Ինչ մարտավարությամբ է «Ռեալը» հաղթել «Բարսային»

Հեղինակավոր As պարբերականը իր ընթերցողներին է ներկայացրել Մադրիդի «Ռեալի» գլխավոր մարզիչ Զինեդին Զիդանի և իր մարզչական խմբի մարտավարությունը, որով «Արքայական» ակումբը հաղթել է «Բարսելոնային» շաբաթ օրը կայացած Էլ կլասիկոյում:

el classico tactic

Լուսանկարը գրեթե անընթեռնելի է, սակայն հստակ երևում է, որ մադրիդյան ակումբը շեշտը դրել էր պրեսինգի վրա, ինչպես նաև «Ռեալի» ֆուտբոլիստներին հանձնարված էր գնդակը անընդհատ միմյանց փոխանցել:

Այնուամենայնիվ, Զիդանի թիմի գլխավոր նպատակներից մեկն էր չեզոքացնել «Բարսելոնայի» կիսապաշտպանությունը (Ինեստա, Ռակիտիչ), որից հետո էլ կատալոնական ակումբը փորձում էր գրոհներ կազմակերպել աջ և ձախ թևերում, որտեղ գործում էին Կարվախալը և Մարսելոն՝ տարածություն չտրամադրելով Ալբային և Ալվեսին: Իսկ Ռամոսը և Պեպեն հետ էին մղում Մեսիին և Նեյմարին:

Նման մարտավարական մոտեցումը պահանջում էր, որ Կազեմիրոն ետ քաշվի և գործի որպես 4-րդ պաշտպան:

Սակայն հիմնական խնդիրը, որ դրված է «Սերուցքայինների» առաջ՝ Մեսիի առաջխաղացումները կանգնեցնելն էր : Զիդանը հանձնարարել էր «Ռեալի» ֆուտբոլիստների զգոն լինել Լուիս Սուարեզի նկատմամբ և թույլ չտալ Մեսիի ուղղությամբ կտրող փոխանցումներ կատարել:

Գրեթե բոլոր այս պահանջները իրականացրել են մադրիդյան ակումբի ֆուտբոլիստները, քանի որ «Ռեալին» հաջողվեց գերազանցել «Բարսելոնային»՝ Բենզեմայի և Ռոնալդուի գոլերի շնորհիվ:

ԼՐԱՀՈՍ
* ]
ԹԵԺ ԵՎ ԲԱՑԱՌԻԿ