Չեմպիոնների լիգա

24.12.2016

Չեմպիոնների լիգայի մրցաշրջանի հայտնությունների խորհրդանշական հավաքականը

ՈՒԵՖԱ-ն ներկայացրել է Չեմպիոնների լիգայի ընթացիկ մրցաշրջանի հայտնությունների խորհրդանշական հավաքականը.
24.12.2016

Ինչքան պարգևավճար կստանան «Ռեալի» ֆուտբոլիստներին ֆանտաստիկ տարվա համար

Մադրիդի «Ռեալի» ֆուտբոլիստները տարվա ընթացքում երեկ տիտղոսներ նվաճելու համար մեծ պարգևավճարներ կստանան, հայտնում է Marca-ն: Աղբյուրի փոխանցմամբ` «Ռեալի» յուրաքանչյուր ֆուտբոլիստ կստանա 1 մլն 110 հազար եվրո: Դրանից 700 հազարը` Չեմպիոնների լիգան հաղթելու համար է, 260 հազարը` ՈՒԵՖԱ-ի Սուպերգավաթը և Աշխարհի ակումբային գավաթը նվաճելու համար, իսկ մնացածը Իսպանիայի գավաթի նախորդ մրցաշրջանի համար: Չնայած թիմը Չերիշևի հետ կապված միջադեպի արդյունքում դուրս մնաց պայքարից, բայց Ֆլորենտինո Պերեսը որոշել էր պարգևատրել թիմին: Բացի այդ, բոլոր ֆուտբոլիստները ստացել էին մեկական Audi մակնիշի ավտոմեքենա:
14.12.2016

Չեմպիոնների լիգայի խմբային փուլի խորհրդանշական հավաքականը

ՈՒԵՖԱ-ի պաշտոնական կայքը հրապարակել է Չեմպիոնների լիգայի խմբային փուլի խորհրդանշական հավաքականը:
14.12.2016

Պաշտոնական. ՈՒԵՖԱ-ն փոփոխության ենթարկեց Չեմպիոնների լիգայի խմբային փուլի խաղերի անցկացման ժամերը

ՈՒԵՖԱ-ն որոշում է կայացրել փոփոխել Չեմպիոնների լիգայի խմբային փուլի խաղերի անցկացման ժամերը: Ըստ նոր որոշման, 2018-2021թ. Չեմպիոնների լիգայի խմբային փուլի հանդիպումներից 2-ը կսկսվեն ժամը 19:00 (CET), այսինքն Երևանի ժամանակով (21:00 կամ 22:00), իսկ ահա մնացած 6 հանդիպումները տեղի կունենան 21:00 (CET), Երևանի ժամանակով (23:00 կամ 00:00): Նաև ՈՒԵՖԱ-ն ընդունել է նոր ձևաչափ, որի համաձայն Եվրոպա լիգայի որակավորման փուլում հայտնվել է Չեմպիոնների ուղին իրենց երկրների չեմպիոնների համար, ովքեր դուրս են մնացել Չեմպիոնների լիգայի որակավորման փուլից:  
14.12.2016

Էմերի. «ՊՍԺ-ն «Բարսելոնայի» հետ պայքարում հաղթելու հնարավորություն ունի»

ՊՍԺ-ի գլխավոր մարզիչ Ունայ Էմերին խոսել է Չեմպիոնների լիգայի 1/8 եզրափակիչում կատալոնական «Բարսելոնայի» հետ դիմակայության մասին: «Ես գիտեի, որ մենք մի շարք տարբերակներ ունենք 1/8 եզրափակիչում, գիտեի նաև, որ մրցակիցները շատ բարձր մակարդակի են: «Բարսելոնան» շատ ծանոթ է ՊՍԺ-ին, մարզչական շտաբին ու անձամբ ինձ: Մենք ուզում ենք հաղթել, և ես կարծում եմ, որ դիմակայությունում առավելության հասնելու հնարավորություն ունենք»,- AS-ը փոխանցում է Էմերիի խոսքը:
12.12.2016

ՉԼ. 1/8 եզրափակիչի ամբողջական ժամանակացույցը

Ինչպես արդեն տեղեկացրել ենք, Շվեյցարիայի Նիոն քաղաքում տեղի է ունեցել Չեմպիոնների լիգայի վիճակահանությունը, որի արդյունքում հայտնի են դարձել 1/8 եզրափակիչի զույգերը: Ստորև ներկայացնում ենք կայանալիք խաղերի ամբողջական ժամանակացույցը: Փետրվարի 14 «Բենֆիկա» - «Բորուսիա Դորտմունդ» ՊՍԺ - «Բարսելոնա» Փետրվարի 15 «Ռեալ Մադրիդ» - «Նապոլի» «Բավարիա» - «Արսենալ» Փետրվարի 21 «Մանչեսթեր Սիթի» - «Մոնակո» «Բայեր Լևերկուզեն» - «Ատլետիկո» Փետրվարի 22 «Պորտու» - «Յուվենտուս» «Սևիլիա» - «Լեսթեր» Մարտի 7 «Նապոլի» - «Ռեալ Մադրիդ» «Արսենալ» - «Բավարիա» Մարտի 8 «Բորուսիա Դորտմունդ» - «Բենֆիկա» «Բարսելոնա» - ՊՍԺ Մարտի 14 «Յուվենտուս» - «Պորտու» «Լեսթեր» - «Սևիլիա» Մարտի 15 «Մոնակո» - «Մանչեսթեր Սիթի» «Ատլետիկո» - «Բայեր Լևերկուզեն»
12.12.2016

Նոյերն ու Օզիլը կատակել են Չեմպիոնների լիգայի 1/8 եզրափակիչի վիճակահանությունից հետո

Չեմպիոնների լիգայի 1/8 եզրափակիչի վիճակահանության համաձայն՝ միմյանց դեմ են մրցելու Լոնդոնի «Արսենալն» ու Մյունխենի «Բավարիան»: Վիճակահանությունից հետո գերմանական ակումբի դարպասապահ Մանուել Նոյերը լուսանկար է հրապարակել իր թվիթերյան էջում, որտեղ ետ է մղում Օզիլի կատարած հարվածը՝ գրելով. «Հանդիպելու եմ իմ լավ ընկերոջ հետ»: «Արսենալի» կիսապաշտպան Մեսութ Օզիլը ետ չի մնացել ու տեղադրելով լուսանկար, թե ինչպես է գրավում Նոյերի դարպասը, գրել. «Իսկապես, ընկերս»: Հիշեցնենք, որ Նոյերն ու Օզիլը թիմակիցներ են Գերմանիայի հավաքականում:
12.12.2016

Հայտնի են Չեմպիոնների լիգայի 1/8 եզրափակչի զույգերը

Քիչ առաջ Շվեյցարիայի Նիոն քաղաքում ավարտվեց Չեմպիոնների լիգայի 1/8 եզրափակչի վիճակահանությունը: «Մանչեսթեր Սիթի» - «Մոնակո» «Ռեալ Մադրիդ» - «Նապոլի» «Բենֆիկա» - «Բորուսիա Դորտմունդ» «Բավարիա» - «Արսենալ» «Պորտու» - «Յուվենտուս» «Բայեր» - «Ատլետիկո Մադրիդ» ՊՍԺ - «Բարսելոնա» «Սեվիլյա» - «Լեսթեր»  Ավելացնենք, որ առաջին հանդիպումները տեղի կունենան փետրվարի 14/15-ին, 21/22-ին, իսկ ահա պատասխան խաղերը մարտի 7/8-ին և 14/15-ին:
10.12.2016

ՈՒԵՖԱ-ն կփոխի Չեմպիոնների լիգայի հանդիպումների ժամերը

ՈՒԵՖԱ-ն հայտարարել է, որ 2018 թվականից մտադիր է փոփոխություններ կատարել Չեմպիոնների լիգայի խաղերի ժամանակացույցում, որպեսզի հնարավորություն տա աշխարհի տարբեր անկյուններում գտնվող երկրպագուներին դիտել ավելի շատ հանդիպումներ: Ներկայումս ՉԼ-ի հանդիպումները մեկնարկում են 23:45, իսկ 2018-ից օրվա սպասվելիք հանդիպումների մի մասը կսկսվի 22:00-ին, իսկ մյուս մասը՝ 00:00-ին: 2 խաղը կկայանա ավելի վաղ ժամին, իսկ 6 հանդիպման մեկնարկը կտրվի կեսգիշերին: Հատկանշական է, որ այս նոր ժամանակացույցը դժգոհություն կառաջացնի հանդիպումներին ներկա գտնվող երկրպագուների մոտ, սակայն ՈՒԵՖԱ-ն իր վերջին համաժողովի ընթացքում ընդգծել է, որ նրանց հիմնական նպատակն է՝ երկրպագուներին հնարավորություն տալ դիտել ավելի շատ հանդիպումներ: Չեմպիոնների լիգայի խաղերը կշարունակվեն տեղի ունենալ այս նոր նախագծով մինչև 2021 թ, երբ նորից կմշակվի նոր ծրագիր:
10.12.2016

Մեսիի և Ռոնալդուի վիճակագրությունը ՉԼ-ի խմբային փուլում

Չեմպիոնների լիգայի ընթացիկ խաղարկության լավագույն ռմբարկուն Լիոնել Մեսին է (10 գոլ), արգենտինացին նաև ամենաշատ դիպուկ հարվածն է կատարել դարպասին խմբային փուլում (13): 2-րդ տեղում այս արդյունքով Մադրիդի «Ռեալի» հարձակվող Կարիմ Բենզեման է, վերջինիս հաջորդում են ՊՍԺ-ի ֆուտբոլիստներ Անխել դի Մարիան և Էդինսոն Կավանին (11 հարված): Իսկ խմբային փուլում «Ռեալի» հարձակվող Կրիշտիանու Ռոնալդուն ամենաշատն է շեղ հարվածել դարպասին (14 հարված): Այս ցուցանիշով 2-րդ տեղում է «Բավարիայի» հարձակվող Ռոբերտ Լևանդովսկին (11), իսկ 3-րդ տեղը կիսում են Գարեթ Բեյլը, Դելե Ալին և Էդինսոն Կավանին (10):
ԹԵԺ ԵՎ ԲԱՑԱՌԻԿ

Vivaro News

Հասցե - Գետառի 4/17 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: