Չեմպիոնների լիգա

24.05.2017

Հայտնի է՝ որ համազգեստով «Ռեալը» կխաղա ՉԼ եզրափակչում (լուսանկար)

Չեմպիոնների լիգայի եզրափակիչ խաղում Մադրիդի «Ռեալը» կխաղա արտագնա խաղերի համազգեստով: Մադրիդցիները կխաղան մանուշակագույն մարզահագուստով, իսկ «Յուվենտուսը»` իր տնային սև ու սպիտակ համազգեստով: Մարզաշապիկների վրա տպագրված  կլինի եզրափակիչ խաղի անցկացման վայրն ու տարեթիվը, ինչպես նաև մրցող թիմերի անունները:   Real Madrid usará o uniforme alternativo na decisão. Juve (que estava de azul no último título, em 96) vai com a camisa tradicional pic.twitter.com/GOb6Ar521M — Leonardo Bertozzi (@lbertozzi) 24 мая 2017 г.
19.05.2017

Անչելոտի. «Ամբողջ աշխարհը տեսավ, որ «Ռեալը» «Բավարիային» հաղթեց անարդարացի»

Հունիսի 3-ին կկայանա Չեմպիոնների լիգայի 2016/17 խաղարկության եզրափակիչ հանդիպումը «Յուվենտուսի» և Մադրիդի «Ռեալի» միջև: Սակայն Մյունխենի «Բավարիայի» գլխավոր մարզիչ Կառլո Անչելոտին մինչև օրս չի կարողանում հաշտվել քառորդ եզրափակչում գերմանական թիմի պարտության հետ: «Ռեալ Մադրիդ»-«Բավարիա» խաղում գլխավոր մրցավարի որոշումները քննարկումների մեծ ալիք բարձրացրին. Կրիշտիանու Ռոնալդուն 2 գոլ հեղինակեց խաղից դուրս վիճակից, իսկ մյունխենցիների կիսապաշտպան Արտուրո Վիդալը շատերի կարծիքով անարդարացի ստացավ 2-րդ դեղին քարտը և հեռացվեց խաղադաշտից: «Դա անարդարություն էր: «Ռեալի» հաղթանակը «Բավարիայի» նկատմամբ կգրվի պատմության մեջ, ամբողջ աշխարհը տեսավ, թե ինչ կատարվեց Մադրիդում: Այդպես այլևս չի կարող լինել, արդեն ժամանակն է կիրառել կրկնապատկերներ: Եզրափակիչ խաղը կդիտեմ մեծ հետաքրքրությամբ, իսկ կերկրպագեմ գեղեցիկ ֆուտբոլին: Կցանկանայի տեսնել Բուֆոնի հաղթանակը, նա իմ ամենասիրելի ֆուտբոլիստներից մեկն է: Այդ տիտղոսը կնշանավորի նրա փառահեղ կարիերան»,-Marca-ն է փոխանցում Անչելոտիի խոսքերը:
19.05.2017

«Յուվեի» և «Ռեալի» խաղը կլինի 8-րդը. Ինչպե՞ս են ավարտվել ՉԼ եզրափակիչները՝ Իտալիայի և Իսպանիայի թիմերի միջև

Չեմպիոնների լիգայի գավաթի 2016/17թթ. խաղարկության եզրափակչին շատ ժամանակ չի մնացել: «Յուվենտուսը» և Մադրիդի «Ռեալը» հունիսի 3-ին Քարդիֆում կվիճարկեն Եվրոպայի ուժեղագույն թիմի կոչումը: Սա իտալական և իսպանական ակումբների 8-րդ դիմակայությունը կլինի նախկին Չեմպիոնների գավաթի, ներկայիս՝ Չեմպիոնների լիգայի գավաթի խաղարկության եզրափակչի շրջանակներում: Առայժմ առավելությունը Պիրենեյան թերակղզու ակումբների կողմն է՝ 5-2: VivaroNews.am-ը եվրոպական ակումբային ամենահեղինակավոր մրցաշարի եզրափակչին ընդառաջ առաջարկում է վերհիշել իտալա-իսպանական բոլոր հանդիպումները ՉԼ եզրափակիչներում՝ ժամանակագրական հաջորդականությամբ: 1956/57թթ. խաղարկություն, Չեմպիոնների գավաթ «Ռեալ Մադրիդ» 2-0 «Ֆիորենտինա» Գոլերը՝ Ալֆրեդո դի Ստեֆանո (11մ), Ֆրանսիսկո Խենտո 1957/58թթ. խաղարկություն, Չեմպիոնների գավաթ «Ռեալ Մադրիդ» 3-2 «Միլան» (լր. ժ.) Գոլերը՝ Ալֆրեդո դի Ստեֆանո, Էկտոր Ռիալ, Ֆրանսիսկո Խենտո (լր. ժ.) - Խուան Ալբերտո Շիաֆինո, Էռնեստո Գրիլյո
18.05.2017

Անտուան Գրիզման. «Յուվենտուսը» կհաղթի Չեմպիոնների լիգան, իսկ Բուֆոնը կստանա «Ոսկե գնդակը»

Մադրիդի «Ատլետիկոյի» հարձակվող Անտուան Գրիզմանը վստահ է, որ այս տարի Չեմպիոնների լիգայում կհաղթի «Յուվենտուսը», իսկ թիմի դարպասապահ Ջանլուիջի Բուֆոնը կստանա «Ոսկե գնդակը»: «Յուվենտուսը» կհաղթի Չեմպիոնների լիգան, իսկ Բուֆոնը կստանա «Ոսկե գնդակը: Եզրափակիչում պարտություն կրելը շատ ցավալի է, քանի որ մինչ այդ մտածում ես, թե ինչպես ես բարձրացնելու գավաթը, բայց հետո պարտվում ես ու դա շատ ծանր է»,- ասել է Գրզիմանը: Հիշեցնենք, որ Չեմպիոնների լիգայի եզրափակիչը կկայանա հունիսի 3-ին Կարդիֆում: Եզրափակիչ խաղում կհանդիպեն Թուրինի «Յուվենտուսը» և Մադրիդի «Ռեալը»:  
14.05.2017

12 ակումբներ արդեն ապահովել են տեղը Չեմպիոնների լիգա-2017/18-ի խմբային փուլում

Երեկ՝ մայիսի 13-ին, հայտնի դարձավ, որ պորտուգալական «Պորտուն» երաշխավորել է իր տեղը Չեմպիոնների լիգայի գավաթի 2017/18թթ. խաղարկության խմբային մրցաշարում: Այդպիսով, արդեն 12 ակումբներ ապահովել են իրենց տեղը մրցաշարի խմբային փուլում: Իսպանիայից եվրոպական ակումբային ամենահեղինակավոր ակումբային մրցաշարին խմբային փուլից կմասնակցեն Մադրիդի «Ռեալը» և «Բարսելոնան», Գերմանիայից՝ «Բավարիան» ու «Լայպցիգը», Անգլիայից՝ «Չելսին» ու «Տոտենհեմը», Պորտուգալիայից՝ «Բենֆիկան» և «Պորտուն», Ֆրանսիայից՝ «Մոնակոն», Ռուսաստանից՝ «Սպարտակը», Ուկրաինայից՝ «Շախտյորը», Շվեյցարիայից՝ «Բազելը»:  
13.05.2017

Ալեգրի. «Նա արժանի է «Ոսկե գնդակին», նույնիսկ առանց Չեմպիոնների լիգայի տիտղոսի»

«Յուվենտուսի» գլխավոր մարզիչ Մասիմիլիանո Ալեգրին գտնում է, որ «ծեր սինյորայի» 39-ամյա դարպասապահ Ջանլուիջի Բուֆոնը արժանի է «Ոսկե գնդակ» մրցանակին, նույնիսկ առանց Չեմպիոնների լիգայի տիտղոսը նվաճելու: «Վերջերս մի հոդված կարդացի, որտեղ ասվում էր, որ եթե մենք հաղթենք Չեմպիոնների լիգան, ապա Բուֆոնը կդառնա «Ոսկե գնդակը» հաղթելու գլխավոր հավակնորդը: Նա արժանի է այդ մրցանակին, անկախ այն ամենից, ինչ կկատարվի Քարդիֆում: Բուֆոնը շատ նվաճումների է հասել և դեռ շատ բանի է հասնելու»,-շեշտել է Ալեգրին: «Յուվենտուս»-«Ռեալ Մադրիդ» եզրափակիչ հանդիպումը կկայանա հունիսի 3-ին Քարդիֆում:
13.05.2017

«Յուվենտուսի» ֆուտբոլիստը կարող է բաց թողել «Ռեալի» դեմ խաղը

«Յուվենտուսի» կիսապաշտպան Սամի Խեդիրան, որը վնասվածք էր ստացել Չեմպիոնների լիգայի կիսաեզրափակչի «Մոնակոյի» դեմ պատասխան հանդիպման ժամանակ, կարող է բաց թողել ՉԼ-ի եզրափակիչ հանդիպումը «Ռեալի» դեմ: «Խեդիրայի մասնակցությունը Իտալիայի գավաթի եզրափակչին բացառված է: Մենք շարունակում ենք հետևել նրա առողջական վիճակին: Տեսնենք՝ կկարողանա Խեդիրան մասնակցել Չեմպիոնների լիգայի եզրափակչին»,-Goal-ն է փոխանցում թուրինյան ակումբի գլխավոր մարզիչ Մասիմիլիանո Ալեգրիի խոսքերը: Այսպիսով, գերմանացին բաց կթողի Իտալիայի գավաթի եզրափակիչը «Լացիոյի» դեմ, ինչպես նաև չի կարողանա օգնել թիմին Ա Սերիայի 2 հանդիպմանը, այդ թվում՝ «Ռոմայի» հետ դիմակայությանը:
12.05.2017

Գերմանացի մրցավարները կսպասարկեն Չեմպիոնների լիգայի եզրափակիչը, իսկ սլովենացիները՝ Եվրոպա լիգան

ՈՒԵՖԱ-ն նշանակել է Չեմպիոնների լիգայի և Եվրոպա լիգայի եզրափակիչների մրցավարներին: Չեմպիոնների լիգան, որը կկայանա հունիսի 3-ին Կարդիֆում «Յուվենտուսի» և «Ռեալի» միջև, կդատի գերմանական մրցավարական բրիգադը Ֆելիքս Բրիխի գլխավորությամբ: Եվրոապա լիգայի եզրափակիչը «ՄՅՈՒ»-ի և «Այաքսի» միջև վստահվել է սլովենացի Դամիր Սկոմինային:  
12.05.2017

Հայտնի է Չեմպիոնների լիգայի շաբաթվա լավագույն ֆուտբոլիստի անունը

«Յուվենտուսի» պաշտպան Դանի Ալվեսը, որը «Մոնակոյի» դեմ պատասխան խաղում մեկական գոլի և գոլային փոխանցման հեղինակ էր դարձել, ՈՒԵՖԱ-ի պաշտոնական կայքում անցկացված քվեարկության արդյունքում ճանաչվել է շաբաթվա լավագույն ֆուտբոլիստ: 34-ամյա ֆուտբոլիստը Չեմպիոնների լիգայի ընթացիկ խաղարկությունում 3 գոլի հեղինակ է դարձել, նախկինում բրազիլիացին նման արդյունավետություն չէր գրանցել: Շաբաթվա լավագույն ֆուտբոլիստի կոչման համար պայքարում էր նաև Մադրիդի «Ռեալի» կիսապաշտպան Իսկոն, որը մադրիդցիների կազմում միակ գնդակը ուղարկեց «Ատլետիկոյի» դարպասը:
12.05.2017

4 տարի անց առաջին անգամ եվրոգավաթներից մեկը կհաղթի ոչ իսպանական ակումբ

Այս տարի ընդամենը մեկ իսպանական ակումբ է դուրս եկել եվրոգավաթների եզրափակիչ: Չեմպիոնների լիգայի գավաթը այս տարի կվիճարկեն «Ռեալն» ու «Յուվենտուսը», իսկ ահա Եվրոպա լիգայի եզրափակչում կհանդիպեն «Մանչեսթեր Յունայթեդը» և «Այաքսը»: Այսպիսով, 4 տարի անց առաջին անգամ եվրոգավաթներից մեկը կհաղթի ոչ իսպանական ակումբ: Այս տարիների ընթացքում «Ռեալն» (2014,2016) և «Բարսելոնան» (2015) հաղթում էին ՉԼ-ում, իսկ ահա Եվրոպա լիգայում իշխում էր «Սեվիլյան» (2014-16): Վերջին ակումբը ոչ Իսպանիայից, որին հաջողվել է հաղթել եվրոպական ակումբային գավաթ, եղել է «Բավարիան» (2013 Եվրոպայի սուպերգավաթը):
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: