Իտալիա | Էջ - 6

12.05.2017

Պաշտոնական. «Յուվենտուսը» և «Բավարիան» հասան վերջնական համաձայնության

«Յուվենտուսը» ձեռք է բերել «Բավարիայից» պաշտպան Մեհդի Բենատիայի ամբողջական տրանսֆերը, հաղորդում է թուրինյան ակումբի պաշտոնական կայքը: Մարոկացի ֆուտբոլիստը վարձավճարով հանդես է գալիս «բյանկոներիների» կազմում սկսած նախորդ ամառվանից: Իտալական ակումբը հայտարարել է, որ մարոկկացի ֆուտբոլիստի տեղափոխության դիմաց առաջիկա երկու տարիներին մյունխենցիներին է վճարելու 17 մլն եվրո: 30-ամյա խաղացողը լիարժեք պայմանագիր է ստորագրել «Յուվենտուսի» հետ՝ ուժի մեջ մինչև 2020 թվականի հունիսի 30-ը: Բենատիան «Ծեր Սինյորայի» կազմում Իտալիայի ընթացիկ առաջնությունում մասնակցել է 12 խաղի և դարձել մեկ գոլի հեղինակ:
12.05.2017

Ինիեստա. «Ռեալը» և «Յուվենտուսը» արդարացի են հասել Չեմպիոնների լիգայի եզրափակիչ»

«Բարսելոնայի» կիսապաշտպան Անդրես Ինիեստան խոսել է Չեմպիոնների լիգայի եզրափակչի «Յուվենտուս»-«Ռեալ Մադրիդ» հանդիպման մասին և ընդգծել է, որ թիմերը արդարացի են հասել մրցաշարի այդ փուլ: «Երբ Չեմպիոնների լիգայից դուրս ես մնում, կորցնում ես դրա նկատմամբ հետաքրքրությունը: Բայց պետք է խոստովանեմ, որ «Ռեալը» և «Յուվենտուսը» արդարացի են հասել եզրափակիչ»: Իսպանացին խոսել է նաև խաղերի ընթացքում կրկնապատկերներ կիրառելու անհրաժեշտության մասին: «Պետք է շարունակել աշխատել այդ համակարգի վրա և կատարելագործել այն: Տեսնենք՝ ինչ առաջընթաց կգրանցի այն առաջիկա տարիներին: Կարևոր է այն, ինչ կարող է օգնել մարդկանց և ընդհանուր առմամբ ամբողջ աշխարհին: Ո՞վ է լավագույն ֆուտբոլիստը, այն ինչ ես տեսել եմ Լիոնել Մեսիի կատարմամբ, այլևս ոչ ոք չի արել: Նա կմնա առաջին համարը: Այս հարցի պատասխանը չի փոխվելու առաջիկա 5 տարիների ընթացքում»,-նշել է Ինիեստան:
12.05.2017

Ֆուտբոլիստներ, որոնք լավ փաստաբանի կարիք են զգացել

Ֆուտբոլը աշխարհի ամենաեկամտաբեր, ճանաչված, գեղեցիկ ու դիտարժան սպորտաձևերից է, սակայն այդ ամենը կորցնում է իր իմաստը, երբ ֆուտբոլիստները սկսում են շահագործել իրենց կարգավիճակը՝ խախտելով բոլորի համար սահմանված օրենքները: Ձեզ ենք ներկայացնում այն թոփ խաղացողների ցանկը, որոնք կանգնել են դատարանի առջև և նույնիսկ զրկվել ազատությունից: Լիոնել Մեսի «Բարսելոնայի» աստղը ամենաճանաչված ֆուտբոլային դեմքն է, որը ներագրավված է եղել դատական գործընթացների մեջ: Մեսիին և իր հորը մեղադրանք էր առաջադրվել  հարկերից խուսափելու համար: Արգենտինացուն դատապարտեցին ազատազրկման, սակայն նա վճարեց 3 մլն. եվրո տուգանք և խուսափեց անազատության մեջ գտնվելուց:
12.05.2017

Հայտնի է Չեմպիոնների լիգայի շաբաթվա լավագույն ֆուտբոլիստի անունը

«Յուվենտուսի» պաշտպան Դանի Ալվեսը, որը «Մոնակոյի» դեմ պատասխան խաղում մեկական գոլի և գոլային փոխանցման հեղինակ էր դարձել, ՈՒԵՖԱ-ի պաշտոնական կայքում անցկացված քվեարկության արդյունքում ճանաչվել է շաբաթվա լավագույն ֆուտբոլիստ: 34-ամյա ֆուտբոլիստը Չեմպիոնների լիգայի ընթացիկ խաղարկությունում 3 գոլի հեղինակ է դարձել, նախկինում բրազիլիացին նման արդյունավետություն չէր գրանցել: Շաբաթվա լավագույն ֆուտբոլիստի կոչման համար պայքարում էր նաև Մադրիդի «Ռեալի» կիսապաշտպան Իսկոն, որը մադրիդցիների կազմում միակ գնդակը ուղարկեց «Ատլետիկոյի» դարպասը:
12.05.2017

Անչելոտին անվանել է լավագույն ֆուտբոլիստին, ում հետ իրեն վիճակվել է աշխատել

Մյունխենի «Բավարիայի» գլխավոր մարզիչ Կառլո Անչելոտին իտալական հեռուստաշոուի եթերում ասել է, թե որ ֆուտբոլիստն է լավագույնը իր մարզած բոլորից խաղացողներից: «Անկասկած, դա Կրիշտիանու Ռոնալդուն է»: Իտալացի մասնագետը խոսել է նաև Ֆրանչեսկո Տոտիի կարիերան ավարտելու որոշման մասին: «Տոտին ինքը պետք է որոշի կախի խաղակոշիկները մեխից, թե ոչ, նա չպետք է թույլ տա, որ ինչ-որ մեկը իր փոխարեն որոշում կայացնի»:
11.05.2017

Ֆուտբոլային աշխարհի թոփ-10 անձինք, ովքեր «միավորում» են «Յուվենտուսը» և Մադրիդի «Ռեալը»

Ինչպես հայտնի է, Չեմպիոնների լիգայի գավաթի 2016/17թթ. խաղարկությունում մնացել է անցկացնելու վերջին և վճռորոշ հանդիպումը: Միմյանց դեմ են դուրս գալու իտալական և իսպանական գերակումբները՝ «Յուվենտուսը» և Մադրիդի «Ռեալը»: Ձեր ուշադրությանն ենք ներկայացնում ֆուտբոլային թոփ-10 գործիչների, ովքեր «միավորում» են «բյանկոներիներին» և «Արքայական» ակումբին: 10. Ալվարո Մորատա (Իսպանիա) Խաղացել է «Յուվենտուսում»՝ 2014-2016թթ. (63 խաղ, 15 գոլ) Տիտղոսները Թուրինում՝ Իտալիայի չեմպիոն (2014/15, 2015/16), Իտալիայի գավաթակիր (2014/15, 2015/16), Իտալիայի Սուպերգավաթակիր (2015), Չեմպիոնների լիգայի եզրափակչի մասնակից (2014/15) Խաղում է «Ռեալ Մադրիդում»՝ 2010-2014թթ. (120 խաղ, 55 գոլ), 2016- (24 խաղ, 15 գոլ) Տիտղոսները Մադրիդում՝ Իսպանիայի չեմպիոն (2011/12), Իսպանիայի Արքայական գավաթի հաղթող (2010/11, 2013/14), Իսպանիայի Սուպերգավաթակիր (2012), Չեմպիոնների լիգայի հաղթող (2013/14), ՈՒԵՖԱ-ի Սուպերգավաթակիր (2016), Աշխարհի ակումբային չեմպիոն (2016) 9. Էմերսոն (Բրազիլիա) Խաղացել է «Յուվենտուսում»՝ 2004-2006թթ. (67 խաղ, 4 գոլ) Տիտղոսները Թուրինում՝ Իտալիայի չեմպիոն (2004/05, 2005/06, երկուսն էլ ավելի ուշ չեղյալ են համարվել «Կալչիոպոլիի» պատճառով) Խաղացել է «Ռեալ Մադրիդում»՝ 2006-2007թթ. (28 խաղ, 1 գոլ) Տիտղոսները Մադրիդում՝ Իսպանիայի չեմպիոն (2006/07)
11.05.2017

Բոնուչի. «Դանի Ալվեսը այլմոլորակային է»

«Յուվենտուսի» պաշտպան Լեոնարդո Բոնուչին գովասանքի խոսքեր է ասել իր թիմակից Դանի Ալվեսի հասցեին, որը մեկական գոլի և գոլային փոխանցման հեղինակ դարձավ Չեմպիոնների լիգայի կիսաեզրափակչի «Մոնակոյի» դեմ պատասխան հանդիպման ժամանակ: «Դանի Ալվեսը այլմոլորակային է: Միայն նրա նման պրոֆեսիոնալը կարող է փոխել իր խաղային ոճը և հարմարվել «Յուվենտուսի» դավանած փիլիսոփայությանը: Դանին «Յուվենտուսի» խաղին ավելացրեց փորձ և ոգևորություն: Ալվեսից պահանջվեց որոշ ժամանակ իտալական ֆուտբոլը և մեր թիմի ոճը հասկանալու համար, սակայն հիմա նա մեծ հաջողության է հասել»,-նշել է իտալացի ֆուտբոլիստը:
11.05.2017

Հայտնի է՝ որ մարզաշապիկով կխաղա «Ռեալը» Չեմպիոնների լիգայի եզրափակչում

Չեմպիոնների լիգայի եզրափակչում Մադրիդի «Ռեալը» կխաղա մանուշակագույն մարզաշապիկով: Բանն այն է, որ դաշտի սիմվոլիկ սեփականատերը կլինի «Յուվենտուսը», որը, ամենայն հավանականությամբ, կկրի ավանդական սև-սպիտակ մարզաշապիկը: Այսպիսով, «արքայական» ակումբը ստիպված կլինի խաղալ արտագնա խաղերի համար նախատեսված մարզահագուստով: Հետաքրքրական է, որ երբ թիմերը 2 տարի առաջ նույն մրցաշարի ընթացքում հանդիպեցին կիսաեզրափակչում, «Ռեալը» Թուրինում կրում էր սև մարզաշապիկներ: «Յուվենտուս»-«Ռեալ Մադրիդ» հանդիպումը կկայանա Քարդիֆում հունիսի 3-ին:
11.05.2017

Զիդան. «Ռեալը» ֆավորիտ չէ Չեմպիոնների լիգայի եզրափակչում»

Մադրիդի «Ռեալի» գլխավոր մարզիչ Զինեդին Զիդանը ասել է, որ «Յուվենտուսի» դեմ Չեմպիոնների լիգայի եզրափակչում «սերուցքայինները» ֆավորիտ չեն լինելու: «Ռեալը» ֆավորիտ չէ: Ցանկացած թիմի էլ դժվար է գոլ խփել «Յուվենտուսին»: Սակայն թուրինցիները ուժեղ են ոչ միայն պաշտպանությունում, այլ նաև վտանգավոր ֆուտբոլիստներ ունեն հարձակման գծում: Ֆանտաստիկ եզրափակիչ խաղ է սպասվում: Երկու թիմն էլ արժանի է եզրափակչում լինելու»,-ընդգծել է ֆրանսիացի մասնագետը: «Յուվենտուս»-«Ռեալ Մադրիդ» եզրափակիչ հանդիպումը կկայանա Քարդիֆում հունիսի 3-ին:
10.05.2017

Ինչպես էին «Յուվենտուսի» ֆուտբոլիստները նշում իրենց հաղթանակը (տեսանյութ)

ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: