Իտալիա | Էջ - 3

19.05.2017

«Միլանը» պաշտոնապես ներկայացրեց 2017/18 մրցաշրջանի մարզաշապիկը (տեսանյութ, լուսանկարներ)

«Միլանը» պաշտոնապես ներկայացրել է հաջորդ մրցաշրջանի տնային մարզաշապիկը:
18.05.2017

«Միլանը» միանգամից 2 ֆուտբոլիստ է առաջարկում «Տորինոյին» Բելոտիի համար

«Միալնի» ղեկավարությունը ընթացիկ մրցաշրջանից հետո պատրաստվում է ձեռք բերել «Տորինոյի» հարձակվող Անդրեա Բելոտիին: Ինչպես հաղորդում է Tuttosport-ը,  անցած շաբաթ Միլանում հանդիպել են «Տորինոյի» տնօրեն Ջանլուկա Պետրաչին և «Միլանի» սպորտային տնօրեն Մասիմիլիանո Միրաբելին և քննարկել ֆուտբոլիստի տեղափոխման հարցը: «Տորինոյի» հետ Բելոտիի պայմանագրում հրաժարագինը կազմում է 100 մլն. եվրո: «Միլանը» ցանկանում է կրճատել այդ գումարը և «Տորինոյին» առաջարկել 60 մլն. եվրո: Բացի գումարից «Միալնը» առաջարկում է նաև  իր կիսապաշտպան Անդրեա Պոլիին կամ հարձակվող Մբայե Նյանգին: Բելոտիի պայմանագիրը ուժի մեջ է մինչև 2021 թվականը, ընթացիկ մրցաշրջանում ֆուտբոլիստը դարձել է 27 գոլի և 5 գոլային փոխանցման հեղինակ: Ավելի վաղ 23-ամյա հարձակվողի ծառայություններով հետաքրքրվում էին նաև «Արսենալը», «Չելսին», «Մանչեսթեր Յունայթեդը» և Մադրիդի «Ատլետիկոն»:
18.05.2017

«Մանչեսթեր Յունայթեդը» և «Չելսիին» կպայքարեն «Ռոմայի» կիսապաշտպանի համար

«Մանչեսթեր Յունայթեդը» միացել է «Չելսիին» «Ռոմայի» կիսապաշտպան Ռաջա Նայնգոլանի համար պայքարում: Ինչպես հաղորդում է Bleacher Report-ը, մանկունիական ակումբը հետևել է 29-ամյա ֆուտբոլիստի ցուցադրած խաղին և ցանկանում է ընթացիկ մրցաշրջանից հետո նրան հրավիրել Անգլիա: Պաշտոնական  առաջարկ «կարմիր սատանաներից» դեռ չի եղել: «Մանչեսթեր Յունայթեդը» ֆուտբոլիստին ձեռք բերելու համար կպայքարի լոնդոնյան «Չելսիի» դեմ, որն անցած տարվանից փորձում է ձեռք բերել բելգիացի կիսապաշտպանին: Sky Sports-ի փոխանցմամբ ֆուտբոլիստը անցած մրցաշրջանից հետո մերժել է «Չելսիի» մի քանի առաջարկ, որոնցից ամենաարժեքավորը կազմել է 34 մլն. ֆունտ: Նայնգոլանը ընթացիկ մրցաշրջանում դարձել է 14 գոլի և 6 գոլային փոխանցման հեղինակ: Բելգիացի ֆուտբոլիստը խաղում է որպես հարձակվողական ոճի կիսապաշտպան և կարողանում է հիանալի գրոհներ կազմակերպել:
18.05.2017

23 տարի առաջ այս օրը «Միլանը» ջախջախեց «Բարսելոնային» Չեմպիոնների լիգայում (տեսանյութ)

1994 թվականին այս օրը «Միլանը» Չեմպիոնների լիգայի եզրափակչում 4-0 հաշվով առավելության հասավ «Բարսելոնայի» նկատմամբ և նվաճեց Չեմպիոնների լիգայի 5-րդ տիտղոսը: Պետք է ընդգծել, որ այդ տարիներին  «Բարսելոնան» կրկին լավագույն թիմերից մեկն էր Իսպանիայում և 4 տարի անընդմեջ տիրացել էր Լա Լիգայի գավաթի Յոհան Կրույֆի գլխավորությամբ: Ի հակադրություն դրան իտալական թիմը այդ օրը խաղադաշտ էր դուրս եկել առանց Մարկո վան Բաստենի, Ջանլուիջի Լենտինիի, Ֆրանկո Բարեզիի և Ալեսանդրո Կոստակուրտայի:
18.05.2017

«Մանչեսթեր Յունայթեդը» մոտ է «Մոնակոյի» ֆուտբոլիստի ձեռքբերմանը

«Մոնակոն» փառահեղ մրցաշրջան անցկացրեց՝ հասնելով Չեմպիոնների լիգայի կիսաեզրափակիչ և նվաճելով Ֆրանսիայի առաջնության գավաթը: Այդ պատճառով ֆրանսիական ակումբի մի շարք ֆուտբոլիստների հայտնվել են եվրոպական թոփ ակումբների հետաքրքրությունների շրջանակում: Ֆրանսիական լրատվամիջոցների հաղորդմամբ, «Մանչեսթեր Յունայթեդը» մոտ է Բերնարդու Սիլվայի տեղափոխության ձեռքբերմանը: Պորտուգալացի կիսապաշտպանը «Մոնակոյի» հաջող ելույթների հիմնական բանալիներից մեկն է, և Ժոզե Մոուրիյոն հույս ունի ամրապնդել խաղը կիսապաշտպանական գծում՝ 22-ամյա ֆուտբոլիստին օգտագործելով: «Ես կարդում եմ թերթեր, բայց հիմա ոչինչ հստակ չէ: Արդեն ասել եմ, որ հիանալի ժամանակներ եմ ունեցել «Մոնակոյում», բայց ամեն ինչ էլ հնարավոր է»,-նշել է ֆուտբոլիստը:
18.05.2017

Ֆուտբոլի պատմության թոփ 10 ամենատպավորիչ անվճար տրանսֆերները

Ֆուտբոլի ուժեղագույն կատարողներն այսօր աստղաբաշխական գումարներ արժեն: Բայց երբեմն լինում են բացառություններ. որոշ «ադամանդներ» թիմերին բաժին են հասնում բոլորովին անվճար: Դանի Ալվեշը վերջինն էր նրանցից, ով իր ֆանտաստիկ խաղով ու տարիների փորձով «Յուվենտուսին» հասցրեց մինչև Չեմպիոնների լիգայի եզրափակիչ։ Ներկայացնում ենք ևս 10 հիանալի տրանսֆեր, որոնց վրա թիմերը գումար չեն ծախսել: 1. Ռոբերտո Բաջիո ՝ «Միլանից» «Բոլոնիա», 1997թ. Իտալական ակումբները կարծում էին, թե 30-ամյա Ռոբերտո Բաջիոյի աստղն արդեն մարել է, իսկ հետնապահ «Բոլոնիայի» համար նա շատ լավ «զինվոր» էր Ա սերիայում տեղը պահպանելու պայքարում: Սակայն, լեգենդար հարձակվողն այդ մրցաշրջանում 22 գոլ խփեց և 6 գոլային փոխանցում կատարեց՝ իր թիմին հանելով մինչև մրցաշարային աղյուսակի 8-րդ հորիզոնական: Այս ելույթները ապահովեցին նրա տեղը 1998թ. աշխարհի առաջնությունում, ինչպես նաև առաջարկը «Ինտերից»: 2. Սթիվ Մաքմանաման՝ «Լիվերպուլից» «Ռեալ», 1999թ. «Լիվերպուլը» լքելուց հետո «Ռեալ» տեղափոխությունը հիմա շատ հեշտ որոշում կլինի ֆուտբոլիստների համար, բայց ոչ այն ժամանակ: Ռաուլը զգուշացրել էր Մաքմանամանին, որ ակումբի մթնոլորտը այնքան էլ բարեհաճ չէ, հատկապես նորեկների համար: Սակայն անգլիացին փայլուն հաջողությունների հասավ «Ռեալում»՝ հաղթելով 2 Լա Լիգայի տիտղոս և Չեմպիոնների լիգան:
18.05.2017

Վերատին ասել է, թե որ ակումբ է տեղափոխվելու ՊՍԺ-ից հեռանալուց հետո

«Պարի Սեն Ժերմենի» կիսապաշտպան Մարկո Վերատին, որը մեծ պահանջ է վայելում տրանսֆերային շուկայում, նախընտրություն է տալիս իտալական ակումբներին մասնավորպես՝ «Յուվենտուսին»: «Իտալիան հիանալի ներքին առաջնություն ունի: «Ինտերը», «Միլանը» և «Յուվենտուսը» այն թիմերն են, որոնք մեծ գումարներ են ծախսում: Մենք դա տեսանք Հիգուաինի տրանսֆերի ժամանակ («Յուվենտուսը» 90 մլն. եվրո է վճարել «Նապոլիին»-խմբ.): «Յուվենտուսը» աշխարհի 4  լավագույն թիմերից մեկն է: Նրանք մեծ առաջընթաց են գրանցել: Եթե ապագայում հեռանամ ՊՍԺ-ից, ապա կտեղափոխվեմ «Յուվե», բայց այսօր ես այստեղ եմ»,-Sport-ն է մեջբերում իտալացի ֆուտբոլիստի խոսքերը: Ավելի վաղ տեղեկացվում էր, որ Վերատիի տրանսֆերային իրավունքների ձեռքբերմամբ հետաքրքրված են «Բարսելոնան», «Չելսին», «Արսենալը» և «Մանչեսթեր Յունայթեդը»:
17.05.2017

«Յուվենտուսը» նվաճում է տարվա առաջին տիտղոսը (տեսանյութ)

Իտալիայի գավաթ, եզրափակիչ «Ստադիո Օլիմպիկո», Հռոմ Մայիսի 17, 23։00 «Յուվենտուս» 2-0 «Լացիո» Գոլերը՝ 1-0՝ Դանի Ալվեշ 12', 2-0՝ Բոնուչի 25՛ «Յուվենտուսը» 3-րդ տարին անընդմեջ նվաճեց Իտալիայի գավաթը, որը աննախադեպ ցուցանիշ է իտալական ակումբների շարքում։
17.05.2017

Պոչետինո. «Այդ լուրերը կեղծ են, ես մնում եմ Անգլիայում»

Ագլիական «Տոտենհեմի» գլխավոր մարզիչ Մաուրիսիո Պոչետինոն ժխտել է ակումբը լքելու մասին լուրերը: Ավելի վաղ անգլիական և իտալական մամուլը հայտնում էր, որ «Ինտերը» հետաքրքրված է Պոչետինոյի ծառայություններով  և պատրաստ է վճարել նրա հրաժարագինը, որը կազմում է 4.2 մլն. ֆունտ: Այսօր «Տոտենհեմի» գլխավոր մարզիչն ինքն է հերքել այդ լուրերը. «Այդպիսի լուրեր շատ են տարածվել, սակայն ես մնում եմ Անգլիայում, ես նվիրված եմ «Տոտենհեմին» և ցանկանում եմ շարունակել իմ գործը»,- ասել է անգլիական թիմի գլխավոր մարզիչը: Պոչետինոյի գործող պայմանագիրն ավարտվում է 2021 թվականին, մարզիչն այն թարմացրել է անցած գարնանը: «Տոտենհեմը» ընթացիկ մրցաշրջանն ավարտում է Պրեմիեր լիգայի 2-րդ հորիզոնականում և հնարավորություն է ստացել խաղալ Չեմպիոնների լիգայում: Sky Sports- ի տեղեկությամբ, բացի Պոչետինոյից, «Ինտերի» ներկայացուցիչները հանդիպել են նաև «Չելսիի» գլխավոր մարզիչ Անտոնիո Կոնտեի և Մադրիդի «Ատլետիկոյի» գլխավոր մարզիչ Դիեգո Սիմեոնեի հետ, սակայն երկու մարզիչներն էլ  տեղեկացրել են, որ ցանկանում են մնալ իրենց ակումբներում:
17.05.2017

Անգլիական ակումբը պայմանագիր է առաջարկել Դանի Ալվեշին

«Յուվենտուսի» պաշտպան Դանի Ալվեշը կարող է կարիերան շարունակել «Տոտենհեմում»: Անգլիական ակումբի ղեկավարությունը ցանկանում է ուժեղացնել թիմի պաշտպանությունը և մտադիր է թիմ հրավիրել 34-ամյա բրազիլացուն, ով ներկայումս գտնվում է հիանալի մարզավիճակում: Դեռ 2016թ. ամռանը Ալվեշը խոստովանել էր, որ կցանկանար մի օր խաղալ Պրեմիեր լիգայում: Yahoo Sports-ը, հայտնում է, որ «Տոտենհեմը» 2 տարվա պայմանագիր է առաջարկել Ալվեշին: Նշվում է, որ Չեմպիոնների լիգայի «Յուվենտուս» - «Ռեալ» եզրափակչից հետո կողմերը կքննարկեն Ալվեշի տրանսֆերը:  
ԹԵԺ ԵՎ ԲԱՑԱՌԻԿ

Vivaro News

Հասցե - Գ. Հովսեփյան 20 Հեռ. - 010 510051 E-mail - [email protected]

Ըստ «Հեղինակային իրավունքի եվ հարակից իրավունքների մասին» Հայաստանի Հանրապետության օրենքի 22.1 հոդվածի 2-րդ կետի՝ լրատվական կայքի նյութերից օգտվելու դեպքում սկզբնաղբյուրին հղում կատարելը և նյութի վերնագրում կայքի անունը նշելը պարտադիր է:

ՍՈՑՑԱՆՑԵՐ

% 8 #
Բոլոր իրավունքները պաշտպանված են: