Իտալիա | Էջ - 6

12.03.2017

«Յունայթեդը» բանակցում է «Ռոմայի» կիսապաշտպանի տրանսֆերի շուրջ

«Ռոմայի» կիսապաշտպան Քևին Ստրոտմանը կարող է մարզական կարիերան շարունակել «Մանչեսթեր Յունայթեդում»: Մանկունյանցիներն արդեն բանակցում են 27-ամյա հոլանդացու տրանսֆերի շուրջ: Տրանսֆերային արժեքը կարող է կազմել շուրջ 40 միլիոն եվրո:
12.03.2017

ՊՍԺ-ի կիսապաշտպանը հետաքրքրել է «Ինտերին»

ՊՍԺ-ի կիսապաշտպան Գժեգոժ Կրիխովյակը կարող է ամռանը փոխել իր ակումբային գրանցումը: Լեհ ֆուտբոլիստն «Ինտերի» ուշադրության կենտրոնում է: Միլանյան ակումբը հետևում է իրադարձությունների զարգացմանը: Կրիխովյակը «Սևիլիայից» ՊՍԺ տեղափոխվելուց հետո չի կարողանում տեղ գտնել փարիզյան ակումբի մեկնարկային կազմում:
12.03.2017

«Միլանի» ֆուտբոլիստները վնասել են «Յուվենտուսի» հանդերձարանի պատմական իրերը (տեսանյութ)

«Միլանի» ֆուտբոլիստները հանդերձարանում չեն կարողացել զսպել իրենց զայրույթն Իտալիայի Ա Սերիայի շրջանակներում «Յուվենտուսին» հյուրընկալվելիս պարտվելուց հետո (1-2): Եզրափակիչ սուլոցից անմիջապես հետո «ռոսոներիների» հարձակվող Կառլոս Բական հարձակվել է գլխավոր մրցավար Դավիդե Մասայի ուղղությամբ՝ չափազանց զգացմունքային կերպով դժգոհելով վերջինիս նշանակած 11-մետրանոցից: Գլխավոր մարզիչ Վինչենցո Մոնտելան որոշել է հանգստացնել իրավիճակը և Բակային հրել է այլ կողմ: Հանդերձարան վերադառնալուց հետո թիմի որոշ ֆուտբոլիստներ սկսել են վնասել «Յուվենտուսի» մարզադաշտում գտնվող այդ հանդերձարանի իրերը, այդ թվում՝ դեկորատիվ տարրեր, որոնք խորհրդանշում են թուրինյան ակումբի պատմական հաղթանակները: Բոլորից շատ զայրացած է եղել դարպասապահ Ջիանլուիջի Դոնարուման, ով խաղադաշտից վերադառնալիս ոտքով ուժգին հարվածել է հանդերձարանի դռանը: Ահա և այդ վիճահարույց 11-մետրանոցը, որը նշանակվել է խաղի ավարտից վայրկյաններ առաջ:
11.03.2017

Սպալետին համաձայնության է հասել «Յուվենտուսի» հետ

«Ռոմայի» գլխավոր մարզիչ Լուչիանո Սպալետին համաձայնության է հասել «Յուվենտուսի» հետ, որ կգլխավորի ակումբը ընթացիկ մրցաշրջանի մեկնարկին: Թուրինյան ակումբի գլխավոր մարզիչ Մասիմիլիանո Ալեգրին կլքի թիմի ղեկը 2016/17 խաղաշրջանի ավարտից հետո: Վերջինիս ծառայություններով հետաքրքրված են ՊՍԺ-ն, «Արսենալը» և «Բարսելոնան»: Սպալետիի պայմանագիրը «Ռոմայի» հետ ավարտվում է այս ամռանը:
11.03.2017

«Յուվենտուսը» հաղթեց «Միլանին» դժվարին խաղում (տեսանյութ)

Ա Սերիա, 28-րդ տուր «Յուվենտուս» 2-1 «Միլան» Գոլերը՝ 1-0՝ Բենատիա 30՛, 1-1՝ Բակա 43՛, 2-1՝ Դիբալա 90+6՛(11մ) Հեռացում՝ Սոսա 90+3՛(«Միլան») «Յուվենտուս» մարզադաշտ, Թուրին
11.03.2017

Բուֆոնը շրջանցեց Տոտիին Ա Սերիայում անցկացրած խաղերի քանակով

«Յուվենտուսի» դարպասապահ Ջանլուիջի Բուֆոնն Ա Սերիայի 28-րդ տուրում «Միլանի» դեմ հանդիպմանը խաղադաշտ է դուրս եկել մեկնարկային կազմում: Այս հանդիպումն իտալացի դարպասապահի համար 613-րդն է Ա Սերիայում: Այսպիսով՝ լեգենդար դարպասապահն Ա Սերիայում անցկացրած խաղերի քանակով շրջանցեց «Ռոմայի» առաջատար Ֆրանչեսկո Տոտիին(612) և այժմ Ա Սերիայում անցկացրած խաղերի քանակով երրորդն է: Բուֆոնը զիջում է միայն Խավյեր Ձանետիին(615) և Պաոլո Մալդինիին(647):
10.03.2017

«Յուվենտուս» – «Միլան». Ուղիղ եթեր, մեկնարկային կազմեր (տեսանյութ)

Ա Սերիա, 28-րդ տուր «Յուվենտուս» - «Միլան» Մեկնարկը՝ 23:45 Ուղիղ հեռարձակումը՝ խաղից 1-2 րոպե առաջ «Յուվենտուս» մարզադաշտ, Թուրին «Յուվենտուսի» մեկնարկային կազմը՝ Բուֆոն, Բարձալի, Բենատիա, Բոնուչի, Ասամոա, Խեդիրա, Պյանիչ, Ալվես, Դիբալա, Մանջուկիչ, Հիգուային «Միլանի» մեկնարկային կազմը՝ Դոնարումա, Դե Շիլյո, Սապատա, Պալետա, Ռոմանյոլի, Սոսա, Բերտոլաչի, Պաշալիչ, Օկամպոս, Բակա, Դեուլոֆեու
10.03.2017

Ռանիերին կարող է գլխավորել իտալական ակումբը

«Պալերմոյի» նախագահ Պոլ Բակալյինին ցանկանում է, որ թիմի գլխավոր մարզչի պաշտոնն ստանձնի Կլաուդիո Ռանիերին: Football Italia-ն տեղեկացնում է, որ Ռանիերին կարող է համաձայնել գլխավորել «Պալերմոն», եթե թիմն անգամ դուրս մնա Ա Սերիայից: Հիշեցնենք, որ իտալացի մասնագետը վերջերս պաշտոնանկ արվեց «Լեսթերում»՝ Անգլիայի չեմպիոն դառնալուց մեկ տարի էլ չանցած:
10.03.2017

5 ուշագրավ հանդիպումներ, որոնք կկայանան հանգստյան օրերին

Շաբաթ և կիրակի օրերը կրկին հագեցած են լինելու ֆուտբոլային հետաքրքիր իրադարձություններով: Եվրոպական առաջատար առաջնություններում կկայանան հերթական տուրերի հանդիպումները, իսկ Անգլիայում սպասվում են գավաթային խաղեր: VivaroNews.am-ն առանձնացրել է 5 հանդիպում, որոնք արժանի են առաձնակի ուշադրության: «Միդլսբրո» - «Մանչեսթեր Սիթի» Անգլիայի գավաթ, քառորդ եզրափակիչ, 11-ը մարտի, մեկնարկը՝ 16:15-ին Կորուստները. «Միդլսբրո»՝ Դանիել Այալա, Կալում Չեմբերս (վնասվածքներ), հարցականի տակ է Ջորջ Ֆրենդի մասնակցությունը (վնասվածք) «Մանչեսթեր Սիթի»՝ Գաբրիել Ժեզուշ, Իլկայ Գյունդողան (վնասվածքներ), հարցականի տակ է Վենսան Կոմպանիի մասնակցությունը (վնասվածք) Կողմերի վերջին 5 դիմակայություններում թիմերը հաղթել են 2-ական անգամ, գրանցվել է մեկ ոչ-ոքի
10.03.2017

«Մանչեսթեր Յունայթեդը» գաղտնի բանակցություններ է վարել «Նապոլիի» աստղի հետ

«Նապոլիի» կիսապաշտպան Դրիս Մերտենսը կարող է շարունակել կարիերան Անգլիայում: Ընթացիկ մրցաշրջանում նեապոլական ակումբի լավագույն ռմբարկուն հայտնվել է «Մանչեսթեր Յունայթեդի» հետաքրքրությունների շրջանակում: Il Matino-ն փոխանցում է, որ «Կարմիր սատանաների» ներկայացուցիչները  շուրջ 2 ժամ փակ դռների ետևում բանակցություններ են վարել 29-ամյա ֆուտբոլիստի հետ: Սակայն բելգիացի ֆուտբոլիստին մոտ կանգնած աղբյուրները չեն հաստատել այդ տեղեկատվությունը: Մերտենսի պայմանագիրը ակումբի հետ սպառվում է 2018 թվականին, իսկ նոր համաձայնագրի շուրջ բանակցությունները դեռևս դրական պտուղներ չեն տալիս: Իտալական ակումբում կիսապաշտպանին առաջարկում են պայմանագիր կնքել մինչև  2021 թվականը և գրեթե կրկնակի բարձրացնել աշխատավարձը, սակայն ֆուտբոլիստին  այդ պայմանները չեն բավարարում:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: