Իտալիա | Էջ - 4

12.03.2017

Մաուրո Իկարդին գրանցել է ամենաարագ հեթ-տրիկը 1947 թվականից ի վեր

Ինչպես արդեն տեղեկացրել ենք, «Ինտերի» հարձակվող Մաուրո Իկարդին Իտալիայի Ա Սերիայի 28-րդ տուրի՝ «Ատալանտայի» հետ մրցավեճի (7-1) արդեն 26-րդ րոպեին հասցրել էր երեք անգամ գրավել մրցակցի դարպասը: Դա «Ինտերի» ֆուտբոլիստների շրջանում Ա Սերիայի շրջանակներում գրանցած ամենաարագ հեթ-տրիկն էր՝ սկսած 1947 թվականի հոկտեմբերի 26-ից: Այդ ժամանակ հանդիպման արդեն 18-րդ րոպեի դրությամբ հեթ-տրիկի հեղինակ էր դարձել «ներաձուրիների» ֆուտբոլիստ Բենիտո Լորենցին: Բացի Իկարդիից, «Ատալանտայի» հետ մրցավեճում երեք գոլի հեղինակ է դարձել նաև Էվեր Բանեգան: Նախորդ դեպքը, երբ «Ինտերի» երկու ֆուտբոլիստներ Ա Սերիայի մեկ մրցավեճում դարձել էին հեթ-տրիկի հեղինակ, գրանցվել էր 1933 թվականի սեպտեմբերին: Այդ մրցավեճում միլանյան թիմը 9-0 հաշվով ջախջախել էր «Կազալեին», իսկ մրցակցի դարպասը երեքական անգամ գրավել էին Ջուզեպե Մեացան և Ատիլիո Դեմարիան: http://www.vivaronews.am/ikardin-9-ropeum-heth-trik-e-heghinakel-tesanyuth
12.03.2017

«Ինտերն» ու «Նապոլին» հաղթեցին խոշոր հաշվով (տեսանյութ)

Ա Սերիա, 28-րդ տուր «Ինտեր» 7-1 «Ատալանտա» Գոլերը՝ Իկարդի 17՛, 23՛ 11մ, 26՛, Բանեգա 31՛, 34՛, 68՛, Գալյարդինի 52՛ - Ֆրոյլեր 42՛ «Ջուզեպե Մեացա» մարզադաշտ, Միլան Ա Սերիա, 28-րդ տուր «Նապոլի» 3-0 «Կրոտոնե» Գոլերը՝ Ինսինյե 32՛ 11մ, 70՛, Մերտենս 66՛ «Սան Պաոլո» մարզադաշտ, Նեապոլ
12.03.2017

Սարի. «Առանց Հիգուայինի նույնիսկ ավելի լավն ենք հարձակման գծում»

«Նապոլիի» գլխավոր մարզիչ Մաուրիցիո Սարին հայտարարել է, որ «Նապոլին» ընթացիկ մրցաշրջանում ավելի լավ տեսք ունի, քան նախորդ մրցաշրջանում: «Գոնսալո Հիգուայինն այլևս մեզ հետ չէ, սակայն կարծում եմ՝ այժմ հարձակման գծում ավելի լավ տեսք ունենք: Միլիկը բացակայում էր վնասվածքի պատճառով, ու մենք հնարավորություն ստացանք Մերտենսին կենտրոնական հարձակվողի դիրքում հանդես բերելու»,- ասել է Սարին:
12.03.2017

Իկարդին 9 րոպեում հեթ-տրիկ է հեղինակել (տեսանյութ)

«Ինտեր» - «Ատալանտա» հանդիպման առաջին խաղակեսում միլանյան ակումբի հարձակվող Մաուրո Իկարդին 9 րոպեում հեթ-տրիկի հեղինակ է դարձել: Իկարդին գրավել է մրցակցի դարպասը 17-րդ, 23-րդ և 26-րդ րոպեներին: Առաջին կեսից հետո «Ինտերը» հաղթում է 5-1 հաշվով:
12.03.2017

«Յունայթեդը» բանակցում է «Ռոմայի» կիսապաշտպանի տրանսֆերի շուրջ

«Ռոմայի» կիսապաշտպան Քևին Ստրոտմանը կարող է մարզական կարիերան շարունակել «Մանչեսթեր Յունայթեդում»: Մանկունյանցիներն արդեն բանակցում են 27-ամյա հոլանդացու տրանսֆերի շուրջ: Տրանսֆերային արժեքը կարող է կազմել շուրջ 40 միլիոն եվրո:
12.03.2017

ՊՍԺ-ի կիսապաշտպանը հետաքրքրել է «Ինտերին»

ՊՍԺ-ի կիսապաշտպան Գժեգոժ Կրիխովյակը կարող է ամռանը փոխել իր ակումբային գրանցումը: Լեհ ֆուտբոլիստն «Ինտերի» ուշադրության կենտրոնում է: Միլանյան ակումբը հետևում է իրադարձությունների զարգացմանը: Կրիխովյակը «Սևիլիայից» ՊՍԺ տեղափոխվելուց հետո չի կարողանում տեղ գտնել փարիզյան ակումբի մեկնարկային կազմում:
12.03.2017

«Միլանի» ֆուտբոլիստները վնասել են «Յուվենտուսի» հանդերձարանի պատմական իրերը (տեսանյութ)

«Միլանի» ֆուտբոլիստները հանդերձարանում չեն կարողացել զսպել իրենց զայրույթն Իտալիայի Ա Սերիայի շրջանակներում «Յուվենտուսին» հյուրընկալվելիս պարտվելուց հետո (1-2): Եզրափակիչ սուլոցից անմիջապես հետո «ռոսոներիների» հարձակվող Կառլոս Բական հարձակվել է գլխավոր մրցավար Դավիդե Մասայի ուղղությամբ՝ չափազանց զգացմունքային կերպով դժգոհելով վերջինիս նշանակած 11-մետրանոցից: Գլխավոր մարզիչ Վինչենցո Մոնտելան որոշել է հանգստացնել իրավիճակը և Բակային հրել է այլ կողմ: Հանդերձարան վերադառնալուց հետո թիմի որոշ ֆուտբոլիստներ սկսել են վնասել «Յուվենտուսի» մարզադաշտում գտնվող այդ հանդերձարանի իրերը, այդ թվում՝ դեկորատիվ տարրեր, որոնք խորհրդանշում են թուրինյան ակումբի պատմական հաղթանակները: Բոլորից շատ զայրացած է եղել դարպասապահ Ջիանլուիջի Դոնարուման, ով խաղադաշտից վերադառնալիս ոտքով ուժգին հարվածել է հանդերձարանի դռանը: Ահա և այդ վիճահարույց 11-մետրանոցը, որը նշանակվել է խաղի ավարտից վայրկյաններ առաջ:
11.03.2017

Սպալետին համաձայնության է հասել «Յուվենտուսի» հետ

«Ռոմայի» գլխավոր մարզիչ Լուչիանո Սպալետին համաձայնության է հասել «Յուվենտուսի» հետ, որ կգլխավորի ակումբը ընթացիկ մրցաշրջանի մեկնարկին: Թուրինյան ակումբի գլխավոր մարզիչ Մասիմիլիանո Ալեգրին կլքի թիմի ղեկը 2016/17 խաղաշրջանի ավարտից հետո: Վերջինիս ծառայություններով հետաքրքրված են ՊՍԺ-ն, «Արսենալը» և «Բարսելոնան»: Սպալետիի պայմանագիրը «Ռոմայի» հետ ավարտվում է այս ամռանը:
11.03.2017

«Յուվենտուսը» հաղթեց «Միլանին» դժվարին խաղում (տեսանյութ)

Ա Սերիա, 28-րդ տուր «Յուվենտուս» 2-1 «Միլան» Գոլերը՝ 1-0՝ Բենատիա 30՛, 1-1՝ Բակա 43՛, 2-1՝ Դիբալա 90+6՛(11մ) Հեռացում՝ Սոսա 90+3՛(«Միլան») «Յուվենտուս» մարզադաշտ, Թուրին
11.03.2017

Բուֆոնը շրջանցեց Տոտիին Ա Սերիայում անցկացրած խաղերի քանակով

«Յուվենտուսի» դարպասապահ Ջանլուիջի Բուֆոնն Ա Սերիայի 28-րդ տուրում «Միլանի» դեմ հանդիպմանը խաղադաշտ է դուրս եկել մեկնարկային կազմում: Այս հանդիպումն իտալացի դարպասապահի համար 613-րդն է Ա Սերիայում: Այսպիսով՝ լեգենդար դարպասապահն Ա Սերիայում անցկացրած խաղերի քանակով շրջանցեց «Ռոմայի» առաջատար Ֆրանչեսկո Տոտիին(612) և այժմ Ա Սերիայում անցկացրած խաղերի քանակով երրորդն է: Բուֆոնը զիջում է միայն Խավյեր Ձանետիին(615) և Պաոլո Մալդինիին(647):
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: