Իտալիա | Էջ - 5

15.05.2017

Պերեսը ցանկանում է ձեռք բերել «Տոտենհեմի» ֆուտբոլիստին

Մադրիդի «Ռեալի» նախագահ Ֆլորենտինո Պերեսը ցանկանում է ընթացիկ մրցաշրջանից հետո ձեռք բերել «Տոտենհեմի» ֆուտբոլիստ Դելե Ալիին: Իսպանական մամուլի տեղեկությամբ, Պերեսը ցանկանում է վերակազմավորել «արքայական» ակումբը և թիմ հրավիրել բացառապես երիտասարդ ու տաղանդավոր ֆուտբոլիստների: Մադրիդյան ակումբը մտադիր է ձեռք բերել հիմնական դարպասապահի, պաշտպանի, հարձակվողական ոճի կիսապաշտպանի և հարձակվողի: Իսպանական մամուլը պնդում է, որ «Ռեալն» արդեն համաձայնության է եկել «Մանչեսթեր Յունայթեդի» դարպասապահ Դավիդ դե Խեայի հետ: Որպես հարձակվողներ դիտարկվում են «Մոնակոյի» երիտասարդ խաղացող Կիլիան Մբապեն և «Յուվենտուսի» արգենտինացի ֆուտբոլիստ Պաուլո Դիբալան: Կիսապաշտպանի հիմնական թեկնածուն Դելե Ալին է, որը լիովին համապատասխանում է Պերեսի պահանջներին: Սակայն «Տոտենհեմը» չի պատրաստվում հեշտությամբ հրաժարվել իր ֆուտբոլիստից: Անգլիական ակումբը «Ռեալից» կպահանջի  86 մլն. ֆունտից ոչ պակաս, ինչպես արեց Գարեթ Բեյլի դեպքում: Հիշեցնենք, որ սեպտեմբերին Ալին 6-ամյա պայմանագիր է կնքել «Տոտենհեմի» հետ և ակումբը չի վաճառի նրան մինչև ֆուտբոլիստն ինքը չցանկանա տեղափոխվել:
15.05.2017

Անգլիական թիմը մոտ է Դոնարումայի տրանսֆերը ձեռք բերելուն

«Մանչեսթեր Սիթին» հետաքրքված է «Միլանի» դարպասապահ Ջանլուիջի Դոնարումայի ծառայություններով: Daily Mail-ի հաղորդմամբ, «քաղաքաբնակները» լուրջ են տրամադրված այդ տրանսֆերի իրականացման հարցում և Դոնարումային ձեռք բերելու գլխավոր հավակնորդն են: Մեկ տարուց սպառվում է 18-ամյա ֆուտբոլիստի պայմանագիրը միլանյան ակումբի հետ, և կողմերը դեռևս համաձայնության չեն հասել համաձայնագիրը թարմացնելու շուրջ: Անգլիական ակումբը պատրաստ է 30 մլն. ֆունտ առաջարկել Դոնարումայի ծառայությունների դիմաց, ով շատերի կարծիքով կդառնա աշխարհի լավագույն դարպասապահը: Իտալացին ընթացիկ մրցաշրջանում 36 հանդիպում է անցկացրել Ա Սերիայում՝ բաց թողելով միջինը 1,19 գոլ մեկ խաղի ընթացքում: Իսկ 11 խաղում Դոնարուման անառիկ է պահել իր պաշտպանած դարպասը:
15.05.2017

Ոսկե խաղակոշիկ. Եվրոպայի լավագույն ռմբարկուներն այս պահին

Դիրք Ֆուտբոլիստ Ակումբ Երկիր Գոլ Գործակից Միավոր 1 Լիոնել Մեսի 35 2 70 2 Բաս Դոստ 31 2 62 3 Ռոբերտ Լևանդովսկ   30 2 60 4 Պիեր Էմերիկ Օբամեյանգ 29 2 58 5  Լուիս Սուարես 28 2 56 6 Էդին Ջեկո   27 2 54 7  Էդինսոն Կավանի 35 1,5 52.5 8 Անդրեա Բելոտի 25 2 50 9 Անտոնի Մոդեստ 25 2 50 10 Դրիրես Մերտենս   25 2 50 Թարմացված է առ  15/05/2017
15.05.2017

«Ինտերը» մեգապայմանագիր է առաջարկել Պոչետինոյին

«Ինտերը» մտադիր է թիմ հրավիրել «Տոտենհեմի» գլխավոր մարզիչ Մաուրիսիո Պոչետինոյին: Sky Sports-ի փոխանցմամբ, միլանյան ակումբը պատրաստ է 45-ամյա մասնագետին վճարել տարեկան 10 մլն. եվրո աշխատավարձ: Բացի այդ, «Ինտերը» «Տոտենհեմին» պետք է վճարի 5 մլն., եթե արգենտինացի մասնագետը խզի համագործակցությունը անգլիական ակումբի հետ: Իտալացիները գլխավոր մարզչի պաշտոնը առաջարկել են Պոչետինոյին, այն բանից հետո, երբ Անտոնիո Կոնտեից բացասական պատասխան են ստացել: «Ինտերի» գլխավոր մարզիչ Ստեֆանո Պիոլին պաշտոնանկ էր արվել անցած շաբաթ:
15.05.2017

Հարտը կվերադառնա Անգլիա

«Տորինոյի» դարպասապահ Ջո Հարտը, որի տրանսֆերային իրավունքները պատկանում են «Մանչեսթեր Սիթիին»,  հաստատել է, որ ընթացիկ մրցաշրջանի ավարտին մտադիր է վերադառնալ Անգլիայի Պրեմիեր լիգա: «Ես ոչ մեկի հետ կապ չեմ հաստատել, բայց վստահ եմ, որ կվերադառնամ Անգլիա: Տեսնում եմ ինձ «Մանչեսթեր Սիթիիում», հրաշալի կլիներ այնտեղ խաղալը: Ամեն դեպքում ցանկանում եմ լիակատար պայմանագիր ունենալ մեկ ակումբի հետ: Վարձավճարով այս կամ այն ակումբում հանդես գալը, այն էլ այս տարիքում, այդքան էլ ճիշտ որոշում չէ»,-նշել է անգլիացին: Պետք է ընդգծել, որ «քաղաքաբնակների» գլխավոր մարզիչ Պեպ Գվարդիոլան չի ցանկանում իր թիմում տեսնել Հարտին:
15.05.2017

«Ռոման» կամային հաղթանակ տոնեց «Յուվենտուսի» նկատմամբ և սրեց չեմպիոնական պայքարը (տեսանյութ)

Ա Սերիա, 36-րդ տուր «Ռոմա» 3–1 «Յուվենտուս» Գոլերը՝ 0-1՝ Լեմինա 21՛, 1-1՝ Դե Ռոսի 25՛, 2-1՝ Էլ Շարավի 56՛, 3-1՝ Նաինգոլան 65՛ «Օլիմպիական» մարզադաշտ, Հռոմ «Յուվենտուսն» այս պարտությունից հետո մնաց 85 միավորով և հետապնդող «Ռոմային» առաջնության ավարտից 2 տուր առաջ գերազանցում է արդեն 4 միավորով:
14.05.2017

«Ռոմա» – «Յուվենտուս». Հայտնի են մեկնարկային կազմերը

Ա Սերիա, 36-րդ տուր «Ռոմա» - «Յուվենտուս» Մեկնարկը՝ 22:45-ին «Օլիմպիական» մարզադաշտ, Հռոմ Թիմերի մեկնարկային կազմերը՝ «Ռոմա». Շեսնի, Ռյուդիգեր, Մանոլաս, Ֆասիո, Էմերսոն, Դե Ռոսի, Պարեդես, Սալահ, Նաինգոլան, Էլ Շարավի, Պերոտի: «Յուվենտուս». Բուֆոն, Լիխտշտայներ, Բոնուչի, Բենատիա, Ասամոա, Լեմինա, Պյանիչ, Ստուրարո, Կուադրադո, Մանջուկիչ, Հիգուային:
14.05.2017

Marca. Պեպեն տեղափոխվում է Իտալիա

Մադրիդի «Ռեալի» պաշտպան Պեպեն ընթացիկ մրցաշրջանից հետո կտեղափոխվի իտալական «Ինտեր», հաղորդում է Marca-ն: Իսպանական պարբերականը հայտնում է, որ Պեպեն ընտրել է Իտալիան չնայած  չինական ակումբների խոշոր առաջարկների: 34-ամյա պորտուգալացին «Ինտերի» հետ պայմանագիր կկնքի այս ամռանը: Նախատեսվում է, որ պաշտպանի պայմանագիրը կլինի 2+1 սխեմայով և նա կստանա տարեկան 5 մլն. եվրո աշխատավարձ: Ավելի վաղ հայտնի էր դարձել, որ Պեպեն և «արքայական» ակումբի ղեկավարությունը այդպես էլ համաձայնության չեն եկել. «Ռեալն» առաջարկում էր մեկ տարվա պայմանագիր, իսկ պորտուգալացին ցանկանում էր ևս երկու տարի անցկացնել Մադրիդում: Պեպեն մադրիդյան ակումբում անցկացրել է 10 տարի: Պորտուգալացին «Ռեալի» երկրպագուներին հրաժեշտ կտա «Սևիլիայի» հետ տնային հանդիպման ժամանակ, որը կկայանա այսօր՝ ժամը 22:00-ին:
14.05.2017

«Երկու քարի արանքում». Անտոնիո Կոնտեն պետք է ընտրի «Չելսիի» և «Ինտերի» առաջարկների միջև

«Չելսին» մտադիր է թիմում պահել գլխավոր մարզիչ Անտոնիո Կոնտեին, ով առաջարկ է ստացել կարիերան շարունակելու «Ինտերում»: Տեղեկացվում է, որ 47-ամյա մասնագետին, ով Անգլիայում իր առաջին իսկ մրցաշրջանում հռչակվել է Պրեմիեր լիգայի հաղթող, կառաջարկվի նոր պայմանագիր՝ տարեկան 7,5 մլն ֆունտ աշխատավարձով (9 մլն եվրո), ինչը ռեկորդի կրկնություն կլինի «Չելսիի» պատմության մեջ: Լոնդոնյան ակումբի մարզիչներից ամենաբարձր աշխատավարձը երբևէ ստացել է Ժոզե Մոուրինյոն 2015/16թթ. մրցաշրջանում՝ տարեկան 7,5 մլն ֆունտ: «Ինտերն», իր հերթին, Կոնտեին առաջարկում է տարեկան 15 մլն եվրո աշխատավարձ: Իտալացի մարզչի ներկայիս աշխատավարձը կազմում է 6,5 մլն ֆունտ, ավելի քիչ, քան վաստակում են Պրեմիեր լիգայում նրա գործընկերներ Պեպ Գվարդիոլան («Մանչեսթեր Սիթի»), Ժոզե Մոուրինյոն («Մանչեսթեր Յունայթեդ»), Արսեն Վենգերը («Արսենալ») և Յուրգեն Կլոպը («Լիվերպուլ»): Ավելի վաղ հաղորդվում էր՝ «Չելսին» պատրաստ է Կոնտեին թույլ տալու անձամբ ընտրելու իր առաջին օգնականին: Նրա ներկայիս օգնական Սթիվ Հոլանդը մրցաշրջանի ավարտից հետո մշտական աշխատանքի է անցնելու Անգլիայի հավաքականում:
14.05.2017

Դելոֆեուն փրկեց «Միլանին» պարտությունից «Ատալանտայի» հետ խաղում (տեսանյութ)

Իտալիայի Ա սերիա, 36-րդ տուր «Ստադիո Ատլետի Աձուրի դ՛Իտալիա» մարզադաշտ, Բերգամո Մայիսի 13, 22։45 «Ատալանտա» 1-1 «Միլան» Գոլերը՝ 1-0՝ Կոնտի 44՛, 1-1՝ Դելոֆեու 87՛ «Ատալանտան» վաստակած 1 միավորի շնորհիվ ապահովեց իր տեղը Եվրոպա լիգայի հաջորդ խաղարկությունում։ Կոնտիի գոլը. Դելոֆեուի գոլը.
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: