Իտալիա | Էջ - 4

18.05.2017

Ֆուտբոլի պատմության թոփ 10 ամենատպավորիչ անվճար տրանսֆերները

Ֆուտբոլի ուժեղագույն կատարողներն այսօր աստղաբաշխական գումարներ արժեն: Բայց երբեմն լինում են բացառություններ. որոշ «ադամանդներ» թիմերին բաժին են հասնում բոլորովին անվճար: Դանի Ալվեշը վերջինն էր նրանցից, ով իր ֆանտաստիկ խաղով ու տարիների փորձով «Յուվենտուսին» հասցրեց մինչև Չեմպիոնների լիգայի եզրափակիչ։ Ներկայացնում ենք ևս 10 հիանալի տրանսֆեր, որոնց վրա թիմերը գումար չեն ծախսել: 1. Ռոբերտո Բաջիո ՝ «Միլանից» «Բոլոնիա», 1997թ. Իտալական ակումբները կարծում էին, թե 30-ամյա Ռոբերտո Բաջիոյի աստղն արդեն մարել է, իսկ հետնապահ «Բոլոնիայի» համար նա շատ լավ «զինվոր» էր Ա սերիայում տեղը պահպանելու պայքարում: Սակայն, լեգենդար հարձակվողն այդ մրցաշրջանում 22 գոլ խփեց և 6 գոլային փոխանցում կատարեց՝ իր թիմին հանելով մինչև մրցաշարային աղյուսակի 8-րդ հորիզոնական: Այս ելույթները ապահովեցին նրա տեղը 1998թ. աշխարհի առաջնությունում, ինչպես նաև առաջարկը «Ինտերից»: 2. Սթիվ Մաքմանաման՝ «Լիվերպուլից» «Ռեալ», 1999թ. «Լիվերպուլը» լքելուց հետո «Ռեալ» տեղափոխությունը հիմա շատ հեշտ որոշում կլինի ֆուտբոլիստների համար, բայց ոչ այն ժամանակ: Ռաուլը զգուշացրել էր Մաքմանամանին, որ ակումբի մթնոլորտը այնքան էլ բարեհաճ չէ, հատկապես նորեկների համար: Սակայն անգլիացին փայլուն հաջողությունների հասավ «Ռեալում»՝ հաղթելով 2 Լա Լիգայի տիտղոս և Չեմպիոնների լիգան:
18.05.2017

Վերատին ասել է, թե որ ակումբ է տեղափոխվելու ՊՍԺ-ից հեռանալուց հետո

«Պարի Սեն Ժերմենի» կիսապաշտպան Մարկո Վերատին, որը մեծ պահանջ է վայելում տրանսֆերային շուկայում, նախընտրություն է տալիս իտալական ակումբներին մասնավորպես՝ «Յուվենտուսին»: «Իտալիան հիանալի ներքին առաջնություն ունի: «Ինտերը», «Միլանը» և «Յուվենտուսը» այն թիմերն են, որոնք մեծ գումարներ են ծախսում: Մենք դա տեսանք Հիգուաինի տրանսֆերի ժամանակ («Յուվենտուսը» 90 մլն. եվրո է վճարել «Նապոլիին»-խմբ.): «Յուվենտուսը» աշխարհի 4  լավագույն թիմերից մեկն է: Նրանք մեծ առաջընթաց են գրանցել: Եթե ապագայում հեռանամ ՊՍԺ-ից, ապա կտեղափոխվեմ «Յուվե», բայց այսօր ես այստեղ եմ»,-Sport-ն է մեջբերում իտալացի ֆուտբոլիստի խոսքերը: Ավելի վաղ տեղեկացվում էր, որ Վերատիի տրանսֆերային իրավունքների ձեռքբերմամբ հետաքրքրված են «Բարսելոնան», «Չելսին», «Արսենալը» և «Մանչեսթեր Յունայթեդը»:
17.05.2017

«Յուվենտուսը» նվաճում է տարվա առաջին տիտղոսը (տեսանյութ)

Իտալիայի գավաթ, եզրափակիչ «Ստադիո Օլիմպիկո», Հռոմ Մայիսի 17, 23։00 «Յուվենտուս» 2-0 «Լացիո» Գոլերը՝ 1-0՝ Դանի Ալվեշ 12', 2-0՝ Բոնուչի 25՛ «Յուվենտուսը» 3-րդ տարին անընդմեջ նվաճեց Իտալիայի գավաթը, որը աննախադեպ ցուցանիշ է իտալական ակումբների շարքում։
17.05.2017

Պոչետինո. «Այդ լուրերը կեղծ են, ես մնում եմ Անգլիայում»

Ագլիական «Տոտենհեմի» գլխավոր մարզիչ Մաուրիսիո Պոչետինոն ժխտել է ակումբը լքելու մասին լուրերը: Ավելի վաղ անգլիական և իտալական մամուլը հայտնում էր, որ «Ինտերը» հետաքրքրված է Պոչետինոյի ծառայություններով  և պատրաստ է վճարել նրա հրաժարագինը, որը կազմում է 4.2 մլն. ֆունտ: Այսօր «Տոտենհեմի» գլխավոր մարզիչն ինքն է հերքել այդ լուրերը. «Այդպիսի լուրեր շատ են տարածվել, սակայն ես մնում եմ Անգլիայում, ես նվիրված եմ «Տոտենհեմին» և ցանկանում եմ շարունակել իմ գործը»,- ասել է անգլիական թիմի գլխավոր մարզիչը: Պոչետինոյի գործող պայմանագիրն ավարտվում է 2021 թվականին, մարզիչն այն թարմացրել է անցած գարնանը: «Տոտենհեմը» ընթացիկ մրցաշրջանն ավարտում է Պրեմիեր լիգայի 2-րդ հորիզոնականում և հնարավորություն է ստացել խաղալ Չեմպիոնների լիգայում: Sky Sports- ի տեղեկությամբ, բացի Պոչետինոյից, «Ինտերի» ներկայացուցիչները հանդիպել են նաև «Չելսիի» գլխավոր մարզիչ Անտոնիո Կոնտեի և Մադրիդի «Ատլետիկոյի» գլխավոր մարզիչ Դիեգո Սիմեոնեի հետ, սակայն երկու մարզիչներն էլ  տեղեկացրել են, որ ցանկանում են մնալ իրենց ակումբներում:
17.05.2017

Անգլիական ակումբը պայմանագիր է առաջարկել Դանի Ալվեշին

«Յուվենտուսի» պաշտպան Դանի Ալվեշը կարող է կարիերան շարունակել «Տոտենհեմում»: Անգլիական ակումբի ղեկավարությունը ցանկանում է ուժեղացնել թիմի պաշտպանությունը և մտադիր է թիմ հրավիրել 34-ամյա բրազիլացուն, ով ներկայումս գտնվում է հիանալի մարզավիճակում: Դեռ 2016թ. ամռանը Ալվեշը խոստովանել էր, որ կցանկանար մի օր խաղալ Պրեմիեր լիգայում: Yahoo Sports-ը, հայտնում է, որ «Տոտենհեմը» 2 տարվա պայմանագիր է առաջարկել Ալվեշին: Նշվում է, որ Չեմպիոնների լիգայի «Յուվենտուս» - «Ռեալ» եզրափակչից հետո կողմերը կքննարկեն Ալվեշի տրանսֆերը:  
16.05.2017

Չեմպիոնները. 9 ակումբներ, որոնք արդեն լավագույնն են ճանաչվել իրենց երկրներում

Եվրոպական մրցաշրջանը մոտենում է իր տրամաբանական ավարտին: Ձեր ուշադրությանն ենք ներկայացնում եվրոպական 9 ակումբների, որոնք արդեն ապահովել են իրենց առաջնությունների հաղթողների կոչումը: «Բազել» - Ապրիլի 28-ին հռչակվեց Շվեյցարիայի չեմպիոն 8-րդ անգամ անընդմեջ: «Բավարիա» - Ապրիլի 29-ին Բունդեսլիգայի ուժեղագույն թիմի կոչումը նվաճեց 5-րդ անգամ անընդմեջ: Սա նմանատիպ առաջինն էր Կառլո Անչելոտիի օրոք, ով դարձավ եվրոպական թոփ-5 առաջնություններից 4-ում չեմպիոն հռչակված առաջին մարզիչը: «Չելսի» - Անտոնիո Կոնտեի տիտղոսն Անգլիայում առաջին իսկ մրցաշրջանում, 6-րդն՝ ակումբի պատմության մեջ: Գերազանցեցին «Սանդերլենդի» ցուցանիշը:
16.05.2017

«Յուվենտուսը» կփորձի գնել «Ռոմայի» կիսապաշտպանին, ով ատելությամբ է լցված թուրինյան ակումբի հանդեպ

«Ռոմայի» կիսապաշտպան Ռաջա Նաինգոլանը հայտնվել է «Յուվենտուսի» ուշադրության կենտրոնում: Թուրինյան ակումբն ամռանը մեծ ջանքեր է գործադրելու բելգիացի ֆուտբոլիստի տեղափոխությունն իրականացնելու համար, հաղորդում է Tuttosport-ը: 29-ամյա Նաինգոլանի տրանսֆերային արժեքը կազմում է 40 մլն եվրո: Իտալական պարբերականը նաև պնդում է, որ այս տեղափոխության հավանականությունը ցածր է, քանի որ Նաինգոլանը վերջերս հայտարարել է՝ ատելությամբ է լցված «Յուվենտուսի» հանդեպ: Նաինգոլանն Ա Սերիայի ընթացիկ առաջնությունում մասնակցել է 35 հանդիպման և դարձել 11 գոլի ու 4 արդյունավետ փոխանցման հեղինակ: 36-րդ տուրի շրջանակներում «Յուվենտուսի» դեմ կայացած մրցավեճում բելգիացին գրանցել էր գոլ և գոլային փոխանցում՝ օգնելով հռոմեացիներին տոնելու հաղթանակ (3-1): http://www.vivaronews.am/raja-naingolan-yes-zzvum-em-yuventusic-teghaphoxvel-em-roma-orpeszi-haghthem-thurinyan-akumbin-orin-misht-ognum-en
16.05.2017

Մեսին և Ռոնալդուն հայտնվել են թոփ 5 առաջնությունների խորհրդանշական հավաքականում

CIES Football Observatory գործակալությունը, որը զբաղվում է ֆուտբոլային վիճակագրության վերլուծությամբ, կազմել է թոփ 5 առաջնությունների 2016/17 մրցաշրջանի խորհրդանշական հավաքականը: Այսպիսի տեսք է ստացել խորհրդանշական հավաքականը՝ Մանուել Նոյեր («Բավարիա»), Ալեքս Սանդրո  («Յուվենտուս»), Մաթս Հումելս («»), Խավի Մարտինես  (երկուսն էլ «Բավարիա»), Բրունո Պերես  («Ռոմա»), Տիագո Ալկանտարա  («Բավարիա»), Պոլ Պոգբա  («Մանչեսթեր Յունայթեդ»),  Նաբի Կեյտա («Լեյպցիգ»), Կրիշտիանո Ռոնալդու  («Ռեալ»), Դրիս Մերտենս  («Նապոլի»), Լիոնել Մեսի  («Բարսելոնա»):    
16.05.2017

Հայտնի է, թե որ ակումբում կշարունակի իր կարիերան Ֆրանչեսկո Տոտին

«Ռոմայի» լեգենդ Ֆրանչեսկո Տոտին կարող է կարիերան շարունակել ՄԼՍ-ում: Ըստ La Gazzetta dello Sport-ի, հռոմեական ակումբի լեգենդի ծառայություններով հետաքրքրված է «Մայամի» ակումբը, որի մարզական տնօրենը Իտալիայի հավաքականի և «Միլանի» նախկին ֆուտբոլիստ Ալեսանդրո Նեստան է: Ամերիկյան ակումբը պատրաստ է պայմանագիր առաջարկել «Հռոմի արքային»: Ավելի վաղ, «Ռոմայի» մարզական տնօրեն Մոնչին հայտնել էր, որ Տոտին ամռանը կավարտի կարիերան և կզբաղեցնի ակումբի գործադիր տնօրենի պաշտոնը: Ավելացնենք, որ Տոտին հանդես է գալիս «Ռոմայի» կազմում 1993թ., որի կազմում անցկացրել է 590 հանդիպում և խփել 244 գոլ:
16.05.2017

Երբ է «Բարսելոնան» որոշում կայացնելու նոր մարզչի հարցում

«Բարսելոնայի» հաջորդ գլխավոր մարզչի թեման ամենաքննարկվողներից մեկն է ֆուտբոլային Իսպանիայում: Կատալոնացիները հերքել են տեղեկատվությունը, թե թիմի հաջորդ մարզիչը լինելու է «Ատլետիկը» գլխավորող Էռնեստո Վալվերդեն: Ավելին, «Բարսելոնան» դեռ չի շտապում որոշում կայացնել: «Նոր գլխավոր մարզչի հարցում մինչև մայիսի 29-ը ոչ մի նորություն չի լինի: Ակումբը որոշում կկայացնի միայն Իսպանիայի գավաթում իր վերջին խաղից հետո»,-«Բարսելոնայի» ներկայացուցչի խոսքերը փոխանցում է Mundo Deportivo-ն: Հիշեցնենք, որ Լուիս Էնրիկեն հայտարարել է մրցաշրջանի ավարտին ակումբը լքելու մասին:
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: