Չեմպիոնների լիգա

21.03.2017

Պյանիչ. «Չեմ կարծում՝ «Բարսելոնան» ցանկանում էր «Յուվենտուսի» պես մրցակից ունենալ»

«Յուվենտուսի» կիսապաշտպան Միրալեմ Պյանիչը պատմել է Չեմպիոնների լիգայի գավաթի խաղարկության քառորդ եզրափակչում «Բարսելոնայի» հետ դիմակայությունից ունեցած սպասելիքների մասին: «Մենք հարգանքով ենք վերաբերվում «Բարսելոնային», բայց պատրաստվում ենք խնդիրներ ստեղծել նրանց համար: Եթե «Յուվենտուսը» մտադիր է հաղթել Չեմպիոնների լիգայում, ապա ոչինչ չի մնում անել, քան հաղթել մրցաշարի գլխավոր ֆավորիտներից մեկին: Մենք հնարավորություններ կփնտրենք՝ նրանց պարտության մատնելու համար: Չեմ կարծում՝ «Բարսելոնան» ցանկանում էր «Յուվենտուսի» պես մրցակից ունենալ»,- ասել է Պյանիչը: «Յուվենտուս» - «Բարսելոնա» առաջին հանդիպումը տեղի կունենա ապրիլի 11-ին, իսկ պատասխան խաղը՝ ապրիլի 19-ին:
21.03.2017

Բուֆոնը ժամանակին մոտ է եղել «Բարսելոնա» տեղափոխվելուն

«Յուվենտուսի» լեգենդար դարպասապահ Ջանլուիջի Բուֆոնի գործակալ Սիլվանո Մարտինան «Բարսելոնայի» հետ հանդիպմանն ընդառաջ պատմել է, որ ֆուտբոլիստը դեռ 2001թ. շատ մոտ է եղել կատալոնական ակումբ տեղափոխվելուն: «Այո, նա շատ մոտ էր: «Պարմայի» ու «Բարսելոնայի» միջև համաձայնություն կար, բայց նա ընտրեց «Յուվենտուսը»,-պատմել է գործակալը: Նշենք, որ դիմակայության առաջին խաղը տեղի կունենա ապրիլի 11-ին Թուրինում:
19.03.2017

Դիբալան վնասվածք է ստացել և կարող է բաց թողել «Բարսելոնայի» դեմ խաղը

«Յուվենտուսի» հարձակվող Պաուլո Դիբալան վնասվածք է ստացել Իտալիայի առաջնության 29-րդ տուրի «Սամպդորիայի» (0-1) դեմ հանդիպման ժամանակ և ստիպված է եղել լքել խաղադաշտը հանդիպման 27-րդ րոպեին: Ինչպես տեղեկացնում են իտալական լրատվամիջոցները, արգենտինացին մկանային վնասվածք է ստացել, սակայն Դիբալան խաղընկերներին հայտնել է, որ իր վնասվածքը այդքան լուրջ չէ: Ֆուտբոլիստի մասնակցությունը Արգենտինայի հավաքականի առաջիկա խաղերին Չիլիի և Բոլիվիայի դեմ հարցականի տակ է: Մտավախություն կա նաև, որ հարձակվողը կարող է բաց թողել Չեմպիոնների լիգայի 1/4  եզրափակչի «Բարսելոնայի» դեմ հանդիպումը, որը կկայանա ապրիլի 11-ին Թուրինում: Վաղը Դիբալան բուժզննում կանցնի, որից հետո պարզ կդառնա վնասվածքի լրջությունը:
19.03.2017

«Ռեալի», «Բարսելոնայի», «Բավարիայի» ու «Յուվենտուսի» չստացված ձկնորսությունը (ծաղրանկար)

Ներկայացնում ենք հերթական ծաղրանկարը Չեմպիոնների լիգայի քառորդ եզրափակիչի վիճակահանության վերաբերյալ: http://www.vivaronews.am/chempionneri-ligayi-kharord-ezraphakich-momanii-tcaghrankareh
19.03.2017

Չեմպիոնների լիգայի քառորդ եզրափակիչ. Մոմանիի ծաղրանկարը

Goal.com-ի ծաղրանկարիչ Օմար Մոմանին անդրադարձել է Չեմպիոնների լիգայի քառորդ եզրափակիչի վիճակահանությանը: Հիշեցնենք, որ վիճակահանության արդյունքներով միմյանց դեմ մրցելու են հետևյալ զույգերը. «Ատլետիկո Մադրիդ» - «Լեսթեր» «Բորուսիա Դորտմունդ» - «Մոնակո» «Բավարիա» - «Ռեալ Մադրիդ» «Յուվենտուս» - «Բարսելոնա»
18.03.2017

Լամ. «Մենք գիտենք՝ ինչպես պետք է գոլեր խփել Մադրիդում»

Մյունխենի «Բավարիայի» պաշտպան Ֆիլիպ Լամը մեկնաբանել է Չեմպիոնների լիգայի վիճակահանությունը և Մադրիդի «Ռեալի» հետ առաջիկա մրցավեճը: «Շատ լավ վիճակահանություն է, իսկական դասական եվրոպական դիմակայություն է մեզ սպասում: Վերջին տարիներին հետաքրքիր հանդիպումներ ենք ունեցել «Ռեալի» հետ և՛ տանը, և՛ Մադրիդում: Հիանալի կլինի «Սանտիագո Բեռնաբեու» մարզադաշտում ևս մեկ հանդիպում անցկացնելը: Այնտեղ միշտ հրաշալի մթնոլորտ է տիրում: Կարծում եմ՝ տարբերություն չկա, սկզբից տանն ես խաղում, թե դրսում: Գոլ խփելը հյուրընկալվելիս շատ բան կարող է փոխել: Մենք ուժեղ թիմ ունենք: Մյունխենում պետք է լավ արդյունք գրանցենք և մենք գիտենք, թե ինչպես պետք է գոլեր խփել Մադրիդում»-«Բավարիայի» պաշտոնական կայքն է փոխանցում Լամի խոսքերը:
18.03.2017

Խենթության 2 շաբաթ. Ինչ հանդիպումներ են սպասվում ապրիլին

Իսպանական Marca-ն Չեմպիոնների լիգայի 1/4 եզրափակչի վիճակահանությունից հետո կազմել է ապրիլ ամսվա հանդիպումների ժամանակացույցը։ Այսպես, ապրիլի 11-23-ը իսպանական ֆուտբոլի երկրպագուներին սպասվում է ֆանտաստիկ հանդիպումների շարք՝ թե Չեմպիոնների լիգայում, թե Լա Լիգայում։ Ներկայացնում ենք նաև իսպանական երեք գրանդների գրաֆիկն առանձին.
17.03.2017

Լամ. «Բավարիան» գոհ է վիճակահանությունից»

«Բավարիայի» ավագ Ֆիլիպ Լամը խոսել է Չեմպիոնների լիգայի քառորդ եզրափակիչում Մադրիդի «Ռեալի» հետ դիմակայության մասին: «Առաջին անգամ չէ, որ մենք մրցելու ենք «Ռեալի» հետ: «Բավարիան» գոհ է վիճակահանությունից ու անհամբերությամբ սպասում է հանդիպմանը, հատկապես «Սանտիագո Բեռնաբեուում» կայանալիք խաղին»,- գրել է Լամն իր թվիթերյան էջում: Նշենք, որ թիմերի միջև առաջին խաղը կայանալու է ապրիլի 12-ին Մյունխենում, իսկ պատասխան խաղը՝ ապրիլի 18-ին Մադրիդում:
17.03.2017

Բոատենգ. «Բավարիա» – «Ռեալ» խաղը Չեմպիոնների լիգայի վաղաժամ եզրափակիչ է»

«Բավարիայի» պաշտպան Ժերոմ Բոատենգը խոսել է Չեմպիոնների լիգայի քառորդ եզրափակիչում Մադրիդի «Ռեալի» հետ դիմակայության մասին: «Քառորդ եզրափակիչի թոփ խաղն է, կարելի է ասել՝ վաղաժամ եզրափակիչը: Մենք երկու խաղում էլ պետք է լավագույն որակները ցուցաբերենք, որպեսզի հաջորդ փուլի ուղեգիր նվաճենք: Կարծում եմ՝ «Ռեալը» ևս չի ցնծում այս վիճակահանությունից: Երկու թիմն էլ շատ մեծ հեղինակություն ունեն: Շանսերը 50:50 են»,- ասել է Բոատենգը:
17.03.2017

Զիդան. «Ծիծաղում եմ, երբ մարդիկ խոսում են «կեղծ» վիճակահանության մասին»

Մադրիդի «Ռեալի» գլխավոր մարզիչ Զինեդին Զիդանը մեկնաբանել է Չեմպիոնների լիգայի գավաթի խաղարկության քառորդ եզրափակչում Մյունխենի «Բավարիայի» հետ հանդիպելու փաստը: «Ծիծաղում եմ, երբ մարդիկ խոսում են «կեղծ» վիճակահանության մասին, թե ամեն բան նախօրոք պլանավորված է: «Բավարիայի» հետ հեշտ հանդիպումներ չեն սպասվում, քանի որ այն շատ ուժեղ մրցակից է: Թեև դեռևս չեմ խոսել Կառլո Անչելոտիի հետ, բայց չեմ կարծում, թե նրանք վախենում են մեզանից: Նույնը վերաբերվում է նաև մեզ: Կասկած չկա, որ դիտարժան խաղերի ենք ականատես լինելու: Ես շատ բան եմ սովորել Կառլոյից, նա լավ մարդ է, մենք բոլորս գիտենք, թե նա ինչպիսի աշխատանք է կատարել «Ռեալում»: Կարծում եմ՝ հաջորդ փուլ դուրս գալու հնարավորությունները 50-50 են: Մենք լավ ենք ճանաչում միմյանց, բայց այսպիսի խաղերում ամեն բան հնարավոր է»,- ասել է Զիդանը: http://www.vivaronews.am/ancheloti-reali-het-dimakayuthyuneh-shat-motivacnogh-e
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: