռեգբիի Ֆրանսիայի սիրողական լիգաներից մեկում երկու թիմերի մարզիկներ խաղային դրվագը վերածեցին մեծ ծեծկռտուքի.
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: